ᐋᐴᓯᑕᓖᑦ ᐱᓂᐊᕐᓂᖏᑦ 15:33 - ᐊᒡᓔᑦ ᐃᑦᔪᕐᖕᓁᑦᑐᑦ

³³ ᐊᑯᓂ ᑍᑲᓃᓚᐅᕐᓗᑎᒃ ᐊᐅᓪᓚᓕᕆᕘᒃ ᖁᕕᐊᓱᑦᓯᐊᕐᓗᑎᒃ ᐅᒃᐱᕐᑑᖃᑎᒌᓄᑦ ᑎᓕᔨᒋᓚᐅᕐᑕᒥᖕᓄᑦ ᐅᑎᓕᕆᓪᓗᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 15:33 ပူးပေါင်းရင်းမြစ်များ

ᑯᕆᓐᑎᐊᒥᐅᓄᑦ ᓯᕗᓪᓖᑦ 16:11

ᓇᓪᓕᐊᓐᓄᑦ ᓇᕐᕈᒋᔭᐅᑦᑍᓕᓕ, ᖃᓄᐃᖏᑦᓯᐊᕐᓗᓂ ᐱᓇᓱᐊᖁᓪᓗᒍ, ᐅᕙᓐᓄᓪᓗ ᐅᑎᕈᓐᓇᖁᓪᓗᒍ; ᐅᒃᐱᕐᑑᖃᑎᕗᑦ ᐃᓚᒋᓪᓗᒋᑦ ᐅᑎᓛᕐᓂᖓ ᓂᕆᐅᒋᒐᑦᑎᒍ.

ᐄᑉᕈᐃᓄᑦ 11:31

ᐅᒃᐱᕐᓂᑯᑦ ᕅᕼᐋᐱ ᐊᖑᓐᓂᐊᕐᑎ ᑐᖁᑕᐅᖃᑕᐅᓚᐅᓐᖏᓚᖅ ᒎᑎᒥᒃ ᓈᓚᖏᑦᑐᑦ ᑐᖁᑕᐅᓕᕐᑎᓪᓗᒋᑦ, ᐃᓴᕆᐊᓕᒥᐅᑦ ᐃᔨᕋᕐᑐᕐᓗᑎᒃ ᖃᐅᔨᓴᕆᐊᕐᓯᒪᔪᖁᑎᖏᓐᓂᒃ ᑐᓐᖓᓱᒃᑎᑦᓯᓚᐅᕐᓂᖓᓄᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 16:36

ᑎᒍᔭᐅᓯᒪᕕᐅᑉ ᑲᒪᔨᖓᑕ ᐸᐅᓗᓯ ᐅᖃᐅᑎᕚ, “ᕉᒪᒥᐅᑦ ᐊᐅᓚᑦᓯᔨᖏᑦ ᑎᓕᓯᖕᒪᑕ ᐊᓂᑎᑕᐅᖁᓪᓗᓯᒃ; ᑍᒤᒻᒪᑦ ᐊᓂᓕᕆᑦᑎᒃ ᖁᕕᐊᓱᒡᓗᓯᒃ.”

ᒨᓯᓯ ᓯᕗᓪᓖᑦ 26:29

ᐅᕙᑦᑎᓐᓂᒃ ᖃᓄᐃᓕᓯᖁᓇᒃ, ᑍᒫᒃᑕᐅᖅ ᐃᓕᑦᓯᓐᓂᒃ ᐊᒃᑐᕐᓯᓚᐅᖏᓐᓇᑦᑕ ᖃᓄᐃᓕᓯᓚᐅᕋᑕᓗ ᐱᐅᔪᒥᒃ ᐱᓂᐊᕐᓂᖃᕐᓗᑕ ᓮᒪᓇᕐᑐᒥᒃ ᐊᐅᓪᓚᕐᑎᑦᓯᓚᐅᕐᐳᒍᑦ. ᒫᓐᓇᓗ ᐊᑕᓂᐅᑉ ᓮᒻᒪᕐᑎᓯᒪᕚᑎᑦ.”

ᔪᐊᓇᓯᐅᑉ ᐂᑉᐸᖏᑦ 1:10

ᑭᓇᑐᐃᓐᓇᕐᒧᑦ ᑎᑭᑕᐅᒍᑦᓯ ᑕᒪᑐᒥᖓ ᐊᔪᕆᕐᑑᓯᖃᖏᑦᑐᒧᑦ, ᐊᖏᕐᕋᑦᓯᓐᓄᑦ ᑐᓐᖓᓴᕐᓂᐊᕋᓯᐅᒃ ᐅᕝᕙᓗ ᑐᓐᖓᓇᕐᕕᒋᑦᑍᓕᓯᐅᒃ;

ᒫᑯᓯᐅᑉ ᐊᒡᓚᖏᑦ 5:34

ᔩᓱᓯᐅᑉ ᐅᖃᐅᑎᕚ, “ᐸᓃᒃ ᐅᒃᐱᕐᓂᕕᑦ ᐋᖅᑭᒃᐹᑎᑦ; ᐃᓱᒪᔮᖏᓪᓗᑎᑦ ᕿᒪᕉᑎᓕᕆᑦ, ᐋᖅᑭᒃᑕᐅᒐᕕᑦ ᖃᓄᐃᑦᔪᑎᒋᔭᕐᓂᑦ.”

ᒨᓯᓯ ᐂᑉᐸᖏᑦ 4:18

ᒨᓯᓯᓗ ᐅᑎᕐᐳᖅ ᔨᑐᕉᒧᑦ ᓴᑭᒥᓄᑦ, ᐅᖃᐅᑎᓪᓗᓂᐅᒡᓗ, “ᐅᑎᕈᓐᓇᕐᑎᓚᐅᓐᖓᑐᖅ ᐃᓚᓐᓄᑦ ᐄᑦᔨᑉᑎᒦᑦᑐᓄᑦ, ᑕᑯᔭᕐᑐᕐᓗᖓ ᓱᓕ ᐃᓅᖕᒪᖔᑕ.” ᔨᑐᕉᓗ ᐅᖃᕐᐳᖅ ᒨᓯᓯᒧᑦ, “ᐃᓱᒫᓗᖏᓪᓗᑎᑦ ᐊᐅᓪᓚᓕᕆᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 15:22

ᐋᐴᓯᑕᓖᓪᓗ ᐅᒃᐱᕐᑐᓪᓗ ᓯᕗᓕᕐᑎᖏᑦ, ᐅᒃᐱᕐᑑᖃᑎᒌᓪᓗ ᐃᓚᒋᓪᓗᒋᑦ ᐊᑲᐅᒃᓴᕋᒥᒃ ᓂᕈᐊᕈᒪᓪᓗᑎᒃ ᐊᖑᑎᓂᒃ ᐃᓚᒥᖕᓂᑦ ᐊᓐᑎᐅᑭᐊᒧᑦ ᑎᓕᓂᐊᕐᑕᒥᖕᓂᒃ, ᐸᐅᓗᓯᐅᑉ ᐸᕐᓇᐹᓯᐅᓪᓗ ᐃᓚᒋᓂᐊᕐᑕᖏᓐᓂᒃ. ᔫᑕᓯ ᓂᕈᐊᕐᐹᑦ ᐹᕐᓴᐸᓯᒥᒃ ᐊᑎᓕᒃ, ᓮᓚᓯᓗ, ᑖᒃᑯᐊᒃ ᐅᒃᐱᕐᑐᓄᑦ ᐅᐱᒋᔭᐅᑦᓯᐊᕐᒪᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 15:34

ᓮᓚᓯᓕ ᑕᕝᕙᓃᒃᑲᓐᓂᕈᒪᓚᐅᕐᐳᖅ.