ᑎᓴᓗᓁᑲᒥᐅᓄᑦ ᐂᑉᐸᖏᑦ 1:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᑕᒪᓐᓇ ᓇᓗᓁᕐᓯᕗᖅ ᒎᑎᐅᑉ ᓇᓛᒎᑦᓯᐊᕐᑐᒥᒃ ᐃᖅᑲᕐᑐᐃᓂᖓᓂᒃ, ᑕᒪᑐᒨᓇ ᒎᑎᐅᑉ ᐊᑕᓂᐅᕕᖓᓄᑦ ᐱᔪᓐᓇᕐᓯᑎᑕᐅᓛᕋᑦᓯ, ᐊᒃᓱᕈᕐᑎᑕᐅᑦᔪᑎᒋᔭᑦᓯᓐᓄᑦ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:5 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 8:3

ᒎᑎ ᒧᒥᒃᑎᑦᓯᓲᖑᕚ ᓈᒻᒪᓈᕐᓯᒪᓂᕐᒥᒃ; ᐅᕝᕙᓗ ᐊᔪᒐᖃᖏᑦᑐᖅ ᓈᒻᒪᓈᕐᑐᒥᒃ ᒧᒥᒃᑎᑦᓯᓲᖑᕙ?

ᐃᓐᖏᕈᑎᑦ 111:7

ᐊᒡᒐᖏᑕ ᐱᓇᓱᐊᕐᓂᖏᑦ ᓱᖁᓯᔪᐃᑦᑑᕗᑦ ᓈᒻᒪᓈᑦᓯᐊᕐᓯᒪᓪᓗᑎᒡᓗ; ᐱᖁᔭᓕᒫᖏᓪᓗ ᐅᒃᐱᕆᔭᒃᓴᐅᓪᓗᑎᒃ.

ᐃᓐᖏᕈᑎᑦ 33:5

ᖁᕕᐊᒋᔭᖃᕐᒪᑦ ᐃᓱᐊᕐᑐᓕᓂᕐᒥᒃ ᐃᖅᑲᕐᑐᐃᑦᓯᐊᕐᓂᕐᒥᒡᓗ; ᓄᓇᕐᔪᐊᕐᓗ ᓈᓯᒪᕗᖅ ᐊᑕᓂᐅᑉ ᓇᒡᓕᕐᓂᕐᔪᐊᖓᓂᒃ ᓄᖑᓱᐃᑦᑐᒥᒃ.

ᐃᓐᖏᕈᑎᑦ 50:6

ᕿᓔᑦ ᓇᓗᓁᕐᓯᓕᕐᓕᑦ ᐃᓱᐊᕐᑑᓂᖓᓂᒃ, ᒎᑎ ᓇᖕᒥᓂᖅ ᐃᖅᑲᕐᑐᐃᔨᐅᖕᒪᑦ. ᓰᓚ

ᐃᓐᖏᕈᑎᑦ 72:2

ᐃᓄᖁᑎᖕᓂᒃ ᐱᓇᓱᐊᕐᕕᖃᖁᓪᓗᒍ ᐃᓱᐊᕐᑐᒥᒃ, ᐊᔪᕐᓴᕐᑐᖁᑎᑎᓪᓗ ᐊᑦᔨᒌᒃᑐᒥᒃ ᐱᓇᓱᐊᕐᕕᐅᖁᓪᓗᒋᑦ.

ᐃᓐᖏᕈᑎᑦ 99:4

ᐊᖓᔪᖅᑳᕐᔪᐊᖅ ᐊᔪᖏᑦᑐᕐᔪᐊᖑᔪᑎᑦ ᓇᒡᓕᒋᔭᖃᕐᐳᑎᑦ ᓈᒻᒪᓈᕐᓯᒪᔪᒥᒃ; ᐋᖅᑭᒃᓯᓯᒪᕗᑎᑦ ᑍᒤᓪᓘᐊᕇᒃᑎᑦᓯᓂᕐᒥᒃ; ᓈᒻᒪᓈᕐᓯᒪᔪᒥᒃ ᐃᓱᐊᕐᑐᓕᓂᕐᒥᒡᓗ ᐋᖅᑭᒃᓯᕗᑎᑦ ᔧᑯᒃᑯᓐᓂ.

ᔨᕆᒤᐊᐅᑉ ᐊᒡᓚᖏᑦ 9:24

ᓂᕐᑐᕐᑕᐅᑦᔪᑎᖃᕈᒪᔪᕐᓕ ᓂᕐᑐᕐᑕᐅᑦᔪᑎᖃᕐᓕ ᖃᐅᔨᒪᓂᕐᒥᖕᓂᒃ ᐃᓕᓯᒪᓂᕐᒥᖕᓂᒡᓗ ᐅᕙᓐᓂᒃ, ᐊᑕᓂᐅᒐᒪ ᑍᒪᓐᖓᑦ ᓇᒡᓕᒍᓱᒃᑐᖅ ᐱᑦᓯᐊᕐᓂᕐᒥᒃ ᐱᓇᓱᐊᕈᑎᖃᕐᐸᒃᑐᖅ, ᓈᒻᒪᑦᓯᐊᕐᑐᒥᒃ ᐊᑲᐅᔪᒥᒡᓗ ᓄᓇᒥ, ᑕᒪᑦᔭ ᓂᕐᑐᐃᑦᔪᑕᐅᑎᓪᓗᒋᑦ ᖁᕕᐊᒋᔭᒃᑲ, ᐊᑕᓂᖅ ᐅᖃᕐᐳᖅ.”

ᑖᓂᐊᓕᐅᑉ ᐊᒡᓚᖏᑦ 4:37

“ᒫᓐᓇᓕ ᐅᕙᖓ, ᓂᐱᑯᓁᓴ, ᕿᓚᖕᒥᐅᑦ ᐊᖓᔪᖅᑳᕐᔪᐊᖓᑦ ᓂᕐᑐᕐᐸᕋ ᐊᖏᔪᕈᕐᑎᓪᓗᒍᓗ, ᖃᓄᐃᓕᐅᕐᓂᖏᑦ ᐊᑲᐅᔪᐃᓐᓇᐅᖕᒪᑕ, ᐱᓂᐊᕐᓂᓕᒫᖏᓪᓗ ᐊᑦᔨᒌᒃᑎᑦᓯᓪᓗᑎᒃ, ᐱᔪᓐᓇᕋᓱᒋᓂᕐᒥᓗ ᐃᓅᔪᑦ ᒥᑭᒃᓕᑎᕈᓐᓇᕐᐰᑦ.”

ᓘᑲᓯᐅᑉ ᐊᒡᓚᖏᑦ 20:35

ᐊᖑᑏᓪᓕ ᐊᕐᓁᓪᓗ ᑐᖁᖓᔪᓂᑦ ᒪᑭᑦᓱᒫᕐᑐᑦ ᓯᕗᓂᒃᓴᑦᑎᓐᓂ ᓄᓕᐊᓂᒋᐊᖃᕈᒫᓐᖏᓚᑦ ᐅᐃᓂᒋᐊᖃᕈᒫᕋᑎᒡᓗ.

ᓘᑲᓯᐅᑉ ᐊᒡᓚᖏᑦ 21:36

ᑍᒪᓐᖓᑦ ᖃᐅᔨᓴᑦᓮᓐᓇᕆᑦᓯ, ᑐᒃᓯᐊᖃᑦᑕᕐᓗᓯ ᐱᔪᓐᓇᕐᓂᖃᕐᑎᑕᐅᖁᓪᓗᓯ ᐊᓂᒍᐃᔪᓐᓇᖁᓪᓗᓯ ᑕᒪᒃᑯᐊ ᐱᔪᒫᕐᑐᑦ ᐊᑐᓕᕐᐸᑕ, ᓇᖏᕈᓐᓇᖁᓪᓗᓯᓗ ᐃᓅᑉ ᐃᕐᓂᖓᑕ ᓵᖓᓂ.”

ᐋᐴᓯᑕᓖᑦ ᐱᓂᐊᕐᓂᖏᑦ 13:46

ᐸᐅᓗᓯᒃᑯᒡᓕ ᐸᕐᓇᐹᓯᒃᑯᒃ ᓯᕘᕋᓇᑎᒃ ᐅᖃᓚᓪᓕᕐᐴᒃ ᐃᒫᒃ, “ᐱᔭᕆᐊᖃᒻᒪᕆᓚᐅᕐᒪᑦ ᐊᑕᓂᐅᑉ ᐅᖃᐅᑕᐅᓂᖓ ᐃᓕᑦᓯᓐᓄᑦ ᓯᕗᓪᓕᕐᐹᒥᒃ ᐅᖃᐅᓯᐅᖁᓪᓗᒍ. ᑭᓯᐊᓂᓕ ᐃᓚᓕᐅᖏᓐᓇᑦᓯᐅᒃ ᐃᓅᓯᕐᒥᒃ ᓄᖑᓱᐃᑦᑐᒥᒃ ᐱᔪᒃᓴᐅᔪᓐᓃᕐᑎᓐᓇᑦᓯ ᐃᓕᑦᓯᓐᓂᒃ, ᔫᑎᐅᖏᑦᑐᓄᑦ ᑕᕝᕙ ᓵᓐᓂᐊᓕᕐᐳᒍᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 14:22

ᐃᓕᓐᓂᐊᕐᑎᑦ ᐱᕙᓪᓕᕐᑎᑉᐰᑦ ᐃᓇᓪᓗᒋᑦ ᐅᒃᐱᕐᓂᕐᒦᖁᓪᓗᒋᑦ, ᐅᖃᐅᑎᓪᓗᒋᑦ. “ᐅᖁᒤᓐᓇᕐᑐᓂᒃ ᑲᑉᐱᐊᓇᕐᑐᓂᒡᓗ ᐊᒥᓱᓂᒃ ᐊᖅᑯᓵᕐᓯᔭᕆᐊᖃᕋᑦᑕ ᒎᑎᐅᑉ ᐊᑕᓂᐅᕕᖓᓄᑦ ᐃᑎᖁᓪᓗᑕ.”

ᕉᒪᒥᐅᓄᑦ 2:5

ᓯᑎᔪᐊᓘᓂᕐᓄᑦ ᐆᒻᒪᑎᒃᑯᓪᓗ ᖃᕿᐊᓕᕈᒪᖏᓐᓂᕐᓄᑦ ᐃᓕᖕᓂᒃ ᖁᒥᐅᑎᒋᓕᕐᐳᑎᑦ ᐅᓪᓗᒧᑦ ᒎᑎᐅᑉ ᓂᓐᖓᒡᕕᒃᓴᖓᓄᑦ ᐃᖅᑲᕐᑐᐃᓂᖓ ᓈᒻᒪᓈᑦᓯᐊᕐᑐᖅ ᓴᖅᑭᑉᐸᑦ.

ᕉᒪᒥᐅᓄᑦ 8:17

ᕿᑐᕐᖓᕆᔭᐅᒍᑦᑕᓗ, ᑭᖑᕐᖑᑦᔨᔪᒃᓴᐅᓕᕐᐳᒍᑦ, ᒎᑎᐅᑉ ᐃᓄᖁᑎᒥᓄᑦ ᑭᖑᕐᖑᑎᔭᒃᓴᐅᑎᑕᖏᓐᓂᒃ ᙭ᔅᑑᓯᓗ ᑭᖑᕐᖑᑦᔨᖃᑎᒋᔪᒫᓕᕐᓗᒍᑦ, ᙭ᔅᑑᓯ ᐅᖁᒤᒃᓴᖃᑎᒋᕙᕗᑦ ᓂᕐᑐᕐᓇᕐᓯᑎᑕᐅᓂᖓᓂᒃᑕᐅᖅ ᐱᖃᑕᐅᔪᒫᖁᓪᓗᑕ.

ᐃᐱᓯᒥᐅᓄᑦ 4:1

ᑍᒤᒻᒪᑦ, ᐃᓇᑉᐸᑦᓯ ᐅᕙᖓ ᑎᒍᔭᐅᓯᒪᕕᖕᒦᑦᑐᖓ ᐊᑕᓂᖅ ᐱᑦᔪᑎᒋᓪᓗᒍ, ᒎᑎᒧᑦ ᕾᖁᔭᐅᓯᒪᓂᓯ ᐊᑐᑦᓯᐊᕐᓗᒍ ᐃᓅᖁᓪᓗᓯ ᑕᒪᑐᒧᖓ ᕾᖁᔭᐅᓯᒪᒐᑦᓯ.

ᐱᓕᐱᒥᐅᓄᑦ 1:28

ᐊᑭᕋᕐᑐᕐᑎᑦᓯᓐᓂᒃ ᓯᕘᕋᓂᐊᕋᓯ ᖃᓄᓕᒫᖅ. ᑕᒪᓐᓇ ᓇᓗᓁᒃᑯᑕᐅᖕᒪᑦ ᐊᓯᕈᕐᑕᐅᓛᕐᓂᖏᓐᓄᑦ, ᐃᓕᑦᓯᓕ ᐱᐅᓕᔭᐅᖁᓪᓗᓯ, ᑕᒪᓐᓇᓗ ᒎᑎᒥᑦ ᐱᕗᖅ.

ᑯᓘᓯᐊᒥᐅᓄᑦ 1:12

ᖁᔭᓕᖁᓪᓗᓯ ᐊᑖᑕᒧᑦ, ᑖᑦᓱᒪ ᐊᔪᕈᓐᓃᕐᑎᒻᒪᑎᒍᑦ ᑭᖑᕐᖑᑦᔨᖃᑕᐅᖁᓪᓗᑕ ᐃᑦᔪᕐᓁᑦᑐᖁᑎᖏᑕ ᐱᒃᓴᖏᓐᓂᒃ ᖃᐅᒪᔪᒥ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:14

ᐅᒃᐱᕐᑑᖃᑎᕗᑦ, ᑍᒫᓪᓗᐊᖅ ᐱᓂᐊᕐᓂᖃᓚᐅᕋᑦᓯ ᐱᓂᐊᕐᓂᕆᔭᐅᓚᐅᕐᑐᑎᑐᑦ ᒎᑎᐅᑉ ᐃᓚᒌᒃᑐᖁᑎᖏᓐᓂ ᔫᑎᐊᒥ ᔩᓱᓯ ᙭ᔅᑑᓯᒦᑦᑐᓂ; ᐃᓕᑦᓯᑦᑕᐅᖅ ᑍᒫᓪᓗᐊᖅ ᐅᖁᒤᒃᓴᕐᑎᑕᐅᒐᑦᓯ ᐊᑭᕋᕐᑐᕐᑕᐅᓂᕐᒧᑦ ᐃᓅᖃᑎᑦᓯᓐᓄᑦ ᐅᖁᒤᒃᓴᕐᑎᑕᐅᓂᕆᓚᐅᕐᑕᖏᑎᑐᑦ ᔫᑎᐅᖃᑎᒥᖕᓂᑦ,

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:11

ᑍᒤᒻᒪᑦ ᐃᓕᑦᓯᓐᓂᒃ ᑐᒃᓯᐅᑦᔨᖃᑦᑕᕐᐳᒍᑦ, ᒎᑎᑦᑎᓐᓄᑦ ᕾᖁᔨᑦᔪᑎᒋᔭᖓᓂᒃ ᑲᔪᓯᑎᑕᐅᔪᓐᓇᖁᓪᓗᓯ, ᑐᓂᓯᕕᐅᖁᓪᓗᓯ ᐱᓇᓱᐊᑦᓯᐊᕈᑎᒃᓴᑦᓯᓐᓂᒃ ᐅᒃᐱᕐᓂᑦᓯ ᐃᓱᓕᑎᑕᐅᑦᓯᐊᑯᓪᓗᒍ ᑖᑦᓱᒪ ᐱᔪᓐᓇᕐᓂᖓᓄᑦ.

ᑎᒧᑎᒧᑦ ᐂᑉᐸᖏᑦ 2:12

ᕿᓄᐃᓵᕈᑦᑕ, ᐊᐅᓚᑦᓯᖃᑎᒋᔪᒫᕆᕙᕗᑦ; ᖃᐅᔨᒪᖏᓐᓂᕋᕈᑦᑎᒍ, ᖃᐅᔨᒪᖏᓐᓂᕋᕈᒫᕆᕚᑎᒍᑦᑕᐅᖅ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 15:4

ᑭᓇ ᓯᕘᕋᖏᓪᓗᓂ ᐊᑎᕐᓂᒃ ᓂᕐᑐᐃᔪᓐᓇᕐᐹ ᐊᑕᓃᖅ? ᐃᕝᕕᑦ ᑭᓯᕕᑦ ᐃᑦᔪᕐᓁᑦᑐᑑᒐᕕᑦ. ᐃᓄᖃᑎᒌᒡᔪᐊᓕᒫᑦ ᕾᔪᒫᕐᐳᑦ ᑐᒃᓯᐊᕐᕕᒋᔭᕐᑐᕐᓗᑎᒃ, ᐱᓂᐊᕐᓂᕕᑦ ᓇᓛᒎᕐᓂᖏᑦ ᑕᒤᓐᓄᑦ ᑕᑯᔭᐅᓯᒪᖕᒪᑕ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 16:7

ᑕᕝᕙ ᓂᐱᒥᒃ ᑐᓴᓕᕆᕗᖓ ᑐᓂᕐᕈᓯᕐᕕᖕᒥᑦ ᐅᖃᕐᑐᒥᒃ, “ᐊᑕᓃᖅ ᒎᑎ ᐊᔪᒐᖃᖏᑦᑐᑎᑦ, ᓱᓕᕗᑦ ᓈᒻᒪᓈᑦᓯᐊᕐᓗᑎᒡᓗ ᐃᖅᑲᕐᑐᐃᓂᕆᔭᑎᑦ!”

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:2

ᑖᑦᓱᒪ ᐃᖅᑲᕐᑐᐃᓂᖏᑦ ᓱᓕᖕᒪᑕ ᓈᒻᒪᓈᑦᓯᐊᕐᓗᑎᒡᓗ; ᐃᖅᑲᕐᑐᓚᐅᕐᒪᒍ ᐊᖑᓐᓂᐊᕐᑎᕐᔪᐊᖅ ᓄᓇᕐᔪᐊᕐᒥᐅᓂᒃ ᐊᓯᕈᐃᓚᐅᕐᑐᖅ ᐊᖑᓐᓂᐊᕐᓂᕐᒥᓄᑦ, ᑖᑦᓱᒪᓗ ᐊᑭᓂᐊᕐᕕᒋᓚᐅᕐᐹ ᐱᔨᖏᑕ ᐊᐅᖏᑦ ᐱᑦᔪᑎᒋᓪᓗᒋᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:4

ᓵᕐᑏᓯᒥᐅᓪᓕ ᐃᓚᖏᑦ ᐅᓄᖏᑦᑐᑦ ᐊᓐᓄᕌᒥᖕᓂᒃ ᓴᓗᒪᔪᓐᓃᕐᑎᑦᓯᓯᒪᓐᖏᓚᑦ, ᑖᒃᑯᐊ ᐱᓱᖃᑎᒋᔪᒫᕐᐹᖓ ᖃᖁᕐᑕᒥᒃ ᐊᓐᓄᕌᕐᓯᒪᓗᑎᒃ, ᑍᒤᑦᑐᒥᒃ ᐊᓐᓄᕌᕐᑎᑕᐅᓂᕐᒥᒃ ᐱᔪᓐᓇᕐᓯᖕᒪᑕ.