13 ᓴᐸᑎᐅᓕᕐᑎᓪᓗᒍ ᓄᓇᓖᑦ ᓯᓚᑖᓄᐊᕐᓗᑕ ᑰᑉ ᓯᓈᓄᐊᕐᐳᒍᑦ, ᑕᕝᕙᓂ ᔫᑎᓂᒃ ᑐᒃᓯᐊᕐᑐᖃᕐᓂᐊᕋᓱᒋᓪᓗᒍ; ᐃᒃᓯᕚᕐᓗᑕ ᐅᖃᖃᑎᖃᕐᐳᒍᑦ ᐊᕐᓇᓂᒃ ᑕᒪᐅᖓ ᑲᑎᖃᑎᒋᔭᑦᑎᓐᓂᒃ.
ᐃᓄᒋᐊᒃᑐᕐᔪᐊᑦ ᑕᕝᕙᓂ ᑲᑎᒪᔪᑦ ᔩᓱᓯᐅᑉ ᐊᕙᑖᓂ, ᐅᓄᕐᑐᒻᒪᕆᐊᓘᓕᕐᒪᑕ ᐅᒥᐊᒧᐊᕐᐳᖅ, ᑕᕝᕙᓂᓗ ᐃᒃᓯᕚᕐᓗᓂ, ᐃᓄᒐᓴᒡᔪᐊᑦ ᑕᓯᐅᑉ ᓯᓈᓂ ᓇᖏᕐᑎᓪᓗᒋᑦ.
ᔩᓱᓯᐅᑉ ᐅᖃᐅᑎᕔᑦ, “ᐂᓕᕆᑦᓯ ᐱᓐᖑᕐᑎᑕᐅᓯᒪᔪᓄᑦ ᑕᒤᓐᓄᑦ ᐊᔪᕆᕐᑐᐃᓗᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ.
ᓴᐸᑎᒥᒃ ᐊᔪᕆᕐᑐᐃᑎᓪᓗᒍ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓐᓂ.
ᐅᓪᓛᒪᕆᒃᑯᓪᓕ ᑐᒃᓯᐊᕐᕕᒡᔪᐊᕐᒧᐊᕆᕗᖅ; ᐃᓄᐃᓪᓗ ᔩᓱᓯᐅᑉ ᐊᕙᑖᓄᑦ ᑲᑎᕗᑦ, ᐃᖏᓪᓗᓂ ᐊᔪᕆᕐᑐᓕᕐᐰᑦ.
ᑖᒃᑯᐊ ᐴᕐᒐᒥᑦ ᐊᓐᑎᐅᑭᐊᒧᐊᕐᐳᑦ ᐱᓯᑎᐊᒦᑦᑐᒧᑦ, ᓴᐸᑎᐅᓕᕐᒪᑦ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓄᐊᕐᐳᑦ ᐃᒃᓯᕙᓕᕐᓗᑎᒃ.
ᐸᐅᓗᓯᒃᑯᒃ ᐸᕐᓇᐹᓯᒃᑯᒃ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓐᓂᑦ ᐊᓂᓕᕐᑎᓪᓗᒋᒃ, ᐃᓄᖕᓂᑦ ᓴᐸᑎᐅᓕᕐᒥᒃᐸᑦ ᐅᑎᒃᑲᓐᓂᖁᔭᐅᕘᒃ, ᑕᒪᒃᑯᓂᖓ ᐅᖃᕐᕕᐅᒃᑲᓐᓂᕈᒪᓪᓗᑎᒃ.
ᑐᒃᓯᐊᕆᐊᕐᕕᐅᕙᒃᑐᒧᑦ ᐂᓕᕐᑎᓪᓗᑕ, ᑲᑎᓯᕗᒍᑦ ᐊᕐᓇᒥᒃ ᓂᐅᕕᐊᖑᓯᒪᓪᓗᓂ ᐱᔨᐅᔪᒥᒃ, ᑖᓐᓇ ᓵᑖᓇᓯᐅᑉ ᐊᓂᕐᓂᖓᓄᑦ ᓇᓚᐅᑦᑍᔪᓐᓇᕐᑎᑕᐅᔪᖅ ᓯᕗᓂᒃᓴᒥᒃ, ᐊᖓᔪᖅᑳᒥᓂᒃ ᑮᓇᐅᔭᓕᐅᕐᑎᑦᓯᓪᓚᕆᒃᑐᖅ ᓇᓚᐅᑦᑍᖃᑦᑕᕐᓂᕐᒥᓄᑦ.
ᐃᖏᕐᕋᕗᓪᓗ ᐴᕐᒋᐊᒃᑯᑦ ᒐᓔᑎᐊᒃᑯᓪᓗ, ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᐃᓂᕐᑎᕐᑕᐅᓚᐅᕋᒥᒃ ᐂᓯᐊᒥ ᐊᔪᕆᕐᑐᐃᖁᔭᐅᓇᑎᒃ.
ᐸᐅᓗᓯ ᑍᒫᒃ ᐃᓕᖅᑯᓯᖃᕐᐸᒃᑲᒥ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓄᐊᕐᐳᖅ, ᐱᓇᓱᐊᕈᓯᕐᓂᒃ ᐱᖓᓱᓂᒃ ᑕᕝᕙᓂ ᐅᖃᖃᑎᒋᖃᑦᑕᕐᐰᑦ ᒎᑎᐅᑉ ᐅᖃᐅᓯᖏᓐᓂᒃ ᑕᑯᖃᑎᒋᖃᑦᑕᕐᓗᒋᑦ,
ᐅᖃᖃᑎᖃᖃᑦᑕᕐᐳᖅ ᓴᐸᑎᐅᓕᕌᖓᑦ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓂ, ᑐᑭᓯᑎᓐᓇᓱᐊᕐᓗᒋᑦ ᔫᑎᑦ ᒍᕇᑭᓪᓗ.
ᓴᐸᑎᐅᑉ ᐅᓐᓄᖓᓂ ᑲᑎᓪᓗᑕ ᓂᕆᖃᑎᒌᒋᐊᕐᑐᕐᐳᒍᑦ, ᐸᐅᓗᓯ ᖃᐅᒃᐹᕋᒥ, ᐃᓄᐃᑦ ᐅᖃᓪᓚᒃᕕᒋᓕᕐᐰᑦ; ᐅᓐᓄᐊᑉ ᕿᑎᕋᕐᓂᖓ ᑎᑭᓪᓗᒍ.
ᑕᕝᕙᓃᕝᕕᒃᓴᕗᑦ ᐃᓱᓕᒻᒪᑦ ᕿᒪᓕᕐᐸᕗᑦ ᐊᐅᓪᓚᕆᐊᕐᑐᓕᕐᓗᑕ, ᑖᒃᑯᐊ ᑕᒪᕐᒥᒃ ᓄᓕᐊᑎᒃ ᕿᑐᕐᖓᑎᒡᓗ ᐃᓚᒋᓪᓗᒋᑦ, ᓄᓇᓖᑦ ᓯᓚᑖᓄᑦ ᓯᒡᔭᒧᑦ ᖃᓂᐅᕐᐹᑎᒍᑦ; ᑕᒫᓂᓗ ᓰᖅᑯᕐᓗᑕ ᑐᒃᓯᐊᖃᑎᒌᒃᐳᒍᑦ.
ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ ᓇᓗᓁᕐᓯᓕᓚᐅᕐᐳᖅ ᐅᖃᕐᓗᓂ: “ᔩᓱᓯ ᒎᑎᐅᑉ ᐃᕐᓂᕆᕚ.”
ᑖᑦᓱᒪᓂᓗ ᔫᑎᐅᒍᕕᑦ ᒍᕇᑭᐅᒍᕕᓪᓘᓐᓃᑦ, ᓯᐊᓛᖑᒍᕕᑦ ᓯᐊᓛᖑᖏᒃᑯᕕᓪᓘᓐᓃᑦ, ᐊᖑᑕᐅᒍᕕᑦ ᐊᕐᓇᐅᒍᕕᓪᓘᓐᓃᑦ; ᑕᒪᑦᓯ ᐊᑕᐅᓯᐅᕗᓯ ᙭ᔅᑑᓯ ᔩᓱᓯᒥ.
ᑲᔪᓯᓂᐊᕈᑦᓯ ᐅᒃᐱᕐᓂᑦᓯᓐᓂ, ᑐᓐᖓᕕᖃᑦᓯᐊᕐᓗᓯ ᐊᐅᓚᖏᑦᓯᐊᕐᑐᒥᒃ, ᓴᖑᑎᑕᐅᔪᓐᓃᕐᓗᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᑦ ᑐᓴᓚᐅᕐᑕᑦᓯᓐᓂᑦ, ᑕᒪᓐᓇ ᐅᖃᐅᓯᖅ ᑐᓴᕈᒥᓇᕐᑐᖅ ᐱᑦᔪᑎᒋᓪᓗᒍ ᐅᕙᖓ ᐸᐅᓗᓯ, ᐱᔨᓐᖑᕐᑎᑕᐅᓯᒪᕗᖓ; ᑕᒪᓐᓇᓗ ᐅᖃᐅᓯᖅ ᑐᓴᕈᒥᓇᕐᑐᖅ ᐊᔪᕆᕐᑐᐃᑦᔪᑕᐅᓯᒪᓕᕐᐳᖅ ᓯᓚᕐᔪᐊᕐᒥᐅᓕᒫᓄᑦ.