ᓴᒧᐃᓕ ᐂᑉᐸᖏᑦ 6:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᐊᑕᓂᐅᓪᓗ ᐃᒃᓯᕐᕕᖁᑎᖓ ᐃᑎᐅᑦᔭᐅᕗᖅ, ᐃᓂᖓᓄᓪᓗ ᐃᓕᔭᐅᓪᓗᓂ, ᑐᐱᐅᑉ ᐃᓗᐊᓄᑦ ᑍᕕᑎᐅᑉ ᐋᖅᑭᒃᓱᓚᐅᕐᑕᖓᓄᑦ; ᑍᕕᑎᓗ ᑐᓂᕐᕈᓯᓚᐅᕐᐳᖅ ᐃᑯᐊᓚᑦᓯᓪᓗᓂᒃ ᑐᓂᕐᕈᑎᓂᒃ ᐃᓚᒌᑦᓯᐊᕐᓂᕐᒧᓪᓗ ᑐᓂᕐᕈᑎᒥᒃ ᐊᑕᓂᕐᒧᑦ.

ᓴᒧᐃᓕ ᐂᑉᐸᖏᑦ 6:17 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 8:5

ᐊᖓᔪᖅᑳᕐᔪᐊᖅ ᓲᓗᒨᓂ ᐃᓄᓕᒫᑦ ᐃᓴᕆᐊᓕᒥᐅᑦ ᐃᓚᒋᓪᓗᒋᑦ, ᑲᑎᔭᕐᑐᕐᓯᒪᔪᓕᒫᑦ, ᐊᑕᓂᐅᑉ ᐃᒃᓯᕐᕕᖓᑕ ᓯᕗᕌᓄᐊᕐᓗᑎᒃ ᑐᓂᕐᕈᓯᕐᐳᑦ ᓰᐱᓂ ᐅᓄᕐᑐᐊᓗᖕᓂᒃ ᐃᒻᒧᒃᓯᐅᒐᕐᓂᒡᓗ ᓈᓴᕐᑕᐅᔭᕆᐊᒃᓴᖅ ᐅᓄᓗᐊᕐᑐᓂᒃ.

ᑯᕉᓂᑲ ᓯᕗᓪᓖᑦ 15:1

ᑍᕕᑎ ᐃᒡᓗᓕᐅᓚᐅᕐᐳᖅ ᐃᒡᓗᒃᓴᒥᓂᒃ ᑍᕕᑎᐅᑉ ᐃᒡᓗᒐᓴᖏᓐᓂ; ᐃᓂᒃᓴᓕᐅᕐᐳᕐᓗ ᒎᑎᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓᓄᑦ, ᑐᐱᕐᒥᒡᓗ ᓇᑉᐰᕗᖅ ᑖᑦᓱᒪ ᐃᓂᒃᓴᖓᓂᒃ.

ᑯᕉᓂᑲ ᓯᕗᓪᓖᑦ 15:3

ᑍᕕᑎᐅᓪᓗ ᐃᓴᕆᐊᓕᒥᐅᓕᒫᑦ ᑲᑎᑎᑦᐰᑦ ᔨᕉᓴᓕᒧᑦ, ᐊᑕᓂᐅᑉ ᐃᒃᓯᕐᕕᖁᑎᖓ ᑎᑭᐅᑦᔭᐅᖁᓪᓗᒍ ᐃᓕᔭᐅᖁᓪᓗᒍᓗ ᐃᓂᖓᓄᑦ, ᐃᓂᒃᓴᓕᐊᕆᓚᐅᕐᑕᒥᓄᑦ.

ᑯᕉᓂᑲ ᓯᕗᓪᓖᑦ 16:1

ᒎᑎᐅᓪᓗ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖁᑎᖓ ᐃᑎᕐᑎᓐᓇᒥᑦᔪᒃ, ᑐᐱᕐᒧᐊᕈᑎᕚᑦ ᑍᕕᑎᐅᑉ ᓇᑉᐸᓚᐅᕐᑕᖓᓄᑦ, ᑐᓂᕐᕈᓯᕐᓗᑎᒡᓗ ᑐᓂᕐᕈᑎᓂᒃ ᐆᑕᒃᓴᓂᒃ ᑐᓂᕐᕈᑎᓂᒡᓗ ᖁᔭᓕᑦᔪᑎᒃᓴᓂᒃ ᒎᑎᐅᑉ ᓵᖓᓂ.

ᑯᕉᓂᑲ ᓯᕗᓪᓖᑦ 6:31

ᐅᑯᐊ ᑕᕝᕙ ᑍᕕᑎᐅᑉ ᑎᓕᓚᐅᕐᑕᖏᑦ ᐃᓐᖏᕐᑎᐅᖁᓪᓗᒋᑦ ᐊᑕᓂᐅᑉ ᐃᒡᓗᖓᓂ, ᐃᒃᓯᕐᕕᒃ ᐃᓕᔭᐅᓯᒪᓕᕐᑎᓪᓗᒍ.

ᑯᕉᓂᑲ ᐂᑉᐸᖏᑦ 1:4

(ᑍᕕᑎᐅᑉ ᑕᒪᐅᓐᖓᓚᐅᕐᒪᒍ ᒎᑎᐅᑉ ᐊᖏᖃᑎᒌᖕᓂᖓᑕ ᐃᒃᓯᕐᕕᖓ ᑭᕆᐊᑦ-ᔨᕆᒻᒥᑦ ᐃᓂᒃᓴᓕᐅᕐᓗᒍ ᑐᐱᓕᐅᓚᐅᕐᒪᑦ ᑖᑦᓱᒪ ᐃᓂᒃᓴᖓᓂᒃ ᔨᕉᓴᓕᒥ.)

ᑯᕉᓂᑲ ᐂᑉᐸᖏᑦ 5:6

ᐊᖓᔪᖅᑳᕐᔪᐊᕐᓗ ᓲᓗᒨᓂ ᐃᓴᕆᐊᓕᒥᐅᓕᒫᓪᓗ ᑲᑎᒪᔪᑦ, ᐊᖏᖃᑎᒌᖕᓂᐅᑉ ᐃᒃᓯᕐᕕᖓᑕ ᓵᖓᓂ, ᑐᓂᕐᕈᓯᕐᐳᑦ ᓰᐱᓂᒃ ᐊᖑᓴᓪᓗᕐᓂᒡᓗ ᐅᓄᕐᑐᕐᔪᐊᓂᒃ ᖃᑦᓯᐅᓂᖏᑦ ᓈᓴᕐᑕᐅᓚᐅᓐᖏᓚᑦ.

ᐃᓐᖏᕈᑎᑦ 132:8

ᐊᑕᓃᖅ ᒪᑭᓪᓗᑎᑦ, ᑕᕾᕐᓯᕐᕕᖕᓄᐊᓕᕆᑦ, ᐃᕝᕕᑦ ᐱᔪᓐᓇᕐᓂᕕᓪᓗ ᓇᓗᓁᒃᑯᑕᖓᑕ ᐃᒃᓯᕐᕕᖁᑎᖓ.

ᒨᓯᓯ ᐱᖓᔪᖏᑦ 3:9

ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᒃᓴᒥᒃ ᑐᑯᑕᒃᓴᒥᒃ ᑐᓂᕐᕈᓯᕐᑐᒃᓴᐅᕗᖅ ᐃᑯᐊᓚᑎᑦᓯᓂᒃᑯᑦ ᐊᑕᓂᕐᒧᑦ ᑐᓂᔭᒃᓴᒥᒃ; ᑐᓐᓄᖓᓂᒃ, ᑐᓐᓄᓕᒫᖏᒃ ᐸᒥᐅᖓ ᓇᑲᓯᒪᓗᓂ ᕿᒥᕐᓗᐊᑕ ᑭᒡᓕᖓᒍᑦ, ᑭᒃᓴᐅᑎᓕᒫᖏᑦ ᐃᕐᕋᕕᖏᓐᓂᒃ ᐅᓕᒃᓯᓯᒪᔪᑦ ᐅᕝᕙᓘᓐᓃᑦ ᓴᓂᐊᓃᑦᑐᓕᒫᑦ.