ᐋᐴᓯᑕᓖᑦ ᐱᓂᐊᕐᓂᖏᑦ 14:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᔫᑎᑦ ᐊᓐᑎᐅᑭᐊᒥᑦ ᐱᓯᑎᐊᒦᑦᑐᒥᑦ ᐂᑯᓂᐊᒥᓪᓗ ᑎᑭᑉᐳᑦ; ᐃᓄᐃᑦ ᐃᒻᒥᒃᑎᑐᑦ ᐃᓱᒪᑖᕐᑎᑦᓴᕇᕋᒥᒋᑦ, ᐸᐅᓗᓯ ᒥᓪᓗᕐᐹᑦ ᐅᔭᖅᑲᓄᑦ ᐅᓂᐊᕐᓗᒍ ᓄᓇᓖᑦ ᓯᓚᑖᓄᑦ, ᑐᖁᓇᓱᒋᓪᓗᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 14:19 ပူးပေါင်းရင်းမြစ်များ

ᑎᒧᑎᒧᑦ ᐂᑉᐸᖏᑦ 3:11

ᐊᑭᕋᕐᑐᕐᑕᐅᓂᒃᑲ, ᐋᓐᓂᐊᑎᑕᐅᓂᒃᑲ, ᐊᓐᑎᐅᑭᐊᒥ ᐱᓂᐊᕐᕕᐅᓯᒪᓂᕋ, ᐂᑯᓂᐊᒥ, ᓕᔅᑐᕋᒥᓗ, ᐊᑭᕋᕐᑐᕐᑕᐅᓂᕐᒥᒡᓗ ᐊᖏᔪᒥᒃ ᐊᓂᒍᐃᔪᓐᓇᓚᐅᕋᒪ; ᐊᑕᓂᐅᓪᓕ ᓴᐳᑎᓚᐅᕐᐹᖓ ᑕᒪᒃᑯᓇᖓᑦ ᑕᒤᓐᓂᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:25

ᐱᖓᓱᐃᕐᑐᕐᓗᖓ ᐊᓇᐅᓕᕐᑕᐅᓯᒪᕗᖓ; ᐊᑕᐅᓯᐊᕐᓗᖓ ᒥᓪᓗᕐᑕᐅᓯᒪᕗᖓ ᐅᔭᖅᑲᓄᑦ. ᐱᖓᓱᐃᕐᑐᕐᓗᖓ ᐅᒦᔭᖃᑕᐅᓯᒪᕗᖓ ᐅᒥᐊᕐᔪᐊᒥ; ᐃᒫᓃᓚᐅᕐᓯᒪᓪᓗᖓᓗ ᐅᓐᓄᐊᕐᓗ ᐅᓪᓗᕐᓗ ᓈᓪᓗᒋᒃ ᐃᒤᓐᓇᕐᒥ;

ᐋᐴᓯᑕᓖᑦ ᐱᓂᐊᕐᓂᖏᑦ 14:5

ᔫᑎᐅᖏᑦᑐᑦ ᔫᑎᓂᒃ ᐃᓚᖃᕐᓗᑎᒃ, ᐊᖓᔪᖅᑳᖏᓐᓂᒡᓗ ᐱᑦᓯᐊᖏᓐᓇᓱᐊᓕᕐᐳᑦ ᐋᐴᓯᑕᓕᖕᓄᑦ ᒥᓪᓗᕈᒪᓪᓗᒋᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 13:45

ᔫᑎᓪᓕ ᐃᓄᒋᐊᒃᑐᐊᓗᖕᓂᒃ ᑕᑯᒐᒥᒃ ᐊᑲᐅᒃᓴᕈᓐᓃᕐᐳᑦ ᓵᓐᖓᔭᐅᓂᕐᓴᐅᔪᒪᓪᓗᑎᒃ; ᐅᖃᐅᓯᕐᒥᖕᓄᑦ ᓵᓚᖃᕋᓱᐊᕐᐳᑦ ᐸᐅᓗᓯᒥᒃ ᐱᐅᒋᔭᐅᔪᓐᓃᑎᓇᓱᐊᕐᖢᒍ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:23

᙭ᔅᑑᓯᐅᑉ ᐱᔨᒋᕔᑦ? ᐃᓱᒤᕈᑎᓯᒪᔪᑎᑐᑦ ᐅᖃᕋᓗᐊᕐᐳᖓ ᐅᕙᖓᓕ ᐊᖏᓂᕐᓴᒥᒃ ᐱᔨᑦᓯᕐᓯᒪᕗᖓ ᙭ᔅᑑᓯᒥᒃ, ᐱᓇᓱᐊᕐᓂᕐᒥᒃ ᐊᒃᓱᕈᕐᓂᕐᓴᐅᓯᒪᕗᖓ, ᐅᓄᕐᑐᐃᕐᓱᕐᓂᕐᓴᐅᕗᖓ ᑎᒍᔭᐅᓯᒪᕕᖕᒦᓪᓗᖓ, ᐅᓄᕐᓂᕐᓴᓂᒡᓗ ᑏᒐᕐᑐᕐᑕᐅᖃᑦᑕᕐᓯᒪᕗᖓ, ᐅᓄᕐᑐᐃᕐᓱᕐᓗᖓᓗ ᑐᖁᒦᖃᑦᑕᕐᓯᒪᕗᖓ.

ᐋᐴᓯᑕᓖᑦ ᐱᓂᐊᕐᓂᖏᑦ 7:58

ᐃᒡᓗᒐᓴᖕᓂᑦ ᐊᓂᑎᓐᓇᒥᑦᔪᒃ ᐅᔭᖅᑲᓄᑦ ᒥᓪᓗᕐᐹᑦ; ᒥᓪᓗᕐᑐᑦ ᐅᓕᒡᔪᐊᑎᒃ ᐲᕐᓗᒋᑦ ᑲᒪᒋᔭᐅᑎᑉᐰᑦ ᐃᓅᓱᒃᑐᒧᑦ ᓴᐅᓗᓯᒥᒃ ᐊᑎᓕᖕᒧᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:31

ᐃᓚᒃᑳ ᓇᓗᓁᕐᓯᓕᕐᐳᖓ, ᓂᕐᑐᕈᑎᒋᒐᑦᓯ ᙭ᔅᑑᓯ ᔩᓱᓯᒥ ᐊᑕᓂᑦᑎᓐᓂ, ᖃᐅᑕᒫᑦ ᑐᖁᒧᑦ ᐊᑐᐃᓐᓇᐅᖏᓐᓇᕐᐳᖓ!

ᐋᐴᓯᑕᓖᑦ ᐱᓂᐊᕐᓂᖏᑦ 17:13

ᔫᑎᑦ ᑎᓴᓗᓁᑲᒦᑦᑐᑦ ᑐᓴᕋᒥᒃ ᐸᐅᓗᓯ ᐊᔪᕆᕐᑐᐃᖕᒪᑦ ᒎᑎᐅᑉ ᐅᖃᐅᓯᖏᓐᓂᒃ ᐱᕆᐊᒥ, ᑍᑯᖓ ᐂᒋᕗᑦ ᐅᐃᒪᔮᕐᑎᑦᓯᓕᕐᓗᑎᒃ ᐃᓄᒋᐊᒃᑐᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 9:16

ᖃᐅᔨᑎᓐᓂᐊᕋᒃᑯ ᖃᓄᖅ ᐊᖏᑎᒋᔪᒥᒃ ᐊᒃᓱᕈᕐᑎᑕᐅᔭᕆᐊᖃᕐᒪᑦ ᐱᑦᔪᑎᒋᓗᖓ.”

ᐋᐴᓯᑕᓖᑦ ᐱᓂᐊᕐᓂᖏᑦ 22:20

ᐃᓄᖁᑏᑦ ᓯᑎᐹᓇᓯ ᑐᖁᑕᐅᑎᓪᓗᒍ ᓴᓂᐊᓂ ᓇᖏᓚᐅᕐᐳᖓ, ᑐᖁᑕᐅᓂᖓ ᓈᒻᒪᒋᓪᓗᒍ, ᑐᖁᑦᓯᔪᑦ ᐊᓐᓄᕌᖏᑦ ᑲᒪᒋᓚᐅᕐᐸᒃᑲ.’

ᐋᐴᓯᑕᓖᑦ ᐱᓂᐊᕐᓂᖏᑦ 14:21

ᑖᒃᑯᓄᖓᓕ ᐊᔪᕆᕐᑐᐃᓂᕐᒥᒍᑦ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᑑᕆᐱᒥ ᐊᒥᓱᓂᒃ ᒪᓕᒃᑎᖃᓕᕐᓗᑎᒃ ᓕᔅᑐᕋᒧᑦ ᐅᑎᕐᐴᒃ, ᐂᑯᓂᐊᒧᐊᕐᓗᑎᒃ, ᐊᒻᒪ ᐊᓐᑎᐅᑭᐊᒧᑦ ᐱᓯᑎᐊᒦᑦᑐᒧᑦ ᐅᑎᕆᕘᒃ,

ᔨᕆᒤᐊᐅᑉ ᐊᒡᓚᖏᑦ 22:19

ᐃᓗᕕᕐᑕᐅᓂᖓ ᓯᐅᑎᖅᑯᕐᑐᔪᑎᑐᑦ ᐱᔭᐅᔪᒫᕐᐳᖅ, ᐅᓂᐊᕐᑕᐅᓪᓗᓂ ᐃᒋᑕᐅᑐᐃᓐᓇᕐᓗᓂ ᒪᓂᖅᑲᒧᑦ ᔨᕉᓴᓕᐅᑉ ᐃᑎᕐᑕᕐᕕᖏᑕ ᓯᓚᑖᓄᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 13:14

ᑖᒃᑯᐊ ᐴᕐᒐᒥᑦ ᐊᓐᑎᐅᑭᐊᒧᐊᕐᐳᑦ ᐱᓯᑎᐊᒦᑦᑐᒧᑦ, ᓴᐸᑎᐅᓕᕐᒪᑦ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓄᐊᕐᐳᑦ ᐃᒃᓯᕙᓕᕐᓗᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 14:1

ᐂᑯᓂᐊᒥ ᑍᒫᒃ ᓱᓕ ᐸᐅᓗᓯᒃᑯᒃ ᐸᓇᐹᓯᒃᑯᒃ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓐᓄᐊᕐᐴᒃ, ᐅᖃᓪᓚᖕᒪᑎᒃ ᐃᓄᒋᐊᒃᑐᐊᓗᐃᑦ ᐅᒃᐱᓕᕐᐳᑦ ᔫᑎᓪᓗ ᒍᕇᑭᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 14:2

ᔫᑎᓪᓕ ᐅᒃᐱᖏᑦᑐᑦ ᐅᐃᒪᔮᕐᑎᑦᓯᓕᕐᐳᑦ ᔫᑎᐅᖏᑦᑐᓂᒃ ᐊᑭᕋᕐᑐᕐᑕᐅᑎᑦᓯᓇᓱᐊᕐᓗᑎᒃ ᐅᒃᐱᕐᑐᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 14:4

ᓄᓇᓖᑦ ᒪᕐᕈᐃᓕᕗᑦ; ᐃᓚᖏᑦ ᔫᑎᓂᒃ ᒪᓕᒡᓗᑎᒃ, ᐃᓚᖏᓪᓗ ᐋᐴᓯᑕᓕᖕᓂᒃ ᒪᓕᒡᓗᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 14:18

ᐋᐴᓯᑕᓖᒃ ᑍᒫᒃ ᐅᖃᕋᓗᐊᕐᑎᓪᓗᒋᒃ ᐃᓄᐃᑦ ᑖᒃᑯᖕᓄᖓ ᑐᒃᓯᐊᕐᓗᑎᒃ ᑐᓂᕐᕈᓯᕈᒪᔪᑦ ᓄᖅᑲᖓᑎᑦᓱᓐᓇᕈᓐᓃᕐᐰᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 14:26

ᑕᕝᕙᓐᖓᑦ ᐅᒥᐊᒃᑯᑦ ᐊᓐᑎᐅᑭᐊᒧᑦ ᐅᑎᕆᕘᒃ, ᑍᑲᓂ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᑦ ᑐᒃᓯᐅᑦᔭᐅᓪᓗᑎᒃ ᐱᒋᐊᕐᕕᒋᓚᐅᕐᑕᒥᖕᓄᑦ ᐃᓱᓕᑦᓯᕘᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 15:26

ᑖᒃᑯᐊᒃ ᐃᓅᓯᕐᒥᖕᓂᒃ ᐊᓐᓂᕈᓱᓚᐅᓐᖏᒻᒪᑎᒃ ᐊᑕᓂᕐᒥᒃ ᔩᓱᓯ ᙭ᔅᑑᓯᒥᒃ ᐱᔨᑦᓯᕈᒪᓪᓗᑎᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 11:26

ᓇᒧᑐᐃᓐᓇᖅ ᐃᖏᕐᕋᑎᓪᓗᖓ ᐅᓄᕐᑐᐃᕐᓱᕐᓗᖓ ᑲᑉᐱᐊᓇᕐᑐᒦᓯᒪᕗᖓ ᑰᖕᒥ, ᑲᑉᐱᐊᓇᕐᑐᒦᓯᒪᕗᖓ ᑎᒡᓕᒃᑎᓂ, ᑲᑉᐱᐊᓇᕐᑐᒦᓯᒪᕗᖓ ᓇᖕᒥᓂᖅ ᐃᓅᖃᑎᓐᓂ, ᑲᑉᐱᐊᓇᕐᑐᒦᓯᒪᕗᖓ ᔫᑎᐅᖏᑦᑐᓂ; ᑲᑉᐱᐊᓇᕐᑐᒦᓯᒪᕗᖓ ᓄᓇᓕᒡᔪᐊᓂ, ᑲᑉᐱᐊᓇᕐᑐᒦᓯᒪᕗᖓ ᐃᓄᖃᖏᑦᑐᒥ, ᑲᑉᐱᐊᓇᕐᑐᒦᓯᒪᕗᖓ ᐃᒫᓂ, ᑲᑉᐱᐊᓇᕐᑐᒦᓯᒪᕗᖓ ᐅᒃᐱᕐᑑᓐᖑᐊᕐᑐᓂ;

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:14

ᐅᒃᐱᕐᑑᖃᑎᕗᑦ, ᑍᒫᓪᓗᐊᖅ ᐱᓂᐊᕐᓂᖃᓚᐅᕋᑦᓯ ᐱᓂᐊᕐᓂᕆᔭᐅᓚᐅᕐᑐᑎᑐᑦ ᒎᑎᐅᑉ ᐃᓚᒌᒃᑐᖁᑎᖏᓐᓂ ᔫᑎᐊᒥ ᔩᓱᓯ ᙭ᔅᑑᓯᒦᑦᑐᓂ; ᐃᓕᑦᓯᑦᑕᐅᖅ ᑍᒫᓪᓗᐊᖅ ᐅᖁᒤᒃᓴᕐᑎᑕᐅᒐᑦᓯ ᐊᑭᕋᕐᑐᕐᑕᐅᓂᕐᒧᑦ ᐃᓅᖃᑎᑦᓯᓐᓄᑦ ᐅᖁᒤᒃᓴᕐᑎᑕᐅᓂᕆᓚᐅᕐᑕᖏᑎᑐᑦ ᔫᑎᐅᖃᑎᒥᖕᓂᑦ,