ᓴᒧᐃᓕ ᐂᑉᐸᖏᑦ 19:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᓯᒥᐂᒧᓪᓗ ᐅᖃᕐᐳᖅ, “ᓱᓕᓪᓗᖓ ᐅᖃᐅᑎᕙᒋᑦ ᑐᖁᑕᐅᓂᐊᓐᖏᓚᑎᑦ.” ᑕᕝᕙ ᐊᖓᔪᖅᑳᕐᔪᐊᑉ ᐊᖏᕐᕕᒋᕚ.

ᓴᒧᐃᓕ ᐂᑉᐸᖏᑦ 19:23 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 2:46

ᑍᒤᒻᒪᒃ ᐊᖓᔪᖅᑳᕐᔪᐊᖅ ᐱᖁᔨᕗᖅ ᐱᓁᐊᒥᒃ ᔨᕼᐅᐃᐊᑕᐅᑉ ᐃᕐᓂᖓᓂᒃ; ᑖᑦᓱᒪᓗ ᓯᒥᐂ ᐅᐸᒃᑲᒥᐅᒃ ᑐᖁᑉᐹ, ᑖᓐᓇᓗ ᑐᖁᕗᖅ. ᑕᕝᕙ ᓲᓗᒨᓂ ᑕᒪᒃᑯᐊ ᐱᔭᕇᕐᒪᑕ ᑕᒤᓐᓂᒃ ᐊᐅᓚᑦᓯᓪᓚᕆᓕᕐᐳᖅ.

ᐊᑕᓃᑦ ᓯᕗᓪᓖᑦ 2:37

ᐊᐅᓪᓚᕐᑐᕕᓂᐅᒍᕕᑦ ᑭᑐᕌᓂᐅᑉ ᑰᒐᓛᖓ ᖄᖏᕐᓗᒍ, ᑕᕝᕙ ᑐᖁᑕᐅᓪᓚᕆᒍᒫᕐᐳᑎᑦ ᐊᓯᖕᓂᒡᓗ ᐸᓯᔭᒃᓴᐅᔪᖃᑦᔮᓇᓂ.”

ᐄᑉᕈᐃᓄᑦ 6:16

ᐃᓄᒃ ᐅᖃᕕᒡᓗᓂ ᐊᖏᒻᒪᕆᒑᖓᒥ ᐊᑎᕐᒥᒃ ᑍᓯᖃᓯᐅᑦᔨᓲᖑᕗᖅ ᐊᖏᖅᑭᔭᒥᓂᒃ, ᐅᖃᕕᒡᓗᑎᒡᓗ ᐊᖏᒻᒪᕆᒍᑎᖃᕌᖓᑕ ᐂᕙᔭᐅᔪᓐᓇᓐᖏᓚᑦ.

ᓴᒧᐃᓕ ᓯᕗᓪᓖᑦ 30:15

ᑍᕕᑎᐅᑉ ᐊᐱᕆᕚ, “ᑍᒃᑯᓄᓐᖓᐅᑎᔪᓐᓇᕐᐱᖔ ᐅᓇᑕᕆᐊᓚᐅᕐᑐᓄᑦ?” ᑖᓐᓇ ᑭᐅᕗᖅ, “ᐱᔪᓐᓇᕐᐳᖓ ᐊᖏᕐᕕᒋᓂᐊᑐᐊᕈᕕᖓ ᒎᑎᐅᑉ ᐊᑎᖓᓂ, ᑐᖁᓐᓂᐊᓐᖏᓐᓂᕋᕐᓗᖓ ᐅᕝᕙᓗ ᐊᖓᔪᖅᑳᓐᓄᑦ ᐂᑦᑑᑎᒋᓂᐊᓐᖏᑐᐊᕈᕕᖓ.”

ᓴᒧᐃᓕ ᓯᕗᓪᓖᑦ 28:10

ᓴᐅᓕᓕ ᐊᖏᒻᒪᕆᒃᐳᖅ ᓯᖁᒥᓐᓂᐊᖏᑕᒥᓂᒃ ᐊᑕᓂᐅᑉ ᓵᖓᓂ, ᐅᖃᕐᓗᓂᓗ, “ᐊᑕᓂᖅ ᐆᒪᖕᒪᑦ, ᐊᖏᒻᒪᕆᒃᐳᖓ ᓱᒋᐊᕐᑕᐅᓂᐊᓐᖏᓚᑎᑦ ᑕᒪᑐᒥᖓ ᐱᓇᓱᐊᕐᓂᕐᓂᒃ.”

ᓴᒧᐃᓕ ᐂᑉᐸᖏᑦ 19:24

ᒥᐱᐳᓴᑎᑦᑕᐅᖅ, ᓴᐅᓕᐅᑉ ᐃᕐᖑᑕᖓ, ᐂᓚᐅᕆᕗᖅ ᑲᑎᓯᒋᐊᕐᑐᓪᓗᓂ ᐊᖓᔪᖅᑳᕐᔪᐊᕐᒥᒃ; ᐃᑎᒐᒥᓂᒃ ᐅᐊᓴᓚᐅᖏᑦᑐᖅ, ᐅᓐᖏᔭᓚᐅᕋᓂᓗ, ᐊᓐᓄᕌᒥᓂᒡᓗ ᐅᐊᓴᓚᐅᖏᑦᑐᖅ, ᑍᒪᓐᖓᓂᑦ ᐊᖓᔪᖅᑳᕐᔪᐊᖅ ᐊᐅᓪᓚᓚᐅᕐᑎᓪᓗᒍ ᔨᕉᓴᓕᒥᑦ ᐅᑎᓚᐅᖏᓐᓂᖓᓂ ᐊᑦᑕᕐᓇᕐᑐᒦᑦᓱᓐᓃᕐᓗᓂ.

ᓴᒧᐃᓕ ᓯᕗᓪᓖᑦ 11:13

ᓴᐅᓕᓕ ᐅᖃᕐᐳᖅ, “ᐅᓪᓗᒥ ᑐᖁᑕᐅᔪᖃᕐᓂᐊᓐᖏᓚᖅ, ᐅᓪᓗᒥ ᐊᑕᓂᐅᑉ ᐃᓴᕆᐊᓕᒥᐅᑦ ᐱᐅᓕᖕᒪᒋᑦ.”

ᓴᒧᐃᓕ ᐂᑉᐸᖏᑦ 16:10

ᐊᖓᔪᖅᑳᕐᔪᐊᕐᓕ ᐅᖃᕐᐳᖅ ᐊᐱᓮᒧᑦ ᐊᖓᔪᐊᓄᓪᓗ ᔪᐊᐱᒧᑦ, “ᑕᒪᓐᓇ ᐱᓇᓱᐊᒐᕆᓐᖏᓚᓯᒃ ᔨᕈᐃᐊᐅᑉ ᐃᕐᓂᖏᒃ, ᓇᕐᕈᓇᕐᓯᑎᑉᐹᖓ ᐊᑕᓂᐅᑉ ᐱᖁᔨᓂᖓᒍᑦ ᐅᖃᕐᑎᑕᐅᒃᐸᑦ, ‘ᑍᕕᑎ ᓇᕐᕈᓇᕐᓯᓕ’ ᑍᒤᓕᐅᓚᐅᕐᓕ, ᑭᓇᓖ ᐅᖃᕈᓐᓇᕐᐸ, ‘ᓱᖕᒪᑦ ᑍᒤᓕᐅᕐᒪᖔᑦ?’”