ᐊᑕᓃᑦ ᐂᑉᐸᖏᑦ 8:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᕼᐊᔧᐅᓪᓗ ᐅᖃᐅᑎᕚ, “ᖃᓄᕐᓕ ᑭᒡᒐᕆᔧᑦ, ᕿᒻᒥᐅᖏᓪᓗᓂ ᑍᒫᓗᐊᕌᓗᒃ ᐱᔪᓐᓇᕈᒫᕐᐹ?” ᐃᓔᓴᐅᑉ ᑭᐅᕚ, “ᐊᑕᓂᐅᑉ ᑕᑯᑎᑦᓴᕇᓚᐅᕐᒪᖓ, ᓯᕆᐊᒥᐅᓄᑦ ᐊᖓᔪᖅᑳᕐᔪᐊᓐᖑᕈᒫᕐᓂᕐᓂᒃ.”

ᐊᑕᓃᑦ ᐂᑉᐸᖏᑦ 8:13 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 9:8

ᒥᐱᐳᓯᑎᓕ ᐅᑯᒋᐊᓪᓚᒃᐳᖅ ᐅᖃᕐᓗᓂᓗ, “ᐱᐅᓂᕐᓴᐅᓐᖏᓚᖓ ᕿᒻᒥᒥᑦ ᑐᖁᖓᔪᒥᑦ ᐊᖓᔪᖅᑳᒃ! ᓱᖕᒪᑦ ᐱᑦᓯᐊᕆᐊᖃᕐᐱᖓ?”

ᐊᑕᓃᑦ ᓯᕗᓪᓖᑦ 19:15

ᐊᑕᓂᐅᓪᓗ ᐅᖃᐅᑎᕚ, “ᐅᑎᓕᕆᑦ, ᑕᒫᓯᑰᓯᐅᑉ ᐃᓄᖃᔪᐃᑦᑐᖓᒎᕐᓗᑎᑦ; ᑎᑭᒃᑯᕕᑦ, ᕼᐊᔧᐅᓪ ᒥᖑᐊᓛᕐᐸᑦ ᐊᖓᔪᖅᑳᕐᔪᐊᓐᖑᖁᓪᓗᒍ ᓯᕆᐊᒧᑦ.

ᐊᑕᓃᑦ ᐂᑉᐸᖏᑦ 13:22

ᕼᐊᔧᐅᓕ ᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᐃᓴᕆᐊᓕᒥᐅᑉ ᓵᓚᒋᓯᒤᓐᓇᓚᐅᕐᐰᑦ ᔨᕼᐅᐊᕼᐊᔨ ᐊᖓᔪᖅᑳᕐᔪᐊᖑᓂᓕᒫᖓᓂ ᐃᓴᕆᐊᓕᒥᐅᓄᑦ.

ᐊᑕᓃᑦ ᐂᑉᐸᖏᑦ 8:10

ᐃᓔᓴᐅᑉ ᑭᐅᕚ, “ᐂᓕᕆᑦ, ᐅᖃᐅᑎᓗᒍᓗ ᐋᖅᑭᖕᓂᐊᕐᐳᑎᑦ; ᐊᑕᓂᐅᓪᓕ ᑕᑯᑎᓚᐅᕐᐹᖓ ᐃᓅᑦᔮᖏᓐᓂᖓᓂᒃ.”

ᐃᓐᖏᕈᑎᑦ 22:16

ᕿᒻᒦᑦ ᐊᕙᑎᓕᒫᓐᓃᑉᐳᑦ; ᐱᐅᖏᑦᑐᓕᔪᑦ ᑲᑐᑦᔨᔪᑦ ᐃᓗᒪᕚᖓ. ᐊᒡᒐᒃᑲ ᐃᑎᒐᒃᑲᓗ ᐳᑐᕔᑦ;

ᐃᓐᖏᕈᑎᑦ 22:20

ᓴᕕᒡᔪᐊᒥᑦ ᓴᐳᑎᓚᐅᓐᖓ, ᐃᓄᓯᕋᓗ ᕿᒻᒥᐅᑉ ᐱᔪᓐᓇᕐᓂᖓᓂᑦ ᓴᐳᑎᓗᒍ.

ᔨᕆᒤᐊᐅᑉ ᐊᒡᓚᖏᑦ 17:9

ᐆᒻᒪᑎᓕ ᐅᐃᕖᓐᓂᕐᐹᖑᕗᖅ ᓱᓇᓕᒫᓂᑦ, ᐱᐅᖏᑦᑐᕐᔪᐊᖑᓪᓗᓂᓗ; ᑭᐊᓕ ᑐᑭᓯᔪᓐᓇᕐᐸᐅᒃ?

ᒤᑲᐅᑉ ᐊᒡᓚᖏᑦ 2:1

ᑲᑉᐱᐊᓐᓇᒦᒃ ᐱᐅᖏᑦᑐᓂᒃ ᐃᓱᒪᒃᓴᕐᓯᐅᕈᑎᖃᕐᑐᑦ, ᐱᐅᖏᑦᑐᒥᒡᓗ ᐅᐸᓗᖎᔭᐅᑎᖃᕐᑐᑦ ᐅᓐᓄᐊᒃᑯᑦ ᐃᒡᓕᕐᒥᖕᓂ! ᐅᓪᓛᖓᓂᓗ ᐱᐅᖏᑦᑐᓂᒃ ᑲᔪᓯᑎᑦᓯᔪᑦ, ᑍᒤᓕᐅᕐᐳᑦ ᐱᔪᓐᓇᕐᓂᕐᒥᒃ ᑐᓂᓯᕕᐅᓯᒪᒐᒥᒃ.

ᒫᑎᐅᓯᐅᑉ ᐊᒡᓚᖏᑦ 7:6

“ᐃᑦᔪᕐᓁᑦᑐᒥᒃ ᑐᓂᓯᓂᐊᕋᓯ ᕿᒻᒥᓄᑦ; ᓴᐸᖓᖁᑎᓯᓗ ᐊᑭᑐᔪᑦ ᐃᒋᓐᓂᐊᕐᓇᒋᑦ ᑰᒃᑰᓰᑦ ᓯᕗᓂᖓᓐᓄᑦ, ᑖᒃᑯᓇᓐᖓᑦ ᑐᓪᓕᕋᕐᑕᐅᑐᐃᓐᓇᕋᔭᕐᒪᑕ ᐃᓕᖕᓄᓪᓗ ᓵᓪᓗᑎᒃ ᐹᔭᐅᑐᐃᓐᓇᕆᐊᖃᕋᕕᑦ.”

ᐱᓕᐱᒥᐅᓄᑦ 3:2

ᓯᓔᕐᕆᔭᐅᑦᑍᓕᒋᑦᓯ ᕿᒻᒥᓄᑦ, ᓯᓔᕐᕆᔭᐅᑦᑍᓕᒋᑦᓯ ᐱᐅᖏᑦᑐᒥᒃ ᐱᓇᓱᐊᕐᑐᓄᑦ, ᓯᓔᕐᕆᔭᐅᑦᑍᓕᒋᑦᓯ ᑎᒥᐅᑉ ᐃᓚᖓᓂᒃ ᓇᑲᑎᕆᔨᓄᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:15

ᐃᒡᓗᒐᓴᒡᔪᐊᓪᓕ ᓯᓚᑖᓃᑉᐳᑦ ᕿᒻᒦᑦ ᐊᖓᒃᑰᓇᓱᐊᕐᑐᓪᓗ ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐃᓄᐊᕐᑏᓪᓗ, ᒎᑎᓐᖑᐊᓖᓪᓗ, ᓴᒡᓗᑐᔪᓪᓗ ᐅᖃᐅᓯᕐᒥᒃᑎᒍᑦ ᐱᓂᐊᕐᓂᕐᒥᒃᑎᒍᓪᓗ.

ᓴᒧᐃᓕ ᓯᕗᓪᓖᑦ 17:43

ᐱᓕᔅᑍᓂᒥᐅᕐᓗ ᐅᖃᕐᐳᖅ ᑍᕕᑎᒧᑦ, “ᕿᒻᒥᐅᕗᖔ, ᕾᒐᕕᑦ ᐊᔭᐅᑉᐱᐊᓕᔭᕐᓗᑎᑦ?” ᑍᕕᑎᓗ ᐅᖃᕐᓂᕐᓘᑎᒋᕚ ᒎᑎᒋᔭᓂ ᑍᓪᓗᓂᐅᒃ.