ᐊᑕᓃᑦ ᐂᑉᐸᖏᑦ 6:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᓴᒥᐊᕆᐊᕐᒥᐅᑦ ᓂᕾᕈᑎᒐᒥᒃ ᑳᒃᑐᐊᓘᓕᕐᐳᑦ ᐃᒡᓗᒐᓴᒡᔪᐊᓂᑦ ᐊᓂᑦᔧᕐᑎᑕᐅᓯᒪᓂᖓ ᐊᑯᓂᐊᓘᓕᕐᒪᑦ ᑳᖕᓂᑯᒧᑦ ᓯᐅᑎᖅᑯᕐᑐᔫᑉ ᓂᐊᖁᐊ ᐊᑭᖃᓕᓚᐅᕐᐳᖅ 80ᓂᒃ ᓯᐅᓪᕕᕆᓂᒃ; ᑎᖕᒥᐊᓪᓗ ᑑᕖᑦ ᐊᓇᖓ ᐊᑕᐅᓯᕐᒥᒃ ᐅᖁᒤᓐᓂᓕᒃ ᑕᓪᓕᒪᓂᒃ ᓯᐅᓪᕕᕆᓂᒃ ᐊᑭᖃᓕᕐᓗᓂ.

ᐊᑕᓃᑦ ᐂᑉᐸᖏᑦ 6:25 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 41:55

ᐄᑦᔨᑉᑎᐅᓪᓕ ᓄᓇᖓᓂ ᑕᒤᓐᓂ ᑳᖕᓇᕐᑐᕐᔪᐊᖅ ᐱᕙᓪᓕᐊᓕᕐᒪᑦ, ᐃᓄᐃᑦ ᐰᕉᒧᑦ ᑐᒃᓯᕋᖃᑦᑕᓕᕐᐳᑦ ᓂᕿᒃᓴᑖᕈᒪᓪᓗᑎᒃ; ᐰᕉᓪᓗ ᑕᒪᕐᒥᒃ ᐄᑦᔨᑉᑎᒥᐅᑦ ᐅᖃᐅᑎᕔᑦ, “ᔫᓯᐱᒧᑦ ᑕᑯᓂᐊᓕᕆᑦᓯ; ᖃᓄᑐᐃᓐᓇᖅ ᐱᖁᑐᐊᕐᐸᓯ ᓈᓚᑦᓯᐊᕐᓗᒍ ᐱᓂᐊᕐᑐᒃᓴᐅᕗᓯ.”

ᐊᑕᓃᑦ ᓯᕗᓪᓖᑦ 18:2

ᑕᕝᕙ ᐃᓔᑦᔭ ᐂᓕᕐᐳᖅ ᐅᐸᒍᑎᓪᓗᓂ ᐂᕼᐊᑉᒧᑦ. ᑳᖕᓇᕐᑐᕐᔪᐊᖅ ᐱᕕᒡᔪᐊᓕᕐᑎᓪᓗᒍ ᓴᒥᐊᕆᐊᒥ.

ᐊᑕᓃᑦ ᐂᑉᐸᖏᑦ 25:3

ᑕᖅᑮᑦ ᓯᑕᒪᖓᑦᑕ ᐅᓪᓗᖏᑕ 9ᒋᓕᕐᑕᖓᓂ ᐊᕐᕌᒍᒥ ᑕᕝᕙᓂᑦᓮᓐᓇᖅ, ᑳᖕᓇᕐᑐᕐᔪᐊᖃᓕᕐᐳᖅ ᐃᓄᐃᑦ ᓂᕆᔭᒃᓴᖃᕈᓐᓁᕐᓗᑎᒃ.

ᐊᑕᓃᑦ ᐂᑉᐸᖏᑦ 6:26

ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦ ᐊᖅᑯᓵᕐᑎᓪᓗᒍ ᐊᕙᓗᕐᔪᐊᑉ ᑭᒡᓕᖓᒍᑦ, ᐊᕐᓇᒧᑦ ᓂᓪᓕᐊᕕᐅᓕᕐᐳᖅ, “ᐊᑕᓃᖅ ᐊᖓᔪᖅᑳᕐᔪᐊᖅ, ᐃᑲᔪᓚᐅᓐᖓ.”

ᐊᑕᓃᑦ ᐂᑉᐸᖏᑦ 7:12

ᐊᖓᔪᖅᑳᕐᔪᐊᖅ ᐅᓐᓄᐊᒥ ᒪᑭᓐᓇᒥ ᐊᖓᔪᖅᑳᖁᑎᓂ ᐅᖃᐅᑎᕔᑦ, “ᓯᕆᐊᒥᐅᑦ ᐃᓱᒪᒋᔭᖓᑦ ᖃᐅᔨᒪᔭᕋ, ᖃᐅᔨᒪᒐᒥᒃ ᓂᕿᓴᖃᖏᓐᓂᕐᒧᑦ ᑳᒃᑐᐊᓘᓂᑦᑎᓐᓂᒃ ᑐᐱᑎᒃ ᓱᕐᕋᖕᓇᒋᑦ ᐱᔮᕆᓪᓗᑎᒃ ᕿᒤᓐᖑᐊᕐᐳᑦ ᑕᖕᒫᕐᓯᒪᕕᒋᔭᒥ ᓯᓛᑖᓂ ᐃᔨᕐᓯᒪᔪᒪᓪᓗᑎᒃ, ᐃᓱᒪᔪᑦ ᓇᓗᓇᖏᒻᒪᑦ ᐃᒫᒃ, ᐃᓴᕆᐊᓕᒥᐅᑦ ᑕᑯᔭᕐᑐᕐᓂᐊᕐᑐᑦ ᓇᓗᓇᓐᖏᓚᖅ ᐃᒡᓗᒐᓴᒡᔪᐊᓂᑦ ᐊᓂᒍᑦᑕ ᑎᕐᓕᓈᕆᓗᑎᒃ ᐅᕙᑦᑎᓐᓂᒃ ᑎᒍᓯᔪᒪᓪᓗᑎᒃ.”

ᐊᑕᓃᑦ ᐂᑉᐸᖏᑦ 7:4

ᐃᒡᓗᒐᓴᒡᔪᐊᓄᑦ ᐃᑎᕈᒪᒐᓗᐊᕈᑦᑕ ᑳᒃᑐᐊᓘᖕᒪᑕ ᑐᖁᑐᐃᓐᓇᕐᓂᐊᕐᐳᒍᑦᑕᐅᖅ, ᑕᒫᓃᑐᐃᓐᓇᕋᓗᐊᕈᑦᑕᓗ ᓱᓕ ᑐᖁᕕᒃᓴᑦᑎᓐᓃᑉᐳᒍᑦ, ᐊᑏ ᓯᕆᐊᒥᐅᑦ ᑕᖕᒫᕐᓯᒪᕕᖓᓄᑦ ᐂᓗᑕ ᐅᕙᑦᑎᓐᓂᒃ ᑎᒍᔭᐅᑎᑐᐃᓐᓇᓚᐅᕐᑕ ᑐᖁᓴᕐᑕᐅᖏᒃᑯᑕ ᐃᓅᕕᒃᓴᖃᕐᓂᕐᓴᐅᓂᐊᕐᐳᒍᑦ ᑐᖁᑕᐅᒍᓗᐊᕈᑦᑕᓗ ᑐᕌᕐᑕᕗᑦ ᐊᑑᑎᑐᐃᓐᓇᕐᓂᐊᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 14:18

ᐱᕈᕐᓰᕕᖕᒧᐊᕈᒪ, ᑕᑯᒋᑦ, ᓇᓂᑐᐃᓐᓇᖅ ᓴᕕᒡᔪᐊᒧᑦ ᑐᖁᑕᕕᓂᕐᓂᒃ ᑕᑯᕗᖓ, ᐃᒡᓗᒐᓴᖕᓄᐊᕋᒪᓗ, ᑕᑯᒋᑦ, ᐱᕐᓕᕋᕐᑐᕕᓂᕐᓂᒃ ᑕᑯᒋᕗᖓ, ᓇᓚᐅᑦᑍᔪᑦ ᑐᓂᕐᕈᓯᕐᑎᑦᓯᔩᓪᓗ ᑕᒪᕐᒥᒃ, ᑲᔪᓯᕗᑦ ᐱᓇᓱᐊᕐᑕᒥᖕᓂᒃ ᖃᐅᔨᒪᓇᑎᒃ.”

ᔨᕆᒤᐊᐅᑉ ᐊᒡᓚᖏᑦ 32:24

“ᑕᑯᒋᑦ, ᐃᑳᕈᑎᕐᔪᐊᑦ ᐃᒡᓗᒐᓴᒡᔪᐊᓂᑦ ᓵᓚᒃᓴᕈᑕᐅᓂᐊᕐᑐᑦ ᐋᖅᑭᒃᓯᒪᓕᕐᐳᑦ, ᐅᓇᑕᕐᓂᖃᓕᕐᒪᑦ ᑳᖕᓇᕐᑐᕐᔪᐊᖃᓕᕐᐳᖅ ᐋᓐᓂᐊᓇᕐᑐᖃᓕᕐᓗᓂᓗ ᓇᓗᓇᕈᓐᓃᕐᐳᑦ ᑲᐅᓪᑎᐊᒥᐅᓄᑦ ᐃᒡᓗᒐᓴᒡᔪᐊᑦ ᐱᔭᐅᓂᐊᓕᕐᑐᑦ. ᐅᖃᐅᓯᕆᓚᐅᕐᑍᑦ ᓇᓪᓕᐅᑎᕗᖅ, ᑕᑯᒋᓪᓗ, ᑕᒪᓐᓇ ᑕᑯᓕᕐᐹᑦ.

ᔨᕆᒤᐊᐅᑉ ᐊᒡᓚᖏᑦ 52:6

ᑕᖅᑮᑦ ᓯᑕᒪᒋᓕᕐᑕᖓᓐᓂ ᐅᓪᓗᖏᑦᑕ 9ᖓᓐᓂ ᑳᖕᓇᕐᑐᕐᔪᐊᖃᓕᓚᐅᕐᐳᖅ ᑕᕝᕙᓂ, ᐃᓄᐃᑦ ᓂᕿᒃᓮᕈᑎᓚᐅᕐᒪᑕ.

ᐃᓯᑭᐊᓕᐅᑉ ᐊᒡᓚᖏᑦ 4:17

ᑍᒤᓕᐅᕐᕕᒋᔪᒫᕐᐸᒃᑲ ᓂᕿᒃᓮᕈᑎᓗᑎᒃ ᐃᒥᒃᓮᕈᑎᓗᑎᒡᓗ, ᐃᓱᒪᔮᕐᓗᑎᒃ ᐃᒻᒥᖕᓄᑦ ᑕᑯᓴᖃᑦᑕᐅᑎᔪᒫᕐᐳᑦ, ᐊᔪᕐᓴᕐᓂᕐᒧᑦ ᓄᖑᑉᐸᓪᓕᐊᓕᕈᒫᕐᐳᑦ ᐊᔪᕐᑐᓕᓯᒪᓂᕐᒥᖕᓄᑦ ᓱᒋᐊᕐᑕᐅᓕᕈᑎᒃ.”

ᒨᓯᓯ ᐱᖓᔪᖏᑦ 26:26

ᓂᕿᒃᓴᓯ ᐃᓕᑦᓯᓐᓄᑦ ᑎᑭᒍᓐᓁᓪᓕᑎᒃᑯᑭᑦ, ᐊᕐᓁᑦ ᖁᓕᑦ ᐃᒐᒥᒃ ᐊᑕᐅᓯᕐᒥᒃ ᓂᕿᓕᐅᕐᓂᕐᒧᑦ ᓈᒻᒪᒋᔭᖃᓕᕋᔭᕐᐳᑦ, ᓂᐊᖂᔭᑉ ᐅᖁᒤᓐᓂᖓ ᒪᓕᒡᓗᒍ ᐊᒡᒍᕐᑕᐅᓗᓂ ᓂᕆᑎᑕᐅᖃᑦᑕᓕᕐᓗᓯ, ᓂᕆᓂᐊᕐᑕᓯ ᓄᖑᒃᑲᓗᐊᕈᑦᓯᐅᒃ ᓱᓕ ᐊᕿᐊᑦᑐᕈᓐᓁᓪᓕᓗᓯ.