ᓴᒧᐃᓕ ᐂᑉᐸᖏᑦ 19:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐋᑉᓴᓚᒻ ᒥᖑᐊᓚᐅᕐᐸᕗᑦ ᐊᖓᔪᖅᑳᕐᔪᐊᕐᑖᕆᔪᒪᓪᓗᑎᒍᑦ, ᑭᓯᐊᓂᓕ ᑐᖁᑕᐅᓯᒪᕗᖅ ᐅᓇᑕᕐᑐᓂ. ᓱᖕᒪᓪᓕ ᐊᖓᔪᖅᑳᕐᔪᐊᖅ ᑍᕕᑎ ᐅᑎᕐᑎᑕᐅᓇᓱᓐᖏᓛᖅ?”

ᓴᒧᐃᓕ ᐂᑉᐸᖏᑦ 19:10 ပူးပေါင်းရင်းမြစ်များ

ᕼᐆᓯᐊᑉ ᐊᒡᓚᖏᑦ 8:4

“ᐊᖓᔪᖅᑳᕐᔪᐊᕐᑖᓚᐅᕐᐳᑦ ᐅᕙᒃᑰᖏᑦᑐᖅ. ᐊᖓᔪᖅᑳᖁᑎᑖᓚᐅᕐᐳᑦ ᐅᕙᓐᓂᒃ ᖃᐅᔨᑎᑦᓯᓚᐅᕋᑎᒃ. ᓯᐅᓪᕕᕆᒥᖕᓂᒃ ᒎᓗᒥᖕᓂᒡᓗ ᒎᑎᓐᖑᐊᓕᐅᓚᐅᕐᐳᑦ ᐊᓯᕈᕐᑕᐅᑦᔪᑎᒃᓴᒥᖕᓂᒃ.

ᓴᒧᐃᓕ ᐂᑉᐸᖏᑦ 18:14

ᔪᐊᐱ ᐅᖃᕐᐳᖅ, “ᑕᒪᐅᖓᑐᐃᓐᓈᕈᑎᒋᔪᒪᔪᓐᓁᕐᐸᒋᑦ.” ᐱᖓᓱᓂᒃ ᑲᐱᓯᒍᑎᓂᒃ ᑎᒍᓯᕗᖅ, ᐋᑉᓴᓚᒻᓗ ᑖᒃᑯᓄᖓ ᑲᐱᕚ ᓴᒡᕕᖓᒍᑦ, ᓂᕕᖓᑎᓪᓗᒍ ᓇᐹᕐᑐᒥ ᑎᓴᒃᑕᒥ, ᓱᓕᓕ ᑐᖁᓚᐅᓐᖏᓚᖅ.

ᐃᓗᐊᕐᓮᔩᑦ ᐊᒡᓚᖏᑦ 18:9

ᑖᒃᑯᐊ ᑭᐅᕗᑦ, “ᐸᕐᓇᒡᓗᑕ, ᐅᓇᑕᕆᐊᓚᐅᕐᓚᕗᑦ, ᓄᓇᖓᑦ ᕿᒥᕐᕈᓚᐅᕐᐸᕗᑦ, ᐱᕈᕐᓰᑦᓯᐊᕐᓇᕐᑐᖅ, ᓱᓕᕆᖏᓪᓗᓯ ᑕᒪᓃᑦᓱᓐᓇᕐᐱᓰ? ᐅᐃᒪᓕᕆᑦᓯ! ᑲᔪᓯᓕᕆᑦᓯ ᐃᑎᕐᕕᒋᓗᒍ ᐱᑖᕆᔭᕐᑐᓕᕐᓚᕗᑦ!

ᓴᒧᐃᓕ ᐂᑉᐸᖏᑦ 19:9

ᓄᓇᓕᓕᒫᓂ ᐃᒻᒥᖕᓄᑦ ᐊᑭᕋᕐᑑᑎᓕᓚᐅᕐᐳᑦ. ᐃᒻᒥᖕᓄᓪᓗ ᐅᖃᕐᓗᑎᒃ, “ᐊᖓᔪᖅᑳᕐᔪᐊᑉ ᑍᕕᑎᐅᑉ ᓴᐳᑎᓚᐅᕐᐹᑎᒍᑦ ᐊᑭᕋᑦᑎᓐᓂᑦ, ᐱᐅᓕᓚᐅᕐᐹᑎᒍᓪᓗ ᐱᓕᔅᑍᓂᒥᐅᓂᑦ, ᒫᓐᓇᓕ ᐋᑉᓴᓚᒻᒥᑦ ᕿᒫᓯᒪᕗᖅ ᓄᓇᑦᑕ ᐊᓯᐊᓄᑦ.

ᓴᒧᐃᓕ ᐂᑉᐸᖏᑦ 19:11

ᐱᕙᓪᓕᐊᔪᑦ ᐃᓴᕆᐊᓕᒥᐅᑦ ᐅᖃᐅᓯᖏᑦ ᑎᑭᐅᑎᖕᒪᑕ ᐊᖓᔪᖅᑳᕐᔪᐊᕐᒧᑦ ᑍᕕᑎᒧᑦ. ᑍᒤᒻᒪᑦ ᑎᓕᓚᐅᕐᐰᑦ ᑐᓂᕐᕈᓯᕐᑎᑦᓯᔩᒃ ᔭᑑᒃᓗ ᐊᐰᐊᑕᓗ ᐅᖃᕆᐊᕐᑐᖁᓪᓗᒋᑦ ᔫᑕᐅᑉ ᐊᖓᔪᖅᑳᖏᓐᓄᑦ, “ᓱᖕᒪᑦ ᑭᖑᓪᓕᕐᐸᐅᔭᕆᐊᖃᕐᐱᓰᑦ ᐅᑎᕐᑎᑦᓯᓗᓯ ᐊᖓᔪᖅᑳᕐᔪᐊᕐᒥᒃ ᐊᖓᔪᖅᑲᐅᕕᖁᑎᖓᓄᑦ ᐊᖏᕐᕋᖓᓄᑦ?

ᓴᒧᐃᓕ ᐂᑉᐸᖏᑦ 19:40

ᐊᖓᔪᖅᑳᕐᔪᐊᖅ ᐃᑳᕇᕐᑎᓪᓗᒍ, ᐃᓚᒋᔭᐅᓪᓗᓂ ᔫᑕᒥᐅᓄᑦ ᐃᓴᕆᐊᓕᒥᐅᓪᓗ ᐃᓄᖏᑕ ᐊᕝᕙᖏᓐᓄᑦ, ᑲᔪᓯᓚᐅᕐᐳᖅ ᒋᐅᓪᒐᐅᓪᒧᑦ, ᓯᒻᕼᐋᒥᐅᓪᓗ ᐃᓐᖏᕐᕋᖃᑎᒋᓚᐅᕐᐹ.

ᓴᒧᐃᓕ ᐂᑉᐸᖏᑦ 15:14

ᑕᕝᕙ ᑍᕕᑎᐅᑉ ᐊᖓᔪᖅᑳᖁᑎᓕᒫᓂ ᔨᕉᓴᓕᒦᑦᑐᑦ ᐅᖃᐅᑎᕔᑦ, “ᒪᑭᓪᓗᑕ ᒫᓐᓇᑦᓴᐅᑎᒋ ᕿᒪᒃᓯᓕᕐᑕ; ᑕᒪᐅᓐᖓᑐᐊᕐᐸᑦ ᓴᐱᔭᐅᓗᑕ ᓵᓚᒋᓂᐊᕐᒪᑎᒍᑦ; ᑐᐊᕕᕐᓗᑕ! ᐋᑉᓴᓚᐅᑉ ᐱᕕᒃᓮᕈᑎᑐᐃᓐᓇᕆᐊᖃᕐᒪᑎᒍᑦ, ᐱᐅᖏᑦᑐᐊᓗᖕᒥᒡᓗ ᐅᕙᑦᑎᓐᓄᑦ ᑎᑭᑎᑦᓯᒐᔭᕐᒪᑦ ᐃᒡᓗᒐᓴᖕᒦᑦᑐᓕᒫᓪᓗ ᑐᖁᓪᓗᓂᒋᑦ!”

ᓴᒧᐃᓕ ᐂᑉᐸᖏᑦ 15:16

ᑕᕝᕙ ᐊᖓᔪᖅᑳᕐᔪᐊᖅ ᐊᐅᓪᓚᓕᕐᐳᖅ, ᐃᒡᓗᒥᐅᖃᑎᓕᒫᓂ ᐃᓚᒋᓪᓗᒋᑦ, ᓄᓕᐊᒃᑲᓐᓂᓂᓕ ᖁᓖᑦ ᕿᒪᓚᐅᕐᐰᑦ ᐃᒡᓗᖓᓂᒃ ᑲᒪᖁᓪᓗᒋᑦ.