ᐋᐴᓯᑕᓖᑦ ᐱᓂᐊᕐᓂᖏᑦ 24:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ “ᐅᓇ ᐊᖑᑦ ᖃᐅᔨᔭᕗᑦ ᐃᓅᖃᑎᒌᓂᒃ ᓱᕋᒃᑎᕆᔨᐅᖕᒪᑦ, ᔫᑎᓂᒃ ᓇᓂᑐᐃᓐᓇᖅ ᐅᐃᒪᔮᕐᑎᑦᓯᕙᒃᓗᓂ, ᐊᖓᔪᖅᑳᕆᔭᐅᔪᕐᓗ ᓈᓴᕇᑎᒥᐅᓄᑦ ᐅᒃᐱᕐᑐᓂᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 24:5 ပူးပေါင်းရင်းမြစ်များ

ᐃᔅᑕᐅᑉ ᐊᒡᓚᖏᑦ 3:8

ᑕᕝᕙ ᕼᐂᒪᓂ ᐊᖓᔪᖅᑳᕐᔪᐊᕐᒧᑦ ᐊᕼᐊᓱᐃᕋᔅᒧᑦ ᐅᖃᕐᐳᖅ, “ᐃᓅᖃᑎᒌᒡᔪᐊᕐᑕᖃᕐᐳᖅ ᓇᓂᑐᐃᓐᓇᖅ ᓯᐊᒻᒪᖓᔪᓂᒃ ᓄᓇᖁᑎᕕᑦ ᐊᕕᒃᑐᕐᓯᒪᓂᖏᓐᓂ ᓄᓇᖃᕐᑐᓂᒃ; ᑖᒃᑯᐊᓗ ᐃᒻᒥᒍᑦ ᐱᖁᔭᖃᕐᓗᑎᒃ ᐊᑦᔨᒋᔭᐅᖏᑦᑐᓂᒃ ᐃᓅᖃᑎᒌᒡᔪᐊᑦ ᐱᖁᔭᖏᓐᓄᑦ, ᐊᖓᔪᖅᑳᕐᔪᐊᓪᓗ ᐱᖁᔭᖏᓐᓂᒃ ᒪᓕᒐᑎᒃ, ᑍᒤᒻᒪᑦ ᑖᒃᑯᐊ ᑍᒤᓕᖓᑐᐃᓐᓇᕐᑎᓐᓂᐊᕈᕕᒋᑦ ᐃᓕᖕᓄᑦ ᓈᒻᒪᑦᔮᓐᖏᓚᑦ.

ᔨᕆᒤᐊᐅᑉ ᐊᒡᓚᖏᑦ 37:13

ᑭᓯᐊᓂᓕ ᐱᓐᔭᒥᓂᒥᒃ ᐊᑎᖃᕐᑐᒃᑯᑦ ᐃᑎᕐᑕᕐᕕᒃᑯᑦ ᐊᓂᔭᕐᑐᓕᕐᑎᓪᓗᒍ, ᐅᓇᑕᕐᑏᑦ ᖃᐅᔨᓴᕐᑎᐅᔪᑦ ᐊᖓᔪᖅᑳᖓᑦᑕ ᐂᕅᐊᐅᑉ ᓯᓕᒤᐊᐅᑉ ᐃᕐᓂᖓᑕ, ᕼᐊᓇᓁᐊᐅᑉ ᑭᖑᕚᖓᑕ ᔨᕆᒤᐊ ᑎᒍᕚ, ᐅᖃᐅᑎᓪᓗᒍᓗ, “ᑲᐅᓪᑎᐊᒥᐅᓄᑦ ᕿᒫᓇᓱᐊᕐᐳᑎᑦ!”

ᔨᕆᒤᐊᐅᑉ ᐊᒡᓚᖏᑦ 38:4

ᐊᖓᔪᖅᑳᖑᔪᑦ ᐊᖓᔪᖅᑳᕐᔪᐊᕐᒧᑦ ᐅᖃᕐᐳᑦ, “ᐃᓄᒃ ᑖᓐᓇ ᑐᖁᑕᐅᔪᒃᓴᐅᕗᖅ, ᐅᓇᑕᕐᑐᒃᓴᓂᒃ ᓴᐱᕐᓵᕆᖕᒪᑦ ᐃᒡᓗᒐᓴᒡᔪᐊᓂ ᐊᒥᐊᒃᑰᔪᓂᒃ, ᐃᓄᖕᓂᒡᓗ, ᐅᖃᐅᓯᕆᖃᑦᑕᕐᑕᒥᓄᑦ ᐃᓄᖕᓂᒃ ᐱᔪᓐᓇᕐᓯᑎᑦᓯᓇᓱᐊᖏᒻᒪᑦ ᓴᐱᓕᕐᑎᑦᓯᓇᓱᖔᕐᒪᓪᓕ.”

ᐂᒨᓯᐅᑉ ᐊᒡᓚᖏᑦ 7:10

ᐊᒪᔧᐊ ᐱᑎᓕᒥ ᑐᓂᕐᕈᓯᕐᑎᑦᓯᔨ ᑎᓕᓯᓚᐅᕐᐳᖅ ᐅᖃᕆᐊᕐᑐᕐᑎᑦᓯᓪᓗᓂ ᔨᕈᐳᐊᒻᒧᑦ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᓐᓄᑦ, ᐃᒫᒃ, “ᐂᒨᓯ ᐃᓱᒪᓕᐅᓕᕐᒪᑦ ᐊᑭᕋᕐᑐᕈᒪᓪᓗᓂ ᐃᓕᖕᓄᑦ ᐃᓴᕆᐊᓕᒥᐅᑎᒍᑦ, ᐅᖃᐅᓯᖏᓪᓗ ᐊᓯᕈᐃᓂᐊᕐᐳᑦ ᓄᓇᖁᑎᑦᑎᓐᓂᒃ.

ᒫᑎᐅᓯᐅᑉ ᐊᒡᓚᖏᑦ 10:25

ᑍᒤᒻᒪᑦ, ᐃᓕᓐᓂᐊᕐᑎ ᐃᓕᓐᓂᐊᕐᑎᑦᓯᔨᒥᑐᑦ ᑍᒤᓕᕈᓂ ᑕᕝᕙ ᓈᒻᒪᒃᓯᕗᖅ, ᐱᔨᓗ ᐊᖓᔪᖅᑳᖃᕐᑐᖅ ᑍᒫᑦᓮᓐᓇᖅ ᐊᖓᔪᖅᑳᒥᑑᓕᕈᓂ ᑕᕝᕙ ᓈᒻᒪᒃᓯᕗᖅ. ᐃᓚᒌᒃᑐᑦ ᐊᖓᔪᖅᑳᖓᑦ ᐱᐅᓪᓯᐹᐱᒥᒃ ᑍᔭᐅᖃᑦᑕᕐᓯᒪᒃᐸᑦ, ᑕᕝᕙ ᓇᖕᒥᓂᖏᑦ ᐊᑎᖃᕐᑎᑕᐅᓂᐊᕐᐳᑦ, ᐱᐅᖏᓐᓂᕐᓴᐅᒃᑲᓐᓂᕐᑐᒥᒃ!”

ᒫᑎᐅᓯᐅᑉ ᐊᒡᓚᖏᑦ 2:23

ᐃᒡᓗᒐᓴᖕᓄᑦ ᓈᓴᕇᑎᒥᒃ ᐊᑎᓕᖕᓄᑦ ᑎᑭᓐᓇᒥ, ᑕᕝᕙᓂ ᓄᓇᖃᓕᕐᐳᖅ, ᓇᓚᐅᑦᑍᔫᑦ ᐅᖃᐅᓯᕆᓯᒪᔭᖏᑦ ᓇᓚᐅᑦᓯᓕᕐᐳᑦ ᐃᒤᓕᔪᑦ: “ᓈᓴᕇᑎᒥᐅᑕᕐᒥᒃ ᑍᔭᐅᔪᒫᕐᐳᖅ.”

ᒫᑯᓯᐅᑉ ᐊᒡᓚᖏᑦ 1:24

ᕾᒐᓛᓕᕐᐳᖅ, “ᐅᕙᑦᑎᓐᓂᒃ ᖃᓄᐃᓕᐅᕆᐊᕐᑐᕐᐲᑦ ᔩᓱᓯ ᓈᓴᕇᑎᒥᐅᖅ? ᐅᕙᑦᑎᓐᓂᒃ ᐊᓯᕈᐃᔭᕐᑐᕐᐲᑦ? ᖃᐅᔨᒪᕗᖓ ᑭᓇᐅᖕᒪᖔᕐᐱᑦ; ᒎᑎᐅᑉ ᐃᑦᔪᕐᓁᑦᑐᖁᑎᒋᕚᑎᑦ.”

ᓘᑲᓯᐅᑉ ᐊᒡᓚᖏᑦ 23:19

ᐸᕋᐹᓯ ᑎᒍᔭᐅᓯᒪᕕᖕᒧᐊᕐᑎᑕᐅᓯᒪᕗᖅ ᐊᑭᕋᕐᑐᓕᕐᑎᑎᓪᓗᓂ ᐅᐃᒪᔮᕐᑎᑦᓯᓚᐅᕐᒪᑦ ᑕᕝᕙᓂ ᐃᒡᓗᒐᓴᒡᔪᐊᓂ, ᐃᓄᐊᕐᓯᒪᓪᓗᓂᓗ.

ᓘᑲᓯᐅᑉ ᐊᒡᓚᖏᑦ 23:2

ᔩᓱᓯᒥᒃ ᐃᖅᑲᕐᑐᒐᒃᓴᖑᕐᑎᑎᓯᒪᔪᑦ ᐅᖃᕐᐳᑦ, “ᐅᓇ ᖃᐅᔨᓚᐅᕐᐸᕗᑦ ᐃᓅᖃᑎᑦᑎᓐᓂᒃ ᑕᒻᒪᕐᓮᔪᖅ, ᐃᓂᕐᑎᓚᐅᕐᐹᑎᒍᑦ ᓰᓴᕆᒧᑦ ᑖᒃᓰᔭᖃᑦᑕᖁᓇᑕ, ᐃᒻᒥᓂᒃ ᒥᓮᐊᓯᐅᓂᕋᕐᓗᓂ ᐊᖓᔪᖅᑳᕐᔪᐊᖑᓂᕋᓗᓂᓗ.”

ᓘᑲᓯᐅᑉ ᐊᒡᓚᖏᑦ 23:25

ᐰᓛᑑᓯᐅᑉ ᐊᓂᑎᑕᐅᑯᓕᕐᐹ ᐸᕋᐹᓯ ᑎᒍᔭᐅᓯᒪᕕᖕᒦᑦᑐᖅ ᐃᓄᐃᑦ ᐊᓂᑎᑕᐅᖁᔭᖓᑦ, ᐅᐃᒪᔮᕐᑎᑦᓯᓂᖓᓄᑦ ᐃᓄᐊᕐᓯᒪᓂᖓᓄᓪᓗ ᑎᒍᔭᐅᓯᒪᔪᖅ, ᔩᓱᓯ ᐱᔭᐅᑎᓕᕐᐹ ᐃᓄᐃᑦ ᐱᔪᒪᔭᖏᑦ ᒪᓕᒡᓗᒋᑦ; ᐃᓱᒪᕐᓲᑎᒋᓗᒍ ᐱᓂᐊᕐᕕᒋᓂᐊᕐᒪᑦᔪᒃ.

ᓘᑲᓯᐅᑉ ᐊᒡᓚᖏᑦ 23:5

ᑖᒃᑯᐊ ᐱᒋᐊᓪᓚᒃᑲᓐᓂᕐᐳᑦ ᐊᒃᓱᕈᓕᕐᓗᑎᒃ, ᐅᖃᕐᐳᑦ, “ᐆᒪ ᐃᓄᐃᑦ ᐊᔪᕆᕐᑐᐃᑦᔪᑎᒥᓄᑦ ᐅᐃᒪᔮᕐᑎᑉᐰᑦ, ᔫᑎᐊᓕᒫᒥ, ᒐᓕᓕᐊᒥᓪᓗ ᐱᒋᐊᕐᓗᓂ ᒪᐅᖓᓘᓐᓃᑦ ᐊᒡᓛᑦ ᑎᑭᑉᐳᖅ.”

ᐋᐴᓯᑕᓖᑦ ᐱᓂᐊᕐᓂᖏᑦ 15:5

ᐅᒃᐱᕐᑐᓪᓕ ᐃᓚᖏᑦ ᐹᕆᓯᓄᑦ ᐃᓚᒋᔭᐅᔪᑦ ᐅᖃᓕᕐᐳᑦ, “ᑍᒃᑯᐊ ᑭᐱᔭᐅᔭᕆᐊᖃᕐᐳᑦ ᒨᓯᓯᐅᓪᓗ ᐱᖁᔭᖏᓐᓂᒃ ᒪᓕᖁᔭᐅᓗᑎᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 21:28

ᕾᒐᓛᓕᕐᐳᑦ, “ᐃᓴᕆᐊᓕᒥᐅᑕᐅᔪᓯ ᐃᑲᔪᕐᑎᒍᑦ! ᐅᒫ ᐃᓄᐃᑦ ᓇᓂᑐᐃᓐᓇᖅ ᓄᓇᖃᕐᑐᑦ ᐊᔪᕆᕐᑐᖃᑦᑕᕐᒪᒋᑦ ᐃᓅᖃᑎᕗᓪᓗ ᐱᖁᔭᓂᒃ ᑐᒃᓯᐊᕐᕕᒡᔪᐊᒥᒡᓗ ᒪᓕᖁᓇᒋᑦ, ᒫᓐᓇ ᒍᕇᑭᓂᒃ ᐊᒡᓛᑦ ᑐᒃᓯᐊᕐᕕᒡᔪᐊᕐᒧᑦ ᐃᑎᕐᑎᑦᓯᓯᒪᓕᕐᐳᖅ ᐃᑦᔪᕐᓁᑦᑐᒥᒃ ᓇᕐᕈᓇᕐᓯᑎᑦᓯᓪᓗᓂ.”

ᐋᐴᓯᑕᓖᑦ ᐱᓂᐊᕐᓂᖏᑦ 22:22

ᐃᓄᐃᑦ ᐸᐅᓗᓯᒥᒃ ᓈᓚᑦᓯᐊᕐᐳᑦ; ᐅᖃᐅᓯᕆᔭᖏᑦ ᑭᖑᓪᓕᕐᐹᑦ ᑎᑭᓪᓗᒋᑦ, ᓂᐱᖁᕐᑐᓪᓗᑎᒃ ᓂᓪᓕᐊᓚᐅᕐᐳᑦ, “ᑖᓐᓇ ᑐᖁᑕᐅᓕ, ᑍᒤᑦᑐᖅ ᐃᓅᔪᒃᓴᐅᖏᒻᒪᕆᒃᐳᖅ ᓄᓇᒥ.”

ᐋᐴᓯᑕᓖᑦ ᐱᓂᐊᕐᓂᖏᑦ 24:14

ᐊᓐᖏᒍᑎᔪᒪᓐᖏᓚᒋᑦ; ᓯᕗᓕᕕᓂᑦᑕ ᒎᑎᖓ ᑐᒃᓯᐊᕐᕕᒋᕙᒃᐸᕋ, ᒫᓐᓇ ᐊᑕᓂᕐᒧᑦ ᒪᓕᒡᑎᐅᓂᕐᒥᒃ ᐃᓚᐅᕗᖓ, ᑖᒃᑯᐊ ᓱᓕᖏᑦᑐᒧᑦ ᐅᒃᐱᕈᓯᐅᓂᕋᕐᑕᖓᓐᓄᑦ, ᐅᒃᐱᕈᓱᑦᓯᐊᕐᐳᖓ ᒨᓯᓯᐅᑉ ᐱᖁᔭᖏᓐᓂᒃ, ᓇᓚᐅᑦᑍᔪᓪᓗ ᐊᒡᓚᖏᓐᓂ ᑎᑎᕋᕐᓯᒪᔪᓂᒃ,

ᐋᐴᓯᑕᓖᑦ ᐱᓂᐊᕐᓂᖏᑦ 24:4

ᐃᓱᒪᔮᕐᑎᒃᑲᓐᓂᕈᒪᖏᒃᑲᓗᐊᕐᐸᒋᑦ, ᐃᓱᒪᒋᔭᑦᑎᓐᓂᒡᓕ ᑐᓵᖁᒐᓗᐊᕐᐸᑦᑎᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 25:7

ᐸᐅᓗᓯ ᑕᕝᕗᓐᖓᕐᒪᑦ ᔫᑎᑦ ᔨᕉᓴᓕᒻᒥᑦ ᐱᓯᒪᔪᑦ ᐊᕙᑖᓂ ᓇᖏᕐᐳᑦ, ᐊᒥᓱᓂᒃ ᐱᓪᓚᕆᐊᓗᖕᓂᒃ ᐸᓯᔭᐅᑦᔪᑎᖏᓐᓂᒃ ᓴᖅᑭᑎᑦᓯᕗᑦ, ᓇᖕᒥᓂᕐᓘᓐᓃᑦ ᓱᓕᓂᖏᓐᓂᒃ ᓇᓗᓁᕈᓐᓇᓐᖏᑕᒥᖕᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 26:5

ᐊᑯᓂᐊᓗᒃ ᖃᐅᔨᒪᓕᕐᒪᑕ ᐅᕙᓐᓂᒃ ᐅᖃᑦᓯᐊᕈᓐᓇᕐᓗᑎᒃ ᐅᖃᕈᒪᒍᑎᒃ; ᐹᕆᓯᓄᑦ ᐃᓚᒋᔭᐅᓚᐅᕋᒪ ᑍᒃᑯᓄᖓ ᒪᓕᒋᐊᖃᕐᑕᒥᖕᓂᒃ ᐊᑐᕋᓱᒃᑲᐅᓂᕐᐹᖑᔪᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 28:22

ᑐᓴᕈᒪᔪᐊᓘᕗᒍᓪᓕ ᐃᓱᒪᒋᔭᕐᓂᒃ; ᖃᐅᔨᒪᒐᑦᑕ ᓇᓂᑐᐃᓐᓇᖅ ᐃᓄᐃᑦ ᐊᑭᕋᕐᑐᖃᑦᑕᕐᒪᑕ ᑕᒪᑐᒧᖓ ᐃᓚᐅᕕᒋᔭᕐᓄᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 5:17

ᑐᓂᕐᕈᓯᕐᑎᑦᓯᔨᑦ ᐊᖓᔪᖅᑳᖓᑦ ᐃᓚᒋᔭᓐᖏᓪᓗ ᓵᑦᔪᓰᑦ, ᐃᓱᒪᒋᔭᐅᓐᖏᓗᐊᕋᓱᒋᓕᕋᒥᒃ ᓈᒻᒪᒃᓴᕈᒃᓃᕐᐳᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 6:13

ᑎᒍᔭᐅᑎᑦᓯᔪᑦ ᑲᑎᒪᔨᕐᔪᐊᓄᐊᕐᑎᑦᓯᕗᑦ ᐊᖑᑎᓂᒃ ᓯᑎᐹᓇᓯᒥᒃ ᓴᒡᓗᑎᖃᕐᓂᐊᕐᑐᓂᒃ, ᐅᖃᕐᓗᑎᒃ, “ᐅᓇ ᐊᖑᑦ ᐊᑭᕋᕐᑐᕐᓗᓂ ᑐᒃᓯᐊᕐᕕᒡᔪᐊᑦᑎᓐᓂᒃ ᐃᑦᔪᕐᓁᑦᑐᒥᒃ ᒨᓯᓯᐅᓪᓗ ᐱᖁᔭᖏᓐᓂᒃ ᐅᖃᐅᓯᖃᖃᑦᑕᕐᑐᖅ;

ᑯᕆᓐᑎᐊᒥᐅᓄᑦ ᓯᕗᓪᓖᑦ 11:19

ᓇᓗᓇᓐᖏᓚᖅ ᐊᕕᒃᓯᒪᓂᖃᕆᐊᖃᕋᑦᓯ ᓇᓛᒎᕐᑐᑦ ᐊᑯᓐᓇᑦᓯᓐᓂ ᓇᓗᓇᖏᑦᑐᒥᒃ ᓴᖅᑭᔮᑦᓯᐊᖁᓪᓗᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:13

ᐅᖃᕐᓂᕐᓗᒡᕕᐅᔭᕌᖓᑦᑕ, ᐱᑦᓯᐊᕐᓂᕐᒥᒃ ᑭᐅᕙᒃᐳᒍᑦ; ᒫᓐᓇᒧᑦ ᐊᒡᓛᑦ ᑎᑭᓪᓗᑕ ᓯᓚᕐᔪᐊᕐᒥᐅᑦ ᐊᒃᑕᕐᓗᑯᖏᑎᑐᑦ ᑍᒤᑉᐳᒍᑦ; ᓇᖁᔭᕐᓇᕐᑐᑎᑐᑦ ᐱᐅᖏᓐᓂᕐᐹᑎᑐᑦ ᐃᓄᓕᒫᓄᑦ ᑍᒤᓪᓗᑕ.

ᐲᑦᑐᕉᓯ ᓯᕗᓪᓖᑦ 2:19

ᑕᒪᓐᓇ ᓮᒻᒪᕐᑎᑕᐅᓇᕐᒪᑦ, ᒎᑎᒥᒃ ᐃᓱᒪᖃᕐᓗᓂ, ᐃᓄᒃ ᐃᓗᖏᕐᓱᕐᑎᑕᐅᒃᐸᑦ ᓈᒻᒪᓈᕐᑕᐅᓯᒪᖏᓪᓗᓂ.