ᓴᒧᐃᓕ ᐂᑉᐸᖏᑦ 13:28 - ᐊᒡᓔᑦ ᐃᑦᔪᕐᖕᓁᑦᑐᑦ

²⁸ ᑕᕝᕙ ᐋᑉᓴᓚᐅᑉ ᐱᔨᓂ ᐅᖃᐅᑎᕔᑦ, “ᖃᐅᔨᓴᕐᓂᐊᕐᐳᓯ ᐋᒻᓇᒥᒃ ᐋᖓᔮᓕᑐᐊᕐᐸᑦ, ᐱᖁᔨᓕᑐᐊᕈᒪ ᑐᖁᓐᓂᐊᕐᐸᓯ. ᑲᑉᐱᐊᓱᒃᑍᓕᒋᑦᓯ; ᐅᕙᖓ ᑎᓕᓯᒐᒪ ᐸᓯᔭᒃᓴᐅᓂᐊᕐᐳᖓ ᓯᕘᕋᑦᑍᓕᒋᑦᓯ ᑲᑦᓱᖓᑦᑍᓕᓗᓯᓗ!”

ᓴᒧᐃᓕ ᐂᑉᐸᖏᑦ 13:28 ပူးပေါင်းရင်းမြစ်များ

ᐃᓗᐊᕐᓮᔩᑦ ᐊᒡᓚᖏᑦ 19:6

ᑖᒃᑯᐊᒃ ᐊᖑᑏᒃ ᒪᕐᕉᒃ ᐃᒃᓯᕙᖃᑎᒌᓚᐅᕐᐴᒃ ᓂᕆᖃᑎᒌᒡᓗᑎᒃ ᐃᒥᖃᑎᒌᒡᓗᑎᒡᓗ; ᐊᕐᓇᐅᓪᓗ ᐊᑖᑕᖓᑕ ᐊᖑᑦ ᐅᖃᐅᑎᕚ, “ᑐᓐᖓᓱᒡᓗᑎᑦ ᓯᓂᒃᑕᒃᑲᓐᓂᑬᓐᓇᕆᑦ ᖁᕕᐊᓱᒡᓗᑎᓪᓗ.”

ᐃᓗᐊᕐᓮᔩᑦ ᐊᒡᓚᖏᑦ 19:22

ᖁᕕᐊᓱᖃᑎᒋᓕᕐᓗᒋᓪᓗ, ᑕᕝᕔᓐᓇᖅ ᓄᓕᐊᕐᓂᕐᒥᒃ ᐊᑐᕐᓂᕐᓗᒃᑎᓂᑦ ᐃᒡᓗᖓ ᐊᕙᑕᖏᕐᑕᐅᕗᖅ ᐅᒃᑯᐊᖓᓂᒡᓗ ᐊᑦᓴᕐᑕᕐᓗᑎᒃ; ᐊᖑᓪᓗ ᐃᑦᑐᖅ ᐅᖃᐅᑎᕚᑦ, “ᐊᖑᑦ ᑍᓐᓇ ᐊᖏᕐᕋᐅᑎᔧᑦ ᐊᓂᑎᒍᒃ! ᓄᓕᐊᕈᒪᒐᑦᑎᒍ!”

ᐃᓗᐊᕐᓮᔩᑦ ᐊᒡᓚᖏᑦ 19:9

ᑖᓐᓇ ᐊᖑᑦ, ᓄᓕᐊᖓᓗ, ᐱᔨᖓᓗ ᐊᐅᓪᓚᕋᓱᐊᓕᕐᑎᓪᓗᒋᑦ, ᐊᑖᑕᖓᑕ ᐅᖃᐅᑎᕚ, “ᑕᑯᒋᑦ, ᐅᓐᓄᓕᓕᕐᒪᑦ ᒫᓐᓇ; ᑕᕝᕙᓃᑐᐃᓐᓇᓕᕆᑦ ᐅᓐᓄᐊᒥ, ᑖᕐᓯᔭᕇᓚᖓᓕᕐᒪᑦ, ᑕᕝᕙᓃᑐᐃᓐᓇᓕᕆᑦ ᑐᓐᖓᓱᒡᓗᑎᑦ, ᓯᓂᒃᑕᓕᕆᑦ ᖃᐅᒃᐸᑦ ᐅᓪᓛᒻᒪᕆᒃᑯᑦ ᐊᐅᓪᓚᕐᓂᐊᕐᐳᑎᑦ ᐊᖏᕐᕋᕐᓗᑎᓪᓗ.”

ᕉᑎᐅᑉ ᐅᓂᒃᑲᐅᓯᓂᖓ 3:7

ᐳᐊᓯᓕ ᓂᕆᔭᕇᕋᒥ ᐃᒥᕇᕋᒥᓗ ᖁᕕᐊᓱᑦᓯᐊᓕᕐᐳᖅ, ᓂᐊᖂᔭᒃᓮᓪᓗ ᑲᑎᓯᒪᔪᑦ ᐅᖓᓪᓕᕐᐸᖓᓄᑦ ᐃᓂᓪᓚᒃᐳᖅ, ᑕᕝᕙᓂᓗ ᓯᓂᓕᕐᓗᓂ. ᑕᕝᕙ ᕉᑎ ᑐᓵᔭᐅᑦᑍᓕᒪᓪᓗᓂ ᐳᐊᓯᐅᑉ ᑭᓗᐊᓄᑦ ᐃᓐᓇᕐᐳᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 5:29

ᐲᑦᑐᕉᓯ ᐋᐴᓯᑕᓖᓪᓗ ᑭᐅᕗᑦ, “ᒎᑎᒥᒃ ᓈᓚᒋᐊᖃᕐᐳᒍᑦ, ᐃᓄᖕᓂᐅᖏᑦᑐᖅ.

ᓘᑲᓯᐅᑉ ᐊᒡᓚᖏᑦ 21:34

“ᖃᐅᔨᓴᑦᓯᐊᕆᑦᓯ ᐃᓕᑦᓯᓐᓂᒃ ᐆᒻᒪᑎᑦᓯᒍᑦ ᐅᖁᒤᓕᑎᑕᐅᖁᓇᓯ ᓂᕆᓗᐊᕐᓂᕐᒧᑦ ᐃᒥᓗᐊᕐᓂᕐᒧᓪᓗ ᐃᓅᓯᕐᒧᓪᓗ ᐃᓱᒪᔮᓇᕐᑐᑕᖃᕐᓂᖓᓄᑦ, ᐅᓪᓗᒧᑦ ᑍᑦᓱᒧᖓ ᐅᐸᓗᐃᔭᐅᖁᓇᓯ ᓂᒐᕐᑎᑕᐅᔪᑎᑐᑦ.

ᓇᕼᐅᒥᐅᑉ ᐊᒡᓚᖏᑦ 1:10

ᑲᑭᓪᓚᕐᓇᕐᑎᑐᑦ ᓂᒐᕕᓯᒪᑎᓪᓗᒋᑦ, ᐋᖓᔮᕐᑎᑎᑐᓪᓗ ᐋᖓᔮᕐᑎᓪᓗᒋᑦ, ᓄᖑᑕᐅᔪᒫᕐᐳᑦ ᐃᑯᒪᒧᑦ ᐃᕕᒃᓱᒐᕐᑎᑐᑦ ᑭᓪᓗᕐᑕᐅᓯᒪᓪᓗᑎᒃ ᐸᓂᕐᑐᑎᑐᑦ.

ᑖᓂᐊᓕᐅᑉ ᐊᒡᓚᖏᑦ 5:30

ᐅᓐᓄᐊᒥᓗ ᑍᑦᓱᒪᓂ ᑲᐅᓪᑎᐊᒥᐅᑦ ᐊᖓᔪᖅᑳᕐᔪᐊᖓᑦ ᐱᐅᓪᓴᔮ, ᑐᖁᑕᐅᓚᐅᕐᐳᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 10:19

ᓂᕆᕕᒃᔪᐊᕐᓂᖅ ᐃᒡᓚᕐᓂᕐᒥᒃ ᓄᐃᑎᑦᓯᕗᖅ, ᕔᓂᓗ ᖁᕕᐊᓱᒃᑎᑦᓯᓪᓗᓂ; ᑮᓇᐅᔭᕐᓕ ᑕᒤᓐᓂᒃ ᓄᐃᑎᑦᓯᕗᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 9:7

ᐂᓕᕆᑦ ᓂᐊᖂᔭᖅ ᓂᕆᔭᕐᑐᓕᕈᒃ ᖁᕕᐊᓱᒡᓗᑎᑦ; ᕔᓃᓪᓗ ᐃᒥᕆᐊᕐᑐᓕᕈᒃ ᐆᒻᒪᑎᖕᓂ ᖁᕕᐊᓱᒃᓗᑎᑦ; ᒎᑎᐅᑉ ᐱᓂᐊᕐᓂᑎᑦ ᐃᓚᓕᐅᕇᕐᒪᒋᑦ.

ᐃᓐᖏᕈᑎᑦ 104:15

ᕔᓂ ᐃᓅᑉ ᐆᒻᒪᑎᖓᓂᒃ ᖁᕕᐊᓱᒃᑎᑦᓯᖁᓪᓗᒍ, ᓇᐹᕐᑑᓪᓗ ᐅᕐᓱᖓ ᑮᓇᖓᓂᒃ ᓴᓗᒪᑎᑦᓯᖁᓪᓗᒍ, ᓂᐊᖂᔭᕐᓗ ᐃᓅᑉ ᐆᒻᒪᑎᖓᓂᒃ ᓲᖑᓂᖅᑳᕐᑎᑦᓯᖁᓪᓗᒍ.

ᐃᔅᑕᐅᑉ ᐊᒡᓚᖏᑦ 1:10

ᓂᕆᕕᒡᔪᐊᕐᓂᖏᑕ ᐅᓪᓗᐃᑦ 7ᖓᓐᓂ, ᐊᖓᔪᖅᑳᕐᔪᐊᖅ ᐃᒥᕋᒥ ᕔᓂᒥᒃ ᐋᖓᔮᒐᓚᓕᓚᐅᕐᐳᖅ ᖁᕕᐊᓱᓕᕐᓗᓂᓗ, ᑎᓕᓯᓕᕐᐳᖅ ᓇᖕᒥᓂᖅ ᐱᔨᒥᓂᒃ 7ᓂᒃ ᐃᒡᔪᐃᕐᑕᐅᓯᒪᔪᓂᒃ ᐅᑯᓂᖓ ᒥᕼᐅᒪᓐ, ᐱᑦᔾᑕ, ᕼᐊᕐᐴᓇ, ᐱᒡᔅᑕ, ᐊᐸᒐᔅᑕ, ᔨᑦᓴᕐ, ᑳᑲᓯᓗ.

ᐊᑕᓃᑦ ᓯᕗᓪᓖᑦ 20:16

ᐊᐅᓪᓚᕐᐳᓪᓗ ᐅᓪᓗᖅ ᕿᑎᕋᓕᕐᑎᓪᓗᒍ, ᑍᒤᓕᐅᕐᑎᓪᓗᒋᑦ ᐱᓐ-ᕼᐊᑖᑎᒃᑯᑦ ᐊᖓᔪᖅᑳᕐᔪᐊᓪᓗ 32ᖑᔪᑦ ᐃᒥᖃᑎᒌᒃᐳᑦ ᐋᖓᔮᓕᕐᓗᑎᒃ ᓇᔪᕐᑕᒥᓂ ᐊᖓᔪᖅᑲᐅᕕᖕᒥᓂ.

ᓴᒧᐃᓕ ᐂᑉᐸᖏᑦ 11:15

ᐃᒫᒃ ᑎᑎᕋᓚᐅᕐᐳᖅ, “ᔪᕅᐊ ᓯᕗᓪᓕᕐᐸᐅᑎᓪᓗᒍ ᑎᓕᓚᐅᕈᒃ ᐅᓇᑕᕐᕕᐅᓂᕐᐹᒧᑦ, ᕿᒪᒡᓗᒍᓗ ᑐᖁᑕᐅᖁᓪᓗᒍ.”

ᓴᒧᐃᓕ ᐂᑉᐸᖏᑦ 11:13

ᑍᕕᑎᐅᑉ ᕾᖁᓪᓗᒍ ᓂᕆᔭᕐᑐᖁᕚ, ᓂᕆᓚᐅᕐᐳᖅ ᐃᒥᕐᓗᓂᓗ, ᐋᖓᔮᓕᕐᑎᑉᐹᓗ; ᐅᓐᓄᒥᓕ ᑍᑦᓱᒪᓂ ᐊᖏᕐᕋᓚᐅᓐᖏᓚᖅ; ᓯᓂᓚᐅᕐᐳᕐᓕ ᕿᐱᒃᓯᒪᓪᓗᓂ ᐊᖓᔪᖅᑳᕐᔪᐊᖃᕐᕕᐅᑉ ᑲᐅᔨᓴᕐᑎᖏᑕ ᐃᒡᓗᕈᓯᖏᓐᓂ.

ᓴᒧᐃᓕ ᓯᕗᓪᓖᑦ 28:13

ᐊᖓᔪᖅᑳᕐᔪᐊᑉ ᐅᖃᐅᑎᕚ, “ᑲᑉᐱᐊᓱᖏᓪᓗᑎᑦ; ᓱᓇᒦᒃ ᑕᑯᕖᑦ?” ᐊᕐᓇᖅ ᓴᐅᓕᒧᑦ ᑭᐅᕗᖅ, “ᑕᑯᕗᖓ ᐊᓂᕐᓂᕐᒥᒃ ᓄᓇᒥᑦ ᓴᖅᑭᑦᑐᒥᒃ.”

ᓴᒧᐃᓕ ᓯᕗᓪᓖᑦ 28:10

ᓴᐅᓕᓕ ᐊᖏᒻᒪᕆᒃᐳᖅ ᓯᖁᒥᓐᓂᐊᖏᑕᒥᓂᒃ ᐊᑕᓂᐅᑉ ᓵᖓᓂ, ᐅᖃᕐᓗᓂᓗ, “ᐊᑕᓂᖅ ᐆᒪᖕᒪᑦ, ᐊᖏᒻᒪᕆᒃᐳᖓ ᓱᒋᐊᕐᑕᐅᓂᐊᓐᖏᓚᑎᑦ ᑕᒪᑐᒥᖓ ᐱᓇᓱᐊᕐᓂᕐᓂᒃ.”

ᔮᓱᐊᑉ ᐊᒡᓚᖏᑦ 1:9

ᐃᖅᑲᐅᒪᓂᐊᕐᐳᑎᑦ ᑎᓕᓚᐅᕋᒃᑭᑦ, ᓴᓐᖏᔫᓕᕆᑦ ᓴᐱᖏᓪᓗᑎᓪᓗ; ᑲᑉᐱᐊᓱᒃᑍᓕᒋᑦ, ᖁᓚᖏᓪᓗᑎᓪᓗ; ᐊᑕᓂᐅᑉ ᒎᑎᕕᑦ ᐃᓚᒋᓂᐊᕐᐹᑎᑦ ᓇᒧᓐᖓᕐᓂᐊᕈᕕᓪᓘᓐᓃᑦ.”

ᒨᓯᓯ ᓯᕗᓪᓖᑦ 9:21

ᕔᓂᒥᒡᓕ ᐃᒥᓚᐅᕐᓗᓂ, ᑭᖑᓂᖓᒍᑦ ᐋᖓᔮᓕᓚᐅᕐᐳᖅ, ᐊᓐᓄᕌᖃᕋᓂᓗ ᑐᐱᕐᒥᓂ ᓇᓚᓪᓗᓂ ᓯᓂᓕᓚᐅᕐᐳᖅ.

ᓴᒧᐃᓕ ᐂᑉᐸᖏᑦ 12:10

ᒫᓐᓇᓕ ᑍᒤᒻᒪᑦ ᑭᖑᕚᕐᓂᑦ ᑐᖁᔪᖃᖃᑦᑕᓛᓕᕐᐳᖅ ᖁᕕᐊᓇᖏᑦᑐᒃᑯᑦ ᑐᖁᔪᓂᒃ, ᓈᓚᓚᐅᖏᓐᓇᕕᓐᖓ, ᔪᕅᐊᐅᓪᓗ ᕼᐃᑍᑎᒥᐅᑕᐅᑉ ᓄᓕᐊᖓ ᓄᓕᐊᕐᑖᕆᓚᐅᕋᕕᐅᒃ.

ᓴᒧᐃᓕ ᐂᑉᐸᖏᑦ 13:27

ᐋᑉᓴᓚᒻᓕ ᐊᔪᐃᓐᓇᕐᒪᑦ ᑍᕕᑎ ᐊᖏᓚᐅᖅᑳᕐᑎᓐᓇᒍ ᐋᒻᓇᒥᒃ ᐃᕐᓂᓕᒫᖏᓐᓂᒡᓗ ᐋᑉᓴᓚᒻᒧᑦ ᐱᖃᑕᐅᖁᓪᓗᒋᑦ ᐱᖁᔨᓕᓚᐅᕐᐳᖅ.

ᒨᓯᓯ ᐂᑉᐸᖏᑦ 1:18

ᐄᑦᔨᑉᑎᐅᓪᓗ ᐊᖓᔪᖅᑳᕐᔪᐊᖓᑕ ᐃᕐᓂᓱᒃᓰᔩᒃ ᕾᖁᔭᐅᒃᑲᕐᐹᒃ, ᐊᐱᕆᓪᓗᓂᒋᒡᓗ, “ᓱᖕᒪᑦ ᑍᒤᓕᐅᕐᐱᓰᒃ? ᓱᖕᒪᑦ ᐊᖑᑕᐅᓂᖏᓐᓂᒃ ᐆᒪᑎᑦᓯᖃᑦᑕᕐᐱᓰᒃ?”

ᓴᒧᐃᓕ ᓯᕗᓪᓖᑦ 18:22

ᓴᐅᓕᐅᓪᓗ ᐱᔨᓂ ᐊᖓᔪᖅᑲᐅᔪᑦ ᐱᖁᕔᑦ, “ᑍᕕᑎ ᐅᖃᐅᑎᓯᐅᒃ ᐃᓄᑑᖃᑎᒋᓗᒍ ᐅᖃᐅᑎᓗᒍ, ‘ᑕᑯᒋᑦ, ᐊᖓᔪᖅᑳᕐᔪᐊᑉ ᖁᕕᐊᒋᕚᑎᑦ, ᐊᖓᔪᖅᑲᐅᔪᖁᑎᖏᑕᓗ ᓇᒡᓕᒋᕚᑎᑦ; ᑍᒤᒻᒪᑦ ᒫᓐᓇ ᐊᖓᔪᖅᑳᕐᔪᐊᕐᒧᑦ ᓂᖓᐅᑖᕆᔭᐅᓕᕆᑦ.’”

ᓴᒧᐃᓕ ᐂᑉᐸᖏᑦ 14:6

ᐃᕐᓂᖃᓚᐅᕋᒪ ᒪᕐᕉᖕᓂᒃ, ᐅᓪᓗᐃᑦ ᐃᓚᖓᓂ ᐂᕙᖃᑎᒌᓕᓚᐅᕐᐴᒃ ᐱᕈᕐᓰᕕᖕᒥ, ᓇᐅᒥᒡᓘᓐᓃᑦ ᓄᖅᑲᕐᑎᑦᓯᔨᒃᓴᖃᕋᑎᒃ, ᐂᑉᐸᖓᑕ ᐱᒋᐊᕋᒥᐅᒃ ᑐᖁᓚᐅᕐᐹ.