ᑎᒧᑎᒧᑦ ᐂᑉᐸᖏᑦ 2:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᕿᓄᐃᓵᕈᑦᑕ, ᐊᐅᓚᑦᓯᖃᑎᒋᔪᒫᕆᕙᕗᑦ; ᖃᐅᔨᒪᖏᓐᓂᕋᕈᑦᑎᒍ, ᖃᐅᔨᒪᖏᓐᓂᕋᕈᒫᕆᕚᑎᒍᑦᑕᐅᖅ;

ᑎᒧᑎᒧᑦ ᐂᑉᐸᖏᑦ 2:12 ပူးပေါင်းရင်းမြစ်များ

ᕉᒪᒥᐅᓄᑦ 8:17

ᕿᑐᕐᖓᕆᔭᐅᒍᑦᑕᓗ, ᑭᖑᕐᖑᑦᔨᔪᒃᓴᐅᓕᕐᐳᒍᑦ, ᒎᑎᐅᑉ ᐃᓄᖁᑎᒥᓄᑦ ᑭᖑᕐᖑᑎᔭᒃᓴᐅᑎᑕᖏᓐᓂᒃ ᙭ᔅᑑᓯᓗ ᑭᖑᕐᖑᑦᔨᖃᑎᒋᔪᒫᓕᕐᓗᒍᑦ, ᙭ᔅᑑᓯ ᐅᖁᒤᒃᓴᖃᑎᒋᕙᕗᑦ ᓂᕐᑐᕐᓇᕐᓯᑎᑕᐅᓂᖓᓂᒃᑕᐅᖅ ᐱᖃᑕᐅᔪᒫᖁᓪᓗᑕ.

ᒫᑎᐅᓯᐅᑉ ᐊᒡᓚᖏᑦ 10:33

ᑭᓇᑐᐃᓐᓇᕐᓕ ᐃᓄᖕᓄᑦ ᐅᖃᐅᓯᖃᖏᑉᐸᑦ ᐅᕙᓐᓂᒃ, ᐅᕙᖓᑦᑕᐅᖅ ᐅᖃᐅᓯᕆᓛᓐᖏᓐᓂᕙᕋ ᐊᑖᑕᓐᓄᑦ ᕿᓚᖕᒦᑦᑐᒧᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:4

ᑕᕝᕙ ᐃᒃᓯᕙᐅᑕᕐᔪᐊᓂᒃ ᑕᑯᒋᕗᖓ, ᑕᕝᕙᓂᓗ ᐃᒃᓯᕙᔪᑦ ᐱᔪᓐᓇᕐᓂᕐᒥᒃ ᑐᓂᓯᕕᐅᕗᑦ ᐃᖅᑲᕐᑐᐃᔪᓐᓇᖁᓪᓗᒋᑦ. ᑕᑯᒋᕗᖓᓗ ᓂᐊᖁᐃᕐᑕᐅᓯᒪᔪᑦ ᑕᕐᓂᖏᓐᓂᒃ ᐅᖃᐅᓯᖃᕐᓂᖏᓐᓄᑦ ᔩᓱᓯᒥᒃ ᒎᑎᐅᓪᓗ ᐅᖃᐅᓯᖏᓐᓂᒃ, ᑐᒃᓯᐊᕐᕕᖃᓚᐅᖏᑦᑐᓪᓗ ᐆᒪᔪᐊᓗᖕᒥᒃ ᐅᕝᕙᓗ ᐊᑦᔨᓐᖑᐊᖓᓂᒃ ᓴᓇᓯᒪᔪᒥᒃ ᓇᓗᓁᒃᑯᑕᖓᓂᒡᓗ ᓇᓗᓁᒃᑯᓯᕐᑕᐅᓚᐅᖏᑦᑐᑦ ᖃᐅᒥᒃᑎᒍᑦ ᐊᒡᒐᖕᒥᒃᑎᒍᓪᓘᓐᓃᑦ. ᑖᒃᑯᐊ ᐆᒻᒪᕋᒥᒃ, ᙭ᔅᑑᓯ ᐊᖓᔪᖅᑳᕐᔪᐊᖑᖃᑎᒋᕚᑦ ᐊᕐᕌᒍᓂᒃ 1,000ᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:6

ᖁᕕᐊᓇᕐᐳᖅ ᐃᑦᔪᕐᓁᑦᑑᓪᓗᓂᓗ ᒪᑭᓐᓂᕐᒥᒃ ᓯᕗᓪᓕᕐᒥᒃ ᒪᑭᖃᑕᐅᔪᓄᑦ! ᑐᖂᑉ ᐂᑉᐸᖓᓄᑦ ᐱᔪᓐᓇᕐᓂᖃᕐᕕᐅᔪᓐᓃᕐᒪᑕ ᑭᖑᓂᖓᒍᑦ, ᒎᑎᐅᑉ ᙭ᔅᑑᓯᐅᓪᓗ ᑐᓂᕐᕈᓯᕐᑎᑦᓯᔨᒋᓂᐊᓕᕐᒪᒋᑦ, ᐊᐅᓚᑦᓯᖃᑎᒋᓂᐊᕐᐹᓪᓗ ᐊᕐᕌᒍᓂᒃ 1,000ᓂᒃ.

ᓘᑲᓯᐅᑉ ᐊᒡᓚᖏᑦ 12:9

ᓇᓪᓕᐊᓪᓕ ᐃᓄᖕᓄᑦ ᐅᕙᓐᓂᒃ ᖃᐅᔨᒪᖏᓐᓂᕋᕐᑐᖅ, ᑍᒫᒃᑕᐅᖅ ᐃᓅᑉ ᐃᕐᓂᖓᑕ ᖃᐅᔨᒪᖏᓐᓂᕋᕈᒫᕆᕚ ᒎᑎᐅᑉ ᐂᖏᓕᖏᓐᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 5:10

ᑐᓂᕐᕈᓯᕐᑎᑦᓯᔨᓐᖑᕐᑎᑉᐸᑎᓪᓗ ᐊᑕᓂᐅᕕᖕᒥ ᒎᑎᑦᑎᓐᓄᑦ, ᐊᐅᓚᑦᓯᔨᐅᖁᓪᓗᒋᓪᓗ ᓄᓇᕐᔪᐊᕐᒥ.”

ᓘᑲᓯᐅᑉ ᐊᒡᓚᖏᑦ 9:26

ᐃᓅᑉ ᓇᓪᓕᐊᑦᑕ ᑲᓐᖑᓲᑎᒋᒃᐸᖓ ᐃᓄᖕᓄᑦ ᐊᔪᕆᕐᑐᐃᑦᔪᑎᒋᔭᒃᑲᓗ, ᑖᓐᓇᑦᑕᐅᖅ ᐃᓅᑉ ᐃᕐᓂᖓᑕ ᑲᓐᖑᓲᑎᒋᔪᒫᕆᕚ ᓂᕐᑐᕐᓇᕐᑐᕐᔪᐊᖑᓗᓂ ᑎᑭᒃᑯᓂ ᐊᑖᑕᐅᑉ ᓂᕐᑐᕐᓇᕐᓂᕐᔪᐊᖓᓂ ᐂᖏᓖᓪᓗ ᐃᑦᔪᕐᓁᑦᑐᑦ ᐃᓚᒋᓗᒋᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:13

ᐃᓂᒋᔧᑦ ᖃᐅᔨᒪᕙᕋ, ᑕᕝᕙᓂ ᓵᑖᓇᓯ ᐃᒃᓯᕙᐅᑕᕐᔪᐊᖃᕐᐳᖅ; ᐅᕙᓐᓂᒡᓕ ᓱᓕ ᐃᒃᐱᒍᓱᑦᓯᐊᕐᐳᑎᑦ ᐅᒃᐱᕐᓂᕆᔧᓪᓗ ᐅᕙᓐᓄᑦ ᑲᔪᓯᑎᓯᒪᕙᑦ ᐋᓐᑎᐸᔅ ᐃᓅᑎᓪᓗᒍ ᓇᓗᓁᕐᓯᓂᕆᓚᐅᕐᑍᑦ, ᑖᓐᓇ ᓱᖁᓯᔪᐃᑦᑐᖁᑎᒋᓚᐅᕐᑕᕋ, ᐊᑯᓐᓇᑦᓯᓐᓂ ᑐᖁᑕᐅᓚᐅᕐᑐᖅ, ᓵᑖᓇᓯᐅᑉ ᐃᓂᖓᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:9

ᔪᐊᓇᓯᐅᕗᖓ, ᐅᒃᐱᑑᖃᑎᓯ, ᔩᓱᓯᒥᒃ ᒪᓕᒃᑎᐅᓂᓐᓄᑦ ᐃᓕᑦᓯᓐᓄᑦ ᐋᓐᓂᐊᓇᕐᑐᑎᒎᖃᑕᐅᕗᖓ ᕿᓄᐃᓵᖃᑕᐅᓪᓗᖓᓗ ᑎᑭᐅᑎᕙᒃᑐᑎᒍᑦ ᑖᑦᓱᒪ ᐊᑕᓂᐅᕕᖓᓂ ᐃᓅᔪᓄᑦ, ᕿᑭᕐᑕᒧᑦ ᐹᑦᒨᓯᒥᒃ ᐊᑎᓕᖕᒧᐊᕐᑕᐅᓚᐅᕐᐳᖓ ᒎᑎᐅᑉ ᐅᖃᐅᓯᖓᓂᒃ ᐱᑦᔪᑎᖃᕐᓗᑎᒃ ᔩᓱᓯᒥᒡᓗ ᓇᓗᓁᕐᓯᖃᑦᑕᕐᓂᓐᓄᑦ.

ᔫᑎᐅᑉ ᐊᒡᓚᖏᑦ 1:4

ᐃᓚᖏᑦ ᐱᖏᑦᓯᕐᑐᕐᓗᑎᒃ ᐅᕙᑦᑎᓐᓄᑦ ᐃᓚᓕᐅᑎᓯᒪᖕᒪᑕ ᑍᑦᓱᒪᓂᐊᓗᖕᓂᑦ ᐅᖃᐅᓯᐅᔭᕇᕐᓯᒪᔪᑦ ᓱᒋᐊᕐᑕᐅᓛᕐᓂᕐᒥᖕᓂᒃ ᐱᓯᒪᓕᕇᕐᑐᑦ, ᑖᒃᑯᐊ ᐅᒃᐱᖏᑦᑐᑦ ᒎᑎᑦᑕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᓇᕐᕈᓇᕐᓯᑎᑉᐹᑦ ᐃᒃᓯᒎᕐᓂᕐᒥᖕᓂᒃ ᐊᑐᕐᓂᕐᒥᖕᓄᑦ ᓱᓇᐅᑎᓐᖏᓛᓪᓗ ᐊᖓᔪᖅᑳᑐᐊᕗᑦ ᐊᑕᓂᑐᐊᕗᓪᓗ ᔩᓱᓯ ᙭ᔅᑑᓯ.

ᐱᓕᐱᒥᐅᓄᑦ 1:28

ᐊᑭᕋᕐᑐᕐᑎᑦᓯᓐᓂᒃ ᓯᕘᕋᓂᐊᕋᓯ ᖃᓄᓕᒫᖅ. ᑕᒪᓐᓇ ᓇᓗᓁᒃᑯᑕᐅᖕᒪᑦ ᐊᓯᕈᕐᑕᐅᓛᕐᓂᖏᓐᓄᑦ, ᐃᓕᑦᓯᓕ ᐱᐅᓕᔭᐅᖁᓪᓗᓯ, ᑕᒪᓐᓇᓗ ᒎᑎᒥᑦ ᐱᕗᖅ.

ᒫᑯᓯᐅᑉ ᐊᒡᓚᖏᑦ 8:38

ᓇᓪᓕᐊᑦ ᐅᕙᓐᓂᒃ ᑲᓐᖑᓲᑎᖃᕐᐸᑦ ᐊᔪᕆᕐᑐᐃᑦᔪᑎᒋᔭᓐᓂᒡᓗ ᐅᕙᓂ ᓯᓚᕐᔪᐊᕐᒥ ᒎᑎᖃᖏᑦᑐᓂ ᐱᐅᖏᑦᑐᓕᔪᓂᓗ, ᐃᓅᑉ ᐃᕐᓂᖓᑕ ᑲᓐᖑᒋᔪᒫᕆᕚ, ᑎᑭᓕᕈᓂ ᐊᑖᑕᖓᑕ ᓂᕐᑐᕐᓇᕐᓂᕐᔪᐊᖓᓂ ᐂᖏᓖᓂ ᐃᑦᔪᕐᓁᑦᑐᑦ ᐱᖃᑎᒋᓗᒋᑦ.”

ᒫᑎᐅᓯᐅᑉ ᐊᒡᓚᖏᑦ 26:35

ᐲᑦᑐᕉᓯᐅᑉ ᑭᐅᕚ, “ᑐᖁᖃᑎᒋᓂᐊᕋᓗᐊᕈᒃᑭᑦ ᐊᒡᓛᑦ ᖃᐅᔨᒪᖏᓐᓂᕋᕐᓂᐊᓐᖏᓚᒋᑦ.” ᐃᓕᓐᓂᐊᕐᑎᑦᑕᐅᖅ ᑍᒤᓕᖃᑕᐅᒋᕗᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:8

ᐱᓂᐊᕐᓂᑎᑦ ᖃᐅᔨᒪᕙᒃᑲ. ᑕᑯᒋᑦ, ᓯᕗᓂᕐᓃᑦᑐᒥᒃ ᐅᒃᑯᐊᒥᒃ ᐅᒃᑯᐃᕈᑎᓚᐅᕐᐸᒋᑦ, ᑭᓇᒧᓪᓘᓐᓃᑦ ᐅᒃᑯᐊᕐᑕᐅᓂᐊᖏᑦᑐᒥᒃ; ᖃᐅᔨᒪᕙᒋᑦ ᒥᑭᔪᒥᒃ ᐱᔪᓐᓇᕐᓂᖃᕋᕕᑦ, ᐅᖃᐅᓯᕋᓗ ᐱᓯᒤᓐᓇᕐᐸᑦ ᐊᑎᕋᓗ ᒥᓯᐊᕈᑎᒋᓯᒪᓇᒍ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 30:9

ᐊᕿᐊᑦᑐᓗᐊᕈᒪ ᐃᓕᖕᓂᒃ ᐃᒃᐱᒍᓱᒍᓐᓃᖁᓇᖓ, ᐅᖃᓕᖁᓇᖓᓗ, “ᑭᓇ ᐊᑕᓂᐅᕙ?” ᐅᕝᕙᓗ ᐊᔪᕐᓴᓗᐊᓕᕈᒪ ᑎᒡᓕᖃᑦᑕᓕᖁᓇᖓ, ᒎᑎᒪᓗ ᐊᑎᖓᓂᒃ ᐊᑐᕐᓂᕐᓗᓕᖁᓇᖓ.

ᐋᐴᓯᑕᓖᑦ ᐱᓂᐊᕐᓂᖏᑦ 14:22

ᐃᓕᓐᓂᐊᕐᑎᑦ ᐱᕙᓪᓕᕐᑎᑉᐰᑦ ᐃᓇᓪᓗᒋᑦ ᐅᒃᐱᕐᓂᕐᒦᖁᓪᓗᒋᑦ, ᐅᖃᐅᑎᓪᓗᒋᑦ. “ᐅᖁᒤᓐᓇᕐᑐᓂᒃ ᑲᑉᐱᐊᓇᕐᑐᓂᒡᓗ ᐊᒥᓱᓂᒃ ᐊᖅᑯᓵᕐᓯᔭᕆᐊᖃᕋᑦᑕ ᒎᑎᐅᑉ ᐊᑕᓂᐅᕕᖓᓄᑦ ᐃᑎᖁᓪᓗᑕ.”

ᒫᑯᓯᐅᑉ ᐊᒡᓚᖏᑦ 10:33

ᐅᖃᐅᑎᓪᓗᒋᑦ, “ᑕᑯᒋᑦ, ᑕᑉᐸᐅᖓ ᔨᕉᓴᓕᒻᒧᑦ ᐂᓕᕐᐳᒍᑦ; ᐃᓅᑉ ᐃᕐᓂᖓ ᑐᓂᔭᐅᔪᒫᕐᐳᖅ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖏᓐᓄᑦ, ᐱᖁᔭᓂᒡᓗ ᐃᓕᓮᔨᓄᑦ, ᑖᒃᑯᐊ ᑐᖁᑕᒃᓴᓐᖑᕐᑎᑦᓱᒫᕐᐹᑦ, ᔫᑎᐅᖏᑦᑐᓄᑦ ᑐᓂᓗᒍ;

ᒫᑎᐅᓯᐅᑉ ᐊᒡᓚᖏᑦ 26:75

ᐲᑦᑐᕉᓯ ᐃᖅᑬᓕᕐᐳᖅ ᔩᓱᓯᐅᑉ ᐅᖃᐅᑎᓚᐅᕐᒪᒍ, “ᐊᖑᑎᕕᐊᖅ ᓂᓪᓕᖅᑳᕐᑎᓐᓇᒍ, ᐱᖓᓱᐃᕐᑐᕐᓗᑎᑦ ᖃᐅᔨᒪᖏᓐᓂᕋᓛᕐᐸᕐᒪ.” ᐲᑦᑐᕉᓯ ᑕᕝᕙᓐᖓᑦ ᐊᓂᓪᓗᓂ, ᕿᐊᕕᒡᔪᐊᓕᕐᐳᖅ ᐅᒡᒍᐊᕐᓂᕐᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:6

ᑐᓂᕐᕈᓯᕐᑎᑦᓯᔨᓐᖑᕐᑎᑉᐹᑎᒍᓪᓗ ᐊᑕᓂᐅᕕᖕᒥᓂ ᐱᔨᑦᓯᖁᓪᓗᑕ ᒎᑎᖓᓂᒃ ᐊᑖᑕᖓᓂᒡᓗ, ᑖᑦᓱᒪ ᐱᓐᓇᕐᓇᕐᓂᕐᔪᐊᖅ ᐱᒋᓕᐅᒃ ᐊᖓᔪᖅᑲᐅᓂᕐᓗ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. ᐋᒦᓐ.

ᓘᑲᓯᐅᑉ ᐊᒡᓚᖏᑦ 22:29

ᐊᑖᑕᒪ ᑐᓂᓯᕕᒋᓚᐅᕐᒪᖓ ᐊᐅᓚᑦᓯᔪᓐᓇᕐᓂᕐᒥᒃ, ᑍᒫᒃᑕᐅᖅ ᑐᓂᓯᕕᒋᔪᒪᕙᑦᓯ ᐊᐅᓪᓚᑦᓯᔪᓐᓇᕐᓂᕐᒥᒃ ᐊᑕᓂᐅᕕᖕᒥ,

ᓘᑲᓯᐅᑉ ᐊᒡᓚᖏᑦ 22:30

ᓂᕆᖃᑎᒋᔪᒫᕋᑦᓯ ᐃᒥᖃᑎᒋᓗᓯᓗ ᐊᑕᓂᐅᕕᖕᒪ ᓂᕆᕕᐊᓂ, ᐃᒃᓯᕙᔪᒫᕐᐳᓯᓗ ᐃᒃᓯᕙᐅᑕᕐᔪᐊᓂ ᐊᖓᔪᖅᑳᖑᓗᓯ ᐃᓴᕆᐊᓕᒥᐅᑉ ᑭᖑᕚᖏᓐᓄᑦ 12ᓄᑦ.”

ᕉᒪᒥᐅᓄᑦ 5:17

ᐃᓅᑉ ᐊᑕᐅᓯᐅᑉ ᐊᔪᕐᑐᓕᓂᖓᒍᑦ, ᑐᖁ ᐊᐅᓚᑦᓯᓚᐅᕐᐳᖅ ᑖᑦᓱᒨᓇ ᐃᓄᒃᑯᑦ ᐊᑕᐅᓯᒃᑯᑦ, ᐊᖏᓂᕐᓴᒥᒡᓕ ᑖᒃᑯᐊ ᒎᑎᐅᑉ ᐱᔪᓐᓇᕐᑎᑦᓯᓂᕐᒥᓄᑦ ᐊᒥᒐᖏᑦᑐᒥᒃ ᐱᑎᑕᐅᔪᑦ, ᐃᓗᐊᕐᓯᑎᑕᐅᔪᓪᓗ ᑐᓂᕐᕈᑎᒃᑯᑦ ᐊᑭᖃᖏᑦᑐᒃᑯᑦ, ᐊᐅᓚᑦᓯᔪᒫᕐᐳᑦ ᐃᓅᓯᕐᒥ ᐃᓄᒃᑯᑦ ᐊᑕᐅᓯᒃᑯᑦ ᔩᓱᓯ ᙭ᔅᑑᓯᒃᑯᑦ.

ᑎᒧᑎᒧᑦ ᓯᕗᓪᓖᑦ 5:8

ᐃᓚᒋᔭᒥᓂᒡᓕ ᐃᑲᔪᖏᑦᑐᖅ, ᐃᒡᓗᒥᐅᖃᑎᒥᓂᒃ ᐱᓗᐊᕐᓗᓂ, ᑍᒤᑦᑐᖅ ᐅᒃᐱᕐᓂᕐᒥ ᐃᓅᓐᖏᓚᖅ ᐅᒃᐱᖏᑦᑐᓂᓪᓗ ᐱᐅᖏᓐᓂᕐᓴᐅᕗᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:10

ᐅᖃᐅᓯᒃᑲ ᒪᓕᒡᓗᒋᑦ ᕿᓄᐃᓵᓚᐅᕋᕕᑦ, ᓴᐳᑎᓯᒪᓂᐊᕐᐸᒋᑦ ᐆᒃᑐᕐᑕᐅᓇᕐᑐᓂᑦ ᓯᓚᕐᔪᐊᕐᒥᐅᓕᒫᓄᑦ ᑎᑭᑦᓱᒫᕐᑐᓂᑦ, ᐆᒃᑐᕐᑕᐅᖁᓪᓗᒋᑦ ᓄᓇᕐᔪᐊᕐᒦᑦᑐᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:21

ᓵᓚᖃᕐᑐᖅ, ᐃᒃᓯᕙᖃᑎᒋᔪᒫᕐᐸᕋ ᐃᒃᓯᕙᐅᑕᕐᔪᐊᓐᓂ, ᓵᓚᖃᕐᓯᒪᒐᒪᑦᑕᐅᑦ ᐊᑖᑕᒐ ᐃᒃᓯᕙᖃᑎᒋᓕᕋᒃᑯ ᐃᒃᓯᕙᐅᑕᕐᔪᐊᖓᓂ.