ᔪᐊᓇᓯᐅᑉ ᐱᖓᔪᖏᑦ 1:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐊᖏᔪᒻᒪᕆᐊᓗᖕᒥᒃ ᖁᕕᐊᓱᒃᑎᑕᐅᓚᐅᕐᐳᖓ ᑐᓴᕐᑎᑕᐅᒐᒪ ᕿᑐᕐᖓᒃᑲ ᓱᓕᓂᕐᒥ ᐃᓅᖕᒪᑕᒎᖅ.

ᔪᐊᓇᓯᐅᑉ ᐱᖓᔪᖏᑦ 1:4 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 2:4

ᐊᑕᓂᐅᑉ ᑕᕝᕙ ᑲᔪᓯᑎᓐᓂᐊᕐᐹ ᐅᖃᐅᓯᓂ ᐅᖃᐅᓯᕆᓚᐅᕐᑕᓂ ᐅᕙᓐᓄᑦ, ᐅᖃᓚᐅᕐᒪᑦ, ‘ᑭᖑᕚᑎᑦ ᐱᐅᓯᕐᒥᖕᓂᒃ ᑲᒪᑦᓯᐊᕐᐸᑕ, ᐅᕙᓐᓄᓪᓗ ᓱᖁᓯᔪᐃᑦᑐᒥᒃ ᐃᓅᓗᑎᒃ ᐆᒻᒪᑎᒥᖕᓄᑦ ᐃᓗᐃᑦᑐᒧᑦ ᑕᕐᓂᕐᒥᖕᓄᓪᓗ ᐃᓗᐃᑦᑐᒧᑦ, ᑕᕝᕙ ᐃᓕᖕᓂᒃ ᓇᓪᓕᐊᑦ ᑕᒪᐅᖎᓐᓈᕐᑎᑦᓯᓂᐊᓐᖏᓚᖅ ᑭᖑᕝᕕᐅᑎᓗᓂ ᐃᓴᕆᐊᓕᒥᐅᑦ ᐃᒃᓯᕙᐅᑕᕐᔪᐊᖓᓂ.’

ᐊᑕᓃᑦ ᓯᕗᓪᓖᑦ 3:6

ᓲᓗᒨᓂ ᑭᐅᕗᖅ “ᓇᒡᓕᒍᓱᖕᓂᕐᓂᒃ ᐊᖏᔪᒥᒃ ᓱᖁᓯᔪᐃᑦᑐᒥᒃ ᐱᔨᖕᓄᑦ ᐊᑖᑕᓐᓄᑦ ᑍᕕᑎᒧᑦ ᓴᖅᑭᑎᑦᓯᓯᒪᕗᑎᑦ, ᑖᓐᓇ ᐃᓅᓯᖃᓚᐅᕐᒪᑦ ᐃᓕᖕᓂᒃ ᒪᓕᑦᓯᐊᕐᓱᓂ, ᐃᓱᐊᕐᑐᓕᓂᕐᒥ, ᑲᔪᓯᑦᓯᐊᕐᓗᓂᓗ ᐆᒻᒪᑎᒥᒍᑦ ᐃᓕᖕᓄᑦ; ᓇᓗᓁᕐᓯᕕᒋᓯᒪᒐᕕᐅᒡᓗ ᐊᖏᔪᐊᓗᖕᒥᒃ ᓇᒡᓕᖕᓂᕐᓂᒃ ᓱᕐᕋᔪᐃᑦᑐᒥᒃ, ᐃᕐᓂᕐᑖᕐᑎᓪᓗᒍ ᐊᖓᔪᖅᑳᕐᔪᐊᖑᕕᖓᓂ ᐃᒃᓯᕙᓂᐊᕐᑐᒥᒃ ᐅᓪᓗᒥ ᐊᑐᓕᕐᑐᒥᒃ.

ᐊᑕᓃᑦ ᐂᑉᐸᖏᑦ 20:3

“ᐊᑕᓃᖅ ᐃᖅᑲᐅᒪᒋᑦ, ᓱᕐᕋᔪᐃᑦᑑᓪᓗᖓ ᐱᔨᑦᓯᓚᐅᕋᒃᑭᑦ ᐅᐱᒋᑦᓯᐊᕐᓗᑎᑦ, ᑍᒪᓐᖓᓕᒫᕐᓗ ᐱᔪᒪᔧᑦ ᒪᓕᑦᓯᐊᕋᓱᖏᓐᓇᓚᐅᕋᑯ.” ᑕᕝᕙ ᕼᐃᓯᑬᐊ ᐊᖏᔪᒥᒃ ᕿᐊᓕᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 23:24

ᐃᓱᐊᕐᑑᑉ ᐊᑖᑕᖓ ᐊᖏᔪᒥᒃ ᖁᕕᐊᓱᖕᓂᐊᕐᐳᖅ; ᓯᓚᑐᔪᒥᒡᓗ ᕿᑐᕐᖓᕐᑖᕐᑑᑉ ᕿᑐᕐᖓᓂ ᖁᕕᐊᓲᑎᒋᓂᐊᕐᐹ.

ᐂᓮᐊᓯᐅᑉ ᐊᒡᓚᖏᑦ 38:3

ᐅᖃᕐᓗᓂ, “ᐊᑕᓃᖅ ᐃᖅᑲᐅᒪᒋᑦ, ᒫᓐᓇ ᐊᑕᓃᖅ ᓵᖕᓂ ᐃᓅᓚᐅᕋᒪ ᓱᖁᓯᔪᐃᑦᑐᒥᒃ ᐃᓕᖕᓂᒃ ᒪᓕᒡᓗᖓ ᐆᒻᒪᑎᒪ ᐱᔪᓐᓇᕐᑕᓕᒫᖓᓄᑦ, ᐱᓇᓱᐊᓚᐅᕐᓗᖓᓗ ᐱᔪᒪᔭᕐᓂᒃ.” ᕼᐃᓯᑬᐊᓗ ᕿᐊᓯᒐᒥ ᕿᐊᕕᒡᔪᐊᓕᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 8:18

ᑕᑯᒋᑦ, ᐅᕙᖓ ᓱᕈᓯᕐᓂᒃ ᐃᓚᖃᕐᐳᖓ ᐊᑕᓂᐅᑉ ᑐᓂᓚᐅᕐᑕᖏᓐᓂᒃ ᐅᕙᓐᓄᑦ! ᓇᓗᓁᒃᑯᑕᐅᕗᒍᑦ ᑲᒪᓇᕐᑐᓕᓂᐅᓪᓗᑕᓗ ᐃᓴᕆᐊᓕᒥ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓐᓂᑦ, ᓮᐅᓂᒥ ᖃᖅᑲᒥ ᐃᓂᖃᕐᑐᒥᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:13

ᐃᓕᑦᓯᓐᓄᑦ ᐅᖃᓪᓚᒃᐳᖓ ᓲᕐᓗ ᕿᑐᕐᖓᓐᓄᑦ; ᐅᕙᑦᑎᑐᑦᑕᐅᖅ ᐅᒃᑯᐃᖓᑦᓯᐊᕐᑐᒃᓴᐅᕗᓯ.

ᒐᓔᑎᐊᒥᐅᓄᑦ 2:14

ᑕᒪᑐᒥᖓᓕ ᖃᐅᔨᒐᒪ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᓇᓛᒎᑦ ᒪᓕᒍᓐᓃᕐᓂᖏᓐᓂᒃ, ᓰᐸᓯ ᐅᖃᐅᑎᓚᐅᕐᐸᕋ, ᐃᓄᐃᑦ ᑐᓵᔪᐃᓐᓇᐅᑎᓪᓗᒋᑦ, “ᔫᑎᐅᓪᓗᑎᑦ, ᔫᑎᐅᖏᑦᑐᑎᑐᑦ ᐃᓅᖃᑕᐅᓕᓚᐅᕐᐳᑎᑦ ᔫᑎᑎᑑᖏᑦᑐᖅ. ᓱᖕᒪᑦ ᔫᑎᐅᖏᑦᑐᑦ ᔫᑎᑎᑐᑦ ᐃᓄᓯᕐᑖᕐᑎᓐᓇᓱᐊᕐᐱᒌᑦ?”

ᒐᓔᑎᐊᒥᐅᓄᑦ 4:19

ᕿᑐᕐᖓᑯᓗᒃᑲ, ᐊᓈᓇᐅᔪᑎᑐᑦ ᐃᒃᐱᒍᓱᒐᒪ ᓲᕐᓗ ᐃᕐᓂᓱᒃᑐᑐᑦ, ᐋᓐᓂᐊᕈᑎᒋᕙᑦᓯ, ᙭ᔅᑑᓯᐅᑉ ᐃᓅᓯᖓᓂᒃ ᐃᓅᓕᓚᐅᖏᓐᓂᑦᓯᓐᓂ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:11

ᖃᐅᔨᒪᕗᓯ ᐃᓕᑦᓯᓐᓄᑦ ᐊᑐᓂᑦ ᐱᓇᓱᐊᕐᓂᖃᓚᐅᕋᑦᑕ ᐊᑖᑕᐅᑉ ᕿᑐᕐᖓᒥᓂᒃ ᐱᓂᐊᕐᓂᕆᒐᔭᕐᑕᖓᑐᑦ, ᑲᔪᖏᕐᓮᓪᓗᑕ ᓮᒻᒪᕐᑎᑦᓯᓪᓗᑕᓗ ᐃᓕᑦᓯᓐᓂᒃ.

ᑎᒧᑎᒧᑦ ᓯᕗᓪᓖᑦ 1:2

ᑎᒧᑎᒧᑦ, ᐅᒃᐱᕐᓂᒃᑯᑦ ᐃᕐᓂᓪᓚᕆᒋᔭᓐᓄᑦ: ᒎᑎ ᐊᑖᑕᐅᑉ ᙭ᔅᑑᓯ ᔩᓱᓯᐅᓪᓗ ᐊᑕᓂᑦᑕ ᑐᓂᓯᕕᒋᓕᑎᑦ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᕐᒥᓂᒃ, ᓂᑲᒍᓱᖕᓂᕐᒥᓂᒡᓗ, ᓮᓕᑎᑦᓯᓂᕐᒥᓂᒃᓗ.

ᑎᒧᑎᒧᑦ ᐂᑉᐸᖏᑦ 1:2

ᐃᕐᓂᓐᓄᑦ ᑎᒧᑎᒧᑦ ᓇᒡᓕᒋᒻᒪᕆᒃᑕᓐᓄᑦ: ᒎᑎᐅᑉ ᐊᑖᑕᐅᑉ ᙭ᔅᑑᓯ ᔩᓱᓯᐅᓪᓗ ᐊᑕᓂᑦᑕ ᑐᓂᓯᕕᒋᓕᑎᑦ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ, ᓂᑲᒍᓱᖕᓂᖓᓂᒃ, ᓮᒻᒪᕐᑎᑦᓯᓂᖓᓂᒃᓗ.

ᐰᓕᒨᓂᒧᑦ 1:10

ᕿᓄᕕᒋᕙᒋᑦ ᐅᓂᓯᒪᓯ ᐱᑦᔪᑎᒋᓪᓗᒍ, ᑖᓐᓇ ᐃᕐᓂᕐᑖᕆᓚᐅᕋᒃᑯ ᙭ᔅᑑᓯᒥ; ᑎᒍᔭᐅᓯᒪᕕᖕᒦᑎᓪᓗᖓ ᐊᓂᕐᓂᒃᑯᑦ ᐊᑖᑕᑖᕆᓚᐅᕐᒪᖓ.

ᔪᐊᓇᓯ ᓯᕗᓪᓖᑦ 2:1

ᕿᑐᕐᖔᑯᓗᒃᑲ, ᑕᒪᒃᑯᓂᖓ ᑎᑎᕋᕐᕕᒋᕙᑦᓯ ᐊᔪᕐᑐᓕᖁᓇᓯ; ᐊᔪᕐᑐᓕᔪᖃᕐᐸᓪᓕ, ᑐᒃᓯᐅᑦᔨᔨᖃᕐᐳᒍᑦ ᐊᑖᑕᒥ, ᑕᕝᕙ ᔩᓱᓯ ᙭ᔅᑑᓯᒥᒃ ᐱᐅᔪᑐᐊᖑᔪᒥᒃ;

ᔪᐊᓇᓯᐅᑉ ᐂᑉᐸᖏᑦ 1:4

ᖁᕕᐊᓱᒃᑎᑕᐅᕗᖓ ᐊᖏᔪᒥᒃ ᕿᑐᕐᖓᕕᑦ ᐃᓚᖏᓐᓂᒃ ᖃᐅᔨᓚᐅᕋᒪ ᓱᓕᔪᒥ ᐃᓅᖕᒪᑕ, ᐊᑖᑕᐅᑉ ᑍᒫᒃ ᐱᖁᓯᒪᖕᒫᑎᒍᑦ.