ᓴᒧᐃᓕ ᐂᑉᐸᖏᑦ 8:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᑍᕕᑎᐅᓪᓗ ᑎᒍᓚᐅᕐᐰᑦ 1,700ᐃᑦ ᕿᒻᒥᕐᔪᐊᒃᑰᕐᑏᑦ, 20,000ᐃᓪᓗ ᐅᓇᑕᕐᑐᒃᓮᑦ ᐱᓱᒃᑏᑦ; 100ᓂᒡᓗ ᕿᒧᒃᓯᐅᑎᓂᒃ ᐊᒃᓴᓗᐊᓕᖕᓂᒃ ᑎᒍᓯᓚᐅᕐᐳᖅ ᐊᓯᓕᒫᖏᑦ ᑭᖑᓪᓖᖏᑕ ᓄᑭᖏᑦ ᓱᒃᑯᑎᕐᓗᒋᑦ.

ᓴᒧᐃᓕ ᐂᑉᐸᖏᑦ 8:4 ပူးပေါင်းရင်းမြစ်များ

ᔮᓱᐊᑉ ᐊᒡᓚᖏᑦ 11:9

ᔮᓱᐊᓪᓗ ᐱᓂᐊᕐᕕᒋᓚᐅᕐᐰᑦ ᐊᑕᓂᕐᒧᑦ ᑎᓕᔭᐅᓂᓂ ᒪᓕᒡᓗᒍ; ᕿᒻᒥᕐᔪᐊᖏᑕ ᓂᐅᖏᑦ ᐃᑭᓕᕐᓱᓚᐅᕐᐰᑦ ᑐᓯᐊᓕᕐᑎᓪᓗᒋᑦ, ᑲᓕᒐᖏᓪᓗ ᐊᒃᓴᓗᐊᓖᑦ ᐃᑯᐊᓪᓚᒃᓗᒋᑦ.

ᔮᓱᐊᑉ ᐊᒡᓚᖏᑦ 11:6

ᐊᑕᓂᕐᓗ ᐅᖃᕐᐳᖅ ᔮᓱᐊᒧᑦ, “ᑲᑉᐱᐊᒋᑦᑍᓕᒃᑭᑦ, ᑍᒤᓪᓗᐊᓕᕐᐸᑦ ᖃᐅᒃᐸᑦ ᑐᖁᑦᓱᒫᕐᐸᒃᑲ ᐊᑕᖏᕐᓗᒋᑦ, ᐃᓴᕆᐊᓕᒥᐅᑦ ᐱᓪᓗᒋᑦ; ᕿᒻᒥᕐᔪᐊᖏᑦ ᓂᐅᕈᕐᑕᕐᓗᒋᑦ ᑐᓯᐊᓕᕐᑎᓛᕐᐸᑎᑦ, ᑲᓕᒐᖏᓪᓗ ᐊᒃᓴᓗᐊᓖᑦ ᐃᑯᐊᓪᓚᒡᓗᒋᑦ.”

ᐃᓐᖏᕈᑎᑦ 20:7

ᐃᓚᖏᑦ ᑕᑎᖃᕐᐳᑦ ᐊᒃᓴᓗᐊᓕᖕᓂᒃ ᐃᑭᒪᕕᖕᓂᒃ, ᐃᓚᖏᓪᓗ ᑕᑎᖃᕐᐳᑦ ᕿᒧᒃᓯᐅᑎᓂᒃ; ᐅᕙᒍᓪᓕ ᐃᖅᑲᐅᒪᔪᒪᕗᒍᑦ ᐊᑕᓂᐅᑉ ᒎᑎᑦᑕ ᐊᑎᖓᓂᒃ.

ᑯᕉᓂᑲ ᓯᕗᓪᓖᑦ 18:4

ᑍᕕᑎᐅᓪᓗ ᐊᒃᓴᓗᐊᓕᖕᓂᒃ ᕿᒧᒃᓯᐅᑎᓂᒃ 1,000ᓂᒃ ᐱᑖᕐᕕᒋᕚ, 7,000ᓂᒃ ᕿᒻᒥᕐᔪᐊᒃᑰᕐᑎᓂᒃ, 20,000ᓂᒡᓗ ᐅᓇᑕᕐᑐᒃᓴᓂᒃ ᐱᓱᒃᑎᓂᒃ; ᑍᕕᑎᐅᓪᓗ ᐊᒃᓴᓗᐊᓕᖕᓄᑦ ᐊᑐᕐᑕᐅᓲᑦ ᕿᒻᒥᕐᔪᐊᑦ ᑭᖑᕋᖏᑦ ᑭᐱᐅᕋᕐᐰᑦ, 100ᓂᒃ ᐊᒥᐊᒃᑯᑐᐃᓐᓇᕐᓗᒋᑦ ᐊᒃᓴᓗᐊᓕᖕᓄᑦ ᐊᑐᕐᑕᐅᔪᓐᓇᕐᑐᓂᒃ.

ᐊᑕᓃᑦ ᓯᕗᓪᓖᑦ 10:26

ᓲᓗᒨᓂ ᕿᒧᒃᓯᐅᑎᓂᒃ ᐊᒃᓴᓗᐊᓕᖕᓂᒃ 1,400ᓂ ᑲᑎᑦᓯᓚᐅᕐᐳᖅ, 12,000ᓂᒡᓗ ᕿᒻᒥᕐᔪᐊᕐᑎᓂᒃ; ᐃᓚᖏᑦ ᔨᕉᓴᓕᒦᑎᓪᓗᓂᒋᑦ, ᐃᓚᖏᓪᓗ ᐃᒡᓗᒐᓴᖕᓂ ᓇᓂᑐᐃᓐᓈᕐᑐᓂ ᐃᓂᖃᕐᑎᓪᓗᓂᒋᑦ.

ᒨᓯᓯ ᑕᓪᓕᒪᖏᑦ 17:16

ᑖᓐᓇ ᐅᓄᕐᑐᐊᓗᖕᓂᒃ ᕿᒻᒥᕐᔪᐊᖃᕐᑐᒃᓴᐅᓐᖏᓚᖅ ᓇᖕᒥᓂᒃᓴᒥᓂᒃ, ᐃᓄᖁᑎᒥᓂᒡᓗ ᐄᑦᔨᑉᑎᒧᑦ ᐅᑎᕐᑎᑦᓯᔪᒃᓴᐅᓐᖏᓚᖅ ᕿᒻᒥᕐᔪᐊᓂᒃ ᐅᓄᕐᓯᑎᑦᓯᔪᒪᓗᓂ, ᐊᑕᓂᖅ ᐅᖃᕐᓯᒪᖕᒪᑦ ᐃᓕᑦᓯᓐᓄᑦ, ‘ᑕᐅᕗᖓ ᐅᑎᓚᐅᕐᓯᒪᓂᐊᓐᖏᓚᓯ ᖃᖓᓕᒫᖅ.’

ᒨᓯᓯ ᓯᕗᓪᓖᑦ 49:6

ᑖᒃᑯᐊᒃ ᐃᓱᒪᒃᓴᕐᓯᐅᕐᕕᖏᖕᓄᑦ ᐃᓚᐅᔪᒪᓐᖏᓚᖓ ᐆ ᐊᓂᕐᓂᕋᓗ, ᐃᓚᒋᔭᐅᖁᖏᓐᓂᕙᕋ ᐃᓄᒋᐊᒃᑐᖁᑎᖏᓐᓂ; ᓂᓐᖓᐅᒪᓪᓗᑎᒃ ᐊᖑᑎᓂᒃ ᑐᖁᑦᓯᕙᖕᒪᑎᒃ ᐃᒻᒧᒃᓯᐅᒐᐅᓪᓗ ᐊᖑᓴᓪᓗᖏᓐᓂᒃ ᐱᓐᖑᐊᕈᑎᒋᓪᓗᒋᑦ ᓄᑭᖏᓐᓂᒃ ᑭᒃᑐᕋᕐᑎᑦᓯᔪᓐᓇᕐᓱᑎᒃ.