ᐋᐴᓯᑕᓖᑦ ᐱᓂᐊᕐᓂᖏᑦ 2:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᔫᑎᑦ ᔫᑎᓄᓪᓗ ᐃᓚᒋᔭᐅᓕᕐᓯᒪᔪᑦ, ᑯᕇᑕᒥᐅᓪᓗ ᐊᕅᐱᐊᒥᐅᓪᓗ, ᑕᒪᑦᑕ ᑐᓵᕗᒍᑦ ᐅᖃᐅᓯᑐᖃᑦᑎᓐᓂᒃ ᐊᑐᕐᓗᑎᒃ ᐅᖃᐅᓯᖃᕐᑎᓪᓗᒋᑦ ᒎᑎᐅᑉ ᐱᓂᐊᕐᓂᖏᓐᓂᒃ ᑲᒪᓇᕐᑐᓂᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 2:11 ပူးပေါင်းရင်းမြစ်များ

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:10

ᐃᓚᖓᑦ ᑲᒪᓇᕐᑐᓕᔪᓐᓇᕐᓂᕐᒥᒃ ᑐᓂᓯᕕᐅᕗᖅ; ᐃᓚᖓᓪᓗ ᒎᑎᐅᑉ ᐅᖃᐅᓯᕆᔭᐅᑯᔭᖏᓐᓂᒃ ᑐᓂᓯᕕᐅᕗᖅ; ᐃᓚᖓᓪᓗ ᐊᓂᕐᓃᑦ ᖃᓄᐃᑦᑑᓂᖏᓐᓂᒃ ᖃᐅᔨᑎᑕᐅᓂᕐᒥᒃ ᑐᓂᓯᕕᐅᕗᖅ; ᐃᓚᖓᓪᓗ ᑐᓴᕐᖓᕐᑕᓂᕐᓄᑦ ᐊᑦᔨᒌᖏᑦᑐᓄᑦ ᐅᖃᕈᓐᓇᕐᓂᕐᒥᒃ ᑐᓂᓯᕕᐅᕗᖅ; ᐃᓚᖓᓪᓗ ᑐᓂᓯᕕᐅᕗᖅ ᑐᓴᕐᖓᕐᑕᕈᑎᐅᔪᓂᒃ ᑐᑭᓯᓇᕐᓯᑎᑦᓯᔪᓐᓇᕐᓂᕐᒥᒃ.

ᒨᓯᓯ ᐂᑉᐸᖏᑦ 15:11

ᐊᑕᓃᖅ, ᒎᑎᒋᔭᐅᔪᓄᑦ ᓇᓪᓕᐊᓐᓄᑦ ᐊᑦᔨᐅᑎᑕᒃᓴᐅᕖᑦ? ᐃᓕᒃᑐᓪᓗ ᐃᑦᔪᕐᓁᑦᑐᕐᔪᐊᖑᑎᒋᔪᒥᒃ ᐱᑕᖃᕐᐹ? ᐃᓕᒃᑐᑦ ᐊᔪᖏᑦᑐᕐᔪᐊᖑᑎᒋᔪᒥᒃ ᑲᒪᓇᕐᑐᓕᔪᓐᓇᕐᑐᖃᕐᐹ?

ᐄᑉᕈᐃᓄᑦ 2:4

ᒎᑎᑦᑕᐅᖅ ᓇᓗᓁᕐᓯᖃᑦᑕᐅᓚᐅᕆᕗᖅ ᑖᒃᑯᓄᖓ ᓴᖅᑭᑎᑦᓯᓪᓗᓂ ᓇᓗᓁᒃᑯᑕᕐᓂᒃ ᑲᒪᓇᕐᑐᓕᓂᕐᓂᒡᓗ ᐊᑦᔨᒌᖏᑦᑐᓂᒃ ᐊᓂᕐᓂᐅᓪᓗ ᐃᑦᔪᕐᓁᑦᑑᑉ ᑐᓂᕐᕈᑎᖏᓐᓂᒃ ᐱᑎᑦᓯᓪᓗᓂᒃ ᐱᔪᒪᔭᓂ ᒪᓕᒡᓗᒍ.

ᑍᑑᓯᒧᑦ 1:12

ᑖᒃᑯᐊ ᑯᕇᑕᒥᐅᑦ ᐃᓚᖓᑦ, ᓇᖕᒥᓂᖅ ᓇᓚᐅᑦᑍᔪᖁᑎᖓᑦ ᓱᓕᓪᓗᓂ ᐅᖃᓚᐅᕐᐳᖅ, “ᑯᕇᑕᒥᐅᑦ ᓴᒡᓗᑐᔪᕗᑦ, ᓇᒡᓕᖕᓂᖃᕋᑎᒃ, ᐃᕿᐊᑕᐅᓪᓗᑎᒡᓗ, ᓂᕆᔪᐊᓗᑐᐃᓐᓁᑦ.”

ᔨᕆᒤᐊᐅᑉ ᐊᒡᓚᖏᑦ 25:24

ᐊᕋᐱᐊᒥᐅᓪᓗ ᐊᖓᔪᖅᑳᕐᔪᐊᓕᒫᖏᑦ, ᓱᓇᖃᔪᐃᑦᑐᒥᓗ ᓄᓇᖃᕐᑐᑦ ᐊᖓᔪᖅᑳᕐᔪᐊᖏᑦ.

ᐃᓐᖏᕈᑎᑦ 26:7

ᓂᐱᖅᑯᕐᑐᓗᖓ ᓂᓪᓕᐊᑦᔪᑎᒋᓪᓗᒍ ᓂᕐᑐᕐᓇᕐᓃᑦ, ᐱᓂᐊᕐᓂᑎᓪᓗ ᑲᒪᓇᕐᑐᑦ ᐅᓂᒃᑲᐅᓯᕆᓗᒋᑦ.

ᔫᐱᐅᑉ ᐊᒡᓚᖏᑦ 9:10

ᑖᑦᓱᒪ ᐱᓇᓱᐊᕐᓂᕐᔪᐊᖏᑦ ᑐᑭᓯᔪᓐᓇᓐᖏᓚᕗᑦ, ᑲᒪᓇᕐᑐᓕᓂᖏᓪᓗ ᓈᓴᕐᑕᐅᔪᓐᓇᕋᑎᒃ.

ᑍᑑᓯᒧᑦ 1:5

ᑍᒤᒻᒪᑦ ᕿᑭᕐᑕᒥᐅᓄᑦ ᑯᕇᑎᒧᑦ ᕿᒪᓚᐅᕐᐸᒋᑦ, ᐱᓇᓱᐊᒃᑲᓐᓂᕆᐊᓕᖕᓂᒃ ᐋᖅᑭᒃᓱᐃᖁᓪᓗᑎᑦ, ᐅᒃᐱᕐᑑᖃᑎᒌᒃᑐᓂᓗ ᓯᕗᓕᕐᑎᐅᓂᐊᕐᑐᓂᒃ ᑎᓕᓯᖁᓪᓗᑎᑦ ᓄᓇᓕᓕᒫᓂ ᑍᒫᒃ ᐱᖁᓚᐅᕋᒃᑭᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 27:12

ᐅᒥᐊᕐᔪᐊᖃᕐᕕᒃ ᑖᓐᓇ ᐅᑭᐅᒥ ᐊᑲᐅᒐᔭᖏᒻᒪᑦ, ᐅᓄᕐᓂᕐᓮᑦ ᐊᐅᓪᓚᕈᒪᓕᕐᐳᑦ, ᕖᓂᒃᓯᒧᑦ ᑎᑭᓐᓇᓱᐊᕈᒪᓪᓗᑎᒃ, ᐅᑭᐅᖑᓂᖓᓂ ᑍᑲᓃᑦᑐᒪᓪᓗᑎᒃ, ᑖᓐᓇ ᕖᓂᒃᓯ ᐅᒥᐊᕐᔪᐊᒃᑯᕕᒃ ᑯᕇᑎᒥ ᓯᕿᓂᐅᑉ ᓂᐱᕕᐊᓄᑦ ᓵᓐᖓᖕᒪᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 27:7

ᐅᒥᐊᕐᑐᕐᓗᑕ ᓱᒃᑬᑉᐳᒍᑦ ᐊᒡᒍᒧᑦ ᐃᖏᕐᕋᓇᓱᐊᒡᒐᑐᐃᓐᓇᕐᓗᑕ ᐅᓪᓗᓂᒃ ᐊᒥᓱᓂᒃ ᓁᑕᓯᐅᑉ ᖃᓂᒋᔭᖓᓄᑦ ᑎᑭᑍᓐᓇᕐᐳᒍᑦ, ᐊᓄᕆᒧᑦ ᐅᐸᒍᒪᔭᑦᑎᓐᓄᑦ ᑐᕌᕐᑎᑕᐅᔪᓐᓇᖏᓐᓇᑦᑕ ᕿᑭᕐᑕᐅᑉ ᑯᕇᑎᒥᒃ ᐊᑎᓕᐅᑉ ᐅᖅᑯᐊᒍᑦ ᐅᒥᐊᕐᑐᕐᐳᒍᑦ, ᓵᓪᒧᓂᐅᑉ ᓴᓂᐊᒎᕐᓗᑕ.

ᔨᕆᒤᐊᐅᑉ ᐊᒡᓚᖏᑦ 3:2

ᐱᖑᐃᑦ ᖄᖏᓐᓄᑦ ᑕᑯᓴᓕᕆᑦᓯ, ᐊᓯᓐᓂᐊᕐᕕᒋᓯᒪᓐᖏᑕᑦᓯᓐᓂᒃ ᐱᑕᖃᕐᐹ? ᐊᖅᑯᑏᑦ ᓴᓂᕌᓂ ᐅᑕᖅᑭᕗᓯ ᐅᖓᒋᔭᑦᓯᓐᓂᒃ, ᓄᓇᖁᑎᖃᖏᑦᑐᑎᑐᑦ ᑍᒤᓪᓗᓯ ᓲᕐᓗ ᐃᓄᖃᔪᐃᑦᑐᒦᑦᑐᑎᑐᑦ ᐋᕋᑉᒥᐅᑎᑐᑦ, ᓄᓇ ᓇᕐᕈᓇᕐᓯᑎᑉᐸᓯ ᐊᖑᓐᓂᐊᕐᑎᑎᑐᑦ ᐃᓕᖅᑯᓯᖃᕐᓂᑦᓯᓐᓄᑦ ᐱᐅᖏᑦᑐᓕᓂᑦᓯᓐᓄᓪᓗ.

ᐂᓮᐊᓯᐅᑉ ᐊᒡᓚᖏᑦ 28:29

ᑍᒫᒃᑕᐅᖅ ᑕᒪᓐᓇ ᕿᓚᒥᐅᒐᓴᒡᔪᐃᑦ ᐊᑕᓂᖓᓐᓂᑦ ᐱᕗᖅ; ᑖᑦᓱᒪ ᐅᖃᐅᑦᔪᐃᓂᖓ ᐱᐅᔪᐊᓘᖕᒪᑦ, ᓯᓚᑐᓂᖓᓗ ᐱᐅᓂᕐᐹᖑᓪᓗᓂ.

ᐂᓮᐊᓯᐅᑉ ᐊᒡᓚᖏᑦ 25:1

ᐊᑕᓃᖅ ᒎᑎᒋᕙᒋᑦ, ᐊᖏᔪᕈᕐᑎᑦᓱᒪᕙᒋᑦ ᐊᑏᓪᓗ ᓂᕐᑐᕈᒪᕙᕋ; ᐱᓇᓱᐊᕐᓯᒪᒐᕕᑦ ᑲᒪᓇᕐᑐᓂᒃ; ᓱᕐᕋᓚᐅᕐᓯᒪᓇᒃ ᐃᓱᒪᒋᓯᒪᔭᑎᑦ ᐊᑯᓂᓂᑦ ᑲᔪᓯᑎᓯᒪᒐᕕᒋᑦ.

ᐂᓮᐊᓯᐅᑉ ᐊᒡᓚᖏᑦ 13:20

ᐃᓄᖃᓚᐅᕐᓯᒪᔪᓐᓃᕈᒫᕐᐳᖅ ᓄᓇᒋᔭᐅᕙᒍᓐᓃᕐᓗᓂᓗ ᑭᖑᕚᕇᓕᒫᓄᑦ, ᐋᕋᑉᒥᐅᓄᑦ ᑐᐱᖃᕐᕕᐅᔪᓐᓇᕈᒫᓐᖏᓚᖅ, ᓰᐱᓕᕆᔩᓪᓗ ᓰᐱᖁᑎᑎᒃ ᑕᒫᓃᑎᑦᓱᓐᓇᕈᒫᓐᖏᓔᑦ.

ᐃᓐᖏᕈᑎᑦ 136:4

ᑲᒪᓇᕐᑐᓕᔪᑑᓚᐅᕐᑐᖅ ᐊᖏᔪᕐᔪᐊᒥᒃ ᖁᔭᒋᓯᐅᒃ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ;

ᐃᓐᖏᕈᑎᑦ 111:4

ᐱᓇᓱᐊᕐᓯᒪᔭᖏᑕ ᐱᐅᔪᐊᓘᓂᖏᑦ ᐃᖅᑲᐅᒪᔭᐅᑦᔪᑎᒃᓴᓕᐅᕐᓯᒪᕔᑦ; ᐊᑕᓂᖅ ᐱᑦᓯᐊᕐᑐᐊᓘᕗᖅ ᓂᑲᒍᓱᒃᑑᓪᓗᓂᓗ.

ᐃᓐᖏᕈᑎᑦ 107:21

ᑖᒃᑯᐊ ᐊᑕᓂᖅ ᖁᔭᒋᓂᐊᕐᐹᑦ ᓇᒡᓕᒍᓱᐃᓐᓇᕐᓂᖓ ᐱᑦᔪᑎᒋᓪᓗᒍ, ᐱᐅᔪᐊᓗᖕᒥᒡᓗ ᐱᓇᓱᐊᕐᓯᒪᓂᖓ ᐃᓄᐃᑦ ᕿᑐᕐᖓᖏᓐᓄᑦ ᐱᑦᔪᑎᒋᓗᒍ!

ᐃᓐᖏᕈᑎᑦ 107:15

ᑖᒃᑯᐊ ᐊᑕᓂᖅ ᖁᔭᒋᓂᐊᕐᐹᑦ ᓇᒡᓕᒍᓱᐃᓐᓇᕐᓂᖓ ᐱᑦᔪᑎᒋᓪᓗᒍ, ᐱᐅᔪᐊᓗᖕᒥᒡᓗ ᐱᓇᓱᐊᕐᓯᒪᓂᖓ ᐃᓄᐃᑦ ᕿᑐᕐᖓᖏᓐᓄᑦ ᐱᑦᔪᑎᒋᓗᒍ!

ᐃᓐᖏᕈᑎᑦ 107:8

ᑖᒃᑯᐊ ᐊᑕᓂᖅ ᖁᔭᒋᓕᑦᔪᒃ ᓇᒡᓕᒍᓱᑦᓮᓐᓇᕐᓂᖓ ᐱᓪᓗᒍ, ᐱᓂᐊᕐᓂᖏᓪᓗ ᑲᒪᓇᕐᑐᑦ ᐃᓄᐃᑦ ᕿᑐᕐᖓᖏᓐᓄᑦ ᐱᑦᔪᑎᒋᓗᒋᑦ!

ᐃᓐᖏᕈᑎᑦ 96:3

ᑖᑦᓱᒪ ᓂᕐᑐᕐᓇᕐᓂᖓ ᐃᓅᖃᑎᒌᒡᔪᐊᓄᑦ ᐅᖃᐅᑎᒋᓯᐅᒃ, ᑲᒪᓇᕐᑐᓕᓂᖏᓪᓗ ᐃᓅᖃᑎᒌᒡᔪᐊᓕᒫᓄᑦ!

ᐃᓐᖏᕈᑎᑦ 89:5

ᐊᑕᓃᖅ, ᕿᓔᑦ ᓂᕐᑐᐃᓚᐅᕐᓕᑦ ᑲᒪᓇᕐᑐᓕᓂᑎᑦ ᐱᓪᓗᒋᑦ, ᓱᖁᓯᔪᐃᑦᑑᓃᓪᓗ ᐃᑦᔪᕐᓁᑦᑐᖁᑎᕕᑦ ᑲᑎᓐᖓᓂᖓᓃᑉᐳᖅ.

ᐃᓐᖏᕈᑎᑦ 78:4

ᑕᒪᒃᑯᐊ ᐃᔨᕐᓯᒪᓂᐊᓐᖏᓚᕗᑦ ᕿᑐᕐᖓᖏᓐᓄᑦ, ᑭᖑᕚᓄᑦ ᐃᓅᔪᒫᕐᑐᓄᑦ ᐅᖃᐅᓯᐅᓕᑦ ᐊᑕᓂᐅᑉ ᐱᓐᓇᕐᓇᕐᑐᕐᔪᐊᑦ ᐱᓂᐊᕐᓯᒪᔭᖏᑦ, ᓴᓐᖏᔫᓂᖓ, ᐱᓂᐊᕐᓂᖏᓪᓗ ᑲᒪᓇᕐᑐᑦ ᐱᓂᐊᖃᑦᑕᕐᓯᒪᔭᖏᑦ.

ᐃᓐᖏᕈᑎᑦ 77:11

ᐊᑕᓂᐅᑉ ᐱᓂᐊᕐᓂᕆᓯᒪᔭᖏᑦ ᐳᐃᒍᕐᓂᐊᓐᖏᓚᒃᑲ; ᐃᓛᒃ, ᑍᑦᓱᒪᓂᐊᓗᒃ ᑲᒪᓇᕐᑐᓕᓂᑎᑦ ᐃᖅᑲᐅᒪᔪᒪᕙᒃᑲ.

ᐃᓐᖏᕈᑎᑦ 71:17

ᒎᑏ, ᐊᔪᕆᕐᑐᕋᕕᖓ ᑍᒪᓐᖓᑦ ᐃᓅᓱᒃᑑᓂᓐᓂᑦ, ᐱᓂᐊᕐᓂᑎᓪᓗ ᑲᒪᓇᕐᑐᑦ ᓱᓕ ᐅᓪᓗᒥ ᐅᖃᐅᓯᕆᕙᒃᑲ.

ᐃᓐᖏᕈᑎᑦ 40:5

ᐊᑕᓃᖅ, ᒎᑎᒐ, ᐱᓂᐊᕐᓂᑎᑦ ᑲᒪᓇᕐᑐᑦ ᐅᓄᕐᑑᕗᑦ, ᐱᓂᐊᕐᓂᕆᖃᑦᑕᕐᓯᒪᔭᑎᑦ. ᐅᕙᑦᑎᓐᓂᒡᓗ ᐃᓱᒪᓕᐅᕈᑎᖃᕐᓂᑎᑦ ᐃᓕᖕᓄᑦ ᑭᖑᓕᕇᒃᓗᑎᒃ ᐃᖅᑲᐅᒪᔭᐅᔪᓐᓇᓐᖏᓚᑦ; ᓇᓗᓁᕋᓱᐊᕈᒃᑭᑦ ᐅᖃᐅᓯᕆᓗᒋᓪᓗ, ᐅᓄᓗᐊᕐᒪᑕ ᓈᓴᕐᑕᐅᔪᓐᓇᖏᓚᑦ.

ᑯᕉᓂᑲ ᐂᑉᐸᖏᑦ 26:7

ᒎᑎᐅᑉ ᐃᑲᔪᓚᐅᕐᐹ ᐅᓇᑕᕐᓂᖓᓂ ᐱᓕᔅᑍᓂᒥᐅᓂᒃ, ᐋᕋᑉᓂᒡᓗ ᒎᕐ-ᐰᓕᒥ ᓄᓇᖃᕐᑐᓂ, ᒥ-ᔫᓂᒥᐅᓂᒡᓗ.

ᑯᕉᓂᑲ ᐂᑉᐸᖏᑦ 17:11

ᐱᓕᔅᑍᓂᒥᐅᓪᓗ ᐂᑦᑐᐃᔭᕐᑐᕐᐳᑦ ᔨᕼᐆᓴᐸᑦᒧᑦ ᐊᑭᓕᐅᑎᒥᖕᓂᒃ ᓯᐅᓪᕕᕆᓂᒃ, ᐋᕋᑉᒥᐅᓪᓗ ᑐᓂᓯᒋᕗᑦ ᓰᐱᐅᑉ ᐊᖑᓴᓪᓗᖏᓐᓂᒃ 7,700ᓂᒃ, ᒎᑦᓰᓪᓗ ᐊᖑᓴᓪᓗᖏᓐᓂᒃ 7,700ᓂᒃ.

ᐊᑕᓃᑦ ᓯᕗᓪᓖᑦ 10:15

ᑕᒪᒃᑯᐊ ᐊᓯᖏᑎᒍᑦ ᐱᑎᑕᐅᕙᓚᐅᕆᕗᖅ ᑖᒃᓯᑎᒍᑦ ᐊᑭᓕᐅᑕᐅᔪᓂᒃ ᓂᐅᕕᐅᑎᑎᒍᑦ ᑕᐅᕐᓯᓃᓪᓗ ᕿᑐᕐᖏᐅᕐᓂᖏᑎᒍᑦ, ᐊᕅᐱᐊᒥᐅᓪᓗ ᐊᖓᔪᖅᑳᕐᔪᐊᖏᑕ ᑐᓂᔭᖏᑦ ᓄᓇᓕᖕᓄᓪᓗ ᓯᕗᓕᕐᑎᐅᔪᓂᑦ ᐃᓴᕆᐊᓕᑎᑦ ᓄᓇᖏᓐᓂᑦ.

ᒐᓔᑎᐊᒥᐅᓄᑦ 4:25

ᐂᒐᕐ ᖃᖅᑲᒥ ᓮᓁᒥ ᐱᓂᐊᓂᐅᓯᒪᔪᒥᒃ ᑐᑭᖃᕐᐳᖅ ᐊᕅᐱᐊᒥᒃ; ᑖᓐᓇᓗ ᑐᑭᖃᕐᐳᖅ ᔨᕉᓴᓕᐅᑉ ᐃᒡᓗᒐᓴᒡᔪᐊᖏᓐᓂᒃ ᐅᓪᓗᒥ, ᑎᒍᔭᐅᓯᒪᓪᓗᑎᒃ ᓯᐊᓛᕆᔭᐅᔪᓂᒃ.

ᒐᓔᑎᐊᒥᐅᓄᑦ 1:17

ᔨᕉᓴᓕᒻᒧᓪᓘᓐᓃᑦ ᐂᖅᑳᓚᐅᓐᖏᓚᖓ ᓯᕗᓪᓕᐅᓪᓗᑎᒃ ᐋᐴᓯᑕᓕᓐᖑᖅᑳᕐᑐᕕᓃᑦ ᑕᑯᔭᕐᑐᕐᓗᒋᑦ, ᐊᕅᐱᐊᒧᐊᓚᐅᕐᐳᖓᓕ; ᑭᖑᓂᖓᒍᓪᓗ ᑕᒫᓯᑰᓯᒧᑦ ᐅᑎᕆᓪᓗᖓ.

ᐂᓮᐊᓯᐅᑉ ᐊᒡᓚᖏᑦ 21:13

ᐅᖃᐅᓯᖅ ᐃᓂᕐᑎᕆᔪᖅ ᐊᕋᐱᐊᒥᐅᓂᒃ, ᑎᑖᓂᒥᐅᑕᐅᔪᓯ, ᑕᖕᒫᕐᓯᒪᕙᒃᑐᓯ ᐃᓄᖃᖏᑦᑐᒥ ᑳᒥᓕᖕᓂᒃ ᐃᖏᕐᕋᑦᔪᑎᖃᕐᓗᓯ ᐊᕅᐱᐊᑉ ᓄᓇᖓᒍᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:28

ᒎᑎᓗ ᐋᖅᑭᒃᓯᓯᒪᕗᖅ ᐃᓚᒌᒃᑐᓂ ᓯᕗᓪᓕᕐᒥᒃ ᐋᐴᓯᑕᓕᖕᓂᒃ, ᐂᑉᐸᖓᓂᒃ ᓇᓚᐅᑦᑍᔪᓂᒃ, ᐱᖓᔪᐊᓐᓂᒃ ᐃᓕᓮᔨᓂᒃ, ᑲᒪᓇᕐᑐᓕᓂᕐᒥᒃ ᐱᓇᓱᐊᕈᓐᓇᕐᑐᓂᒃ, ᐋᓐᓂᐊᕐᑐᓂᒡᓗ ᐋᖅᑭᒃᓯᓂᕐᒥᒃ ᑐᓂᕐᕈᓯᐊᓕᖕᓂᒃ, ᐊᓯᒥᖕᓂᒡᓗ ᐃᑲᔪᕈᓐᓇᕐᑐᓂᒃ, ᐃᓚᒌᒃᑐᓂᒡᓗ ᐊᐅᓚᑦᓯᔨᐅᔪᓐᓇᕐᑐᓂᒃ, ᐅᖃᐅᓯᕐᓄᓪᓗ ᑐᓴᕐᖓᕐᑕᓄᑦ ᐊᑦᔨᒌᖏᑦᑐᓄᑦ ᐅᖃᓪᓚᒍᓐᓇᕐᑐᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 2:10

ᐴᕐᒋᐊᒥ ᐸᒻᐱᓕᐊᒥᓗ, ᐄᑦᔨᑉᑎᒥ ᓕᐱᐊᓪᓗ ᐃᓚᖓᓂ ᓮᕆᓂᐅᑉ ᖃᓂᒋᔭᖓᓂᑦ, ᐃᓚᖏᓪᓗ ᕉᒪᒥᓐᖔᕐᓯᒪᔪᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 2:12

ᑲᒪᓂᐊᕐᓂᕐᒧᑦ ᓇᓗᓕᕐᓯᒪᓪᓗᑎᒃ ᐊᐱᕐᓱᖃᑦᑕᐅᑎᓕᕐᐳᑦ, “ᖃᓄᖅ ᑕᒪᓐᓇ ᑐᑭᖃᕐᐹ?”

ᐋᐴᓯᑕᓖᑦ ᐱᓂᐊᕐᓂᖏᑦ 27:13

ᐅᓪᓗᓪᓗᐊᑉ ᓇᓛᓂᑦ ᐊᓄᕋᔮᓕᕐᒪᑦ, ᐃᖏᕐᕋᕕᒋᔪᒪᔭᒥᖕᓄᑦ ᓈᒻᒪᓈᕐᓯᒪᓇᓱᒋᓕᕐᐹᑦ, ᑭᓴᐅᑏᑦ ᐊᒧᓪᓗᒋᑦ, ᑯᕇᑎᐅᑉ ᖃᓂᒋᔮᒍᑦ ᐅᒥᐊᕐᑐᓕᕐᐳᒍᑦ.