29 ᐊᑕᓃᖅ ᐃᕝᕕᑦ ᖃᐅᒻᒪᖅᑯᑎᒋᕙᒋᑦ, ᒎᑎᒪᓗ ᑖᕐᑐᒦᓐᓂᕋ ᖃᐅᒻᒪᒃᑎᑉᐹ.
ᐊᑕᓂᖅ ᖃᐅᒪᓂᕆᕙᕋ, ᐱᐅᓕᔭᐅᑦᔪᑎᒋᓪᓗᒍᓗ; ᑭᓇᒥᒃ ᓯᕘᕋᔪᒃᓴᐅᕗᖓ? ᐃᓅᓯᕐᒪ ᐊᑕᓂᖅ ᓴᓐᖏᔫᑦᔪᑎᒋᕚ; ᑭᓇᒥᒃ ᓯᕘᕋᒋᔭᖃᕐᑐᒃᓴᐅᕗᖓ?
ᔩᓱᓯᐅᑉ ᐹᕆᓯᑦ ᐅᖃᐅᑎᒃᑲᓐᓂᕐᐰᑦ, “ᓯᓚᕐᔪᐊᕐᒥᐅᑦ ᖃᐅᒪᓂᕆᕚᖓ; ᐅᕙᓐᓂᒃ ᒪᓕᒃᑐᖅ ᑖᕐᑐᒥ ᐃᓅᓂᐊᓐᖏᓚᖅ, ᖃᐅᒪᔪᒥᓕ ᐃᓅᓂᐊᕐᐳᖅ.”
ᐃᒡᓗᒐᓴᒡᔪᐊᓪᓗ ᓯᕿᓂᕐᒧᑦ ᑕᖅᑭᕐᒧᓪᓘᓐᓃᑦ ᖃᐅᒪᑎᑕᐅᔭᕆᐊᖃᓐᖏᓚᑦ, ᒎᑎᐅᑉ ᐱᓐᓇᕐᓇᕐᓂᖓᑕ ᖃᐅᒪᑎᒻᒪᒋᑦ, ᓄᕐᕋᐅᔭᕐᓗ ᖃᐅᒻᒪᖅᑯᑎᒋᖕᒪᑦᔪᒃ.
ᑍᑦᓱᒪᓂ ᒎᑎᐅᑉ ᖃᐅᒪᓂᖓᓄᑦ ᓇᔪᕐᑕᐅᖏᓐᓇᕐᐸᓚᐅᕋᒪ, ᑖᕐᑐᒃᑰᓕᕌᖓᒪᓗ ᑖᑦᓱᒪ ᖃᐅᒪᓂᖓᓄᑦ ᑕᓯᐅᕐᑕᐅᕙᓚᐅᕐᐳᖓ;
ᖃᐅᒪᔫᓪᓗᖓ ᓯᓚᕐᔪᐊᕐᒧᑦ ᑎᑭᑉᐳᖓ, ᐅᕙᓐᓄᑦ ᐅᒃᐱᕐᑐᖅ ᑖᕐᑐᒦᖏᓐᓇᖁᓇᒍ.
ᐊᑕᓂᕐᒧᑦ ᐱᐅᖏᑦᑐᓕᓚᐅᕋᒪ, ᕿᓄᐃᓵᕐᓗᖓ ᐊᑐᕈᒪᕙᕋ ᐊᑕᓂᐅᑉ ᓂᓐᖓᐅᓯᖓ, ᕿᓄᑦᔪᑎᒋᔭᓐᓂᒃ ᐋᖅᑭᒃᓯᓚᐅᖅᑳᕐᑎᓐᓇᒍ ᐃᓱᐊᕐᓯᑎᓪᓗᖓᓗ, ᖃᐅᒪᓂᕐᒧᐊᕈᑎᓂᐊᕐᐹᖓ ᖃᐅᔨᓗᒍᓗ ᐃᓱᐊᕐᓂᖓ.
ᐃᓄᑦᓯᐊᕙᐅᔪᖅ ᖃᐅᒪᕕᐅᕙᒃᐳᖅ ᑖᕐᑐᒦᑎᓪᓗᒍ, ᓂᑲᒍᓱᖕᓂᖃᕐᑐᖅ, ᐱᑦᓯᐊᕐᑐᕐᓗ, ᐊᑲᐅᔪᓕᔪᕐᓗ.
ᓇᓪᓕᓯ ᐊᑕᓂᕐᒥᒃ ᐃᓕᕋᒋᔭᖃᕐᐹ? ᓈᓚᒡᓗᓂᓗ ᐱᔨᖓᑕ ᓂᐱᖓᓂᒃ, ᓇᓪᓕᐊᑦ ᑖᕐᑐᒥ ᐃᓅᔪᖅ ᖃᐅᒪᔪᕐᓯᐅᖏᑦᑐᖅ, ᑖᓐᓇ ᑕᑎᖃᓕᕐᓕ ᐊᑕᓂᐅᑉ ᐊᑎᖓᓂᒃ ᒎᑎᒥᓂᒡᓗ ᑕᑎᖃᕐᓗᓂ.
ᖃᐅᒪᔪᖅ ᐃᓱᐊᕐᑐᓕᔪᓄᑦ ᖃᐅᒻᒤᕗᖅ, ᐆᒻᒪᑎᒥᒍᓪᓗ ᓈᒻᒪᒃᑐᒥᒃ ᐱᓇᓱᐊᕐᑐᑦ ᖁᕕᐊᓱᒃᑎᑕᐅᕗᑦ.
ᐊᑕᓂᖅ ᒎᑎ ᓯᕿᓂᐅᖕᒪᑦ ᓴᐴᓗᑕᐅᓪᓗᓂᓗ; ᐊᑕᓂᖅ ᖁᕕᐊᒋᔭᐅᓂᕐᒥᒃ ᓂᕐᑐᕐᓇᕐᓂᕐᒥᒡᓗ ᑐᓂᓯᕗᖅ; ᐃᓅᑦᓯᐊᕋᓱᐊᕐᑐᑦ ᐊᑕᓂᐅᑉ ᐱᐅᔪᒥᒃ ᐊᔪᕐᓴᖁᓂᐊᓐᖏᓔᑦ.
ᖃᐅᒻᒪᖅᑯᑎᒐ ᐃᑭᑎᓐᓂᐊᕐᐸᑦ; ᐊᑕᓂᐅᑉ ᒎᑎᒪ ᑖᕐᑐᒦᓐᓂᕋ, ᖃᐅᒻᒪᒃᑎᓐᓂᐊᕐᐹ.
ᐅᓄᕐᑐᑦ ᐅᖃᕐᒪᑕ, “ᑭᐊ ᐱᐅᔪᒥᒃ ᑕᑯᑎᓐᓂᐊᕐᐹᑎᒎᑦ?” ᐊᑕᓃᖅ ᑮᓇᕐᐱᑦ ᖃᐅᒪᓂᖓᓂᒃ ᑕᑯᑎᓚᐅᕐᑎᒍᑦ.
ᐊᐱᓮᓕ ᔨᕈᐃᐊᐅᑉ ᐃᕐᓂᖓ ᑍᕕᑎᒥᒃ ᐃᑲᔪᕆᐊᕐᐳᖅ, ᐃᓄᒃᐹᓗᒃ ᐱᓕᔅᑍᓂᒥᐅᖅ ᐅᓇᑕᓕᕐᓗᒍ ᑐᖁᓪᓗᒍᓗ. ᑕᕝᕙ ᑍᕕᑎᐅᑉ ᐃᓚᖏᑕ ᑍᕕᑎ ᐊᖏᕐᑎᓚᐅᕐᐹᑦ ᐅᓇᑕᕆᐊᒃᑲᓐᓂᖃᑦᑕᖁᔭᐅᔪᓐᓃᕐᓗᓂ ᑖᒃᑯᐊ ᐃᓚᒋᓗᒋᑦ, ᐅᖃᕐᓗᑎᒃ, “ᐃᓴᕆᐊᓕᒥᐅᓄᑦ ᓂᕆᐅᖕᓂᖃᕐᕕᒋᔭᐅᒐᕕᑦ, ᐃᓕᖕᓂᒃ ᐊᓯᐅᔨᔪᒪᓐᖏᓚᒍᑦ.”
ᐊᑎᓐᓂᒡᓕ ᓯᕘᕋᔪᓯ ᐃᓱᐊᕐᑐᓕᓂᐅᑉ ᓯᕿᓂᖓᓄᑦ ᓄᐃᕕᐅᔪᒫᕐᐳᓯ, ᐃᓴᕈᕐᒥᒍᑦ ᐋᖅᑭᒃᑕᐅᓂᕐᒥᒃ ᐱᑕᓕᖕᒧᑦ. ᐊᓂᔪᒫᕐᐳᓯ ᒥᓯᒃᑕᕐᓗᓯ ᓄᕐᕋᕐᑎᑐᑦ ᐆᒪᔪᒃᑯᕕᖕᒥᑦ ᐊᓂᔪᑎᑐᑦ.
ᑭᓯᐊᓂ ᐊᑕᐅᓯᕐᒥᒃ ᑭᖑᕚᖑᖃᑎᒌᓂᒃ ᓲᓗᒨᓂᐅᑉ ᐃᕐᓂᖓ ᐱᓯᒪᑎᓐᓂᐊᕐᐸᕋ, ᐱᔨᒐ ᑍᕕᑎ ᑭᖑᕚᕾᓐᓇᖁᓪᓗᒍ ᐃᑯᒪᑎᑦᓯᔪᒃᓴᒥᒃ ᖁᓪᓕᕐᒥᒃ ᔨᕉᓴᓕᒥ, ᑖᒃᑯᐊ ᐃᒡᓗᒐᓮᑦ ᓂᕈᐊᕐᓯᒪᒐᒃᑭᑦ ᑕᕝᕙᓂ ᐊᑎᕋ ᐃᓕᓯᒪᒐᒃᑯ.
