ᑎᒧᑎᒧᑦ ᐂᑉᐸᖏᑦ 4:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᓵᓚᒃᓴᐅᓯᐊᒃᓴᖅ ᐅᕙᓐᓂᒃ ᐅᑕᖅᑭᓕᕐᐳᖅ ᓂᐊᖂᑎᒃᓴᖅ ᐃᓗᐊᕐᑐᓕᔪᓄᑦ, ᐊᑕᓂᐅᑉ ᐃᓗᐊᕐᑐᒥᒃ ᐃᖅᑲᕐᑐᐃᔫᑉ ᑐᓂᔪᒫᕐᑕᖓ ᐅᕙᓐᓄᑦ ᐅᓪᓗᖅ ᓇᓪᓕᐅᑎᒃᐸᑦ, ᐅᕙᓐᓄᑐᐊᖑᖏᑦᑐᕐᓕ ᑍᒃᑯᓄᖓᓕᑦᑕᐅᖅ ᐊᑕᓂᐅᑉ ᓴᖅᑭᓐᓂᒃᓴᖓᓂᒃ ᖁᕕᐊᓱᒡᓗᑎᒃ ᐅᑕᖅᑭᔪᓄᑦ.

ᑎᒧᑎᒧᑦ ᐂᑉᐸᖏᑦ 4:8 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 18:25

ᑍᒤᓕᐅᕈᒪᓂᕐᒥᒃ ᐃᓱᒪᓂᐊᕐᓇᒃ, ᐸᓯᔭᒃᓴᐅᖏᑦᑐᓂᒃ ᑐᖁᑦᓯᖃᓯᐅᑦᔨᓗᑎᑦ ᐊᔪᕐᑐᓕᔪᓄᑦ, ᐃᓱᐊᕐᑐᑦ ᐊᑦᔨᐅᓕᕐᓗᑎᒃ ᐃᓱᐃᑦᑐᓕᔪᓄᑦ! ᑕᒪᓐᓇ ᐃᓱᒪᒋᑦᑍᓕᒍᒃ! ᓄᓇᕐᔪᐊᕐᒥᐅᓄᑦ ᑕᒤᓐᓄᑦ ᐃᖅᑲᕐᑐᐃᔨ ᑍᒤᒍᓂ ᐃᓱᐊᕐᑐᒥᒃ ᐱᓂᐊᓐᖏᓚᖅ.”

ᐃᓐᖏᕈᑎᑦ 31:19

ᐱᐅᔫᓃᑦ ᐊᖏᔪᐊᓘᕗᖅ, ᖁᒥᕐᕈᑎᒋᔧᑦ ᐃᓕᖕᓂᒃ ᓯᕘᕋᔪᓄᑦ, ᑕᒪᓐᓇ ᐸᕐᓇᒃᓯᒪᔧᑦ ᐃᓕᖕᓂᒃ ᑕᑎᖃᕐᑐᓄᑦ ᐃᓄᐃᑦ ᕿᑐᕐᖓᖏᑕ ᑕᒃᑯᐊᓐᓂ!

ᐃᓐᖏᕈᑎᑦ 7:11

ᒎᑎ ᐃᖅᑲᕐᑐᐃᔨᑦᓯᐊᖑᕗᖅ, ᒎᑎᐅᓪᓗ ᐱᐅᖏᑦᑐᓕᔪᑦ ᖃᐅᑕᒫᑦ ᓂᓐᖓᐅᑎᓯᒪᕔᑦ;

ᓲᓗᒨᓂᐅᑉ ᐅᖃᓪᓚᖕᓂᖏᑦ 4:9

ᑖᑦᓱᒪ ᓂᐊᖂᓯᕐᓂᐊᕐᐹᑎᑦ ᑕᑯᒥᓇᕐᑐᕐᔪᐊᕐᒥᒃ, ᐊᖓᔪᖅᑳᕐᔪᐊᕐᓯᐅᑎᒥᒡᓗ ᓂᐊᖁᕐᒥᐅᑦᓯᕐᓂᐊᕐᐹᑎᑦ.”

ᒪᓚᑬᑉ ᐊᒡᓚᖏᑦ 3:17

“ᑖᒃᑯᐊ ᐱᒋᔪᒫᕐᐸᒃᑲ,” ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, “ᐱᒃᑯᒥᓇᕐᑐᖁᑎᓐᓂᒃ ᐱᓇᓱᐊᕐᓂᒃᓴᕋ ᐅᓪᓗᖅ ᓇᓪᓕᐅᑎᒃᐸᑦ, ᑖᒃᑯᐊ ᓂᑲᒋᔪᒫᕐᐹᒃᑲ ᐃᓅᑉ ᐃᕐᓂᕐᒥᓂᒃ ᐱᔨᑦᓯᕐᑎᒋᔭᒥᓂᒃ ᓂᑲᒍᓱᒃᐸᖕᓂᖓᑐᑦ.

ᒫᑎᐅᓯᐅᑉ ᐊᒡᓚᖏᑦ 24:36

“ᑭᓇᒥᒡᓘᓐᓃᑦ ᖃᐅᔨᒪᔪᖃᓐᖏᓚᖅ, ᓯᓚᕐᔫᑉ ᓇᒡᒐᑎᒃᓴᖓᑕ ᐅᓪᓗᖓᓂᒃ ᐃᑲᕐᕋᖓᓂᒡᓘᓐᓃᑦ; ᐂᖏᓖᑦ ᐊᒡᓛᑦ ᕿᓚᖕᒦᑦᑐᑦ ᖃᐅᔨᒪᖏᓐᓂᕗᑦ, ᐃᕐᓂᐅᓪᓘᓐᓃᑦ ᖃᐅᔨᒪᖏᓐᓂᕚ, ᐊᑖᑕᒪ ᑭᓯᒥ ᖃᐅᔨᒪᕚ.

ᒫᑎᐅᓯᐅᑉ ᐊᒡᓚᖏᑦ 7:22

ᐃᖅᑲᕐᑐᕐᑕᐅᕕᐅᑉ ᐅᓪᓗᖓᓂ, ᐊᒥᓱᑦ ᐅᕙᓐᓄᑦ ᐅᖃᕈᒫᕐᐳᑦ, ‘ᐊᑕᓃᖅ, ᐊᑕᓃᖅ! ᐊᑎᕐᓂ ᒎᑎᐅᑉ ᐅᖃᕐᑕᐅᖁᔭᖓᓂᒃ ᐅᖃᓪᓚᖃᑦᑕᓚᐅᕐᐳᒍᑦ, ᐊᑎᕐᓂᓗ ᐊᓂᕐᓂᕐᓗᐃᑦ ᐊᒥᓱᑦ ᐃᓄᖕᓂᑦ ᐊᓂᑎᖃᑦᑕᓚᐅᕐᐸᕗᑦ, ᐅᓄᕐᑐᓂᒡᓗ ᑲᒪᓇᕐᑐᓕᓂᕐᓂᒃ ᓴᖅᑭᑎᑦᓯᖃᑦᑕᓚᐅᕐᐳᒍᑦ!’

ᓘᑲᓯᐅᑉ ᐊᒡᓚᖏᑦ 10:12

ᐅᖃᐅᑎᕙᑦᓯ, ᐃᖅᑲᕐᑐᐃᕕᒃ ᓇᓪᓕᐅᑎᒃᐸᑦ ᓄᓇᓖᑦ ᑖᒃᑯᐊ ᓂᑲᒋᔭᐅᖏᓐᓂᕐᓴᐅᔪᒫᕐᐳᑦ ᓱᑑᒪᒥᐅᓂᑦ.”

ᕉᒪᒥᐅᓄᑦ 2:5

ᓯᑎᔪᐊᓘᓂᕐᓄᑦ ᐆᒻᒪᑎᒃᑯᓪᓗ ᖃᕿᐊᓕᕈᒪᖏᓐᓂᕐᓄᑦ ᐃᓕᖕᓂᒃ ᖁᒥᐅᑎᒋᓕᕐᐳᑎᑦ ᐅᓪᓗᒧᑦ ᒎᑎᐅᑉ ᓂᓐᖓᒡᕕᒃᓴᖓᓄᑦ ᐃᖅᑲᕐᑐᐃᓂᖓ ᓈᒻᒪᓈᑦᓯᐊᕐᑐᖅ ᓴᖅᑭᑉᐸᑦ.

ᕉᒪᒥᐅᓄᑦ 8:23

ᑖᒃᑯᐊᑐᐊᖑᖏᑦᑐᖅ, ᐅᕙᒍᓪᓕᑦᑕᐅᖅ, ᐊᓂᕐᓂᐅᑉ ᐱᕈᕐᑎᑕᖏᓐᓂᒃ ᓯᕗᓪᓕᕐᓂᒃ ᐱᓯᒪᔪᒍᑦ, ᐋᓐᓂᐊᔪᑐᑦ ᓂᓪᓕᐊᖃᑦᑕᕆᕗᒍᑦ ᐃᓗᑦᑎᒍᑦ ᐅᑕᖅᑭᓪᓗᑕ ᑎᒍᐊᕐᑖᖑᔪᒫᕐᓂᑦᑎᓐᓂᒃ, ᑎᒥᕗᑦ ᐱᐅᓕᔭᐅᓕᕐᐸᑕ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 2:9

ᐊᒡᓚᖕᓂ ᑎᑎᕋᕐᓯᒪᖕᒪᑦ: “ᓇᓪᓕᐊᓐᓄᑦ ᑕᑯᔭᐅᓚᐅᖏᑦᑐᖅ ᑐᓴᕐᑕᐅᓚᐅᖏᑦᑐᕐᓘᓐᓃᑦ, ᓇᓪᓕᐊᓐᓄᓪᓘᓐᓃᑦ ᐃᓱᒪᒋᔭᐅᓚᐅᖏᑦᑐᖅ ᐱᒐᔭᕐᒪᖔᑦ, ᑕᒪᓐᓇ ᒎᑎᐅᑉ ᐅᐸᓗᖕᒊᕈᑎᒋᓯᒪᓚᐅᕐᐹ ᐱᓐᓇᕆᔨᒥᓄᑦ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:13

ᓴᓇᓯᒪᔭᖏᑦ ᐊᑐᓂᑦ ᖃᓄᐃᑦᑑᖕᒪᖔᑕ ᓴᖅᑭᑎᑕᐅᔪᒫᕐᐳᑦ; ᐅᓪᓘᑉ ᑍᑦᓱᒪ ᖃᐅᒪᔪᒧᑦ ᓴᖅᑭᑎᑦᓯᐊᕈᒫᕐᒪᒋᑦ, ᓇᓗᓁᕐᑕᐅᔪᒫᕐᒪᑕ ᐃᑯᒪᒧᑦ, ᐃᑯᒪᒧᓪᓗ ᐊᑐᓂᑦ ᐆᒃᑐᕐᑕᐅᔪᒫᕐᐳᑦ ᓴᓇᓯᒪᔭᖏᑦ ᖃᓄᖅ ᐱᓇᓱᐊᕐᑕᐅᓯᒪᖕᒪᖔᑕ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 9:25

ᓵᓚᒌᖃᑦᑕᐅᑎᓇᓱᐊᕐᑐᓂ ᐃᓚᐅᕙᒃᑐᑦ ᐃᒻᒥᖕᓂᒃ ᐊᒃᓱᕈᕐᑎᓪᓗᑎᒃ ᐃᕾᓕᓴᕋᓱᐊᕐᐸᖕᒪᑕ; ᓂᐊᖂᓯᕐᑕᐅᓂᕐᒥᒃ ᓄᖑᓐᓂᐊᕐᑐᒥᒃ ᐱᔪᒪᓪᓗᑎᒃ, ᐅᕙᒍᓪᓕ ᓂᐊᖂᓯᕐᑕᐅᓂᖅ ᓄᖑᓐᓂᐊᖏᑦᑐᖅ ᐱᓇᓱᐊᕐᐸᕗᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:2

ᒫᓂ ᐃᓛᒃ ᐊᓂᕐᓴᐅᒥᕗᒍᑦ, ᐊᑯᓂᒍᓱᒃᓗᑕ ᐊᑎᔭᒃᓴᑦᑎᓐᓂᒃ ᕿᓚᖕᒥ ᐃᓂᒃᓴᑦᑎᓐᓂᒃ;

ᐱᓕᐱᒥᐅᓄᑦ 3:11

ᐊᔪᕐᓇᖏᑉᐸᑦ ᒪᑭᑎᑕᐅᔪᓐᓇᕈᒪᓪᓗᖓ ᑐᖁᒥᑦ ᐃᓅᓯᕐᒧᑦ.

ᑯᓘᓯᐊᒥᐅᓄᑦ 1:5

ᓂᕆᐅᒋᔭᒃᓴᖅ ᐱᑦᔪᑎᒋᓪᓗᒍ ᐃᓕᑦᓯᓐᓄᑦ ᖁᒥᐅᑕᐅᓯᒪᔪᒧᑦ ᕿᓚᖕᒥ. ᑕᒪᓐᓇ ᓯᕗᓂᖓᒍᑦ ᑐᓴᓚᐅᕐᑕᓯ ᐅᖃᐅᓯᒃᑯᑦ ᓱᓕᔪᒃᑯᑦ, ᐅᖃᐅᓯᕐᑎᒍᑦ ᑐᓴᕈᒥᓇᕐᑐᑎᒍᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 1:10

ᐃᕐᓂᖓᓗ ᓂᕆᐅᒋᓪᓗᒍ ᕿᓚᖕᒥᑦ, ᑖᓐᓇ ᑐᖁᖓᔪᓂᑦ ᒪᑭᑎᓚᐅᕐᑕᖓ, ᔩᓱᓯ ᓴᐳᑦᔨᔨᒋᔭᕗᑦ ᒎᑎᐅᑉ ᓂᓐᖓᐅᓯᖓᓂᑦ ᑎᑭᑦᓱᒫᕐᑐᒥᑦ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:4

ᐃᓕᑦᓯᓕ ᐅᒃᐱᕐᑑᖃᑎᒃᑲ, ᑖᕐᑐᒦᓐᖏᓚᓯ, ᑍᒤᒻᒪᑦ ᐅᓪᓘᑉ ᑍᑦᓱᒪ ᑎᒡᓕᒊᔭᕕᓂᕐᑐᑦ ᐅᐸᓗᐃᓂᐊᓐᖏᓛᓯ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 2:8

ᑕᕝᕙ ᐱᑯᔭᖃᖏᑦᑐᕐᔪᐊᖅ ᓴᖅᑭᑎᑕᐅᔪᒫᕐᐳᖅ, ᐊᑕᓂᐅᓪᓕ ᔩᓱᓯᐅᑉ ᑎᑭᒃᑯᓂ ᑐᖁᑦᓱᒫᕐᐹ ᐊᓂᕐᓂᕐᒥᓄᑦ ᖃᓂᖓᓂᑦ ᐊᓂᔪᒧᑦ; ᐊᓯᕈᕐᓗᓂᐅᒡᓗ ᓴᖅᑭᓐᓂᕐᒥᓄᑦ ᐱᓐᓇᕐᓇᕐᑐᕐᔪᐊᒧᑦ.

ᑎᒧᑎᒧᑦ ᓯᕗᓪᓖᑦ 6:19

ᑍᒤᓕᐅᕈᑎᒃ ᐱᒃᑯᒥᓇᕐᑐᕐᔪᐊᓂᒃ ᑐᓐᖓᕕᓕᐅᕐᓂᐊᕐᐳᑦ ᓯᕗᓂᒃᓴᒥᖕᓂ, ᐃᓅᓯᕐᒥᒃ ᓵᓚᖃᐅᑎᒃᓴᕐᑖᕈᒫᕐᐳᑦ ᐃᓅᓯᓪᓚᕆᖕᒥᒃ.

ᑎᒧᑎᒧᑦ ᐂᑉᐸᖏᑦ 1:10

ᒫᓐᓇᓕ ᑕᒪᓐᓇ ᓴᖅᑭᑎᑕᐅᓯᒪᕗᖅ ᐱᐅᓕᔨᑦᑕ ᙭ᔅᑑᓯ ᔩᓱᓯᐅᑉ ᑎᑭᓯᒪᓂᖓᒍᑦ, ᑐᖂᑉ ᐱᔪᓐᓇᕐᓂᖓ ᐊᑐᕈᓐᓁᕐᑎᓪᓗᒍ ᐃᓅᓯᕐᒥᒃ ᓴᖅᑭᑎᑦᓯᕕᒋᕚᑎᒍᑦ ᖃᐅᒪᔪᒧᑦ ᐅᖃᐅᓰᑦ ᑐᓴᕈᒥᓇᕐᑐᑦ ᐊᖅᑯᑎᒋᓪᓗᒋᑦ.

ᑎᒧᑎᒧᑦ ᐂᑉᐸᖏᑦ 1:12

ᑍᒤᒻᒪᑦ ᐊᒃᓱᕈᕐᑎᑕᐅᕗᖓ. ᑕᒪᓐᓇᓕ ᑲᓐᖑᓲᑎᒋᓐᖏᓚᕋ, ᐅᒃᐱᕐᕕᒋᔭᕋ ᖃᐅᔨᒪᒐᒃᑯ, ᖁᓚᖏᓐᓇᒪ ᐅᕙᓐᓄᑦ ᐱᓂᐊᕐᑕᐅᖁᓯᒪᔭᓂ ᓴᐳᑎᓯᒪᔪᓐᓇᕐᓂᐊᕐᒪᒍ ᐅᓪᓗᖅ ᑍᓐᓇ ᓇᓪᓕᐅᑎᔪᒃᓴᖅ ᑎᑭᓪᓗᒍ.

ᑎᒧᑎᒧᑦ ᐂᑉᐸᖏᑦ 1:18

ᐊᑕᓂᐅᑉ ᐱᔪᓐᓇᕐᑎᓪᓕᐅᒃ ᓈᒃᑭᒋᔭᐅᓂᕐᒥᒃ ᐊᑕᓂᕐᒥᑦ ᓇᓂᓯᖁᓪᓗᒍ ᐅᓪᓗᕐᒥ ᓇᓪᓕᐅᑦᓱᒫᕐᑐᒥ; ᖃᐅᔨᒪᕗᑎᓪᓗ ᐃᑲᔪᕐᓯᒪᓪᓚᕆᖕᓂᖓᓂᒃ ᐅᕙᓐᓄᑦ ᐃᐱᓲᓯᒥ.

ᑎᒧᑎᒧᑦ ᐂᑉᐸᖏᑦ 2:5

ᐱᒃᑯᓴᐅᑦᔪᐊᖃᑕᐅᔪᖅ ᓵᓚᖃᕐᓂᐊᓐᖏᓚᖅ ᐱᒃᑯᓴᐅᑦᔪᐊᕐᑐᑦ ᒪᓕᒋᐊᓕᖏᓐᓂᒃ ᒪᓕᑦᓯᐊᕐᓗᓂ ᑭᓯᐊᓂ.

ᑎᒧᑎᒧᑦ ᐂᑉᐸᖏᑦ 4:1

ᐱᖁᓪᓚᕆᒃᐸᒋᑦ ᒎᑎᐅᑉ ᓵᖓᓂ ᙭ᔅᑑᓯ ᔩᓱᓯᐅᓪᓗ ᑖᓐᓇ ᐃᖅᑲᕐᑐᐃᔪᒫᕐᒪᑦ ᐃᓅᔪᓂᒃ ᑐᖁᖓᔪᓂᒡᓗ, ᑎᑭᑦᓱᒫᕐᒪᓪᓗ ᐊᐅᓚᑦᓯᔭᕐᑐᕐᓗᓂ.

ᑍᑑᓯᒧᑦ 2:13

ᓂᕆᐅᒋᔭᒃᓴᕗᑦ ᐅᓪᓗᖅ ᐱᕕᐊᕐᓇᕐᑐᕐᔪᐊᖅ ᐅᑕᖅᑭᓗᒍ, ᒎᑎᐅᑉ ᐊᖏᓂᕐᐹᖑᔫᑉ ᐱᐅᓕᔨᑦᑕᓗ ᔩᓱᓯ ᙭ᔅᑑᓯᐅᑉ ᓂᕐᑐᕐᓇᕐᓂᕐᔪᐊᖓ ᓴᖅᑭᑦᓯᐊᕆᓗᒍ.

ᐄᑉᕈᐃᓄᑦ 12:11

ᐋᖅᑭᒋᐊᕐᑕᐅᑎᓪᓗᑕ ᐃᓱᒪᒋᕙᕗᑦ ᖁᕕᐊᓱᖏᑦᔪᑎᒃᓴᐅᓇᓱᒋᓪᓗᒍ ᕿᒃᓴᐅᑎᒋᕙᕗᑦ; ᐋᖅᑭᒋᐊᕐᑕᐅᕙᒃᑐᓪᓕ ᐱᕈᕐᓴᑎᓪᓗᒋᑦ ᑭᖑᓂᖓᒍ ᓮᒪᓇᕐᑐᒥᒃ ᐃᓗᐊᕐᑐᒥᒡᓗ ᐃᓅᓯᖃᕈᑕᐅᓂᕐᓴᐅᕗᖅ ᑍᒤᑦᑐᒃᑯᑦ ᐱᒋᐅᕐᓴᕐᑕᐅᓯᒪᔪᓄᑦ.

ᐄᑉᕈᐃᓄᑦ 9:28

ᑍᒫᒃᑕᐅᖅ ᙭ᔅᑑᓯ, ᐊᑕᐅᓯᐊᕐᓗᓂ ᑐᓂᕐᕈᑎᒋᔭᐅᓚᐅᕐᐳᖅ ᐊᒥᓱᑦ ᐊᔪᕐᓂᖏᑦ ᐲᔭᕐᑕᐅᖁᓪᓗᒋᑦ, ᑭᖑᓪᓕᕐᒥᒡᓕ ᓴᖅᑭᑦᓱᒫᕆᕗᖅ, ᐊᔪᕐᓂᕐᒥᒃ ᐱᑦᔪᑎᖃᕈᓐᓁᕐᓗᓂ ᐱᐅᓕᓯᔭᕐᑐᓕᕐᓗᓂᓕ ᐅᑕᖅᑭᔪᓂᒃ ᑖᑦᓱᒥᖓ.

ᔧᒥᓯᐅᑉ ᐊᒡᓚᖏᑦ 1:12

ᐃᓄᒃ ᓮᒻᒪᕐᑎᑕᐅᑦᔪᑎᒃᓴᖃᕐᐳᖅ ᐱᐅᓐᖏᑦᑐᒧᑦ ᐱᔪᒥᓵᕐᑕᐅᓂᕐᒥᒃ ᕿᓄᐃᓵᕐᓗᓂ ᐊᓂᒍᐃᔪᖅ, ᐱᐅᖏᑦᑐᒥᒃ ᐱᔪᒥᓵᕐᑕᐅᓂᕐᒥᒃ ᐊᓂᒍᐃᒍᓂ ᑕᕝᕙ ᓂᐊᖂᓯᕐᑕᐅᔪᒫᕐᐳᖅ ᐃᓅᓯᕐᒥᒃ ᒎᑎᐅᑉ ᐊᖏᕈᑎᒋᓯᒪᔭᖓᓂᒃ ᓇᒡᓕᒋᔨᒥᓄᑦ.

ᐲᑦᑐᕉᓯ ᓯᕗᓪᓖᑦ 1:4

ᑭᖑᕐᖑᑦᔨᖁᓪᓗᑕ ᐊᓯᕈᔪᐃᑦᑐᒥᒃ, ᐃᑦᔪᕐᓁᑦᑐᒥᒃ, ᑐᖁᓕᔪᐃᑦᑐᒥᒡᓗ, ᕿᓚᖕᒥ ᐅᑕᖅᑭᑎᑕᐅᔪᓂᒃ ᐃᓕᑦᓯᓐᓄᑦ,

ᐲᑦᑐᕉᓯ ᓯᕗᓪᓖᑦ 5:4

ᐰᕐᓯᔩᑦ ᐊᖓᔪᖅᑳᖓᑦ ᓴᖅᑭᑉᐸᑦ ᑕᕝᕙ ᓂᕐᑐᕐᓇᕐᑐᒥᒃ ᓂᐊᖂᓯᕐᑕᐅᔪᒫᕐᐳᓯ ᐱᓐᓇᕐᓇᕐᑐᒥᒃ ᐊᓯᐅᓂᐊᖏᑦᑐᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:7

ᑕᑯᒋᑦ, ᓄᕗᔭᑎᒍᑦ ᕾᓕᕐᐳᖅ, ᑕᒪᕐᒥᒡᓗ ᑕᑯᔪᒫᕐᐹᑦ, ᑖᑦᓱᒥᖓ ᑲᐱᓯᓚᐅᕐᑐᑦᑕᐅᖅ ᑕᑯᔪᒫᕆᕗᑦ; ᐃᓄᐃᓪᓗ ᓄᓇᕐᔪᐊᕐᒥᐅᓕᒫᑦ ᕿᐊᔪᒫᕐᐳᑦ ᑖᓐᓇ ᐱᓪᓗᒍ. ᐊᑏ ᑍᒤᓕᕐᓕ. ᐋᒦᓐ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:11

ᑕᕝᕙ ᕿᓚᒃ ᐅᒃᑯᐃᕐᑐᖅ ᑕᑯᕙᕋ, ᑕᑯᒋᓪᓗ, ᓴᖅᑭᑦᑐᖃᕐᐳᖅ ᕿᒻᒥᕐᔪᐊᒥᒃ ᖃᑯᕐᑕᒥᒃ! ᑕᕝᕙᓂᓗ ᐃᑭᒪᔪᖅ ᐊᑎᖃᕐᐳᖅ ᓱᖁᓯᔪᐃᑦᑐᒥᒃ ᓱᓕᔪᒥᒡᓗ, ᓈᒻᒪᑦᓯᐊᕐᑐᒥᒡᓗ ᐃᖅᑲᕐᑐᐃᓂᖃᕐᐳᖅ ᑕᒪᓐᓇᓗ ᐅᓇᑕᐅᑎᒋᕚ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:10

ᐊᒃᓱᕈᕐᓇᕐᑐᔪᐊᑰᓂᕆᓂᐊᕐᑕᓯ ᓯᕘᕋᒋᑦᑍᓕᓯᐅᒃ. ᑕᑯᒋᑦ, ᓵᑖᓇᓯᐅᑉ ᐆᒃᑐᕐᑕᐅᖁᓪᓗᓯ ᐃᓚᑦᓯ ᐃᓚᖏᓐᓂᒃ ᑎᒍᔭᐅᓯᒪᕕᖕᒧᐊᕐᑕᐅᑎᑦᓯᓂᐊᕐᐳᖅ, ᐊᒃᓱᕈᕐᓇᕐᑐᒃᑰᕐᓂᕆᓂᐊᕐᑕᓯᓗ ᐅᓪᓗᓂᒃ ᖁᓕᓂᒃ ᓯᕕᑐᓂᖃᕐᓂᐊᕐᐳᖅ. ᓱᖁᓯᕐᑍᓕᒋᑦᓯᓕ ᑐᖁ ᑎᑭᓪᓗᒍ, ᑕᕝᕙ ᑐᓂᓯᕕᒋᔪᒫᕐᐸᑦᓯ ᓂᐊᖂᑎᒥᒃ ᐃᓅᓯᖃᕐᓇᕐᑐᒥᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:20

ᑖᒃᑯᓂᖓ ᐅᖃᐅᓯᖃᕐᑐᖅ ᐅᖃᕐᐳᖅ, “ᓱᓕᕗᖓ ᐊᑯᓂᐅᖏᑦᑐᖅ ᕾᓂᐊᕐᐳᖓ.” ᐋᒥᓐ. ᐊᑕᓃᖅ ᔩᓱᓯ ᕾᓕᕆᑦ!

ᔪᐊᓇᓯᐅᑉ ᑕᑯᑎᑕᐅᓂᖏᑦ 4:10

ᑍᒤᓕᐅᓕᕌᖓᑕ, ᐊᖓᔪᖅᑳᑦ 24 ᐃᒃᓯᕙᐅᑕᕐᔪᐊᕐᒦᑦᑑᑉ ᓵᖓᓄᑦ ᓰᖅᑯᕐᓗᑎᒃ ᐅᑯᖃᑦᑕᕐᐳᑦ, ᓂᕐᑐᕐᓗᒍᓗ ᑖᓐᓇ ᐃᓅᑦᓮᓐᓇᕐᑐᖅ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ; ᓂᐊᖂᑎᑎᒡᓗ ᐊᖓᔪᖅᑳᕐᓯᐅᑏᑦ ᐃᒃᓯᕙᐅᑕᕐᔪᐊᑉ ᓵᖓᓄᑦ ᐃᓕᓪᓗᒋᑦ, ᐅᖃᕐᐸᒃᐳᑦ:

ᔪᐊᓇᓯᐅᑉ ᑕᑯᑎᑕᐅᓂᖏᑦ 4:4

ᐃᒃᓯᕙᐅᑕᕐᔪᐊᕐᓗ ᐊᕙᑕᖏᕐᑕᐅᓯᒪᕗᖅ ᐃᒃᓯᕙᐅᑕᕐᔪᐊᓄᑦ 24ᓄᑦ, ᑖᒃᑯᐊᓗ ᐃᒃᓯᕚᕐᕕᐅᕗᑦ ᐊᖓᔪᖅᑳᓄᑦ 24ᓄᑦ, ᐊᓐᓄᕌᕐᓯᒪᔪᓄᑦ ᖃᑯᕐᑕᓂᒃ, ᓂᐊᖂᓯᕐᓯᒪᔪᓄᑦ ᐊᖓᔪᖅᑳᕐᓯᐅᑎᓂᒃ ᒎᓗᓂᒃ.