ᐲᑦᑐᕉᓯ ᐂᑉᐸᖏᑦ 3:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᖃᐅᔨᒪᓗᓯ ᐊᑕᓂᑦᑕ ᕿᓄᐃᓵᕐᓂᖓ ᐱᐅᓕᔭᐅᓂᕐᒥᒃ ᐱᑦᔪᑎᖃᕐᒪᑦ. ᐸᐅᓗᓯᑦᑕᐅᖅ ᐅᒃᐱᕐᑑᖃᑎᕗᑦ ᓇᒡᓕᖕᓇᕐᑐᖅ ᐃᓕᑦᓯᓐᓄᑦ ᑎᑎᕋᕐᓯᒪᖕᒪᑦ ᓯᓚᑐᓂᕐᒥᒃ ᑐᓂᕐᕈᓯᐊᒥᓂᒃ ᐊᑐᕐᓗᓂ.

ᐲᑦᑐᕉᓯ ᐂᑉᐸᖏᑦ 3:15 ပူးပေါင်းရင်းမြစ်များ

ᕉᒪᒥᐅᓄᑦ 2:4

ᐅᕝᕙᓗ ᐱᑦᓯᐊᕐᓂᕐᔪᐊᖓ ᐊᖏᔪᖅ ᑲᒪᖏᑦᓯᕐᑐᕐᓂᖓᓗ ᕿᓄᐃᓵᕐᓂᖓᓗ ᓇᕐᕈᒋᕕᐅᒃ? ᖃᐅᔨᒪᓐᖏᓚᑏ? ᒎᑎᐅᑉ ᐱᑦᓯᐊᕐᓂᕐᔪᐊᖓᑕ ᑕᓯᐅᕋᓱᐊᕐᒪᑎᑦ ᖃᕿᐊᓕᕐᓂᕐᒧᑦ?

ᐲᑦᑐᕉᓯ ᐂᑉᐸᖏᑦ 3:9

ᐊᑕᓂᐅᑉ ᐊᖏᕐᓯᒪᓂᓂ ᑭᖑᕙᕐᑎᓐᖏᓛ ᐃᓚᖏᓐᓄᑦ ᑭᖑᕙᕐᑎᑕᐅᓇᓱᒋᔭᐅᒐᓗᐊᕐᒪᑦ, ᕿᓄᐃᓵᕐᐳᕐᓕ ᐃᓕᑦᓯᓐᓄᑦ, ᓇᓪᓕᐊᓐᓂᒡᓘᓐᓃᑦ ᐊᓯᐅᑐᐃᓐᓇᖁᔨᖏᓐᓇᒥ, ᑕᒤᓐᓂᒡᓕ ᐊᔪᕐᑐᓕᓂᕐᒥᖕᓂᑦ ᓵᒋᐊᕐᕕᒃᓴᖃᕐᑎᑦᑎᕗᖅ.

ᑎᒧᑎᒧᑦ ᓯᕗᓪᓖᑦ 1:16

ᑍᒤᒻᒪᓪᓕ ᒎᑎᐅᑉ ᓂᑲᒋᓚᐅᕐᐹᖓ, ᓇᓗᓇᕈᓐᓃᖁᓪᓗᒍ ᔩᓱᓯ ᙭ᔅᑑᓯᐅᑉ ᕿᓄᐃᓵᕈᓐᓇᕐᓂᖓ ᐅᕙᓐᓂᑦ ᐱᒋᐊᕐᕕᖃᕐᓗᓂ ᐱᐅᖏᓐᓂᕐᐹᖑᔪᒥᒃ, ᑐᑭᓯᑦᔪᑎᒃᓴᐅᓕᖁᓪᓗᖓ ᑭᖑᓂᒃᑯᑦ ᙭ᔅᑑᓯᒧᑦ ᐅᒃᐱᕈᒫᕐᑐᓄᑦ ᐃᓅᓯᕐᑖᕐᓂᐊᕐᓗᑎᒡᓗ ᓄᖑᓱᐃᑦᑐᒥᒃ.

ᐲᑦᑐᕉᓯ ᓯᕗᓪᓖᑦ 3:20

ᑖᒃᑯᐊ ᐊᓂᕐᓃᑦ ᓈᓚᓚᐅᖏᑦᑐᑦ, ᒎᑎᐅᑉ ᐅᑕᖅᑭᓚᐅᕐᒪᒋᑦ ᕿᓄᐃᓵᕐᓗᓂ ᑍᑦᓱᒪᓂ ᓄᐊᖅ ᐅᒥᐊᕐᔪᐊᓕᐅᕐᑎᓪᓗᒍ, ᐃᓄᐃᑦ ᐅᓄᖏᑦᑐᑦ ᐱᐅᓕᔭᐅᓚᐅᕐᒪᑕ, ᓯᑕᒪᐅᔪᕐᑐᑐᐃᓐᓁᑦ ᐃᒫᓂᑦ ᐊᓐᓇᓚᐅᕐᐳᑦ,

ᔧᒥᓯᐅᑉ ᐊᒡᓚᖏᑦ 3:17

ᓯᓚᑐᓂᕐᓕ ᕿᓚᖕᒥᑦ ᐱᔪᖅ ᓯᕗᓪᓕᐅᑦᔨᕗᖅ ᓴᓗᒪᑦᓯᐊᕐᓂᕐᒥᒃ, ᐊᒻᒪ ᓮᓕᓂᕐᒥᒃ, ᐅᐃᒪᔮᖏᓐᓂᕐᒥᒃ, ᐱᖃᓐᓂᕐᓗᓂᓗ; ᐱᑦᔪᑎᒃᓴᑦᓯᐅᑦᓯᐊᕐᐳᖅ, ᓂᑲᒍᓱᒃᐳᖅ ᐱᐅᔪᓂᒡᓗ ᐱᕈᕐᑎᑦᓯᓪᓗᓂ, ᐊᑦᔨᒌᒃᑎᑦᓯᕗᖅ ᓱᓕᑦᓯᐊᕐᓗᓂᓗ.

ᓘᑲᓯᐅᑉ ᐊᒡᓚᖏᑦ 21:15

ᐅᕙᖓ ᐅᖃᐅᓯᒃᓴᖃᕐᑎᑦᓱᒫᕐᐸᑦᓯ ᓯᓚᑐᓂᖃᕐᑎᓪᓗᓯᓗ, ᐊᑭᕋᕐᑐᕐᑎᑦᓯᓐᓂᓪᓘᓐᓃᑦ ᐊᑭᕋᕐᑐᕐᑕᐅᔪᓐᓇᕈᒫᓐᖏᓚᓯ ᑭᒡᒍᓯᒃᓮᕈᑦᔨᔪᒫᕐᐳᓯᓕ ᑖᒃᑯᓂᖓ.

ᔧᒥᓯᐅᑉ ᐊᒡᓚᖏᑦ 1:5

ᓇᓪᓕᕐᓯᓕ ᓯᓚᑐᓂᕐᒥᒃ ᐊᔪᕐᓴᕈᓂ, ᒎᑎᒧᑦ ᑐᒃᓯᐊᕐᑐᒃᓴᐅᕗᖅ, ᑖᑦᓱᒪ ᑕᑉᕙ ᑐᓂᓯᕕᒋᓂᐊᕐᐹ ᐱᔪᒪᔭᖓᓂᒃ. ᐃᓄᓕᒫᑦ ᑐᓂᓯᕕᒋᕙᖕᒪᒋᑦ ᖁᕕᐊᒋᓪᓗᒋᑦ ᐊᓐᓂᕈᓱᒐᓂᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 15:25

ᐊᑲᐅᓈᕋᓱᒋᒐᑦᑎᒍ ᐊᖏᖃᑎᒌᒃᓗᑕᓗ, ᐊᖑᑎᓂᒃ ᓂᕈᐊᕐᓗᑕ ᐃᓕᑦᓯᓐᓄᓪᓗ ᑎᓕᔪᒪᓪᓗᒋᑦ ᓇᒡᓕᒋᔭᕗᑦ ᐸᕐᓇᐹᓯᒃᑯᒃ ᐸᐅᓗᓯᒃᑯᒃ ᐃᓚᒋᓗᒋᒃ,

ᑯᕆᓐᑎᐊᒥᐅᓄᑦ ᓯᕗᓪᓖᑦ 2:13

ᐃᒫᒡᓕ ᐅᖃᐅᓯᖃᕐᐳᒍᑦ, ᐅᖃᐅᓰᑦ ᐃᓄᐃᑦ ᓯᓚᑐᓂᖏᑕ ᐃᓕᓴᐅᑎᖏᑦ ᐊᑐᕐᓇᒋᑦ ᒎᑎᐅᓪᓕ ᐊᓂᕐᓂᖓᑕ ᐃᓕᓐᓂᐊᕐᑎᑦᓯᔪᑎᒋᔭᖏᑦ ᐊᑐᕐᓗᒋᑦ, ᑐᑭᓯᓇᕐᓯᑎᑉᐸᕗᑦ ᐊᓂᕐᓂᐅᑉ ᓱᓕᓂᖏᑦ ᒎᑎᐅᑉ ᐊᓂᕐᓂᖓᓂᒃ ᐱᓯᒪᔪᓄᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:26

ᐊᖑᒻᒧᓪᓕ ᖁᕕᐊᓱᒃᑎᑦᓯᔨᒋᔭᒥᓄᑦ, ᒎᑎ ᑐᓂᓯᕗᖅ ᓯᓚᑐᓂᕐᒥᒃ ᖃᐅᔨᒪᓂᕐᒥᒡᓗ ᖁᕕᐊᓱᖕᓂᕐᒥᒡᓗ; ᐊᔪᕐᑐᓕᔪᒧᓪᓕ ᑐᓂᓯᕗᖅ ᐱᓇᓱᐊᒐᒃᓴᒥᒃ ᑲᑎᕐᓱᐃᓂᕐᒥᒃ ᓄᐊᑦᓯᓂᕐᒥᒡᓗ ᑐᓂᔭᒃᓴᒥᓂᒃ ᒎᑎᒥᒃ ᖁᕕᐊᓱᒃᑎᑦᓯᔪᒧᑦ. ᑕᒪᓐᓇ ᑐᑭᖃᓐᖏᓚᖅ ᐊᓄᕆᒥᒃ ᐊᖑᓯᓇᓱᐊᑐᐃᓐᓇᕐᓂᐅᔮᕐᐳᖅ.

ᐄᓱᕋᐅᑉ ᐊᒡᓚᖏᑦ 7:25

ᐃᕝᕕᓪᓗ ᐄᓱᕌ, ᓯᓚᑐᓃᑦ ᐊᑐᕐᓗᒍ ᒎᑎᐅᑉ ᑐᓂᓚᐅᕐᑕᖓ ᐃᓕᖕᓄᑦ, ᑎᓕᓯᔪᒃᓴᐅᕗᑎᑦ ᑲᒪᔨᐅᓂᐊᕐᑐᓂᒃ ᓯᕗᓕᕐᑎᓂᒃ ᐃᖅᑲᕐᑐᐃᔨᓂᒡᓗ ᐊᐅᓚᑦᓯᔪᒃᓴᓂᒃ ᐃᓄᖕᓂᒃ ᐃᕗᕅᑎᐅᑉ ᓴᐅᒥᖔᖓᓂᒥᐅᓂᒃ ᐃᓅᔪᓂᒃ ᒎᑎᑦᓯ ᐱᖁᔭᖏᑦ ᒪᓕᒡᓗᒋᑦ ᐃᓕᓐᓂᐊᕐᑎᑦᓯᔪᒃᓴᐅᕗᓯᓗ ᐱᖁᔭᓂᒃ ᖃᐅᔨᒪᖏᑦᑐᓂᒃ.

ᐊᑕᓃᑦ ᓯᕗᓪᓖᑦ 4:29

ᒎᑎᐅᑉ ᓲᓗᒨᓂ ᑐᓂᓚᐅᕐᒪᒍ ᓯᓚᑐᓂᕐᒥᒃ ᑐᑭᓯᒪᓂᕐᒥᒡᓗ ᐊᑦᔨᖃᖏᑦᑐᒥᒃ, ᖃᐅᔨᒪᓂᕐᒥᒡᓗ ᓲᕐᓗ ᓯᐅᕋᕐᑎᑐᑦ ᐃᒪᐅᑉ ᓯᓈᓃᑦᑐᑎᑐᑦ ᐊᖏᑎᒋᔪᒥᒃ.

ᐊᑕᓃᑦ ᓯᕗᓪᓖᑦ 3:28

ᐃᓴᕆᐊᓕᐅᑉ ᐃᓄᓕᒫᖏᑦ ᑕᒪᑐᒥᖓ ᑐᓴᕋᒥᒃ ᐊᖓᔪᖅᑳᕐᔪᐊᑉ ᑐᑭᑖᕈᑎᖓᓂᒃ, ᐊᖏᔪᐊᓗᖕᒥᑉ ᑲᒪᓕᕐᐳᑦ ᐊᖓᔪᖅᑳᕐᔪᐊᒥᒃ, ᖃᐅᔨᒐᒥᒃ ᒎᑎᐅᑉ ᓯᓚᑐᓂᖓ ᑖᑦᓱᒪᓃᒻᒪᑦ, ᓱᓕᔪᒥᒃ ᐱᓇᓱᐊᖁᓪᓗᒍ.

ᐊᑕᓃᑦ ᓯᕗᓪᓖᑦ 3:12

ᑕᑯᒋᑦ, ᐱᔪᒪᔭᕐᓂᒃ ᑐᓂᓂᐊᕐᐸᒋᑦ ᐅᖃᐅᓰᑦ ᒪᓕᒡᓗᒍ, ᑕᑯᒋᑦ, ᓯᓚᑐᓂᕐᒥᒃ ᖃᐅᔨᒪᔪᓐᓇᕐᓂᕐᒥᒡᓗ ᐃᓱᒪᒥᒃ ᑐᓂᓯᕕᒋᕙᒋᑦ, ᐃᓕᒃᑐᑦ ᑍᒤᑦᑐᒥᒃ ᓯᕗᓂᕐᓂ ᑍᒤᑦᑐᖃᓚᐅᕐᓯᒪᓐᖏᓚᖅ ᑭᖑᓂᕐᓂᓗ ᑍᒤᑦᑐᖃᓚᐅᕐᓯᒪᓂᐊᕋᓂ.

ᐃᐱᓯᒥᐅᓄᑦ 3:3

ᓇᓗᓇᓚᐅᕐᑐᒥᒃ ᖃᐅᔨᑎᑕᐅᓯᒪᒐᒪ ᓇᓗᓁᕐᓯᕕᐅᓂᒃᑯᑦ, ᑕᒪᓐᓇ ᓁᑦᑐᒥᒃ ᑎᑎᕋᐅᓯᕆᓚᐅᕐᐸᕋ ᐃᓕᑦᓯᓐᓄᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 12:8

ᐃᓚᖓᓐᓄᑦ ᐊᓂᕐᓂᖅ ᑐᓂᓯᕗᖅ ᓯᓚᑐᔪᓂᒃ ᐅᖃᐅᓯᖃᕐᑎᑦᓯᓂᕐᒥᒃ; ᐊᓯᐊᓄᓪᓗ ᐊᓂᕐᓂᖅ ᑖᓐᓇᑦᓮᓐᓇᖅ ᑐᓂᓯᕗᖅ ᖃᐅᔨᒪᓂᕐᑖᕐᑎᑎᓪᓗᓂ ᐅᖃᓪᓚᒃᑎᑦᓯᕗᖅ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:10

ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐅᕙᓐᓄᑦ ᑐᓂᔭᐅᓯᒪᔪᖅ ᐊᑐᕐᓗᒍ, ᑐᓐᖓᕕᓕᐅᓚᐅᕐᐳᖓ ᐃᒡᓗᓕᐅᕐᑎᒻᒪᕆᒃᑎᑐᑦ, ᐊᓯᓐᓂᒡᓗ ᖄᖓᒍᑦ ᐃᒡᓗᓕᐅᕐᑐᖃᓕᕐᐳᖅ. ᐃᒡᓗᓕᐅᕐᑐᓪᓕ ᐊᑐᓂᑦ ᑲᒪᑦᓯᐊᕆᐊᖃᕐᐳᑦ ᓴᓇᔭᒥᖕᓂᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 7:10

ᓴᐳᑎᓪᓗᒍ ᖃᓄᐃᓐᓇᕐᑐᓕᒫᓂᑦ, ᐱᑦᓯᐊᕐᓂᖃᕐᑎᐹ ᓯᓚᑐᓂᖃᕐᑎᓪᓗᒍᓗ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᑕ ᐰᕉᑉ ᓵᖓᓂ, ᔫᓯᐱ ᐊᖓᔪᖅᑳᕐᔪᐊᑉ ᐊᐅᓚᑦᓯᔨᓐᖑᕐᑎᓚᐅᕐᐹ ᐄᑦᔨᑉᑎᒥᐅᓄᑦ ᐊᖓᔪᖅᑳᕐᔪᐊᓪᓗ ᐃᒡᓗᖓᓃᑦᑐᓕᒫᓄᑦ.

ᒨᓯᓯ ᐂᑉᐸᖏᑦ 35:35

ᑖᒃᑯᐊᓗ ᐃᓗᒻᒥᕐᑎᓯᒪᕔᑦ ᓱᓇᑐᐃᓐᓇᓕᒫᓂᒃ ᓴᓇᔪᓐᓇᕐᓂᕐᓂᒃ ᓴᓇᓐᖑᐊᕈᓐᓇᕐᓂᕐᓂᒡᓗ, ᐃᒤᓕᖓᓂᒃᓴᖏᓐᓂᒡᓗ ᐋᖅᑭᒃᓱᐃᔪᓐᓇᕐᓂᕐᓂᒃ, ᖃᓪᓗᓈᕐᑕᑦᓯᐊᓂᒡᓗ ᓄᕕᓴᕈᓐᓇᕐᓂᕐᓂᒃ; ᑐᖑᔪᕐᑐᓂᒃ, ᐊᐅᐸᓪᓚᕆᒃᑐᓂᒃ, ᓄᕕᕐᓵᒃᓴᓂᒡᓗ ᐊᐅᐸᕐᑐᓂᒃ; ᐊᓯᖏᓐᓂᒡᓗ ᖃᓪᓗᓈᕐᑕᓂᒃ. ᑖᒃᑯᐊᓗ ᓴᓇᔪᓐᓇᕐᐳᑦ ᖃᓄᐃᑦᑐᑐᐃᓐᓇᑦᓯᐊᓂᒃ ᐋᖅᑭᑦᓯᐊᕐᓯᒪᔪᐊᓗᖕᓂᒃ ᐃᒤᓕᖓᓂᒃᓴᖏᓐᓂᒃ ᐋᖅᑭᒃᓱᐃᔪᓐᓇᕐᓗᑎᒃ.”

ᒨᓯᓯ ᐂᑉᐸᖏᑦ 35:31

ᒎᑎᐅᑉ ᐃᓗᒻᒥᕐᑎᓯᒪᖕᒪᒍ ᐱᔪᓐᓇᕐᓂᕐᒥᒃ ᓴᓇᒃᑲᐅᓂᕐᒥᒡᓗ, ᐱᓇᓱᐊᕈᓐᓇᕐᓂᕐᒥᒡᓗ, ᖃᐅᔨᒪᓂᕐᒥᒡᓗ ᖃᓄᑐᐃᓐᓇᖅ ᐃᓱᒪᒐᓱᒍᓐᓇᕐᓂᕐᒥᒃ ᖃᓄᐃᓕᐅᕆᐊᒃᓴᒥᒃ,

ᒨᓯᓯ ᐂᑉᐸᖏᑦ 31:6

ᐊᒻᒪᑦᑕᐅᖅ ᓂᕈᐊᕐᓯᒪᒋᕙᕋ ᐅᕼᐅᓕᐊᑉ ᐊᕼᐃᓴᒪᑭᐅᑉ ᐃᕐᓂᖓ, ᑖᓂᐅᑉ ᑭᖑᕚᖏᓐᓂᑦ ᐱᓯᒪᔪᖅ, ᐃᑲᔪᕐᑎᒃᓴᐅᖁᓪᓗᒍ ᑖᑦᓱᒧᖓ ᐱᓇᓱᐊᖃᑕᐅᖁᓪᓗᒍᓗ. ᐊᓯᖏᑦᑕᐅᖅ ᐊᖑᑎᑦ ᑐᓂᓯᕕᒋᓯᒪᕙᒃᑲ ᐱᔪᓐᓇᑦᓯᐊᕐᓂᕐᓂᒃ, ᓴᓇᔪᓐᓇᖁᓪᓗᒋᑦ ᐃᓕᖕᓄᑦ ᐱᖁᔨᑦᔪᑎᒋᓯᒪᔭᓐᓂᒃ.

ᒨᓯᓯ ᐂᑉᐸᖏᑦ 31:3

ᐃᓗᒻᒥᕐᑎᑉᐸᕋᓗ ᐊᓂᕐᓂᓐᓂᒃ, ᖃᐅᔨᒪᓂᕐᒥᒃ ᑐᓂᓯᕕᒋᓯᒪᕙᕋ, ᓴᓇᔪᓐᓇᕐᓂᕐᒥᒡᓗ, ᐱᓇᓱᐊᕈᓐᓇᕐᓂᕐᒥᒡᓗ ᖃᓄᐃᑦᑐᑐᐃᓐᓇᕐᓂᒃ ᓴᓇᓐᖑᐊᕈᓐᓇᕐᓂᕐᒥᒃ,

ᐂᓮᐊᓯᐅᑉ ᐊᒡᓚᖏᑦ 30:18

ᐊᑕᓂᕐᓕ ᐅᑕᖅᑭᕗᖅ, ᐃᓕᑦᓯᓐᓂᒃ ᐱᑦᓯᐊᕐᕕᖃᕈᒪᓪᓗᓂ; ᑍᒤᒻᒪᑦ ᒪᑭᑦᓱᒫᕐᐳᖅ ᓂᑲᒍᓱᖕᓂᕐᒥᓂᒃ ᖃᐅᔨᑎᑦᓱᒪᓪᓗᓯ, ᐊᑕᓂᖅ ᒎᑎᐅᖕᒪᑦ ᐊᑦᔨᒌᒃᑎᑦᓯᔪᖅ; ᖁᕕᐊᓱᒍᑎᒃᓴᖃᕐᐳᑦ ᐊᑕᓂᕐᒥᒃ ᐅᑕᖅᑭᔪᓐᓇᕐᑐᓕᒫᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 9:17

ᑕᕝᕙ ᐊᓇᓁᐊᓯ ᐂᕗᖅ, ᐃᒡᓗᒧᑦ ᐃᑎᕐᓗᓂ; ᐸᑎᒻᒥᓪᓗᓂᐅᒃ ᐅᖃᕐᐳᖅ, “ᐅᒃᐱᖃᑎᒐ ᓴᐅᓗᓰ, ᐊᑕᓂᐅᑉ ᔩᓱᓯᐅᑉ ᐃᓕᖕᓄᑦ ᓴᖅᑭᓚᐅᕐᑑᑉ ᕾᓕᕐᑎᓪᓗᑎᑦ, ᑎᓕᕚᖓ ᑕᐅᑐᓕᕐᑎᑕᐅᖁᓪᓗᑎᑦ ᐊᓂᕐᓂᕐᒥᒡᓗ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᖁᓪᓗᑎᑦ.”

ᐲᑦᑐᕉᓯ ᐂᑉᐸᖏᑦ 3:2

ᐃᖅᑬᖁᕙᑦᓯ ᐅᖃᐅᓯᕆᔭᐅᓯᒪᔪᓂᒃ ᓇᓚᐅᑦᑍᔪᑎᒍᑦ ᐃᑦᔪᕐᓁᑦᑐᑎᒍᑦ, ᐱᖁᔭᐅᓚᐅᕐᑐᓂᒡᓗ ᐊᑕᓂᑦᑎᓐᓄᑦ ᐱᐅᓕᔨᑦᑎᓐᓄᓪᓗ ᐃᓕᑦᓯᓐᓄᑦ ᑐᓂᔭᐅᓚᐅᕐᑐᓂᒃ ᐋᐴᓯᑕᓕᖁᑎᑦᓯᒍᑦ.