37 ᐸᕐᓇᐹᓯᐅᓪᓕ ᔪᐊᓇᓯ ᒫᑯᓯ ᐃᓚᐅᖁᕚ,
ᐲᑦᑐᕉᓯᐅᑉ ᑕᒪᓐᓇ ᖃᐅᔨᒐᒥᐅᒃ, ᒥᐊᕆᐅᑉ ᐃᒡᓗᖓᓄᐊᕐᐳᖅ, ᔪᐊᓇᓯᐅᑉ ᒫᑯᓯᒥᒃ ᐊᑎᓕᐅᑉ ᐊᓈᓇᖓᓄᑦ, ᑕᕝᕙᓂ ᐊᒥᓱᑦ ᑲᑎᓐᖓᕗᑦ ᑐᒃᓯᐊᕐᓗᑎᒃ.
ᐸᕐᓇᐹᓯᒃᑯᒃ ᓴᐅᓗᓯᒃᑯ ᐅᑎᕐᐴᒃ ᔨᕉᓴᓕᒻᒥᑦ ᐱᓇᓱᐊᒐᒃᓴᑎᒃ ᐱᔭᕇᕋᒥᑦᔪᒃ, ᔪᐊᓇᓯ ᒫᑯᓯᒥᒃ ᑍᔭᐅᔪᖅ ᐃᓚᒋᓪᓗᒍ.
ᐸᐅᓗᓯ ᐱᓇᓱᐊᖃᑎᓂ ᐃᓚᒋᓪᓗᒋᑦ ᐅᒥᐊᕐᑐᓕᕐᐳᑦ ᐹᐳᓯᒥᑦ, ᐃᒡᓗᒐᓴᖕᓄᑦ ᐴᕐᒐᒧᑦ ᐊᑎᓕᖕᓄᑦ ᑎᑭᓪᓗᑎᒃ ᐸᒻᐱᓕᐊᒦᑦᑐᒧᑦ. ᑕᕝᕙᓂ ᔪᐊᓇᓯ ᒫᑯᓯᐅᑉ ᑭᒪᒃᐹᒃ ᔨᕉᓴᓕᒻᒧᑦ ᐅᑎᕐᓗᓂ.
ᓄᓇᓕᖕᓄᑦ ᓴᓛᒥᓯᒧᐊᕋᒥᒃ, ᒎᑎᐅᑉ ᐅᖃᐅᓯᖏᓐᓂᒃ ᐊᔪᕆᕐᑐᐃᕘᒃ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ. ᔪᐊᓇᓯ ᒫᑯᓯ ᐃᑲᔪᕐᑎᒋᓪᓗᒍ.
ᑕᕝᕙᓂ ᐊᖏᔪᒥᒃ ᐂᕙᖃᑎᒌᓕᕐᐴᒃ ᐊᕕᓪᓗᑎᒃ; ᐸᕐᓇᐹᓯᐅᑉ ᒫᑯᓯ ᐂᑉᐸᕆᓕᕐᐹ ᐅᒥᐊᕐᑐᓕᕐᓗᑎᒃ ᓮᐳᕋᓯᒧᑦ,
ᑎᒍᔭᐅᓯᒪᖃᑎᒪ ᐊᕆᔅᑕᑰᓯᐅᑉ ᑕᕝᕙᐅᕗᑏᕐᐹᓯ, ᒫᑯᓯᐅᓪᓗ ᐸᕐᓇᐹᓯᐅᑉ ᑎᒥᒥᒍᑦ ᖃᑕᓐᖑᑎᖓᑕ. (ᑐᓴᕐᑎᑕᐅᔭᕇᕐᓯᒪᕗᓯ ᖃᓄᖅ ᐱᔭᕆᐊᖃᕐᒪᖔᑦᓯ ᑖᑦᓱᒧᖓ, ᑐᓐᖓᓱᒃᑎᑦᓱᒫᕐᐸᓯ ᐃᓕᑦᓯᓐᓄᑦ ᑎᑭᑉᐸᑦ.)
ᓘᑲᓯᐅᑉ ᑭᓯᐊᓂ ᓇᔪᕐᑕᑐᐊᕆᕚᖓ. ᒫᑯᓯ ᐃᓇᓪᓗᒍ ᑎᑭᖃᑎᒋᓛᕐᐸᑦ; ᑖᑦᓱᒪ ᐊᑑᑎᓕᖕᒥᒃ ᐃᑲᔪᕈᓐᓇᕐᒪᖓ ᐱᓇᓱᐊᒐᒃᓴᓐᓂᒃ.
ᐅᑯᓇᓐᖓᓪᓗ ᐱᓇᓱᐊᖃᑎᓐᓂᑦ ᑕᕝᕙᐅᕗᑏᕐᑕᐅᒋᕗᑎᑦ ᒫᑯᓯᒧᑦ, ᐊᕆᔅᑕᑰᓯᒧᑦ, ᑏᒪᓯᒧᑦ, ᓘᑲᓯᒧᓪᓗ.
ᐅᒃᐱᕐᑑᖃᑎᑦᓯ ᐹᐱᓘᓂᒦᑦᑐᑦ, ᑍᒫᒃᑕᐅᖅ ᓂᕈᐊᕐᑕᐅᓯᒪᔪᑦ, ᑕᕝᕙᐅᕗᑏᕐᐸᓯ; ᒫᑯᓯᐅᓪᓗ ᐃᕐᓂᕐᒪ ᑕᕝᕙᐅᕗᑏᕆᕚᓯ.
