ᐊᑕᓃᑦ ᐂᑉᐸᖏᑦ 8:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ ᔨᕼᐅᕌᒥ ᑐᖁᖕᒪᑦ ᐃᓗᕕᕐᑕᐅᕗᖅ ᓯᕗᓕᕕᓂᖏᑦᑕ ᐊᖓᔪᖅᑳᕐᔪᐊᑦ ᐃᓗᕕᕐᑕᐅᓯᒪᕕᖏᓐᓂ ᑍᕕᑎᐅᑉ ᐃᒡᓗᒐᓴᖏᓐᓂ. ᐃᕐᓂᖓᓗ ᐊᕼᐊᔧᐊ ᐊᖓᔪᖅᑳᕐᔪᐊᖑᓂᖓᓄᑦ ᐃᓇᖏᐅᑎᕗᖅ.

ᐊᑕᓃᑦ ᐂᑉᐸᖏᑦ 8:24 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 11:43

ᓲᓗᒨᓂ ᑐᖁᖕᒪᑦ ᐃᓗᕕᕐᑕᐅᕗᖅ ᑍᕕᑎᐅᑉ ᐃᒡᓗᒐᓴᖏᓐᓄᑦ, ᐃᕐᓂᖓᑕ ᕆᕼᐅᐳᐊᒻ ᐃᓇᖏᕐᐹ ᐊᖓᔪᖅᑳᕐᔪᐊᓐᖑᕐᓗᓂ.

ᐊᑕᓃᑦ ᓯᕗᓪᓖᑦ 14:20

ᔨᕈᐳᐊᒻ ᐊᐅᓚᑦᓯᓚᐅᕐᐳᖅ ᐊᕐᕌᒍᓂᒃ 22ᓂᒃ; ᑐᖁᖕᒪᑦ ᐃᓗᕕᕐᑕᐅᕗᖅ, ᓁᑖᑉᓗ ᐃᕐᓂᖓ ᑭᒍᕝᕕᐅᑎᕗᖅ ᐃᓂᖓᓂ.

ᐊᑕᓃᑦ ᓯᕗᓪᓖᑦ 14:31

ᕆᕼᐅᐳᐊᒻᓗ ᑐᖁᖕᒪᑦ ᐃᓗᕕᕐᑕᐅᕗᖅ ᓯᕗᓕᖏᑕ ᐃᓗᕕᕐᕕᖏᓐᓄᑦ ᑍᕕᑎᐅᑉ ᐃᒡᓗᒐᓴᖏᓐᓂ. ᐊᓈᓇᖓ ᐊᑎᖃᕐᐳᖅ ᓈᒪᒥᒃ ᐊᒧᓁᑎᒥᐅᑕᐅᓪᓗᓂ. ᐊᐰᔭᒻᓗ ᕆᕼᐅᐳᐊᒻ ᐃᕐᓂᖓ ᑭᖑᕝᕕᐅᑎᕗᖅ ᐊᖓᔪᖅᑳᕐᔪᐊᖑᓕᕐᓗᓂ ᐃᓂᖓᓂ.

ᐊᑕᓃᑦ ᓯᕗᓪᓖᑦ 2:10

ᑕᕝᕙ ᑍᕕᑎ ᑐᖁᕗᖅ, ᐃᓗᕕᕐᑕᐅᓪᓗᓂᓗ ᑍᕕᑎᐅᑉ ᐃᒡᓗᒐᓴᖏᓐᓂ.

ᐊᑕᓃᑦ ᐂᑉᐸᖏᑦ 10:13

ᔨᕼᐆᓗ ᐊᕼᐊᔧᐊᐅᑉ ᐃᓚᒋᔭᖏᓐᓂᒃ ᑲᑎᑦᓯᕗᖅ ᔫᑕᒥᐅᓄᑦ ᐊᖓᔪᖅᑳᕐᔪᐊᖑᓚᐅᕐᑑᑉ, ᐊᐱᕆᕔᓪᓗ, “ᑭᓇᒃᑰᕕᓰ?” ᑖᒃᑯᐊ ᑭᐅᕚᑦ, “ᐊᕼᐊᔧᐊᒥᒃ ᐃᓚᖃᕐᐳᒍᑦ ᑕᒪᐅᓐᖓᕐᓯᒪᕗᒍᑦ ᑲᑎᓯᔪᒪᓪᓗᑕ ᐊᖓᔪᖅᑳᕐᔪᐊᑉ ᕿᑐᕐᖓᖏᓐᓂᒃ ᓄᓕᐊᕆᓚᐅᕐᑕᖓᑕᓗ ᐊᓈᓇᖓᓂᒃ.”

ᐊᑕᓃᑦ ᐂᑉᐸᖏᑦ 14:20

ᑎᒥᖓ ᐅᑎᕈᑦᔭᐅᓚᐅᕐᐳᖅ ᔨᕉᓴᓕᒧᑦ ᕿᒧᒃᓯᐅᑎᑯᑦ; ᐃᓗᕕᕐᑕᐅᕗᕐᓗ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᕆᕙᓚᐅᕐᑕᖏᑕ ᐃᓗᕕᕐᑕᐅᓯᒪᕕᖏᓐᓂ ᑍᕕᑎᐅᑉ ᐃᒡᓗᒐᓴᖏᓐᓂ.

ᐊᑕᓃᑦ ᐂᑉᐸᖏᑦ 15:38

ᔫᑕᒻ ᑐᖁᓚᐅᕐᐳᖅ ᐃᓗᕕᕐᑕᐅᓪᓗᓂᓗ ᐊᖓᔪᖅᑳᕐᔪᐊᓄᑦ ᐃᓗᕕᕐᓯᕕᐅᕙᒃᑐᒧᑦ ᑍᕕᑎᐅᑉ ᐃᒡᓗᒐᓴᒡᔪᐊᖏᓐᓂᒃ ᑍᔭᐅᔪᓄᑦ; ᐃᕐᓂᖓᓗ ᐂᕼᐊᔅ ᐊᖓᔪᖅᑳᕐᔪᐊᓐᖑᓚᐅᕐᐳᖅ ᑖᑦᓱᒪ ᐃᓂᖓᓂ.

ᐊᑕᓃᑦ ᐂᑉᐸᖏᑦ 16:20

ᐂᕼᐊᔅ ᑐᖁᖕᒪᑦ ᐊᖓᔪᖅᑳᕐᔪᐊᑉ ᐃᓗᕕᕐᑕᐅᓯᒪᕕᒋᔭᖏᓐᓂ ᐃᓗᕕᕐᑕᐅᓚᐅᕐᐳᖅ ᑍᕕᑎᐅᑉ ᐃᒡᓗᒐᓴᖏᓐᓂᒃ ᑍᔭᐅᔪᓂ; ᐃᕐᓂᖓᑕ ᕼᐃᓯᑬᐊᐅᑉ ᑭᖑᕝᕕᓕᓚᐅᕆᕚ ᐊᖓᔪᖅᑳᕐᔪᐊᖑᓕᕐᓗᓂᓗ.

ᐊᑕᓃᑦ ᐂᑉᐸᖏᑦ 8:23

ᔨᕼᐅᕌᒥᐅᑦ ᐱᓂᐊᕐᓂᕆᓯᒪᔭᖏᑦ ᑎᑎᕋᕐᑕᐅᓯᒪᕗᑦ ᔫᑕᒥᐅᑦ ᐊᖓᔪᖅᑳᕐᔪᐊᕆᕙᒃᑕᕕᓂᖏᑕ ᑎᑎᕋᖁᑎᖏᓐᓂ.

ᐊᑕᓃᑦ ᐂᑉᐸᖏᑦ 9:28

ᑭᒡᒐᖏᓐᓄᑦ ᑎᒥᖓ ᐱᔭᐅᓪᓗᓂ ᕿᒧᒃᓯᐅᑎᒃᑯᑦ ᐊᒃᓴᓗᐊᓕᒃᑯᑦ ᔨᕉᓴᓕᓕᐊᕈᑦᔭᐅᕗᖅ. ᑍᑲᓂᓗ ᐃᓗᕕᕐᑕᐅᕗᖅ ᓯᕗᓕᕕᓂᖏᑕ ᐃᓗᕕᖃᕐᕕᖓᓂ ᑍᕕᑎᐅᑉ ᐃᒡᓗᒐᓴᖏᓐᓂ.

ᑯᕉᓂᑲ ᓯᕗᓪᓖᑦ 3:11

ᑖᑦᓱᒪ ᐃᕐᓂᖓ ᔪᕌᒻ, ᑖᑦᓱᒪ ᐃᕐᓂᖓ ᐊᕼᐊᔧᐊ, ᑖᑦᓱᒪ ᐃᕐᓂᖓ ᔪᐊᓯ,

ᑯᕉᓂᑲ ᐂᑉᐸᖏᑦ 21:1

ᔨᕼᐆᓴᐸᑦ ᑐᖁᒐᒥ ᓯᕗᓕᒥᓄᑦ ᐃᓚᓕᐅᑎᕗᖅ, ᐃᓗᕕᕐᑕᐅᕗᕐᓗ ᓯᕗᓕᖏᑕ ᐃᓗᕕᖃᕐᕕᖏᓐᓄᑦ ᑍᕕᑎᐅᑉ ᐃᒡᓗᒐᓴᖏᓐᓂ; ᐃᕐᓂᖓᓗ ᔨᕼᐅᕌᒻ ᐃᓇᖏᐅᑎᕗᖅ ᐃᓂᖓᓂ.

ᑯᕉᓂᑲ ᐂᑉᐸᖏᑦ 21:17

ᑕᕝᕙ ᒪᔪᐊᕋᒥᒃ ᔫᑕᒧᑦ, ᓵᓚᒋᓪᓗᒍ ᑎᒍᕚᑦ, ᐊᖓᔪᖅᑳᕐᔪᐊᓪᓗ ᐃᒡᓗᖓᓂ ᐱᖁᑎᓕᒫᖏᑦ ᓇᓂᔭᑎᒃ ᐊᐅᓪᓚᕈᑎᕔᑦ, ᐃᕐᓂᖏᓪᓗ ᓄᓕᐊᖏᓪᓗ, ᐃᕐᓂᖏᓐᓂᒃ ᐊᒥᐊᑯᓚᐅᓐᖏᓛᑦ ᓄᑲᕐᓕᕐᐹᖅ ᔨᕼᐅᐊᕼᐊᔾ ᑖᓐᓇᑐᐊᖅ ᐊᒥᐊᒃᑯᑐᐊᕆᕚᑦ.

ᑯᕉᓂᑲ ᐂᑉᐸᖏᑦ 21:20

32ᓂᒃ ᐊᕐᕌᒍᖃᓕᕐᓗᓂ ᐊᖓᔪᖅᑳᕐᔪᐊᓐᖑᓚᐅᐳᖅ, ᔨᕉᓴᓕᒥ ᐊᐅᓚᑦᓯᓚᐅᕐᐳᖅ ᐊᕐᕌᒍᓂᒃ ᓯᑕᒪᐅᔪᕐᑐᓂᒃ; ᑐᖁᓚᐅᕐᐳᖅ ᓇᓪᓕᐊᓐᓄᓪᓘᓐᓃᑦ ᐅᒡᒍᐊᕆᔭᐅᓇᓂ. ᐃᓗᕕᕐᐹᑦ ᑍᕕᑎᐅᑉ ᐃᒡᓗᒐᓴᖏᓐᓂ, ᐊᖓᔪᖅᑳᕐᔪᐊᑦ ᐃᓗᕕᕐᑕᐅᕕᖏᑦᑕ ᐊᓯᐊᓄᑦ.

ᑯᕉᓂᑲ ᐂᑉᐸᖏᑦ 21:7

ᐊᑕᓂᐅᓪᓕ ᑍᕕᑎᐅᑉ ᑭᖑᕚᖏᑦ ᐊᓯᕈᕈᒪᓚᐅᓐᖏᓔᑦ, ᐊᖏᖃᑎᖃᕐᓯᒪᓂᕐᒥᓂᒃ ᑍᕕᑎᒧᑦ ᐱᑦᔪᑎᖃᕐᓗᓂ, ᐊᖏᕐᕕᒋᓚᐅᕋᒥᐅᒃ ᑭᖑᕚᖏᑦ ᐊᐅᓚᑦᓯᔨᐅᖁᓪᓗᒋᑦ ᐃᓱᖃᖏᑦᑐᒧᑦ.

ᑯᕉᓂᑲ ᐂᑉᐸᖏᑦ 22:1

ᔨᕉᓴᓕᒥᐅᑦ ᐃᓄᖏᑦ ᐊᖓᔪᖅᑳᕐᔪᐊᕈᕐᑎᑦᓯᕗᑦ ᐊᕼᐊᔧᐊᒥᒃ ᐊᖓᔪᖅᑳᕐᔪᐊᑉ ᐃᕐᓂᖏᓐᓂᑦ ᓄᑲᕐᓕᕐᐹᒥᒃ, ᐊᕐᓵᕐᑎᕆᔩᑦ ᐋᕋᑉᒥᐅᑦ ᑐᖁᕅᓚᐅᕐᒪᑕ ᐊᖓᔪᓕᒫᖏᓐᓂᒃ. ᑍᒤᒻᒪᑦ ᐊᕼᐊᔧᐊ ᔨᕼᐅᕌᒻᒥᐅᑉ ᐃᕐᓂᖓ ᐊᖓᔪᖅᑳᕐᔪᐊᕈᕐᐳᖅ ᔫᑕᒧᑦ ᐊᐅᓚᑦᓯᓕᕐᓗᓂᓗ.

ᑯᕉᓂᑲ ᐂᑉᐸᖏᑦ 22:6

ᐅᑎᕐᐳᕐᓗ ᔨᔭᕆᐅᓪᒧᑦ ᐃᑭᓕᕐᑕᐅᓯᒪᓂᕐᒥᓂᑦ ᒪᒥᑦᓯᕈᒪᓪᓗᓂ ᕌᒪᒥ, ᐅᓇᑕᕐᑎᓪᓗᒋᑦ ᐊᖓᔪᖅᑳᕐᔪᐊᕐᒥᒃ ᕼᐊᔧᐅᓪᒥᒃ ᓯᕆᐊᒥᐅᑕᕐᒥᒃ. ᐊᕼᐊᔧᐊᐅᓪᓗ ᔫᑕᒥ ᐊᖓᔪᖅᑳᕐᔪᐊᑉ ᔨᕼᐅᕌᒻ ᐃᕐᓂᖓᑕ ᔨᕼᐅᕌᒻ ᐂᕼᐊᑉ ᐃᕐᓂᖓ ᑕᑯᔭᕐᑐᕐᐹ ᔨᔭᕆᐅᓪᒧᑦ, ᖃᓂᒪᓂᖓᓄᑦ.

ᑯᕉᓂᑲ ᐂᑉᐸᖏᑦ 25:23

ᑕᕝᕙ ᔪᐊᓯ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓ ᑎᒍᓯᕗᖅ ᐊᒪᔧᐊᒥᒃ ᔫᑕᐅᑉ ᐊᖓᔪᖅᑳᕐᔪᐊᖓᓂᒃ, ᔪᐊᓯᐅᑉ ᐃᕐᓂᖓᓂᒃ, ᔨᕼᐅᐊᕼᐊᔨᐅᑉ ᐃᕐᖑᑕᖓᓂᒃ, ᐱᑦ-ᓯᒥᔅᒥ; ᔨᕉᓴᓕᒧᐊᕈᑎᕚᓗ, ᐊᕙᓗᕐᔪᐊᖓᓗ ᔨᕉᓴᓕᐅᑉ ᓱᕋᒃᑎᕐᐹ ᐃᕗᕅᒻ ᐃᑎᕐᑕᕐᕕᖓᓂᑦ ᑎᕆᖅᑯᒥᒃ ᐊᑎᓕᖕᒧᑦ ᐃᑎᕐᑕᕐᕕᖕᒧᑦ ᑎᑭᓪᓗᒍ 200ᓂᒃ ᐆᒃᑑᑎᓂᒃ ᑕᑭᓂᓕᖕᒥᒃ.