ᓴᒧᐃᓕ ᐂᑉᐸᖏᑦ 23:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᐅᖃᕐᓗᓂᓗ, “ᐃᒥᕈᓐᓇᓐᖏᑕᕋᐅᓇ ᐊᑕᓃᖅ! ᐃᒥᕋᔭᕐᑑᔮᕋᒪ ᑖᒃᑯᐊ ᐊᖑᑏᑦ ᐊᐅᖏᓐᓂᒃ ᑐᖁᓐᓇᕐᑐᒃᑰᓚᐅᕐᓂᖏᑦ ᐱᓪᓗᒋᑦ!” ᑍᒤᒻᒪᑦ ᐃᒥᕈᒪᓚᐅᓐᖏᓛ. ᑕᒪᒃᑯᐊ ᑕᒪᑦᔭ ᐊᖑᑏᑦ ᑖᒃᑯᐊ ᐊᔪᖏᑦᑐᐊᓗᐃᑦ ᐱᓂᐊᕐᓂᕆᓚᐅᕐᑕᖏᑦ.

ᓴᒧᐃᓕ ᐂᑉᐸᖏᑦ 23:17 ပူးပေါင်းရင်းမြစ်များ

ᒨᓯᓯ ᐱᖓᔪᖏᑦ 17:10

“ᐃᓴᕆᐊᓕᒥᐅᑦ ᐃᓴᕆᐊᓕᒥᐅᖑᖏᑦᑐᕐᓘᓐᓃᑦ ᑖᒃᑯᓇᓂ ᓄᓇᖃᖃᑕᐅᔪᖅ ᐊᐅᖕᒥᒃ ᓂᕆᒃᐸᑦ ᑮᓇᕋ ᑖᑦᓱᒪᓐᖓᑦ ᐊᓚᕐᓂᐊᕐᐸᕋ ᐊᐅᖕᒥᒃ ᓂᕆᔪᖅ ᐃᓅᖃᑎᖏᓐᓂᑦ ᐃᓚᒋᔭᐅᓂᕋᕈᓐᓁᕐᓂᐊᕐᐸᕋ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:30

ᓱᖕᒪᓪᓕ ᐃᑲᕐᕋᑕᒫᑦ ᑲᑉᐱᐊᓇᕐᑐᒦᑉᐸᒃᐱᑖ?

ᒫᑯᓯᐅᑉ ᐊᒡᓚᖏᑦ 14:24

ᐅᖃᐅᑎᓪᓗᒋᑦ, “ᑕᕝᕙ ᐊᐅᒐ ᐊᖏᕈᑕᐅᓯᒪᔪᖅ, ᑯᕕᔭᐅᔪᖅ ᐊᒥᓱᑦ ᐱᓪᓗᒋᑦ.

ᒫᑎᐅᓯᐅᑉ ᐊᒡᓚᖏᑦ 26:28

ᑕᕝᕙ ᐊᐅᒐ ᐊᖏᕈᑎᐅᑉ ᓇᓗᓁᒃᑯᑕᖓ, ᑯᕕᔭᐅᔪᖅ ᐊᒥᓱᑦ ᐊᔪᕐᓂᖏᑕ ᐃᓱᒪᒋᔭᐅᔪᓐᓁᕐᑕᐅᑦᔪᑎᒃᓴᖏᓐᓄᑦ.

ᐃᓐᖏᕈᑎᑦ 72:14

ᐃᓅᓯᖏᑦ ᓴᐳᑎᔪᒫᕐᐰᑦ ᐅᖁᒤᒃᓴᕐᑎᑕᐅᓂᕐᒥᑦ ᑲᑉᐱᐊᓱᒃᑎᑕᐅᓂᕐᒥᓪᓗ; ᐃᓅᓯᖏᑦ ᐊᓐᓂᕐᓇᕐᑑᔪᒫᕐᒪᑕ ᑕᐅᑐᒃᑕᖓᒍᑦ.

ᐊᑕᓃᑦ ᓯᕗᓪᓖᑦ 21:3

ᓁᐹᑦᓕ ᑭᐅᕗᖅ ᐂᕼᐊᑉᒧᑦ, “ᐊᑕᓂᖅ ᐅᕙᓐᓂᒃ ᓱᒋᐊᕐᓯᒐᔭᕐᐳᖅ ᑐᓂᒐᔭᕈᒃᑭᑦ ᓯᕗᓕᕕᓂᓐᓂᑦ ᐱᑖᕆᓯᒪᔭᓐᓂᒃ.”

ᓴᒧᐃᓕ ᐂᑉᐸᖏᑦ 20:20

ᔪᐊᐱ ᑭᐅᕗᖅ, “ᑍᒤᓚᐅᕐᓯᒪᓂᐊᓐᖏᓚᖅ! ᓱᒃᑯᑎᕐᓂᐊᓐᖏᓚᕋ ᐊᓯᕈᕐᓂᐊᕐᓇᒍᓗ ᐃᒡᓗᒐᓴᖁᑎᓯ!

ᓴᒧᐃᓕ ᓯᕗᓪᓖᑦ 26:11

ᐊᑕᓂᐅᑉ ᑍᒤᑎᑦᑍᓕᓛᖓ ᐊᓯᕈᐃᓂᕐᒥᒃ ᓂᕈᐊᕐᓯᒪᔭᖓᓂᒃ ᐊᖓᔪᖅᑳᕐᔪᐊᖑᖁᓪᓗᒍ; ᖃᓗᒋᐊᖓ ᐃᒥᐅᑎᖓᓗ ᑎᒍᓚᐅᕐᓚᕗᒃ ᓂᐊᖁᐊᑕ ᓴᓂᐊᓃᑦᑐᑦ, ᑕᒫᓃᑦᓱᓐᓃᕐᓗᒃ.”

ᓴᒧᐃᓕ ᓯᕗᓪᓖᑦ 2:30

ᑍᒤᒻᒪᑦ ᐊᑕᓂᖅ ᐃᓴᕆᐊᓕᒥᐅᑉ ᒎᑎᖓ ᐃᒫᒃ ᓇᓗᓁᕐᓯᕗᖅ: ‘ᐅᕙᖓ, ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓ, ᐊᖏᓚᐅᕐᐳᖓ ᑍᑦᓱᒪᓂ ᐃᓚᑎᑦ ᓯᕗᓕᑎᓪᓗ ᐱᔨᑦᓯᕐᑎᐅᖁᓪᓗᒋᑦ ᑐᓂᕐᕈᓯᕐᑎᑦᓯᔨᐅᓗᑎᒃ ᐃᓱᖃᖏᑦᑐᒧᑦ’; ᒫᓐᓇᓕ ᐊᑕᓂᖅ ᓇᓗᓁᕐᓯᓕᕐᐳᖅ: ‘ᑕᒪᓐᓇ ᑍᒤᓕᖓᓂᐊᕈᓐᓃᕐᐳᖅ; ᐃᒤᓕᖓᓂᐊᓕᕐᐳᕐᓕ, ᐅᕙᓐᓂᒃ ᐅᐱᒍᓱᒃᑐᑦ ᐅᐱᒋᓂᐊᕐᐸᒃᑲ, ᐅᕙᓐᓂᒡᓕ ᓇᕐᕈᔪᑦ ᓱᓇᐅᔪᓐᓃᕐᑎᓐᓂᐊᕐᐸᒃᑲ.

ᐃᓗᐊᕐᓮᔩᑦ ᐊᒡᓚᖏᑦ 5:18

ᓯᐳᓗᓂᐅᑉ ᐃᓄᖏᑦ ᐃᓅᓯᕐᑎᒃ ᑐᖁᒧᑦ ᑐᓂᓯᒪᓚᐅᕐᐰᑦ; ᓈᑉᑕᓕᐅᑦᑕᐅᖅ ᐃᓄᖏᑦ ᑍᒤᓕᐅᓚᐅᕆᕗᑦ, ᐅᓇᑕᕐᕕᖕᒥ ᓇᑎᕐᓇᒥ.

ᒨᓯᓯ ᓯᕗᓪᓖᑦ 44:17

ᑖᓐᓇᓕ ᐅᖃᕐᐳᖅ, “ᑕᒪᓐᓇ ᑍᒤᓕᐅᕐᓂᖅ ᐅᕙᓐᓂᑦ ᐅᖓᓯᒡᓕ! ᑖᓐᓇ ᑭᓯᐊᓂ ᐊᖑᑦ ᐃᒥᐅᑎᒥᒃ ᓇᓂᓯᕕᐅᔪᖅ ᐅᕙᓐᓄᑦ ᓯᐊᓛᕐᑕᕆᔭᐅᓂᐊᕐᐳᖅ; ᐃᓕᑦᓯᓕ ᐃᓱᒫᓗᖏᓪᓗᓯ ᐊᐅᓪᓚᓕᕆᑦᓯ ᐅᑎᕐᓗᓯ ᐊᑖᑕᑦᓯᓐᓄᑦ.”

ᒨᓯᓯ ᓯᕗᓪᓖᑦ 9:4

ᓂᕆᔭᕆᐊᖃᓐᖏᓚᓯᓕ ᓂᕿᒥᒃ ᐃᓅᓯᖓᓂᒃ ᐃᓚᖃᕐᑐᒥᒃ, ᑕᕝᕙ ᐊᐅᖓᓂᒃ.

ᑯᕉᓂᑲ ᓯᕗᓪᓖᑦ 11:19

ᐅᖃᕐᓗᓂᓗ, “ᐃᒥᕈᓐᓇᓐᖏᑕᕋᐅᓇ ᒎᑎᐅᑉ ᓵᖓᓂ. ᐃᒥᕈᓐᓇᕐᐳᖔ? ᑖᒃᑯᐊ ᐊᖑᑏᑦ ᐊᐅᖏᓐᓂᒃ ᐊᑭᖃᕋᔭᕐᑐᒥᒃ? ᑐᖁᓐᓇᕐᑐᒦᓚᐅᕐᓂᖏᑦ ᐱᓪᓗᒋᑦ.” ᑍᒤᒻᒪᑦ ᐃᒥᕈᒪᓚᐅᓐᖏᓛ. ᑍᒫᒃ ᑖᒃᑯᐊ ᐊᖑᑏᑦ ᐊᔪᖏᑦᑐᕐᔪᐊᑦ ᐱᓂᐊᕐᓂᖃᓚᐅᕐᓯᒪᕗᑦ.