40 ᓲᖑᓂᕐᑖᕐᑎᑉᐸᕐᒪ ᐅᓇᑕᕐᓂᕐᒧᑦ; ᓵᓚᖃᕐᑎᑉᐸᕐᒪᓗ ᐊᑭᕋᕐᑐᕐᑎᓐᓂᒃ.
ᐃᕝᕕᑦ ᐃᑲᔪᕐᑎᒋᓗᑎᑦ ᐊᑭᕋᕗᑦ ᓵᓚᒋᓂᐊᕐᐸᕗᑦ; ᐊᑏᑦ ᐊᑐᕐᓗᒍ ᑐᓪᓕᕋᕐᓂᐊᕐᐸᕗᑦ ᐅᕙᑦᑎᓐᓂᒃ ᐊᑭᕋᕐᑐᕋᓱᐊᕐᑐᑦ.
ᓲᖑᓯᑎᑕᐅᖁᓪᓗᓯᓗ ᐱᔪᓐᓇᕐᓂᕐᓄᑦ ᑕᒤᓐᓄᑦ, ᒎᑎᐅᑉ ᐊᔪᒐᖃᖏᓐᓂᖓᓄᑦ ᐱᓐᓇᕐᓇᕐᑐᒧᑦ, ᓱᖁᓯᕐᑍᓕᔪᓐᓇᕐᓯᖁᓪᓗᓯ ᕿᓄᐃᓵᕈᓐᓇᕐᓯᓗᓯ ᖁᕕᐊᓱᖕᓂᖃᕐᓗᓯᓗ.
ᐃᓕᑦᓯᓐᓂᒃ ᐅᖁᒤᒃᓴᕐᑎᑦᓯᕙᓚᐅᕐᑐᑦ ᐃᕐᓂᖏᓐᓄᑦ ᐹᒻᒪᒃᑎᕐᕕᐅᔭᕐᑐᕈᒫᕐᐳᓯ; ᐆᒥᓱᒃᑎᒋᓚᐅᕐᑕᓕᒫᓯᓗ ᒥᑭᒡᓕᑎᕐᓗᑎᒃ ᐃᑎᒐᑦᓯᓐᓄᑦ ᐹᒻᒪᒋᐊᕐᑐᕈᒫᕐᐳᑦ; ᑍᔭᐅᓕᕐᓗᓯᓗ ᐊᑕᓂᐅᑉ ᐃᒡᓗᒐᓴᒡᔪᐊᖁᑎᖏᓐᓂᒃ, ᓮᐅᓂᒥᒃ ᐃᓴᕆᐊᓕᐅᑉ ᐃᑦᔪᕐᓁᑦᑐᖁᑎᖓᓂᒃ.
ᓴᓐᖏᓂᕐᒥᒃ ᑐᓂᒐᕕᖓ ᐅᓇᑕᕈᑎᒃᓴᓐᓂᒃ; ᐊᑭᕋᕐᑐᕐᑎᒃᑲ ᐹᒻᒪᒃᑎᕐᑎᑉᐸᑎᑦ ᐃᑎᒐᓐᓄᑦ.
ᐃᓐᖏᕐᓯᕗᓪᓗ ᐃᖏᕈᒻᒥᒃ ᓄᑖᒥᒃ, ᐅᖃᕐᓗᑎᒃ: “ᐊᒡᓚᖕᓂᒃ ᐃᒧᓯᒪᔪᓂᒃ ᐃᓯᕕᑦᓯᔪᓐᓇᕐᑎᑕᐅᔪᑑᕗᑎᑦ ᓇᕿᑦᔪᑎᖏᓐᓂᒃ ᐲᕐᓯᔪᓐᓇᕋᕕᑦ, ᑐᖁᑕᐅᓚᐅᕋᕕᑦ ᐊᐅᖕᓄᓪᓗ ᐃᓄᐃᑦ ᐊᑭᓕᓚᐅᕐᐸᑎᑦ ᒎᑎᒧᑦ ᐅᑎᕐᑎᓪᓗᒋᑦ, ᑭᖑᕚᕇᓕᒫᓂᑦ ᐅᖃᐅᓯᖃᑎᒌᖏᑦᑐᓂᑦ ᐃᓄᒐᓴᒡᔪᐊᓂᑦ ᐃᓅᖃᑎᒌᒡᔪᐊᓂᓪᓗ.
ᐅᕙᖓᐅᕗᖅ ᐊᑕᓂᖅ, ᐊᓯᓐᓂᒃ ᐊᑕᓂᕐᑕᖃᓐᖏᓚᖅ; ᐊᓯᓐᓂᒡᓗ ᒎᑎᑕᖃᕋᓂ. ᕿᑎᕈᓯᓚᐅᕐᐸᒋᑦ, ᐅᕙᓐᓂᒃ ᖃᐅᔨᒪᖏᒃᑲᓗᐊᕐᑎᓪᓗᑎᑦ.
ᕾᕐᑐᕆᔭᕋ ᐊᐅᓚᔪᓐᓇᖏᑦᑐᖁᑎᒋᓪᓗᒍᓗ, ᓲᖑᔪᖁᑎᒐ ᓴᐳᑦᔨᔨᒋᓪᓗᒍᓗ, ᓴᐴᓗᑕᕆᔭᕋ ᕿᒫᕕᒋᔭᕋᓗ, ᐃᓅᖃᑎᒌᓂᒃ ᓵᓚᖃᕐᑐᖅ ᐅᕙᓐᓄᑦ ᐊᐅᓚᑕᐅᓕᖁᓪᓗᒋᑦ.
ᒎᑎᑦᑕ ᐊᑎᑎᑉᐹᖓ ᓴᓐᖏᓂᕐᒥᒃ ᓄᑭᑖᕐᑎᓪᓗᓂᖓ, ᐊᖅᑯᑎᒐᓗ ᐊᑲᐅᓯᑦᓯᐊᕐᑎᑉᐹ.
ᑕᕝᕙ ᑍᕕᑎᓗ ᐃᓄᖁᑎᖏᓪᓗ ᑮᓚᒧᐊᕐᐳᑦ, ᐅᓇᑕᕐᓗᑎᒡᓗ ᐱᓕᔅᑍᓂᒥᐅᓂᒃ; ᐅᓄᕐᑐᓂᒡᓗ ᑐᖁᕅᕗᑦ ᐆᒪᔪᖁᑎᖏᓪᓗ ᑎᒍᕔᑦ. ᑕᕝᕙ ᑍᕕᑎᐅᑉ ᑮᓚᒥ ᓄᓇᓖᑦ ᐱᐅᓕᓚᐅᕐᐰᑦ.
ᐊᓐᓄᕌᕐᓯᒪᔪᑎᑐᑦ ᑎᒥᖓ ᐅᓕᒃᑕᐅᓚᐅᕐᓕ ᑕᒪᑐᒧᖓ, ᑕᑦᓯᕈᑎᑎᑐᓪᓗ ᐊᒃᑐᐊᔭᐅᖏᓐᓇᓚᐅᕐᓕ ᖃᐅᑕᒫᑦ ᑕᑦᓯᕈᓯᖃᑦᑕᕐᓂᕐᒥᑐᑦ!
