ᓴᒧᐃᓕ ᐂᑉᐸᖏᑦ 19:39 - ᐊᒡᓔᑦ ᐃᑦᔪᕐᖕᓁᑦᑐᑦ

³⁹ ᑍᕕᑎᒃᑯᑦ ᐃᓄᖁᑎᖏᓪᓗ ᐃᑳᓚᐅᕐᐳᑦ ᔪᐊᕐᑕᓂᐅᑉ ᑰᖓᓂᒃ; ᐊᖓᔪᖅᑳᕐᔪᐊᓪᓗ ᑯᓂᒃᐹ ᐸᕐᔨᓔ ᓮᒻᒪᕐᑎᓪᓗᒍᓗ, ᐸᕐᔨᓔᓗ ᐅᑎᓚᐅᕐᐳᖅ ᐊᖏᕐᕋᒥᓄᑦ.

ᓴᒧᐃᓕ ᐂᑉᐸᖏᑦ 19:39 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 31:55

ᖃᐅᑎᓪᓗᒍᓕ ᐅᓪᓛᒻᒪᕆᒃᑯᑦ ᓔᐸᓂᐅᑉ ᐃᕐᖑᑕᓂ ᐸᓂᓂᓗ ᑯᓂᒃᐰᑦ ᓮᒻᒪᕐᑎᓪᓗᒋᓪᓗ; ᑕᕝᕙᓐᖓᓪᓗ ᐊᐅᓪᓚᓯᕗᖅ ᐊᖏᕐᕋᐅᓕᕐᓗᓂ.

ᕉᑎᐅᑉ ᐅᓂᒃᑲᐅᓯᓂᖓ 1:14

ᐊᒻᒪ ᐅᑯᐊᖏᒃ ᓂᐱᖃᕐᓗᑎᒃ ᕿᐊᓯᒃᑲᓐᓂᕆᕘᒃ; ᑕᕝᕙ ᐆᕐᐸᐅᑉ ᓴᑭᓂ ᐃᕿᓪᓗᒍ ᑕᕝᕙᐅᕗᑏᕐᐹ ᕿᒪᕉᑎᓕᕐᓗᓂᓗ, ᕉᑎᐅᓪᓕ ᓴᑭᓂ ᓴᒃᑯᑦᓱᓐᓁᓪᓕᕚ.

ᒨᓯᓯ ᓯᕗᓪᓖᑦ 47:7

ᑕᕝᕙ ᔫᓯᐱᐅᑉ ᐊᑖᑕᓂ ᑕᕝᕗᓐᖓᐅᑎᒋᕚ, ᐰᕉᒧᓪᓗ ᑕᓯᐅᕐᓗᒍ, ᔧᑰᓪᓗ ᐰᕉ ᓮᒻᒪᕐᑎᑉᐹ.

ᑎᓴᓗᓁᑲᒥᐅᓄᑦ ᓯᕗᓪᓖᑦ 5:26

ᐅᒃᐱᕐᑑᖃᑎᒌᓕᒫᑦ ᑕᕝᕙᐅᕗᑏᕐᐸᕗᑦ ᑯᓂᒡᓗᒋᓪᓗ ᐃᑦᔪᕐᓁᑦᑐᒧᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 20:37

ᐊᑕᖏᕐᖢᑎᒃ ᑕᕝᕙᐅᕗᑏᓕᕋᒥᒃ ᖁᕝᕕᐅᕐᐳᑦ ᐸᐅᓗᓯ ᐃᕿᓪᓗᒍ ᑯᓂᒃᐹᑦ,

ᓘᑲᓯᐅᑉ ᐊᒡᓚᖏᑦ 2:34

ᓯᒥᐅᓂᐅᑉ ᓮᒻᒪᕐᑎᑉᐰᑦ ᐊᓈᓇᖓᓄᑦ ᒥᐊᕆᒧᑦ ᐅᖃᕐᓗᓂ, “ᑕᑯᒋᑦ, ᐅᓇ ᓄᑕᕋᑯᓗᒃ ᐅᓄᕐᑐᓄᑦ ᐃᓴᕆᐊᓕᒥᐅᓄᑦ ᑲᑕᒍᑕᐅᔪᒫᕐᐳᖅ ᒪᑭᑦᔪᑕᐅᔪᒫᕐᓗᓂᓗ, ᓇᓗᓁᒃᑯᑕᐅᔪᒫᕐᐳᖅ ᐊᑭᕋᕐᑐᑕᐅᓗᓂ.

ᐊᑕᓃᑦ ᓯᕗᓪᓖᑦ 19:20

ᐃᒻᒧᒃᓯᐅᒐᖁᑎᓂ ᕿᒪᒡᓗᒋᑦ ᐃᓔᑦᔭ ᐅᓪᓚᒡᓗᓂ ᐅᐸᒃᐹ, ᐅᖃᐅᑎᓪᓗᒍᓗ, “ᐊᑖᑕᒐᓗ ᐊᓈᓇᒐᓗ ᑯᓂᒋᐊᕐᑐᑬᓐᓇᕐᓛᒃᑲᒃ, ᑭᖑᕐᖓᒍᓪᓗ ᒪᓕᖕᓂᐊᕐᐸᒋᑦ.” ᐃᓔᑦᔭᐅᑉ ᐅᖃᐅᑎᕚ, “ᐊᑏ ᐅᑎᑬᓐᓇᕆᑦ; ᓄᖅᑲᕐᑎᓐᓂᐊᓐᖏᓚᒋᑦ!”

ᓴᒧᐃᓕ ᐂᑉᐸᖏᑦ 14:33

ᑕᕝᕙ ᔪᐊᐱ ᐊᖓᔪᖅᑳᕐᔪᐊᕐᒧᐊᕐᐳᖅ ᐅᖃᐅᑎᓪᓗᒍᓗ; ᐋᑉᓴᓚᐅᑉ ᐅᖃᐅᓯᕆᖁᔭᖓᓂᒃ. ᑕᕝᕙ ᐊᖓᔪᖅᑳᕐᔪᐊᖅ ᕾᖁᔨᓕᕐᐳᖅ ᐋᑉᓴᓚᒻᒥᒃ, ᑖᓐᓇ ᐊᖓᔪᖅᑳᕐᔪᐊᕐᒧᐊᕋᒥ ᓄᓇᒧᑦ ᐹᒻᒪᒃᐳᖅ ᐊᖓᔪᖅᑳᕐᔪᐊᑉ ᓯᕗᕌᓄᑦ; ᐊᖓᔪᖅᑳᕐᔪᐊᓪᓗ ᑐᓐᖓᓱᒃᑎᓪᓗᒍ ᐋᑉᓴᓚᒻ ᑯᓂᒃᐹ.

ᓴᒧᐃᓕ ᐂᑉᐸᖏᑦ 13:25

ᐊᖓᔪᖅᑳᕐᔪᐊᖅ ᑭᐅᕗᖅ, “ᐋᒃᑲ, ᐃᕐᓃᒃ, ᐅᖁᒤᒃᓴᓗᐊᕋᔭᕋᕕᑦ ᕾᔪᐃᓐᓇᐅᒍᑦᑕ.” ᐋᑉᓴᓚᒻᓕ ᐊᔪᐃᓐᓇᕋᓗᐊᕐᑎᓪᓗᒍ, ᐊᖓᔪᖅᑳᕐᔪᐊᖅ ᐱᔪᒪᓚᐅᓐᖏᓚᖅ ᓮᒻᒪᕐᑎᑐᐃᓐᓇᓚᐅᕐᐹᓕ.

ᓴᒧᐃᓕ ᐂᑉᐸᖏᑦ 6:20

ᑭᖑᓂᖓᒍᑦ ᑍᕕᑎ ᐊᖏᕐᕋᒥᓄᐊᕐᐳᖅ ᐃᓚᒥᓄᑦ, ᒤᑲᐅᓪᓕ ᓴᐅᓕᐅᑉ ᐸᓂᖓᑕ ᐸᕐᕆᐊᕐᐹ, ᐅᖃᐅᑎᓪᓗᒍᓗ, “ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓ ᐃᒻᒥᓂᒃ ᐅᐱᓐᓇᕐᑎᑉᐳᖅ ᐅᓪᓗᒥ, ᐃᒻᒥᓂᒃ ᑕᑯᔭᐅᑎᓚᐅᕐᒪᑦ ᐱᔨᒥᓄᑦ ᐊᕐᓇᓄᑦ, ᓯᓔᑦᑐᑎᑐᑦ ᑲᓐᖑᓱᒐᓂ ᐊᓐᓄᕅᔭᓚᐅᕐᐳᖅ ᑕᑯᓐᓇᕐᑎᓪᓗᒋᑦ!”

ᓴᒧᐃᓕ ᐂᑉᐸᖏᑦ 6:18

ᑍᕕᑎᓗ ᑐᓂᕐᕈᓯᕇᕋᒥ ᑕᒪᒃᑯᓂᖓ ᑐᓂᕐᕈᑎᓂᒃ, ᐃᓄᐃᑦ ᓮᒻᒪᕐᑎᑉᐰᑦ ᐊᑕᓂᐅᑉ ᖁᑦᓯᖕᓂᕐᐹᖑᔫᑉ ᐊᑎᖓᓂ,

ᓴᒧᐃᓕ ᓯᕗᓪᓖᑦ 24:22

ᑍᕕᑎᓗ ᐊᖏᒻᒪᕆᒃᐳᖅ ᑕᒪᑐᒥᖓ ᓴᐅᓕᒧᑦ. ᑕᕝᕙ ᓴᐅᓕ ᐅᑎᓕᕐᐳᖅ ᐊᖏᕐᕋᒧᑦ; ᑍᕕᑎᓕ ᐃᓄᖁᑎᖏᓪᓗ ᐅᑎᕆᕗᑦ ᕾᕈᓱᖕᓄᑦ.

ᒨᓯᓯ ᓯᑕᒪᖏᑦ 24:25

ᑕᕝᕙ ᐸᓛᒻ ᒪᑭᑉᐳᖅ ᓇᔪᒐᕐᒥᓄᓪᓗ ᐅᑎᕐᓗᓂ ᐰᓚᒃᑕᐅᖅ ᐅᑎᓕᕆᕗᖅ.

ᒨᓯᓯ ᓯᕗᓪᓖᑦ 47:10

ᔧᑰᓪᓗ ᐰᕉ ᓮᒻᒪᕐᑎᓐᓇᒥᐅᒃ, ᑕᕝᕙᓐᖓᑦ ᐰᕉᑉ ᓇᔪᕐᑕᖓᓂᑦ ᐊᓂᕗᖅ.

ᒨᓯᓯ ᓯᕗᓪᓖᑦ 45:15

ᑕᕝᕙ ᐊᖓᔪᓕᒫᓂ ᑯᓂᒃᓗᒋᑦ ᕿᐊᖃᑎᒋᖃᑦᑕᓕᕐᐰᑦ; ᑭᖑᓂᖓᒍᓪᓗ ᐊᖓᔪᖏᑕ ᐅᖃᖃᑎᒋᓕᕐᐹᑦ.

ᒨᓯᓯ ᓯᕗᓪᓖᑦ 28:3

ᒎᑎᐅᑉ ᐊᔪᒐᖃᖏᑦᑑᑉ ᓮᒻᒪᕐᑎᓐᓂᐊᕐᐹᑎᑦ ᕿᑐᕐᖓᖃᕐᑎᓪᓗᑎᓪᓗ, ᐅᓄᕐᑐᓂᒃ, ᐃᓅᒋᐊᒃᑐᕐᔪᐊᓐᖑᖁᓪᓗᓯ.

ᒨᓯᓯ ᓯᕗᓪᓖᑦ 14:19

ᓮᒻᒪᕐᑎᓪᓗᒍᓗ ᐅᖃᐅᑎᕚ, “ᐂᑉᕋᒻ ᒎᑎᐅᑉ ᖁᑦᓯᖕᓂᕐᐹᖑᔫᑉ ᓮᒻᒪᕐᑎᓪᓕᐅᒃ, ᕿᓚᖕᒥᒃ ᓄᓇᒥᒡᓗ ᓴᓇᓚᐅᕐᑑᑉ!

ᓴᒧᐃᓕ ᐂᑉᐸᖏᑦ 19:38

ᐊᖓᔪᖅᑳᕐᔪᐊᖅ ᑭᐅᕗᖅ, “ᓯᒻᕼᐋᒻ ᐱᖃᑎᒋᓂᐊᕐᐸᕋ ᐱᓂᐊᕐᕕᒋᓗᒍᓗ ᐱᓇᓱᐊᕐᑕᐅᖁᔭᕐᓂᒃ, ᐃᓕᖕᓄᓪᓗ ᐱᓇᓱᐊᕐᓂᐊᕐᐳᖓ ᐱᓇᓱᐊᕐᑕᐅᖁᔭᕐᓂᒃ.”