ᐲᑦᑐᕉᓯ ᐂᑉᐸᖏᑦ 3:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐊᑕᓂᐅᑉ ᐊᖏᕐᓯᒪᓂᓂ ᑭᖑᕙᕐᑎᓐᖏᓛ ᐃᓚᖏᓐᓄᑦ ᑭᖑᕙᕐᑎᑕᐅᓇᓱᒋᔭᐅᒐᓗᐊᕐᒪᑦ, ᕿᓄᐃᓵᕐᐳᕐᓕ ᐃᓕᑦᓯᓐᓄᑦ, ᓇᓪᓕᐊᓐᓂᒡᓘᓐᓃᑦ ᐊᓯᐅᑐᐃᓐᓇᖁᔨᖏᓐᓇᒥ, ᑕᒤᓐᓂᒡᓕ ᐊᔪᕐᑐᓕᓂᕐᒥᖕᓂᑦ ᓵᒋᐊᕐᕕᒃᓴᖃᕐᑎᑦᑎᕗᖅ.

ᐲᑦᑐᕉᓯ ᐂᑉᐸᖏᑦ 3:9 ပူးပေါင်းရင်းမြစ်များ

ᐃᓐᖏᕈᑎᑦ 77:8

ᓇᒡᓕᖕᓂᖓ ᓱᖁᓯᔪᐃᑦᑐᖅ ᓄᖅᑲᖓᓕᕐᐹ ᐃᓱᖃᖏᑦᑐᒧᑦ? ᐊᖏᕈᑎᒋᓚᐅᕐᑕᖏᓪᓗ ᐊᑐᕐᓂᐊᕈᓐᓃᕐᐹᑦ ᐃᓱᖃᖏᑦᑐᒧᑦ?

ᐃᓐᖏᕈᑎᑦ 86:15

ᐃᕝᕕᓪᓕ ᐊᑕᓃᖅ, ᒎᑎᐅᕗᑎᑦ ᓂᑲᒍᓱᒃᑐᖅ ᐱᑦᓯᐊᕐᓗᑎᓪᓗ, ᕿᓄᐃᑦᑑᕗᑎᑦ ᓇᒡᓕᒍᓱᖕᓃᓪᓗ ᓱᖁᓯᔪᐃᑦᑑᓃᓪᓗ ᐃᓱᖃᕋᑎᒃ.

ᒨᓯᓯ ᐂᑉᐸᖏᑦ 18:23

ᑍᒤᓕᐅᕈᕕᑦ ᑕᕝᕙ, ᒎᑎᒧᑦ ᐱᖁᔭᐅᓯᒪᓂᕐᓂᒃ ᐱᓕᕆᑦᓯᐊᕈᓐᓇᕐᓂᐊᕐᐳᑎᑦ, ᐃᓕᖕᓂᒡᓗ ᓱᒃᑯᑎᑐᐃᓐᓇᖏᓪᓗᑎᑦ, ᐅᑯᐊᓗ ᐃᓄᓕᒫᑦ ᓮᒻᒪᑦᓯᐊᕐᓗᑎᒃ ᐊᖏᕐᕋᖃᑦᑕᕐᓂᐊᕐᐳᑦ.”

ᒨᓯᓯ ᐂᑉᐸᖏᑦ 32:32

ᒫᓐᓇ ᐃᓱᒪᒋᔪᓐᓁᕐᕕᒋᓚᐅᒃᑭᑦ ᐊᔪᕐᑐᓕᓂᖏᓐᓂᑦ; ᐃᓱᒪᒋᔪᓐᓁᕐᕕᒋᓂᐊᖏᒃᑯᕕᒋᑦ ᐊᔪᕐᑐᓕᓂᖏᓐᓂᑦ, ᑕᕝᕙ ᐊᑎᕋ ᐲᕐᑕᐅᔪᒃᓴᐅᕗᖅ ᑎᑎᕋᕐᓯᒪᔭᕐᓂᑦ ᐃᓄᖁᑎᕕᑦ ᐊᑎᒃᑯᕕᖏᓐᓂᑦ.”

ᒨᓯᓯ ᐂᑉᐸᖏᑦ 33:11

ᐊᑕᓂᐅᓪᓕ ᒨᓯᓯ ᐅᖃᓪᓚᒡᕕᒋᖃᑦᑕᕐᐹ ᑕᑯᓐᓇᖃᑦᑕᐅᑎᔪᑎᑐᑦ ᑮᓇᕐᒥᑦ ᑮᓇᕐᒧᑦ, ᐃᓅᑉ ᐃᓚᓐᓇᕆᔭᒥᓄᑦ ᐅᖃᓪᓚᖕᓂᖓᑎᑐᑦ. ᑭᖑᓂᖓᒍᓪᓕ ᒨᓯᓯ ᐅᑎᖃᑦᑕᓚᐅᕐᐳᖅ ᐃᓄᖕᓄᑦ ᑕᖕᒫᕐᓯᒪᕕᐅᔪᒧᑦ. ᐃᓅᓱᒃᑑᔪᕐᓕ ᒨᓯᓯᐅᑉ ᐃᑲᔪᕐᑎᖓ, ᔮᓱᐊ ᓈᓂᐅᑉ ᐃᕐᓂᖓ, ᑐᐱᕐᒥ ᓅᖃᑦᑕᓚᐅᓐᖏᓚᖅ.

ᒨᓯᓯ ᐂᑉᐸᖏᑦ 34:6

ᑕᕝᕙ ᐊᑕᓂᖅ ᒨᓯᓯᐅᑉ ᓵᖓᒎᕐᐳᖅ ᐅᖃᕐᓗᓂᓗ, “ᐅᕙᖓ ᐊᑕᓂᖅ, ᒎᑎᐅᕗᖓ ᓂᑲᒍᓱᒃᑐᖅ ᐱᑦᓯᐊᕐᓗᓂᓗ, ᓂᓐᖓᒃᓴᕅᖏᑦᑐᖅ, ᓇᒡᓕᒍᓱᖕᓂᕐᔪᐊᒥᓂᒃ ᓴᖅᑭᑎᑦᓯᔪᖅ ᓱᖁᓯᔪᐃᑦᑑᓪᓗᓂᓗ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 8:11

ᐱᐅᖏᑦᑐᓕᔪᑦ ᐃᖅᑲᕐᑐᕐᑕᐅᓂᖏᑦ ᐱᓇᓵᕐᑎᑕᐅᒃᐸᑕ, ᑕᕝᕙ ᐃᓄᐃᑦ ᐆᒻᒪᑎᖏᑦ ᐱᐅᖏᑦᑐᓕᔪᒪᓂᕐᒧᑦ ᑲᔪᖏᕐᑎᑕᐅᓕᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 30:18

ᐊᑕᓂᕐᓕ ᐅᑕᖅᑭᕗᖅ, ᐃᓕᑦᓯᓐᓂᒃ ᐱᑦᓯᐊᕐᕕᖃᕈᒪᓪᓗᓂ; ᑍᒤᒻᒪᑦ ᒪᑭᑦᓱᒫᕐᐳᖅ ᓂᑲᒍᓱᖕᓂᕐᒥᓂᒃ ᖃᐅᔨᑎᑦᓱᒪᓪᓗᓯ, ᐊᑕᓂᖅ ᒎᑎᐅᖕᒪᑦ ᐊᑦᔨᒌᒃᑎᑦᓯᔪᖅ; ᖁᕕᐊᓱᒍᑎᒃᓴᖃᕐᐳᑦ ᐊᑕᓂᕐᒥᒃ ᐅᑕᖅᑭᔪᓐᓇᕐᑐᓕᒫᑦ.

ᐂᓮᐊᓯᐅᑉ ᐊᒡᓚᖏᑦ 46:13

ᐱᐅᓕᒃᓯᓂᕋ ᖃᒡᓕᑎᑉᐸᕋ, ᐅᖓᓯᒃᑐᐊᓘᔪᓐᓃᕐᐳᖅ, ᐱᐅᓕᒃᓯᓂᒃᓴᕋ ᐊᑯᓂᐅᓂᐊᓐᖏᓚᖅ ᐱᐅᓕᔭᐅᓂᖅ ᓮᐅᓂᒥ ᐃᓂᖃᕐᑎᓐᓂᐊᕋᒃᑯ; ᐃᓴᕆᐊᓕ ᓂᕐᑐᕐᓇᐅᑎᒋᒐᒃᑯ.”

ᐃᓯᑭᐊᓕᐅᑉ ᐊᒡᓚᖏᑦ 33:11

ᐅᖃᐅᑎᒃᑭᑦ, ᐃᓅᒐᒪ, ᐅᖃᕐᐳᖅ ᐊᑕᓂᖅ ᒎᑎ, ᐱᐅᖏᑦᑐᓕᔫᑉ ᑐᖁᓂᖓᓂᒃ ᖁᕕᐊᒋᔭᖃᓐᖏᓚᖓ, ᐱᐅᖏᑦᑐᓕᔪᕐᓕ ᓵᒋᐊᕐᓗᓂ ᐃᓅᖔᖁᕙᕋ; ᐅᑎᓕᕆᑦᓯ, ᐅᑎᓕᕆᑦᓯ ᐱᐅᖏᑦᑐᓕᓂᑦᓯᓐᓂᑦ; ᓱᖕᒪᑦ ᑐᖁᔪᒃᓴᐅᕕᓰ, ᐃᓴᕆᐊᓕᐅᑉ ᑭᖑᕚᖏᑦ?

ᑖᓂᐊᓕᐅᑉ ᐊᒡᓚᖏᑦ 4:29

ᑕᖅᑮᑦ 12ᐃᑦ ᑭᖑᓂᖓᒍᑦ, ᐊᖓᔪᖅᑳᕐᔪᐊᖅ ᐱᓱᒃᓗᓂ ᐹᐱᓘᓂᐅᑉ ᐊᖓᔪᖅᑳᕐᔪᐊᒃᑯᕕᖓᓂᒃ ᕿᒥᕐᕈᓚᐅᕐᐳᖅ.

ᕼᐊᐸᑲᐅᑉ ᐊᒡᓚᖏᑦ 2:3

ᑕᑯᑎᑦᔪᑎᑦ ᐱᕕᒃᓴᒥᖕᓂᒃ ᓇᓪᓕᐅᑎᕝᕕᐅᓯᒪᖏᒃᑲᓗᐊᕐᑎᓪᓗᒋᑦ; ᑭᖑᓪᓕᕐᐹᒥᒡᓕ ᐅᖃᐅᓯᖏᑦ ᓇᓪᓕᐅᑎᔪᒫᕐᐳᑦ ᓴᒡᓗᓂᐊᕋᑎᒡᓗ. ᓇᓪᓕᐅᑎᓂᐊᕐᓂᖓ ᐊᑯᓂᐅᖅᑰᔨᓂᐊᕋᓗᐊᕐᐳᖅ, ᐅᑕᖅᑭᑐᐃᓐᓇᕐᓯᐅᒡᓕ; ᐱᕕᒃᓴᖓ ᓇᓪᓕᐅᑎᓪᓚᕆᒍᒫᕐᒪᑦ, ᑭᖑᕙᕐᓂᐊᕋᓂᓗ.

ᕉᒪᒥᐅᓄᑦ 13:11

ᑍᒤᒻᒪᑦ ᑐᑭᓯᒋᑦᓯ ᐃᑲᕐᕋᖅ ᓇᓪᓕᐅᑎᖕᒪᑦ ᑐᐸᒃᓯᒪᔭᕆᐊᖅᑲᓕᕐᐳᓯ ᓯᓂᑐᐃᓐᓇᕈᓐᓃᕐᓗᓯ. ᐱᐅᓕᔭᐅᓂᖅ ᖃᓂᓐᓂᕐᓴᐅᓕᕐᒪᑦ ᑍᒪᓐᖓᑦ ᐅᒃᐱᓕᓚᐅᕐᓂᑦᑎᓐᓂᑦ.

ᕉᒪᒥᐅᓄᑦ 13:12

ᐅᓐᓄᐊᖅ ᐊᓂᒍᕐᒪᑦ, ᐅᓪᓘᓕᕐᓗᓂ. ᑍᒤᒻᒪᑦ ᑖᕐᑑᑉ ᐱᓂᐊᕐᓂᖏᑦ ᕿᒪᒡᓚᕗᑦ, ᖃᐅᒪᔫᑉ ᓴᐴᓗᑕᖏᓐᓂᒃ ᐊᑎᓯᓗᑕ.

ᕉᒪᒥᐅᓄᑦ 2:4

ᐅᕝᕙᓗ ᐱᑦᓯᐊᕐᓂᕐᔪᐊᖓ ᐊᖏᔪᖅ ᑲᒪᖏᑦᓯᕐᑐᕐᓂᖓᓗ ᕿᓄᐃᓵᕐᓂᖓᓗ ᓇᕐᕈᒋᕕᐅᒃ? ᖃᐅᔨᒪᓐᖏᓚᑏ? ᒎᑎᐅᑉ ᐱᑦᓯᐊᕐᓂᕐᔪᐊᖓᑕ ᑕᓯᐅᕋᓱᐊᕐᒪᑎᑦ ᖃᕿᐊᓕᕐᓂᕐᒧᑦ?

ᕉᒪᒥᐅᓄᑦ 9:22

ᒎᑎᐅᑉ ᓂᓐᖓᖕᓂᓂ ᑕᑯᔭᐅᖁᒐᒥᐅᒃ ᐱᔪᓐᓇᕐᓂᓂᓗ ᖃᐅᔨᔭᐅᖁᒐᒥᐅᒃ, ᐃᓗᓕᖅᑯᑎᓕᐊᖑᓯᒪᔪᑦ ᐊᑯᓂ ᕿᓄᐃᓵᕈᑎᒋᕔᑦ ᓂᓐᖓᖕᓂᖓᓄᑦ ᐊᓯᕈᕐᑕᐅᔪᒃᓴᐅᓪᓗᑎᒃ ᓴᓇᔭᐅᓯᒪᔪᑦ,

ᑎᒧᑎᒧᑦ ᓯᕗᓪᓖᑦ 1:16

ᑍᒤᒻᒪᓪᓕ ᒎᑎᐅᑉ ᓂᑲᒋᓚᐅᕐᐹᖓ, ᓇᓗᓇᕈᓐᓃᖁᓪᓗᒍ ᔩᓱᓯ ᙭ᔅᑑᓯᐅᑉ ᕿᓄᐃᓵᕈᓐᓇᕐᓂᖓ ᐅᕙᓐᓂᑦ ᐱᒋᐊᕐᕕᖃᕐᓗᓂ ᐱᐅᖏᓐᓂᕐᐹᖑᔪᒥᒃ, ᑐᑭᓯᑦᔪᑎᒃᓴᐅᓕᖁᓪᓗᖓ ᑭᖑᓂᒃᑯᑦ ᙭ᔅᑑᓯᒧᑦ ᐅᒃᐱᕈᒫᕐᑐᓄᑦ ᐃᓅᓯᕐᑖᕐᓂᐊᕐᓗᑎᒡᓗ ᓄᖑᓱᐃᑦᑐᒥᒃ.

ᑎᒧᑎᒧᑦ ᓯᕗᓪᓖᑦ 2:4

ᑖᑦᓱᒪ ᐃᓄᓕᒫᑦ ᐱᐅᓕᔭᐅᖁᖕᒪᒋᑦ ᖃᐅᔨᖁᓪᓗᓂᒋᓪᓗ ᓱᓕᓂᕐᒥᒃ.

ᐄᑉᕈᐃᓄᑦ 10:37

ᐊᒡᓔᑦ ᐅᖃᕐᒪᑕ, “ᐊᑯᓂᐅᖏᑦᑐᖅ, ᑎᑭᑦᑐᒃᓴᖅ ᑎᑭᓐᓂᐊᕐᒪᑦ ᑭᖑᕙᕐᓂᐊᕋᓂᓗ;

ᐲᑦᑐᕉᓯ ᓯᕗᓪᓖᑦ 3:20

ᑖᒃᑯᐊ ᐊᓂᕐᓃᑦ ᓈᓚᓚᐅᖏᑦᑐᑦ, ᒎᑎᐅᑉ ᐅᑕᖅᑭᓚᐅᕐᒪᒋᑦ ᕿᓄᐃᓵᕐᓗᓂ ᑍᑦᓱᒪᓂ ᓄᐊᖅ ᐅᒥᐊᕐᔪᐊᓕᐅᕐᑎᓪᓗᒍ, ᐃᓄᐃᑦ ᐅᓄᖏᑦᑐᑦ ᐱᐅᓕᔭᐅᓚᐅᕐᒪᑕ, ᓯᑕᒪᐅᔪᕐᑐᑐᐃᓐᓁᑦ ᐃᒫᓂᑦ ᐊᓐᓇᓚᐅᕐᐳᑦ,

ᐲᑦᑐᕉᓯ ᐂᑉᐸᖏᑦ 1:4

ᑕᒪᒃᑯᑎᒎᓇᖅ ᑐᓂᓯᕕᒋᓯᒪᖕᒪᑎᒍᑦ ᐱᕕᐊᕐᓇᕐᓂᕐᒥᓂᒃ ᐊᖏᕈᑎᒋᓯᒪᔭᖓᑕᓗ ᐊᖏᔫᓂᖓᓂᒃ, ᑕᒪᒃᑯᐊ ᐊᖅᑯᑎᒋᓗᒋᑦ ᕿᒤᑎᑕᐅᒐᑦᓯ ᐱᐅᖏᑦᑐᐊᓗᖕᓂᒃ ᓯᓚᕐᔪᐊᕐᒦᑦᑐᓂᒃ ᐃᒃᓯᒎᕐᓂᒃᑯᑦ ᓴᖅᑭᑎᑕᐅᔪᓂᑦ, ᐃᓚᖏᐅᑎᑎᑕᐅᖁᓪᓗᓯᓗ ᒎᑎᐅᓂᖓᓂᒃ.

ᐲᑦᑐᕉᓯ ᐂᑉᐸᖏᑦ 3:15

ᖃᐅᔨᒪᓗᓯ ᐊᑕᓂᑦᑕ ᕿᓄᐃᓵᕐᓂᖓ ᐱᐅᓕᔭᐅᓂᕐᒥᒃ ᐱᑦᔪᑎᖃᕐᒪᑦ. ᐸᐅᓗᓯᑦᑕᐅᖅ ᐅᒃᐱᕐᑑᖃᑎᕗᑦ ᓇᒡᓕᖕᓇᕐᑐᖅ ᐃᓕᑦᓯᓐᓄᑦ ᑎᑎᕋᕐᓯᒪᖕᒪᑦ ᓯᓚᑐᓂᕐᒥᒃ ᑐᓂᕐᕈᓯᐊᒥᓂᒃ ᐊᑐᕐᓗᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:21

ᖃᕿᐊᓕᕐᕕᒃᓴᖃᕐᑎᓚᐅᕋᓗᐊᕐᐸᕋ, ᑭᓯᐊᓂᓕ ᓄᓕᐊᕐᓂᒃᑯᑦ ᐊᑐᕐᓂᕐᓗᖕᓂᕐᒥᑦ ᖃᕿᐊᓕᕈᒪᓚᐅᓐᖏᓚᖅ.