ᐊᑕᓃᑦ ᐂᑉᐸᖏᑦ 6:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᓯᕆᐊᒥᐅᑦ ᐅᓇᑕᕐᑎᖁᑎᖏᑦ ᕾᒋᐊᓯᖕᒪᑕ, ᐃᓔᓴ ᑐᒃᓯᐊᕐᐳᖅ, “ᐊᑕᓃᖅ ᐅᑯᐊ ᐃᓄᐃᑦ ᐱᒋᐊᓚᐅᒃᑭᑦ, ᑐᒃᓯᐊᕐᕕᒋᕙᒋᑦ, ᑕᐅᑐᒍᓐᓃᕐᑎᓪᓗᒋᑦ.” ᐊᑕᓂᐅᑉ ᐱᒋᐊᕐᐰᑦ ᑕᐅᑐᒍᓐᓃᕐᑎᑕᐅᕗᓪᓗ ᐃᓔᓴᐅᑉ ᑐᒃᓯᐊᕐᓂᖓ ᒪᓕᒃᓗᒍ.

ᐊᑕᓃᑦ ᐂᑉᐸᖏᑦ 6:18 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 19:11

ᐊᖑᑎᓪᓗ ᑕᐅᑐᒍᓐᓃᕐᑎᑉᐰᑦ, ᐹᖓᑕ ᓯᓚᑖᓃᑦᑐᑦ, ᐃᓅᓱᒃᑐᑦ ᐃᓄᑐᕾᓪᓗ, ᐃᒡᓘᑉ ᒪᑐᐊᓂᒃ ᓇᓂᓯᓇᓱᒡᓗᑎᒃ ᓴᐱᓕᖁᓪᓗᒋᑦ.

ᐊᑕᓃᑦ ᐂᑉᐸᖏᑦ 6:19

ᐃᓔᓴᐅᑉ ᐅᐸᒡᓗᓂᒋᑦ ᐅᖃᐅᑎᕔᑦ, “ᐊᖅᑯᑎᒃᑯᑦ ᐊᑐᕐᓂᐊᓐᖏᑕᑦᓯᒎᕐᓂᕋᑦᓯ ᓄᓇᓖᑦ ᐅᑯᐊ ᐅᐸᒐᓱᐊᕐᑕᓯ ᑖᒃᑯᐊᖑᖏᒻᒪᑕ, ᒪᓕᓕᕐᓯᓐᖓ ᐊᖑᒻᒧᑦ ᕿᓂᕐᑕᑦᓯᓐᓄᑦ ᐂᑎᓐᓂᐊᕋᑦᓯ.” ᑕᕝᕙ ᓴᒥᐊᕆᐊᒧᑦ ᐂᑎᑉᐰᑦ.

ᔫᐱᐅᑉ ᐊᒡᓚᖏᑦ 5:14

ᑖᕐᑐᒥ ᑲᑎᖃᑦᑕᕐᐳᑦ ᐅᓪᓘᑎᓪᓗᒍ, ᐅᓪᓗᓪᓗᐊᖑᑎᓪᓗᒍᓗ ᑲᑎᕙᒃᓱᑎᒃ ᐅᓐᓄᐊᕐᓯᐅᕐᑐᑎᑐᑦ.

ᕼᐆᓯᐊᑉ ᐊᒡᓚᖏᑦ 1:7

ᔫᑕᐅᓪᓕ ᑭᖑᕚᖏᑦ ᓂᑲᒋᓂᐊᕐᐸᒃᑲ, ᐱᐅᓕᔪᒫᕐᓗᒋᓪᓗ ᐊᑕᓂᒃᑯᑦ ᒎᑎᖓᑦᑎᒍᑦ; ᐱᐅᓕᓂᐊᓐᖏᓚᒃᑲᓕ ᐱᑎᒃᓯᒧᑦ ᓴᕕᒡᔪᐊᒧᓪᓘᓐᓃᑦ, ᐅᓇᑕᕐᓂᒃᑯᓪᓘᓐᓃᑦ, ᕿᒻᒥᕐᔪᐊᑎᒍᓪᓘᓐᓃᑦ, ᕿᒻᒥᕐᔪᐊᒥ ᐃᑭᒪᔪᑎᒍᓪᓘᓐᓃᑦ.”

ᓴᑲᕅᐊᐅᑉ ᐊᒡᓚᖏᑦ 12:4

ᐊᑕᓂᖅ ᐅᖃᕐᐳᖅ, ᐅᓪᓗᖅ ᑕᒪᓐᓇ ᓇᓪᓕᐅᑎᒃᐸᑦ, ᕿᒻᒥᕐᔪᐊᓕᒫᑦ ᑕᑕᒥᑎᑦᓱᒫᕐᐸᒃᑲ, ᐃᑭᒪᔪᓪᓗ ᑐᑭᖃᕈᓐᓁᕐᑎᓪᓗᒋᑦ: ᔫᑕᒥ ᓄᓇᖃᕐᑐᑦ ᐃᔨᓐᓄᑦ ᑕᑯᓐᓈᕈᒫᕋᒃᑭᑦ, ᐃᓄᐃᓪᓗ ᓄᓇᓂᑦ ᐊᓯᖏᓐᓂᑦ ᐱᓯᒪᔪᑦ ᕿᒻᒥᕐᔪᐊᖏᑦ ᑕᐅᑐᒍᓐᓁᕐᑎᑦᓱᒫᕐᐸᒃᑲ.

ᔪᐊᓇᓯᐅᑉ ᐊᒡᓚᖏᑦ 12:40

“ᒎᑎᐅᑉ ᐃᔨᖏᑦ ᑕᒃᐲᑎᓚᐅᕐᐰᑦ ᐆᒻᒪᑎᖏᓪᓗ ᓯᑎᑎᑉᐰᑦ, ᐃᔨᒥᖕᓄᑦ ᑕᑯᖁᓇᒋᑦ ᐆᒻᒪᑎᒥᖕᓄᓪᓗ ᑐᑭᓯᖁᓇᒋᑦ, ᐅᕙᓐᓄᓪᓗ ᓵᒋᐊᖁᓇᒋᑦ, ᐋᖅᑭᒃᑕᐅᖁᓇᒋᓪᓗ.”

ᔪᐊᓇᓯᐅᑉ ᐊᒡᓚᖏᑦ 9:39

ᔩᓱᓯ ᐅᖃᕐᐳᖅ, “ᐃᖅᑲᕐᑐᐃᔭᕐᑐᕐᓗᖓ ᓯᓚᕐᔪᐊᕐᒧᑦ ᑎᑭᑉᐳᖓ, ᑕᐅᑐᖏᑦᑐᑦ ᑕᐅᑐᓕᖁᓪᓗᒋᑦ, ᑕᐅᑐᒃᑐᓪᓗ ᑕᐅᑐᒍᓐᓃᖁᓪᓗᒋᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 13:11

ᒫᓐᓇ ᑕᑯᒋᑦ, ᐊᑕᓂᐅᑉ ᓱᒋᐊᕐᓂᐊᕐᐹᑎᑦ, ᑕᐅᑐᒍᓐᓃᕐᓂᐊᕐᐳᑎᑦ ᐊᑯᓂ ᓯᕿᓂᕐᒥᒃ ᑕᑯᔪᓐᓁᓪᓕᓂᐊᕐᐳᑎᑦ.” ᑕᕝᕔᓐᓇᖅ ᐃᓔᒪᓯᐅᑉ ᑕᐅᑐᒃᑕᖓ ᐳᔪᕐᒧᑦ ᑖᕐᑐᒧᑦ ᐅᓕᒃᑕᐅᕗᖅ, ᑕᒪᐅᖓᑐᐃᓐᓇᖅ ᕿᓂᓕᕐᐳᖅ ᑕᓯᐅᕐᑎᒃᓴᒥᓂᒃ.

ᕉᒪᒥᐅᓄᑦ 11:7

ᖃᓄᕐᓕ ᑍᒪ? ᐃᓴᕆᐊᓕᒥᐅᑦ ᕿᓂᕐᑕᒥᖕᓂᒃ ᐱᖏᒻᒪᑕ, ᒎᑎᐅᓪᓕ ᓂᕈᐊᕐᓯᒪᔭᖏᑕ ᑭᓯᒥ ᐅᓄᖏᑦᑐᑦ ᓇᓂᕚᑦ; ᐊᓯᖏᓪᓕ ᐱᔭᕐᓂᖏᑦᑑᓇᓱᐊᕐᐳᑦ.

ᒨᓯᓯ ᑕᓪᓕᒪᖏᑦ 28:28

ᐊᑕᓂᐅᑉ ᐃᓱᒤᕈᑎᑎᑦᓱᒫᕐᐹᓯ; ᐊᓇᐅᔪᒫᕐᐹᓯᓗ ᑕᐅᑐᒍᓐᓁᕐᑎᓪᓗᓯ ᓇᓗᓕᕐᑎᓪᓗᓂᓯᓗ.