15 ᐊᑯᓂ ᑕᕝᕙᓃᓚᐅᕐᓗᑕ, ᐸᕐᓇᓕᕐᐳᒍᑦ ᔨᕉᓴᓕᒻᒧᑦ ᐊᐅᓪᓚᕐᓗᑕ.
ᓯᓴᕆᐊᒧᑦ ᑎᑭᓐᓇᒥ, ᔨᕉᓴᓕᒻᒧᐊᕐᐳᖅ ᐅᒃᐱᕐᑑᖃᑎᖐᓂᒃ ᑲᑎᓯᓚᐅᕐᓗᓂ, ᐊᓐᑎᐅᑭᐊᒧᑦ ᐊᐅᓪᓚᓕᕆᕗᖅ.
ᑕᒪᒃᑯᐊ ᐱᓚᐅᕐᑎᓪᓗᒋᑦ, ᐸᐅᓗᓯ ᐊᓂᕐᓂᒃᑯᑦ ᐃᓱᒪᑖᕐᐳᖅ ᒫᓯᑑᓂᐊᒃᑰᕐᓗᓂ ᐊᑬᐊᒃᑯᓪᓗ ᔨᕉᓴᓕᒻᒧᐊᕈᒪᓪᓗᓂ, ᐅᖃᕐᐳᖅ, “ᑍᑲᓃᓚᐅᕐᓗᖓ, ᕉᒪᒧᐊᕆᐊᖃᕆᕗᖓ.”
ᑕᒪᓐᓇ ᑐᓴᕋᑦᑎᒍ, ᑕᒪᑦᑕ ᐸᐅᓗᓯ ᐃᓂᕐᑎᕋᓱᐊᓕᕐᐸᕗᑦ ᔨᕉᓴᓕᒻᒧᐊᖁᓇᒍ.
ᕕᓯᑕᓯ ᐅᓪᓗᓂᒃ ᐱᖓᓱᓂᒃ ᓄᓇᖁᑎᒥᓃᓕᕋᒥ, ᓯᓴᕆᐊᒥᑦ ᔨᕉᓴᓕᒻᒧᐊᕐᐳᖅ.
ᕕᓯᑕᓯᓕ ᐅᓪᓗᓂᒃ 8ᓂᒃ 10ᓂᒃᓘᓐᓂᑦ ᖃᓂᒋᔮᓂ ᑕᕝᕙᓃᓚᐅᕐᓗᓂ, ᓯᓴᕆᐊᒧᑦ ᐅᑎᕐᐳᖅ; ᖃᐅᑎᓪᓗᒍ ᐃᖅᑲᕐᑐᐃᕕᖕᒥ ᑲᑎᒪᑎᑦᓯᕗᖅ, ᐸᐅᓗᓯ ᑕᕝᕗᓐᖓᐅᑦᔭᐅᖁᕚ.
ᕕᓯᑕᓯ ᔫᑎᓄᑦ ᐊᑲᐅᒋᔭᐅᔪᒪᓪᓗᓂ, ᐸᐅᓗᓯ ᐊᐱᕆᕚ, “ᖃᓄᐃᒃᓴᕋᔭᓐᖏᓚᑏᑦ ᔨᕉᓴᓕᒻᒧᐊᕐᓗᑎᑦ, ᑕᒪᒃᑯᐊ ᑍᑲᓂ ᐃᓚᐅᑎᓪᓗᖓ ᐃᖅᑲᕐᑐᕐᑕᐅᑦᔪᑎᒋᒐᓗᐊᕈᕕᒋᑦ?”
