ᐋᐴᓯᑕᓖᑦ ᐱᓂᐊᕐᓂᖏᑦ 15:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᒎᑎ ᐃᓱᒪᓕᒫᓂᒃ ᖃᐅᔨᒪᔪᖅ, ᓈᒻᒪᒃᓴᕐᓂᕐᒥᓂᒃ ᔫᑎᐅᖏᑦᑐᓂᒃ ᓇᓗᓁᕐᓯᓚᐅᕐᐳᖅ, ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᑐᓂᓯᕕᒋᒐᒥᒋᑦ ᐅᕙᑦᑎᓐᓄᑦ ᑐᓂᓯᓚᐅᕐᓂᕐᒥᑐᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 15:8 ပူးပေါင်းရင်းမြစ်များ

ᐋᐴᓯᑕᓖᑦ ᐱᓂᐊᕐᓂᖏᑦ 1:24

ᑖᒃᑯᐊ ᑐᒃᓯᐊᓕᕋᒥᒃ ᐅᖃᕐᐳᑦ, “ᐊᑕᓃᖅ, ᐃᓄᓕᒫᑦ ᐆᒻᒪᑎᖏᓐᓂᒃ ᖃᐅᔨᒪᔪᑎᑦ, ᓇᓗᓁᕐᓯᕕᒋᓚᐅᕐᑎᒍᑦ ᐅᑯᐊᒃ ᓇᓪᓕᐊᓐᓂᒃ ᓂᕈᐊᕐᒪᖔᕐᐱᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 10:47

“ᑭᓇᒧᑦ ᐃᓂᕐᑎᕐᑕᐅᔪᓐᓇᕐᐱᑕ ᐅᑯᐊ ᐃᒥᕐᒧᑦ ᐹᑉᑎᑕᐅᖁᓇᒋᑦ, ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᖕᒥᖕᒪᑕ ᐅᕙᑦᑎᑑᑦ?”

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:23

ᕿᑐᕐᖓᖏᓪᓗ ᑐᖁᖃᓯᐅᑎᓂᐊᕐᐸᒃᑲ. ᐅᒃᐱᕐᑑᖃᑎᒌᓕᒫᑦ ᖃᐅᔨᖁᓪᓗᒋᑦ ᐅᕙᖓᐅᒐᒪ ᖃᐅᔨᒪᔪᑐᐊᖅ ᐃᓄᐃᑦ ᐃᓱᒪᖏᓐᓂᒃ ᐆᒻᒪᒻᒥᐅᑕᖏᓐᓂᒡᓗ, ᐊᑐᓂᓪᓗ ᐱᓂᐊᕐᕕᒋᔪᒫᕐᐸᑦᓯ ᐱᓂᐊᕐᓂᓯ ᒪᓕᒡᓗᒋᑦ.

ᐄᑉᕈᐃᓄᑦ 4:13

ᑖᑦᓱᒪ ᓵᖓᓂ ᐱᓐᖑᕐᑎᑕᐅᓯᒪᔪᒥᒃ ᐃᔨᕐᓯᒪᔪᖃᓐᖏᓚᖅ, ᑕᒪᕐᒥᒃ ᓴᖅᑭᔮᑦᓯᐊᕐᐳᑦ ᑕᑯᒃᓴᐅᑦᓯᐊᕐᓗᑎᒃᓗ ᑖᑦᓱᒪ ᐃᔨᖏᒃᑕ ᓵᖓᓂ. ᑖᑦᓱᒧᖓ ᐅᕙᑦᑎᓐᓂᒃ ᐅᖃᐅᓯᕆᔭᕆᐊᖃᕐᐳᒍᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 14:3

ᑖᒃᑯᐊᒃ ᐊᑯᓂ ᑕᕝᕙᓃᑉᐴᒃ ᐊᔪᕆᕐᑐᐃᓪᓗᑎᒃ ᓯᕘᕋᓇᑎᒃ ᐊᑕᓂᖅ ᐱᑦᔪᑎᒋᓪᓗᒍ, ᐅᖃᐅᓯᕆᔭᖏᑦ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᓴᖅᑭᑎᑦᓯᕗᑦ ᓱᓕᑦᓯᐊᕐᓂᖓᓂᒡᓗ, ᐱᔪᓐᓇᕐᓂᖃᕐᑎᑕᐅᕗᓪᓗ ᑲᒪᓇᕐᑐᓕᓪᓗᑎᒃ ᓇᓗᓁᒃᑯᑕᕐᑎᒍᓪᓗ ᐱᓇᓱᐊᕐᑎᑕᐅᓪᓗᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 2:4

ᑕᒪᕐᒥᒡᓗ ᐃᓗᒻᒥᕐᑕᐅᕗᑦ ᐊᓂᕐᓂᕐᒥᑦ ᐃᑦᔪᕐᓁᑦᑐᒥᑦ, ᐅᖃᐅᓯᕐᓄᑦ ᐅᖃᐅᓯᕆᓐᖏᑕᒥᖕᓄᑦ ᐅᖃᓪᓚᓕᕐᐳᑦ, ᑍᒫᒃ ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᖃᕈᓐᓇᕐᓯᑎᒻᒪᒋᑦ.

ᐄᑉᕈᐃᓄᑦ 2:4

ᒎᑎᑦᑕᐅᖅ ᓇᓗᓁᕐᓯᖃᑦᑕᐅᓚᐅᕆᕗᖅ ᑖᒃᑯᓄᖓ ᓴᖅᑭᑎᑦᓯᓪᓗᓂ ᓇᓗᓁᒃᑯᑕᕐᓂᒃ ᑲᒪᓇᕐᑐᓕᓂᕐᓂᒡᓗ ᐊᑦᔨᒌᖏᑦᑐᓂᒃ ᐊᓂᕐᓂᐅᓪᓗ ᐃᑦᔪᕐᓁᑦᑑᑉ ᑐᓂᕐᕈᑎᖏᓐᓂᒃ ᐱᑎᑦᓯᓪᓗᓂᒃ ᐱᔪᒪᔭᓂ ᒪᓕᒡᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 4:31

ᑐᒃᓯᐊᕐᒪᑕ, ᑖᓐᓇ ᑲᑎᒪᕝᕕᒋᔭᖓᑦ ᐊᐅᓚᕗᖅ; ᐊᓂᕐᓂᕐᒥᒡᓗ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᕗᑦ ᑕᒪᕐᒥᒃ, ᒎᑎᐅᑉ ᐅᖃᐅᓯᖏᓐᓂᒃ ᐅᖃᓪᓚᓕᓚᐅᕐᐳᑦ ᓯᕘᕋᓇᑎᒃ.

ᔪᐊᓇᓯᐅᑉ ᐊᒡᓚᖏᑦ 21:17

ᐱᖓᔪᐊᓐᓂᒃ ᔩᓱᓯᐅᑉ ᐅᖃᐅᑎᕚ, “ᓮᒨᓃ, ᔪᐊᓇᓯᐅᑉ ᐃᕐᓂᖓ, ᓇᒡᓕᒋᕕᖔ?” ᐲᑦᑐᕉᓯᓕ ᕿᒃᓵᓕᕐᐳᖅ ᐱᖓᔪᐊᓐᓂᒃ ᐅᖃᐅᑎᖕᒪᒍ, “ᓇᒡᓕᒋᕕᖔ?” ᑕᕝᕙ ᐅᖃᐅᑎᓕᕐᐹ, “ᐊᑕᓃᖅ, ᓱᓇᓕᒫᓂᒃ ᖃᐅᔨᒪᕗᑎᑦ; ᖃᐅᔨᒪᕙᕐᒪ ᓇᒡᓕᒋᒐᒃᑭᑦ.” ᔩᓱᓯᐅᑉ ᐅᖃᐅᑎᕚ, “ᓰᐱᖁᑎᒃᑲ ᓂᕆᑎᓐᓂᐊᒃᑭᑦ.

ᔪᐊᓇᓯᐅᑉ ᐊᒡᓚᖏᑦ 5:37

ᐊᑖᑕᓗ ᑎᓕᔨᒐ ᐅᕙᓐᓂᒃ ᓇᓗᓁᕐᓯᕗᖅ. ᑖᑦᓱᒪ ᓂᐱᖓ ᑐᓴᓚᐅᕐᓯᒪᓐᖏᑕᓯ, ᖃᓄᐃᑦᑑᓂᖓᓗ ᑕᑯᓚᐅᕐᓯᒪᓇᒍ;

ᔨᕆᒤᐊᐅᑉ ᐊᒡᓚᖏᑦ 20:12

ᐊᑕᓃᖅ ᖁᑦᓯᖕᓂᕐᐹᖑᔪᑎᑦ, ᐃᓱᐊᕐᑐᒦᑦᑐᑦ ᑲᐅᔨᒪᑦᓯᐊᕋᕕᒋᑦ, ᐃᓱᒪᒥᐅᑕᓂᒃ ᐆᒻᒪᒻᒥᐅᑕᓂᒡᓗ ᑕᑯᓐᓇᕐᑐᑎᑦ, ᑕᑯᔪᒪᕗᖓ ᐊᑭᓂᐊᕐᕕᖃᕐᓂᕐᓂᒃ ᑖᒃᑯᓄᖓ, ᐃᓕᖅᑯᓯᕆᔭᓕᒫᒃᑲ ᐃᓕᖕᓄᑦ ᑐᓂᓯᒪᒐᒃᑭᑦ.

ᔨᕆᒤᐊᐅᑉ ᐊᒡᓚᖏᑦ 17:10

ᐅᕙᖓ ᐊᑕᓂᖅ ᖃᐅᔨᓴᕈᓐᓇᕐᐳᖓ, ᐃᓅᑉ ᐆᒻᒪᑎᖓᓂᒃ ᐃᓱᒪᖓᓂᒡᓗ, ᑐᓂᓯᔪᓐᓇᕐᓗᖓᓗ ᐃᓅᑉ ᐱᓂᐊᕐᓂᖏᑦ ᒪᓕᒡᓗᒋᑦ, ᐱᓂᐊᕐᓂᖏᑕ ᐱᕈᕐᑎᑕᖏᓐᓂᒃ.”

ᔨᕆᒤᐊᐅᑉ ᐊᒡᓚᖏᑦ 11:20

ᐊᑕᓃᕐᓕ ᖁᑦᓯᖕᓂᕐᐸᐅᔪᑎᑦ, ᓈᒻᒪᓈᕐᑐᒥᒃ ᐃᖅᑲᕐᑐᐃᔪᑎᑦ, ᐃᓄᐃᓪᓗ ᐆᒻᒪᑎᖓᓃᑦᑐᓂᒃ ᐃᓱᒪᖓᓃᑦᑐᓂᒡᓗ ᖃᐅᔨᓴᕈᓐᓇᕐᑐᑎᑦ, ᐊᑭᓂᐊᕐᓂᖅ ᑖᒃᑯᓄᖓ ᐃᓕᖕᓄᑦ ᑐᓂᖔᕐᐸᕋ.

ᐃᓐᖏᕈᑎᑦ 44:21

ᒎᑎ ᖃᐅᔨᒐᔭᓐᖏᓛᖅ? ᖃᐅᔨᒪᖕᒪᑦ ᐆᒻᒪᑎᐅᑉ ᐃᔨᕐᓯᒪᔭᖏᓐᓂᒃ.

ᑯᕉᓂᑲ ᓯᕗᓪᓖᑦ 28:9

“ᐃᕝᕕᓪᓕ, ᐃᕐᓃᒃ ᓲᓗᒨᓃ, ᐊᑖᑕᕕᑦ ᒎᑎᖓ ᖃᐅᔨᒪᒍᒃ, ᐱᔨᑦᓯᕐᓗᒍᓗ ᐆᒻᒪᑎᓕᒫᕐᓄᑦ ᐃᓱᒪᑯᓪᓗ ᐱᔪᒪᑦᓯᐊᕐᓗᑎᑦ; ᐊᑕᓂᐅᑉ ᐆᒻᒪᑎᓕᒫᑦ ᖃᐅᔨᓴᕐᐸᖕᒪᒋᑦ, ᖃᐅᔨᒪᓪᓗᓂᓗ ᐸᕐᓇᒃᑕᐅᔪᓕᒫᓂᒃ ᐃᓱᒪᒋᔭᐅᔪᓕᒫᓂᒡᓗ. ᕿᓂᕈᕕᐅᒃ, ᓇᓂᓂᐊᕐᐸᑦ; ᕿᒪᖕᓂᐊᕈᕕᐅᒃ ᑖᑦᓱᒪ ᐃᒋᑦᓱᒫᕐᐹᑎᑦ ᐃᓱᖃᖏᑦᑐᒧᑦ.

ᐊᑕᓃᑦ ᓯᕗᓪᓖᑦ 8:39

ᑕᕝᕙ ᐃᓂᒋᔭᕐᓂᑦ ᕿᓚᖕᒥᑦ ᑐᓴᓕᕆᑦ, ᐃᓱᒪᒋᔪᓐᓁᕐᕕᒋᓗᒋᑦ, ᐱᓇᓱᐊᕐᓗᑎᓪᓗ, ᑐᓂᓯᕕᒋᓗᒋᓪᓗ ᐊᑐᓂᑦ ᐆᒻᒪᒻᒥᐅᑕᖏᓐᓂᒃ ᖃᐅᔨᒪᒐᕕᑦ, ᐱᓂᐊᕐᓂᓕᒫᖏᓐᓂᒡᓗ, ᐃᕝᕕᑐᐊᖅ ᖃᐅᔨᒪᔪᑑᒐᕕᑦ ᐃᓄᐃᑦ ᐆᒻᒪᒻᒥᐅᑕᖏᓐᓂᒃ.

ᓴᒧᐃᓕ ᓯᕗᓪᓖᑦ 16:7

ᐊᑕᓂᕐᓕ ᐅᖃᕐᐳᖅ ᓴᒧᐃᓕᒧᑦ, “ᑕᑯᔪᒃᓴᐅᓐᖏᓚᑎᑦ ᑕᐅᑦᑐᖓᓂᒃ, ᐊᖏᓂᖓᓂᒡᓘᓐᓃᑦ, ᑖᓐᓇ ᓇᕐᕈᒋᒐᒃᑯ; ᐊᑕᓂᖅ ᑕᑯᓐᓇᖏᒻᒪᑦ ᐃᓅᑉ ᑕᑯᓐᓇᕐᓂᖓᑐᑦ; ᐃᓄᒃ ᑕᑯᓐᓇᕐᒪᑦ ᑕᐅᑦᑐᖓᓂᒃ, ᐊᑕᓂᕐᓕ ᑕᑯᓐᓇᕐᐳᖅ ᐆᒻᒪᑎᒥᒃ.”

ᑯᕉᓂᑲ ᓯᕗᓪᓖᑦ 29:17

ᖃᐅᔨᒪᕗᖓ, ᒎᑎᒑ, ᐆᒻᒪᑏᑦ ᖃᐅᔨᓴᖃᑦᑕᕋᕕᒋᑦ, ᐃᓱᐊᕐᓂᕐᒦᑦᑐᓪᓗ ᖁᕕᐊᒋᒐᕕᒋᑦ; ᐅᕙᖓᓕ, ᐆᒻᒪᑎᒪ ᐃᓱᐊᕐᓂᖓᓄᑦ ᓇᖕᒥᓂᖅ ᐱᔪᒪᓂᕋ ᒪᓕᒡᓗᒍ ᑐᓂᓯᕗᖓ ᑕᒪᒃᑯᓂᖓᓕᒫᖅ, ᒫᓐᓇᓗ ᐃᓄᖁᑎᑎᑦ ᑕᑯᓯᒪᕙᒃᑲ, ᒫᓐᓇ ᐅᕙᓃᑦᑐᑦ, ᐱᔪᒪᑦᓯᐊᕐᓗᑎᒃ ᖁᕕᐊᓱᒡᓗᑎᒡᓗ ᑐᓂᓯᕗᑦ ᐃᓕᖕᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 15:28

ᐊᑲᐅᒋᔭᐅᔫᔮᕐᒪᑦ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᐅᕙᑦᑎᓐᓄᓪᓗ ᐅᖁᒤᒃᓴᒃᑲᓐᓂᕐᑎᑕᐅᖁᓇᓯ ᒪᑯᓇᓐᖓᑦ ᐊᑐᕆᐊᖃᕐᑕᑦᓯᓐᓂᑦ: