ᓴᒧᐃᓕ ᐂᑉᐸᖏᑦ 1:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᔫᓇᑕᓂᐅᑉ ᖃᕐᔪᖏᑦ ᑐᖁᓐᓇᕐᑑᓚᐅᕐᐳᑦ, ᓴᐅᓕᐅᑉ ᓴᕕᒡᔪᐊᖓ ᓈᒃᑭᒍᓱᖕᓂᖃᓚᐅᓐᖏᓚᖅ, ᐱᓯᑎᐊᓘᒐᓗᐊᑦ ᔫᓇᑕᓂᐅᑉ ᖃᕐᔪᖏᑕ ᐅᕐᕈᑎᓚᐅᕐᐰᑦ, ᓴᐅᓕᐅᓪᓗ ᓴᕕᒡᔪᐊᖓ ᐊᑭᕋᒥᓂᒃ ᑐᖁᑦᓯᓚᐅᕐᐳᖅ.

ᓴᒧᐃᓕ ᐂᑉᐸᖏᑦ 1:22 ပူးပေါင်းရင်းမြစ်များ

ᓴᒧᐃᓕ ᓯᕗᓪᓖᑦ 18:4

ᔫᓇᑕᓂᐅᑉ ᐅᓕᒡᔪᐊᓂ ᐊᑐᕐᑕᓂ ᐲᕐᐹ ᑐᓂᓪᓗᒍᓗ ᑍᕕᑎᒧᑦ, ᓴᐴᓗᑕᓂᓗ ᓴᒡᕕᖕᒥᐅᑕᓂ, ᓴᕕᒡᔪᐊᓂᓗ, ᐱᑎᒃᓯᓂᓗ, ᕿᑎᕉᑎᓂᓗ.

ᒨᓯᓯ ᑕᓪᓕᒪᖏᑦ 32:42

ᖃᕐᔪᒃᑲ ᐊᐅᖏᓐᓂᒃ ᑯᑐᖕᓂᐊᕐᐳᑦ, ᓴᕕᒡᔪᐊᕋᓗ ᐅᕕᓂᖏᓐᓂᒃ ᑲᐳᕅᓂᐊᕐᐳᖅ. ᑐᖁᔪᑦ ᐊᐅᖏᓐᓂᒃ ᑎᒍᔭᐅᔪᓪᓗ; ᓄᔭᖅᑯᕐᑐᔪᑦ ᓂᐊᖁᖏᓐᓂᑦ ᐊᑭᕋᓐᓂᑦ.’

ᓴᒧᐃᓕ ᓯᕗᓪᓖᑦ 14:47

ᓴᐅᓕᐅᓪᓕ ᐊᖓᔪᖅᑲᐅᓂᖓ ᐃᓴᕆᐊᓕᒥᐅᓄᑦ ᐱᒋᐊᕐᓯᒪᓕᕐᑎᓪᓗᒍ, ᐅᓇᑕᖃᑦᑕᓚᐅᕐᐳᖅ ᐊᑭᕋᓕᒫᒥᓂᒃ ᓇᓂᑐᐃᓐᓈᕐᑐᓂᒃ ᐊᕙᑎᒥᖕᓂ, ᐃᓅᖃᑎᒌᓂᒃ ᒧᐊᐱᒥᐅᓂᒃ, ᐊᒧᓁᑎᒥᐅᓂᒃ, ᐄᑐᒥᒥᐅᓂᒃ, ᔫᐸᒥᐅᑦ ᐊᖓᔪᖅᑳᕐᔪᐊᖓᓂᒃ, ᐱᓕᔅᑍᓂᒥᐅᓂᒡᓗ; ᓇᓪᓕᐊᓐᓄᑐᐃᓐᓇᖅ ᐱᒋᐊᕌᖓᒥ ᓵᓚᒋᖃᑦᑕᓚᐅᕐᐰᑦ.

ᓴᒧᐃᓕ ᓯᕗᓪᓖᑦ 14:48

ᐅᓇᑕᕐᑐᒃᓴᓂᓗ ᑲᑎᑎᓪᓗᓂᒋᑦ ᐊᔪᖏᑦᑐᕐᔪᐊᖑᓪᓗᑎᒃ ᓵᓚᖃᓚᐅᕐᐳᑦ ᐊᒪᓕᑬᒥᐅᓂᒃ, ᐃᓴᕆᐊᓕᒥᐅᓪᓗ ᓴᐳᑎᓚᐅᕐᐰᑦ ᑲᑉᐱᐊᓱᒃᑎᑦᓯᔨᒋᔭᖏᓐᓂᑦ.

ᔨᕆᒤᐊᐅᑉ ᐊᒡᓚᖏᑦ 50:9

ᑕᑯᒋᑦ, ᑲᐅᓪᑎᐊᒥᐅᑦ ᐊᑭᕋᕐᑐᕐᑎᒃᓴᖏᓐᓂᒃ ᐸᕐᓁᕐᓂᐊᕋᒪ, ᐅᓐᓄᐊᓪᓗᐊᑉ ᓇᓛᓂᑦ ᐃᓅᖃᑎᒌᒡᔪᐊᓂᒃ ᑕᐱᕇᓕᕐᑎᑦᓯᔪᒫᕋᒪ, ᐸᕐᓇᖕᓂᐊᕐᐳᓪᓗ ᐹᐱᓘᓂᒥᐅᓂᒃ ᐅᓇᑕᕐᕕᖃᕈᒪᓗᑎᒃ, ᐅᓐᓄᐊᓪᓗᐊᒥᓐᖔᕐᑐᓄᑦ ᑎᒍᔭᐅᔪᒫᕐᐳᑦ ᐱᑎᒃᓯᖏᑕ ᖃᕐᔪᖏᑦ ᐅᓇᑕᕆᐅᕐᓴᓯᒪᔪᑎᑐᑦ ᑕᒪᐅᖕᒊᓐᓈᕐᑐᖃᕐᓂᐊᓐᖏᓚᑦ.