ᐊᑕᓃᑦ ᐂᑉᐸᖏᑦ 9:32 - ᐊᒡᓔᑦ ᐃᑦᔪᕐᖕᓁᑦᑐᑦ

³² ᔩᕼᐆ ᖁᒻᒧᑦ ᐃᒐᓛᒧᑦ ᑕᑯᓴᕐᓗᓂᓗ ᐊᐱᕆᕗᖅ, “ᑭᓇᒃᑯᑦ ᐅᕙᓐᓂᒃ ᑕᐱᖃᕐᐹᑦ?” ᑕᕝᕙ ᒪᕐᕈᑐᐃᓐᓇᐅᖏᑦᑑᒃ ᐊᖓᔪᖅᑳᕐᔪᐊᑉ ᐃᓄᖁᑎᖏᑦ ᐃᒐᓛᑯᑦ ᐃᑦᑐᐊᕐᐳᑦ.

ᐊᑕᓃᑦ ᐂᑉᐸᖏᑦ 9:32 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 9:31

ᔨᕼᐆ ᐃᑎᕐᑕᕐᕕᒃᑯᑦ ᐃᑎᓕᕐᑎᓪᓗᒍ ᐊᐱᕆᕚ, “ᔨᒻᕇ ᐅᓇᑕᕆᐊᕐᑐᓐᖏᓚᑏᑦ? ᑐᖁᑦᓯᔨᐅᕗᑎᑦ ᐊᖓᔪᖅᑳᕐᓂᒃ.”

ᐊᑕᓃᑦ ᐂᑉᐸᖏᑦ 9:33

ᔨᕼᐆᑉ ᕾᒐᓛᕐᕕᒋᕔᑦ, “ᐃᒐᓛᒃᑯᑦ ᐃᒋᓪᓗᒍ ᑲᑕᒃᑎᓚᐅᕐᓯᐅᒃ!” ᑕᕝᕙ ᔨᓴᐱᐅᓪ ᐱᖑᕚᑦ, ᒪᓂᖅᑲᒧᑦ ᑐᓐᓇᒥ ᐊᐅᖓᑕ ᓯᕐᐹᕿᓂᑯᖓᓄᑦ ᐃᒡᓘᑉ ᐊᑭᓐᓇᖓ ᐊᐅᒥᑦᑕᕐᐳᖅ ᕿᒥᕐᔪᐊᓄᓪᓗ ᑐᓪᓕᕋᕐᑕᐅᑦᓴᐅᑎᒋᓪᓗᓂ.

ᐊᑕᓃᑦ ᐂᑉᐸᖏᑦ 9:7

ᑐᖁᕅᔪᒃᓴᐅᕗᑎᑦ ᐊᖓᔪᖅᑳᕕᑦ ᐂᕼᐊᐱᐅᑉ ᐃᓚᓕᒫᖏᓐᓂᒃ, ᐊᑭᓂᐊᕈᒪᒐᒪ ᐅᖃᕐᑎᒪ ᑐᖁᕋᕐᑕᐅᓂᕆᖃᑦᑕᓚᐅᕐᑕᖏᓐᓄᑦ, ᐊᑕᓂᐅᓪᓗ ᐃᓄᖁᑎᖏᑕ ᑐᖁᑕᐅᓯᒪᔪᑦ ᔨᔨᐱᐅᓪᒧᑦ.

ᑯᕉᓂᑲ ᓯᕗᓪᓖᑦ 12:18

ᑕᕝᕙ ᐊᓂᕐᓂᐅᑉ ᐊᒪᓮ ᑎᑭᕝᕕᒋᕚ, ᐊᖓᔪᖅᑳᖑᔪᖅ 30ᓄᑦ, ᐅᖃᕐᓗᓂᓗ, “ᐃᓕᖕᓄᑦ ᐱᒋᔭᐅᕗᒍᑦ, ᑍᕕᑏ; ᐃᓕᖕᓂᒡᓗ ᐃᓕᖃᕐᐳᒍᑦ, ᔨᓯᐅᑉ ᐃᕐᓂᖓ! ᓮᒻᒪᕐᑎᑕᐅᒋᑦ, ᓮᒪᓂᐅᓪᓗ ᓇᔪᕐᓕᑎᑦ, ᐃᑲᔪᕐᑎᑎᓪᓗ ᓮᒻᒪᕐᑎᑕᐅᓕᑦ! ᒎᑎᕕᑦ ᐃᑲᔪᕐᒫᑎᑦ.” ᑕᕝᕙ ᑍᕕᑎᐅᑉ ᐃᓚᓕᐅᕐᐰᑦ, ᐊᖓᔪᖅᑳᓐᖑᕐᑎᓪᓗᒋᓪᓗ ᐅᓇᑕᕐᑐᒃᓴᖁᑎᒥᓄᑦ.

ᑯᕉᓂᑲ ᐂᑉᐸᖏᑦ 11:12

ᐃᒡᓗᒐᓮᓪᓗ ᐊᑐᓂᑦ ᓴᐴᓗᑕᕐᓂᒃ ᖃᓗᒋᐊᓂᒡᓗ ᐊᑐᐃᓐᓇᖃᕐᑎᑉᐰᑦ, ᓲᖑᓯᑎᒻᒪᕆᒡᓗᒋᑦ. ᑕᕝᕙ ᑍᒫᒃ ᔫᑕᒃᑯᑦ ᐱᓐᔭᒥᓂᒃᑯᓪᓗ ᐊᐅᓔᓐᓇᕈᓐᓇᓚᐅᕐᐰᑦ.

ᐃᔅᑕᐅᑉ ᐊᒡᓚᖏᑦ 1:10

ᓂᕆᕕᒡᔪᐊᕐᓂᖏᑕ ᐅᓪᓗᐃᑦ 7ᖓᓐᓂ, ᐊᖓᔪᖅᑳᕐᔪᐊᖅ ᐃᒥᕋᒥ ᕔᓂᒥᒃ ᐋᖓᔮᒐᓚᓕᓚᐅᕐᐳᖅ ᖁᕕᐊᓱᓕᕐᓗᓂᓗ, ᑎᓕᓯᓕᕐᐳᖅ ᓇᖕᒥᓂᖅ ᐱᔨᒥᓂᒃ 7ᓂᒃ ᐃᒡᔪᐃᕐᑕᐅᓯᒪᔪᓂᒃ ᐅᑯᓂᖓ ᒥᕼᐅᒪᓐ, ᐱᑦᔾᑕ, ᕼᐊᕐᐴᓇ, ᐱᒡᔅᑕ, ᐊᐸᒐᔅᑕ, ᔨᑦᓴᕐ, ᑳᑲᓯᓗ.

ᐃᔅᑕᐅᑉ ᐊᒡᓚᖏᑦ 2:15

ᐃᔅᑕᕐᐅᓪᓕ ᐊᖓᔪᖅᑳᕐᔪᐊᕐᒧᑦ ᐅᐸᒍᑎᕕᒃᓴᖓ ᓇᓪᓕᐅᑎᖕᒪᑦ, ᑖᓐᓇ ᐊᐱᕼᐂᓕᐅᑉ ᒧᐊᑎᑬᑉ ᐊᒃᑲᖓᑕ ᐸᓂᖓ ᒧᐊᑎᑬᑉ ᑎᒍᐊᕐᑖᕆᓯᒪᓕᕐᑕᖓ ᐸᓂᖕᒥᑐᑦ ᐱᓕᕐᓗᓂᐅᒃ, ᓱᓇᒥᒃ ᑐᒃᓯᕋᓚᐅᓐᖏᓚᖅ ᕼᐃᒊᓪᓕ ᐊᖓᔪᖅᑳᕐᔪᐊᑉ ᐱᔨᖓᑕ ᐃᒡᔪᐃᕐᑕᐅᓯᒪᔫᑉ, ᐊᕐᓇᓂᒃ ᑲᒪᔨᒋᔭᐅᔫᑉ ᐊᑐᖁᔭᖏᓐᓂᒃ ᑭᓯᐊᓂ ᐊᑐᓚᐅᕐᐳᖅ. ᐃᔅᑕᕐᓗ ᑕᑯᔪᓕᒫᓄᑦ ᑖᑦᓱᒥᖓ ᖁᕕᐊᒋᔭᐅᓚᐅᕐᐳᖅ.

ᐃᔅᑕᐅᑉ ᐊᒡᓚᖏᑦ 2:21

ᑍᑦᓱᒪᓂᐅᑎᓪᓗᒍ, ᒧᐊᑎᑬ ᐊᖓᔪᖅᑳᕐᔪᐊᑉ ᐃᑎᕐᑕᕐᕕᖓᓂ ᐃᒃᓯᕙᑎᓪᓗᒍ, ᐊᖓᔪᖅᑳᕐᔪᐊᑉ ᐱᔨᖏᒃ ᒪᕐᕉᒃ ᐃᒡᔪᐃᕐᑕᐅᓯᒪᔫᒃ, ᐱᒡᑖᓇ ᑎᕆᔅᓗ, ᐊᖓᔪᖅᑳᕐᔪᐊᑉ ᐃᒡᓗᕈᓯᖓᑕ ᐃᑎᕐᑕᕐᕕᐊᓂ ᑲᒪᔨᒃ, ᐊᖓᔪᖅᑳᕐᔪᐊᕐᒧᑦ ᐊᕼᐊᓱᐃᕋᔅᒧᑦ ᓂᓐᖓᒡᓗᑎᒃ ᐊᑭᕋᕐᑐᓕᕐᐴᒃ, ᑐᖁᑦᓱᒪᓕᕐᓗᒍᓗ.

ᐃᓐᖏᕈᑎᑦ 118:6

ᐊᑕᓂᖅ ᓴᓂᓐᓃᒻᒪᑦ ᐃᕐᓯᓂᐊᓐᖏᓚᖓ; ᖃᓄᖅ ᐃᓄᖕᓄᑦ ᐱᓂᐊᕐᕕᐅᔪᓐᓇᕐᐳᖔ?

ᐃᓐᖏᕈᑎᑦ 94:16

ᑭᓇ ᐅᕙᓐᓂᒃ ᑕᑉᐱᕐᓱᐃᓗᓂ ᐱᐅᖏᑦᑐᓂᒃ ᐊᑭᕋᕐᑐᕐᓂᐊᕐᐹ? ᑭᓇᓗ ᐅᕙᓐᓂᒃ ᐃᑲᔪᕐᓂᐊᕐᐸ ᐊᔪᕐᓂᕐᒥ ᐃᓅᔪᑦ ᐊᑭᕋᕐᑐᕐᓗᒋᑦ?

ᒨᓯᓯ ᐂᑉᐸᖏᑦ 32:26

ᑕᕝᕙ ᒨᓯᓯ ᑕᖕᒫᕐᓯᒪᕕᐅᑉ ᐃᑎᕐᑕᕐᕕᖓᓂ ᓂᑯᕕᑉᐳᖅ ᕾᒐᓛᓕᕐᓗᓂᓗ, “ᐊᑕᓂᕐᒥᒃ ᒪᓕᒍᒪᔪᑦ ᒪᐅᖓ ᐅᕙᓐᓄᑦ ᕾᓚᐅᕐᓕᑦ!” ᑕᕝᕙ ᓕᕔᑎᓕᒫᑦ ᑕᒪᐅᓐᖓᕐᐳᑦ ᒨᓯᓯᐅᑉ ᐊᕙᑖᓄᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 12:20

ᐃᕉᑕᓯ ᓂᓐᖓᒃᓯᒪᓚᐅᕐᐳᖅ ᐃᓄᖕᓄᑦ ᑍᕆᒥᐅᓄᑦ ᓮᑐᓂᒥᐅᓄᓪᓗ; ᑖᒃᑯᐊ ᐃᕉᑕᓯᒥᒃ ᑲᑎᓯᔭᕐᑐᕐᐳᑦ, ᑖᑦᓱᒧᓐᖓᖏᓐᓂᕐᒥᖕᓂᓕ ᐸᓛᓯᑕᔅ ᐃᑲᔪᕐᑎᑖᕆᓇᓱᓚᐅᕐᐹᑦ; ᐊᖓᔪᖅᑳᕐᔪᐊᑉ ᐃᒡᓗᖓᓂᒃ ᑲᒪᔨᐅᔪᖅ, ᐃᕉᑕᓯᒧᐊᕋᒥᒡᓗ ᐃᓅᖃᑎᖃᑦᓯᐊᕈᒪᓪᓗᑎᒃ ᐅᖃᕐᐳᑦ, ᐊᖓᔪᖅᑳᕐᔪᐊᕐᒧᑦ ᑭᓯᐊᓂ ᓄᓇᖁᑎᖓᓂ ᓂᕿᒃᓴᖃᕐᑎᑕᐅᕙᒃᑲᒥᒃ.