ᐊᑕᓃᑦ ᐂᑉᐸᖏᑦ 9:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᐊᕼᐊᔧᐊ ᔫᑕᒥᐅᑦ ᐊᖓᔪᖅᑳᕐᔪᐊᖓᑦ ᑕᑯᒐᒥ ᔪᕌᒥᐅᑉ ᖃᓄᐃᓕᐅᕐᑕᐅᓂᖓᓂᒃ ᕿᒪᒃᓯᕗᖅ ᐊᖅᑯᑎᒃᑯᑦ ᐱᐊᔅ ᕼᐃᒐᓐ-ᒧᐊᕐᑐᒃᑯᑦ. ᔨᕼᐆᑉ ᒪᓕᒃᐹ, ᕾᒐᓛᕐᓗᓂᓗ, “ᑐᖁᑕᐅᓕ ᕿᒧᒃᓯᐅᑎᒥᓂ ᐊᒃᓴᓗᐊᓕᖕᒥ ᐃᑭᒪᑎᓪᓗᒍ!” ᐃᑭᓕᕐᑕᐅᕗᖅ ᒎᕐᒧᑦ ᑎᑭᐅᑎᓕᕋᓗᐊᕐᑎᓪᓗᒍ ᐃᑉᓖᒻ ᖃᓂᒋᔭᖓᓂ, ᐱᔭᐅᓐᖏᓚᕐᓕ ᓄᓇᒧᑦ ᒥᒌᑐᒧᐊᕐᓗᓂ, ᑕᕝᕙᓂ ᑐᖁᕗᖅ.

ᐊᑕᓃᑦ ᐂᑉᐸᖏᑦ 9:27 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 21:2

ᐂᕼᐊᑉᓗ ᐅᖃᕆᐊᕐᑐᕐᐳᖅ ᓁᐹᑦᒧᑦ, ᐅᖃᕐᓗᓂ, “ᕔᓂᓕᐅᕐᕖᑦ ᐅᕙᓐᓄᑦ ᑐᓂᓚᐅᕈᒃ, ᐱᕈᕐᓰᕕᑖᕆᓂᐊᕋᒃᑯ ᐱᕈᕐᑐᓄᖅ ᓂᕆᔭᒃᓴᓄᑦ, ᐃᒡᓗᑦᑎᓐᓄᑦ ᖃᓂᑦᑑᖕᒪᑦ; ᑐᓂᒐᔭᕐᐸᒋᑦ ᕔᓂᓕᐅᕐᕕᖕᒥᒃ ᐱᐅᓂᕐᓴᒥᒃ ᑖᑦᓱᒪᓐᖓᑦ; ᐅᕝᕙᓗ ᐃᓕᖕᓄᑦ ᐱᐅᓂᕐᓴᐅᒃᐸᑦ ᑮᓇᐅᔭᓂᒃ ᓈᒻᒪᒋᔭᕐᓂᒃ ᐊᑭᓕᕋᔭᕐᐸᒋᑦ.”

ᐊᑕᓃᑦ ᓯᕗᓪᓖᑦ 4:12

ᐹᓇ, ᐊᕼᐃᓗᑎᐅᑉ ᐃᕐᓂᖓ: ᐊᖓᔪᖅᑳᖑᑎᓪᓗᒍ ᑖᓇᒃᒧᑦ ᐃᒡᓗᒐᓴᖕᓄᑦ, ᒥᒋᑐᒧᓗ, ᐱᑦ-ᓰᓐ ᖃᓂᒋᔭᓖᒫᖓᓄᑦ ᔭᕆᑕᐅᑉ ᓄᓇᖓᑕ ᖃᓂᒋᔭᖓᓄᑦ ᑎᑭᓪᓗᒍ, ᔨᔭᕆᐅᑉ ᐊᑖᓃᑦᑐᒧᑦ ᑎᑭᓪᓗᒍ, ᐊᒻᒪ ᑕᕝᕙᓐᖓᑦ ᐱᒋᐊᕐᓗᒍ ᐃᒡᓗᒐᓴᒡᔪᐊᖅ ᐊᐱᐅᓪ-ᒥᕼᐅᓚ ᑎᑭᓪᓗᒍ, ᑕᐅᓄᖓ ᔫᒃᒥᐊᒥᐅᑉ ᐊᑭᐊᓄᑦ ᑎᑭᓪᓗᒍ.

ᐊᑕᓃᑦ ᐂᑉᐸᖏᑦ 10:4

ᑖᒃᑯᐊᓕ ᓯᕗᕌᓂᖃᓕᕐᐳᑦ ᐅᖃᕐᓗᑎᒡᓗ, “ᐊᖓᔪᖅᑳᕐᔪᐊᒃ ᒪᕐᕉᒃ ᓵᓚᖃᕈᓐᓇᓚᐅᖏᑉᐸᑎᑦ ᐅᕙᒍᓪᓕᑭᐊᕐᖎ ᐱᔪᓐᓇᕐᓂᐊᓐᖏᓚᒍᑦ?”

ᐊᑕᓃᑦ ᐂᑉᐸᖏᑦ 11:1

ᐊᑕᓔᐊ ᐊᕼᐊᔧᐊᐅᑉ ᐊᓈᓇᖓ ᖃᐅᔨᓕᕋᒥ ᐃᕐᓂᖓᑕ ᐃᓅᔪᓐᓃᕐᓂᖓᓂᒃ, ᐊᖓᔪᖅᑳᕐᔪᐊᑉ ᕿᑐᕐᖔᓕᒫᖏᑦ ᑐᖁᕋᕐᑕᐅᑎᓕᕐᐰᑦ.

ᐊᑕᓃᑦ ᐂᑉᐸᖏᑦ 12:1

ᔨᕼᐅᐊᓯᐅᑉ ᐊᖓᔪᖅᑳᕐᔪᐊᖑᓂᖓᑕ 7ᖓᓐᓂ. ᔪᐊᓯ ᐊᖓᔪᖅᑳᕐᔪᐊᓐᖑᕐᐳᖅ, ᐊᐅᓚᑦᓯᓚᐅᕐᐳᕐᓗ ᐊᕐᕌᒍᓂᒃ 40ᓂᒃ ᔨᕉᓴᓕᒻᒥ. ᐊᓈᓇᖓ ᐊᑎᖃᕐᐳᖅ ᔨᐰᔭᒥᒃ ᐱᐊᕐᓯᐸᒥᐅᑕᖅ.

ᐊᑕᓃᑦ ᐂᑉᐸᖏᑦ 12:21

ᑖᒃᑯᐊ ᐊᖓᔪᖅᑳᖁᑎᖏᑦ ᑐᖁᑦᓯᓚᐅᕐᑐᑦ ᐅᑯᐊᖑᕗᑦ ᔪᓴᑲᕆ ᓯᒥᐊᑎᐅᑉ ᐃᕐᓂᖓ ᔨᕼᐅᔭᐸᓗ ᓲᒥᕆᐅᑉ ᐃᕐᓂᖓ, ᔪᐊᓯ ᑐᖁᖕᒪᑦ ᐃᓗᕕᕐᑕᐅᓚᐅᕐᐳᖅ ᓯᕗᓕᕕᓂᖏᑕ ᐃᓗᕕᖃᕐᕕᖏᓐᓂ ᑍᕕᑎᐅᑉ ᐃᒡᓗᒐᓴᖏᓐᓂ, ᐃᕐᓂᖓᑕᓗ ᐊᒪᔧᐊᐅᑉ ᑭᖑᕝᕕᓚᐅᕐᐹ ᐊᖓᔪᖅᑳᕐᔪᐊᖑᓂᖓ.

ᐊᑕᓃᑦ ᐂᑉᐸᖏᑦ 14:19

ᔨᕉᓴᓕᒥ ᑎᓪᓕᓐᖏᓈᕆᓗᑎᒃ ᑐᖁᑦᑎᔪᒪᓚᐅᕐᐳᖅ ᐊᒪᔧᐊᒥᒃ, ᐊᒪᔧᐊ ᕿᒫᔭᕆᐊᖃᓕᓚᐅᕐᐳᖅ ᐃᒡᓗᒐᓴᒡᔪᐊᓄᑦ ᓚᑮᓯᒥᒃ ᐊᑎᖃᕐᑐᓄᑦ. ᐊᑭᕋᕐᑐᕐᑎᖏᑕ ᑍᑯᖓ ᒪᓕᒡᓗᒍ ᑐᖁᓚᐅᕐᐹᑦ.

ᐊᑕᓃᑦ ᐂᑉᐸᖏᑦ 21:23

ᐋᒪᓐ ᐊᖓᔪᖅᑳᑯᑎᖏᑕ ᐃᓄᐊᕈᒪᓪᓗᒍ ᐃᓱᒪᒌᓐᓇᓕᕋᒥᑦᔪᒃ, ᑐᖁᑕᐅᑎᑉᐹᑦ ᐊᖓᔪᖅᑳᕐᔪᐊᑉ ᐃᒡᓗᖓᓂ.

ᐊᑕᓃᑦ ᐂᑉᐸᖏᑦ 8:29

ᐊᖓᔪᖅᑳᕐᔪᐊᖅ ᔪᕌᒥ ᓄᓇᒥᓄᑦ ᔨᔭᕆᐅᓪᒧᑦ ᐅᑎᕐᐳᖅ ᐋᖅᑭᒃᓯᕆᐊᕐᑐᕐᓗᓂ ᐃᑭᓕᕐᑕᐅᓯᒪᓂᕐᒥᓂᑦ ᓯᕆᐊᒥᐅᑦ ᐅᓇᑕᕐᑎᖏᓐᓄᑦ, ᐃᑭᓕᕐᑕᐅᓂᕕᓂᕐᒥᓂᒃ ᐅᓇᑕᕐᓗᑎᒃ ᕌᒪᒥ. ᑕᕝᕙ ᕼᐊᔧᐆᑉ ᔨᕼᐅᕌᒥᐅᑉ ᐃᕐᓂᖓᑕ ᔫᑕᒥᐅᑦ ᐊᖓᔪᖅᑳᕐᔪᐊᖓᑦᑕ ᑕᑯᔭᕐᑐᕐᐹ ᔨᕉᓴᓕᒧᑦ, ᐃᑭᓕᕐᑕᐅᓯᒪᓂᖓ ᐱᑦᔪᑎᒋᓪᓗᒍ, ᖃᓂᒪᓚᐅᕐᒪᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 13:20

ᓯᓚᑐᔪᓂᒃ ᐃᓅᖃᑎᖃᕐᐸᒃᑐᖅ ᓯᓚᑐᓕᕐᓂᐊᕐᐳᖅ, ᓯᓔᑦᑐᓂᒡᓕ ᐃᓅᖃᑎᓕᒃ ᐱᑦᓯᐊᕐᑕᐅᖏᓐᓂᕐᒥᒃ ᐅᖁᒤᒃᓴᐅᑎᖃᕐᓂᐊᕐᐳᖅ.

ᒨᓯᓯ ᓯᑕᒪᖏᑦ 16:26

ᐃᓄᒋᐊᒃᑐᕐᔪᐊᑦ ᐅᖃᕐᕕᒋᕔᑦ ᐅᖃᕐᓗᓂ, “ᐅᑯᐊ ᐃᓄᐃᑦ ᐱᐅᖏᑦᑐᓕᔪᑦ ᑐᐱᖏᑦ ᕿᒪᒃᓯᐅᒃ! ᐱᒋᔭᖏᓐᓂᒡᓘᓐᓃᑦ ᐊᒃᑐᕐᓯᓂᐊᕋᓯ, ᓄᖑᑕᐅᖁᓇᓯ ᐊᔪᕐᑐᓕᓂᖏᓐᓄᑦ.”

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:17

ᑍᒤᒻᒪᑦ ᐊᑕᓂᖅ ᐅᖃᕐᐳᖅ, “ᑍᒃᑯᓇᓐᖓ ᐊᓂᒋᑦᓯ ᐃᓚᒋᔪᓐᓃᕐᓗᒋᓪᓗ. ᒎᑎᒧᑦ ᓇᕐᕈᓇᕐᑐᓂᒃ ᐱᓇᓱᐊᕐᓂᐊᕋᓯ, ᑕᕝᕙ ᐃᓚᓕᐅᕐᓂᐊᕐᐸᑦᓯ.

ᔮᓱᐊᑉ ᐊᒡᓚᖏᑦ 17:11

ᐃᓴᑳᕆᐅᓪᓗ ᐋᓱᕆᐅᓪᓗ ᓄᓇᖓᑕ ᐃᓗᐊᓂ, ᒫᓇᓯᐅᑉ ᐱᒋᕔᑦ ᐱᑦ-ᓰᓐ ᓄᓇᓕᖁᑎᖏᓪᓗ, ᐃᑉᓖᒻᓗ ᐃᓚᖃᕐᓗᓂ ᓄᓇᓕᖕᓂᒃ ᖃᓂᒋᔭᖓᓃᑦᑐᓂᒃ, ᐅᑯᐊᓗ ᑐᐊᕆ, ᐃᓐ-ᑐᐊᕆ, ᑖᓇᒃᓗ ᓄᓇᓖᓪᓗ ᖃᓂᒋᔮᓃᑦᑐᑦ, ᒥᒌᑐᓗ ᓄᓇᓖᓪᓗ ᖃᓂᒋᔭᖓᓃᑦᑐᑦ.

ᐃᓗᐊᕐᓮᔩᑦ ᐊᒡᓚᖏᑦ 1:27

ᒫᓇᓯᐅᑉ ᑭᖑᕚᖏᑕ ᕿᒫᑎᓚᐅᓐᖏᑕᖏᑦ ᐃᓄᐃᑦ ᐅᑯᓇᓂ ᐃᒡᓗᒐᓴᖕᓃᑦᑐᑦ, ᐱᑦ-ᓰᓐ, ᓄᓇᓕᐊᕐᔪᖁᑎᖏᓪᓗ, ᑖᓇᒃ ᓄᓇᓕᐊᕐᔪᖁᑎᖏᓪᓗ, ᑐᐊᕆ ᓄᓇᓕᐊᕐᔪᖁᑎᖏᓪᓗ, ᐃᑉᓖᒻ, ᒥᒌᑐ ᓄᓇᓖᓪᓗ ᖃᓂᒋᔭᖓᓃᑦᑐᑦ; ᑬᓇᓂᒥᐅᓪᓕ ᑕᒫᓂ ᓄᓇᖃᖃᑕᐅᔪᒪᓚᐅᕐᐳᑦ.

ᐃᓗᐊᕐᓮᔩᑦ ᐊᒡᓚᖏᑦ 5:19

ᐊᖓᔪᖅᑳᕐᔪᐊᑦ ᑎᑭᓚᐅᕐᐳᑦ, ᐅᓇᑕᖃᑕᐅᓪᓗᑎᒡᓗ; ᐅᓇᑕᓚᐅᕐᐳᑦ ᑬᓇᓂᒥᐅᑦ ᐊᖓᔪᖅᑳᕐᔪᐊᖏᑦ, ᑖᓇᒃᒥ ᒥᒌᑑᑉ ᐃᒪᖏᑕ ᓴᓂᐊᓂ ᓯᐅᓪᕕᕆᒥᒡᓕ ᑎᒍᓯᓚᐅᓐᖏᓚᑦ ᓵᓚᖃᕐᑐᑦ ᑎᒍᕙᒃᑕᖏᓐᓂᒃ.