ᐊᑕᓃᑦ ᐂᑉᐸᖏᑦ 9:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᑐᖁᕅᔪᒃᓴᐅᕗᑎᑦ ᐊᖓᔪᖅᑳᕕᑦ ᐂᕼᐊᐱᐅᑉ ᐃᓚᓕᒫᖏᓐᓂᒃ, ᐊᑭᓂᐊᕈᒪᒐᒪ ᐅᖃᕐᑎᒪ ᑐᖁᕋᕐᑕᐅᓂᕆᖃᑦᑕᓚᐅᕐᑕᖏᓐᓄᑦ, ᐊᑕᓂᐅᓪᓗ ᐃᓄᖁᑎᖏᑕ ᑐᖁᑕᐅᓯᒪᔪᑦ ᔨᔨᐱᐅᓪᒧᑦ.

ᐊᑕᓃᑦ ᐂᑉᐸᖏᑦ 9:7 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 21:15

ᑕᒪᑐᒪ ᑭᖑᕐᖓᒍᑦ, ᔨᔨᐱᐅᓪ ᑐᓴᕋᒥ ᓁᐹᑦ ᒥᓪᓗᕐᑕᐅᓪᓗᓂ ᑐᖁᓂᖓᓂᒃ, ᐂᕼᐊᑉ ᐅᖃᐅᑎᕚ, “ᒪᑭᓪᓗᑎᑦ, ᓁᐹᑦ ᔨᔭᕆᐅᓪᒥᐅᑕᐅᑉ ᕔᓂᓕᐅᕐᕕᖓ ᐱᑖᕆᓕᕈᒃ, ᐃᓕᖕᓄᑦ ᑐᓂᔪᒪᓚᐅᓐᖏᑕᖓ ᑮᓇᐅᔭᒧᑦ; ᓁᐹᑦ ᐃᓅᔪᓐᓃᕐᒪᑦ, ᑐᖁᕗᕐᓕ.”

ᐊᑕᓃᑦ ᓯᕗᓪᓖᑦ 18:4

ᔨᔨᐱᐅᓪ ᑐᖁᕅᑎᓪᓗᒍ ᐊᑕᓂᐅᑉ ᐅᖃᕐᑎᖏᓐᓂᒃ, ᐅᐸᑍᐊ ᑎᒍᓯᓚᐅᕐᐳᖅ ᐅᖃᕐᑎᖏᓐᓂᒃ 100ᓂᒃ ᐃᔨᕐᑎᓪᓗᒋᓪᓗ 50ᐅᓈᕐᑎᕐᓗᒋᑦ ᕾᕈᓱᖕᒧᑦ, ᓂᕆᑎᖃᑦᑕᓚᐅᕐᐰᑦ ᓂᐅᖂᔭᒥ ᐃᒥᕐᑎᖃᑦᑕᕐᓗᒋᓪᓗ.)

ᒨᓯᓯ ᑕᓪᓕᒪᖏᑦ 32:43

ᓂᕐᑐᕐᓯᐅᒃ ᑖᑦᓱᒪ ᐃᓄᖁᑎᖏᑦ, ᐃᓅᖃᑎᒌᒡᔪᐊᖑᔪᓯ; ᓴᐳᑎᖕᒪᒋᑦ ᐱᔨᒥ ᐊᐅᖏᑦ, ᐊᑭᕋᕐᑐᕐᑎᓂ ᐊᑭᓂᐊᕐᕕᒋᖕᒪᒋᑦ, ᐃᓄᖁᑎᒥ ᓄᓇᖓ ᓴᓗᒻᒪᕐᓴᕐᒪᒍ.”

ᐊᑕᓃᑦ ᓯᕗᓪᓖᑦ 21:25

(ᐂᕼᐊᑉᑐᑦ ᐱᔪᖃᓚᐅᓐᖏᓚᖅ ᐃᒻᒥᓂᒃ ᑐᓂᕐᕈᑎᒋᔪᑎᑐᑦ ᐊᔪᕐᑐᓕᓂᕐᒧᑦ ᐊᑕᓂᐅᑉ ᑕᑯᓐᓇᕐᑕᖓᒍᑦ, ᓄᓕᐊᒥᓄᑦ ᔨᔨᐱᐅᓪᒧᑦ ᑎᓕᐅᕐᑕᐅᓚᐅᕐᒪᑦ.

ᐊᑕᓃᑦ ᓯᕗᓪᓖᑦ 21:21

‘ᑕᑯᒋᑦ, ᐃᓕᖕᓄᑦ ᐱᐅᖏᑦᑐᒥᒃ ᑎᑭᕝᕕᐅᑎᓐᓂᐊᕐᐸᒋᑦ; ᐊᕐᓵᕐᓂᐊᓕᕐᐸᒋᑦ ᓄᖑᑕᐅᑎᓪᓚᕆᒡᓗᑎᑦ, ᐂᕼᐊᐱᐅᓪᓗ ᐃᓚᓕᒫᖏᑦ ᐊᖑᑎᑦ ᓄᖑᑎᓐᓂᐊᕐᐸᒃᑲ, ᕿᓚᒃᓱᕐᓯᒪᔪᑦ ᕿᓚᒃᓱᕐᓯᒪᖏᑦᑐᓪᓗ, ᐃᓴᕆᐊᓕᒥᐅᓂ.

ᒨᓯᓯ ᑕᓪᓕᒪᖏᑦ 32:35

ᐊᑭᓂᐊᕐᓂᖅ ᐱᒋᕙᕋ, ᐊᑭᒪᓂᕐᓗ, ᐹᓪᓚᒡᕕᒃᓴᖓᑦ ᓇᓪᓕᐅᑎᓕᕐᐳᖅ; ᐊᓯᕈᕐᑕᐅᓂᒃᓴᖓᑕᓗ ᐅᓪᓗᖓ ᑎᑭᓕᕐᐳᖅ, ᐊᓯᕈᕐᑕᐅᕕᒃᓴᖓᑦ ᐊᑯᓂᐅᔪᓐᓃᕐᐳᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:2

ᑖᑦᓱᒪ ᐃᖅᑲᕐᑐᐃᓂᖏᑦ ᓱᓕᖕᒪᑕ ᓈᒻᒪᓈᑦᓯᐊᕐᓗᑎᒡᓗ; ᐃᖅᑲᕐᑐᓚᐅᕐᒪᒍ ᐊᖑᓐᓂᐊᕐᑎᕐᔪᐊᖅ ᓄᓇᕐᔪᐊᕐᒥᐅᓂᒃ ᐊᓯᕈᐃᓚᐅᕐᑐᖅ ᐊᖑᓐᓂᐊᕐᓂᕐᒥᓄᑦ, ᑖᑦᓱᒪᓗ ᐊᑭᓂᐊᕐᕕᒋᓚᐅᕐᐹ ᐱᔨᖏᑕ ᐊᐅᖏᑦ ᐱᑦᔪᑎᒋᓪᓗᒋᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:20

“ᕿᓚᖕᒥᐅᑕᐅᔪᓯ ᖁᕕᐊᓱᓕᕆᑦᓯ, ᐃᑦᔪᕐᓁᑦᑐᓯ ᐋᐴᓯᑕᓕᐅᔪᓯᓗ ᓇᓚᐅᑦᑍᔨᐅᔪᓯᓗ, ᐃᓕᑦᓯᓐᓄᑦ ᐱᓂᐊᕐᓂᕆᓚᐅᕐᑕᖏᑦ ᒪᓕᒡᓗᒋᑦ ᒎᑎᐅᑉ ᐃᖅᑲᕐᑐᕐᓯᒪᖕᒪᒋᑦ ᐊᑭᓂᐊᕐᕕᒋᓪᓗᒋᑦ!”

ᐄᑉᕈᐃᓄᑦ 10:30

ᖃᐅᔨᒪᒐᑦᑎᒍᑦ ᑖᓐᓇ ᐅᖃᓚᐅᕐᑐᖅ, “ᐊᑭᓂᐊᕐᓂᖅ ᐱᒋᕙᕋ, ᐅᕙᖓ ᐊᑭᓂᐊᕈᒫᕐᐳᖓ.” ᐊᒻᒪ ᐅᖃᕐᒥᔪᖅ, “ᐊᑕᓂᐅᑉ ᐃᓄᖁᑎᓂ ᐃᖅᑲᕐᑐᕈᒫᕐᐰᑦ.”

ᕉᒪᒥᐅᓄᑦ 13:4

ᐊᐅᓚᑦᓯᔨᐅᔪᑦ ᒎᑎᐅᑉ ᐱᔨᓯᕐᑎᒋᖕᒪᒋᑦ ᐱᕙᓪᓕᕈᑎᒃᓴᕐᓄᑦ. ᓈᒻᒪᖏᑦᑐᒥᒡᓕ ᐱᒍᕕᑦ, ᓯᕘᕋᒋᑦ, ᑕᒪᐅᖓᑐᐃᓐᓇᖅ ᓱᒋᐊᕐᓯᓂᕐᒥᒃ ᐱᔪᓐᓇᕐᓂᖃᕐᑎᑕᐅᖏᒻᒪᑕ; ᒎᑎᐅᓪᓕ ᐱᔨᑦᓯᕐᑎᒋᒪᒋᑦ ᖃᓄᐃᖏᑦᑎᐊᕐᓇᕐᑐᒥ ᐃᓅᖁᓪᓗᑎᑦ.

ᕉᒪᒥᐅᓄᑦ 12:19

ᐃᓚᓐᓇᕆᔭᒃᑲ, ᓇᖕᒥᓂᖅ ᐊᑭᒋᐊᕐᓂᐊᕋᓯ, ᒎᑎᐅᓪᓕ ᓂᓐᖓᖕᓂᕆᔪᒫᕐᑕᖓᓄᑦ ᑐᕌᖓᑎᓕᕐᓯᐅᒃ; ᐊᒡᓚᒃᓯᒪᖕᒪᑦ, “ᐊᑭᓂᐊᕐᓂᖅ ᐱᒋᕙᕋ, ᐅᕙᖓ ᐊᑭᓂᐊᕈᒫᕐᐳᖓ, ᐊᑕᓂᖅ ᐅᖃᕐᐳᖅ.”

ᒫᑎᐅᓯᐅᑉ ᐊᒡᓚᖏᑦ 23:35

ᑕᒪᓐᓇ ᐱᑦᔪᑎᒋᓪᓗᒍ ᓱᒋᐊᕐᑕᐅᓂᕐᒧᑦ ᑎᑭᑕᐅᔪᒫᕐᐳᓯ, ᐸᓯᔭᒃᓴᐅᖏᑦᑐᓂᒃ ᐃᓄᐊᖃᑦᑕᕐᓂᑦᓯᓐᓄᑦ ᓄᓇᕐᔪᐊᕐᒥ, ᐂᐱᓕᐅᑉ ᐸᓯᔭᒃᓴᐅᖏᑦᑑᑉ ᐃᓄᐊᕐᑕᐅᓂᖓᓂᑦ, ᓴᑲᕅᐊᐅᑉ ᐸᕋᑬᐊᐅᑉ ᐃᕐᓂᖓᑕ ᐃᓄᐊᕐᑕᐅᓂᖓ ᑎᑭᓪᓗᒍ, ᑖᓐᓇ ᐃᓄᐊᓚᐅᕐᑕᓯ ᑐᒃᓯᐊᕐᕕᒡᔪᐊᕐᒥ ᑐᓂᕐᕈᓯᕐᕕᐅᑉ ᐃᑦᔪᕐᓁᑦᑐᕕᐅᓪᓗ ᐊᑯᓐᓂᖓᓂ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:20

ᓈᒻᒪᒃᓴᖏᑦᔪᑎᖃᕐᐳᖓᓕ ᐃᓕᖕᓄᑦ ᐃᒤᑦᑐᒥᒃ, ᐊᕐᓇᖅ ᔨᓴᐱᐊᓕ ᓱᖁᑎᒋᓐᖏᓐᓇᕕᐅᒃ, ᓇᓚᐅᑦᑍᔫᓂᕋᕐᑎᓪᓗᒍ ᐊᔪᕆᕐᑐᐃᓂᕐᒥᒍᑦ ᑕᒻᒪᕐᑎᑦᓯᓕᕐᒪᑦ ᐱᔨᓐᓂᒃ ᓄᓕᐊᕐᓂᕐᒥᒡᓗ ᐊᑐᕐᓂᕐᓗᒃᑎᓪᓗᓂᒋᑦ ᓂᕆᑎᑦᓯᕙᒡᓗᓂᓗ ᒎᑎᓐᖑᐊᓄᑦ ᑐᓂᕐᕈᑕᐅᓯᒪᔪᓂᒃ.

ᐊᑕᓃᑦ ᐂᑉᐸᖏᑦ 10:10

ᖃᐅᔨᒪᓕᕆᑦᓯ, ᐊᑕᓂᐅᑉ ᐅᖃᐅᓯᕆᓯᒪᔭᓕᒫᖏᑦ ᐂᕼᐊᑉ ᐃᓚᓕᒫᖏᑦ ᐱᓪᓗᒋᑦ ᐊᑕᐅᓯᕐᒥᒡᓘᓐᓃᑦ ᓱᓕᖏᑦᑐᖃᕐᓂᐊᓐᖏᓚᑦ, ᐊᑕᓂᖅ ᐱᓇᓱᐊᕐᓯᒪᕗᖅ ᐅᖃᐅᓯᕆᓚᐅᕐᑕᓕᒫᓂ ᒪᓕᒡᓗᒋᑦ ᐱᔨᒥᒍᑦ ᐃᓔᑦᔭᒃᑯᑦ.”

ᑯᕉᓂᑲ ᐂᑉᐸᖏᑦ 22:7

ᔨᕼᐅᕌᒻᒧᑦ ᐳᓛᕆᐊᕐᓂᖓ ᒎᑎᐅᑉ ᐋᖅᑭᒃᓯᒪᓚᐅᕐᐹ ᐊᕼᐊᔧᐊᐅᑉ ᑲᑕᒍᑎᒃᓴᖓᓄᑦ. ᑎᑭᓐᓇᒥᓗ ᑕᕝᕗᖓ ᔨᕼᐅᕋᒻ ᑲᑎᓯᔭᕐᑐᖃᑎᒋᕚ ᔨᕼᐆᒥᒃ ᓂᒻᓮᑉ ᐃᕐᓂᖓᓂᒃ, ᑖᓐᓇ ᐊᑕᓂᐅᑉ ᐱᔪᓐᓇᕐᓂᕐᑖᕐᑎᓚᐅᕐᒪᒍ ᐊᓯᕈᐃᖁᓪᓗᒍ ᐂᕼᐊᑉ ᐃᓚᖏᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 26:5

ᐅᖃᕐᑎᒪᓗ ᐅᖃᐅᓯᕆᔭᖏᑦ ᓈᓚᖏᒃᑯᑦᓯᐅᒃ, ᐃᓕᑦᓯᓐᓄᑦ ᑎᓕᖃᑦᑕᕐᓯᒪᔭᒪ ᐅᖃᐅᓯᖏᑦ ᓈᓚᓚᐅᖏᓐᓇᑦᓯᐅᒃ.

ᐊᑕᓃᑦ ᐂᑉᐸᖏᑦ 10:11

ᑍᒤᒻᒪᑦ ᔨᕼᐆ ᑐᖁᑕᐅᑎᑦᓯᓚᐅᕐᐳᖅ ᐂᕼᐊᑉ ᐃᓚᓕᒫᖏᓐᓂᒃ ᐊᒥᐊᒃᑯᑕᖃᕐᓇᒋᑦ ᔨᔭᕆᐅᓪᒥ, ᐊᖓᔪᖅᑳᖁᑎᕕᓂᖏᓪᓗ ᐃᓚᓐᓇᕆᔭᖏᓪᓗ ᑐᓂᕐᕈᓯᕐᑎᑦᓯᔨᖁᑎᖏᓪᓗ ᑕᒪᕐᒥᒃ ᐊᒥᐊᒃᑯᖃᕐᑎᓚᐅᓐᖏᓔᑦ.