ᐊᑕᓃᑦ ᐂᑉᐸᖏᑦ 5:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᒋᕼᐋᓯᐅᑉ ᑭᐅᕚ, “ᖃᓄᐃᑦᑐᖃᖏᑦᑐᖅ, ᐊᖓᔪᖅᑳᒪ ᐅᖃᕆᐊᕐᑐᖁᖕᒪᖓ, ‘ᐃᓅᓱᒃᑑᒃ ᒪᕐᕉᒃ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑕ ᐃᓚᖏᒃ ᑎᑭᖅᑲᐅᖕᒪᑎᒃ ᑕᑉᐹᓐᖓᑦ ᐃᕗᕅᒻ ᖃᖅᑲᖓᓂᕐᒥᐅᓂᑦ ᐱᑎᑕᐅᔪᓐᓇᕐᒪᖔᑕ 3,000ᓂᒃ ᑮᓇᐅᔭᓂᒃ ᒎᓗᓂᒃ ᐊᓐᓄᕌᓂᒡᓗ ᖃᐅᔨᒋᐊᕐᑐᕐᑎᑕᐅᕗᖓ.’”

ᐊᑕᓃᑦ ᐂᑉᐸᖏᑦ 5:22 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 13:18

ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᑐᖃᖓ ᐱᑦᑎᓕᒥᐅᑕᖅ ᐅᖃᓕᕐᐳᖅ ᑖᑦᓱᒧᖓ, “ᐅᕙᖓᑦᑕᐅᖅ ᒎᑎᒧᑦ ᐅᖃᕐᑎᒋᔭᐅᕗᖓ ᐃᕝᕕᑎᑐᑦ, ᐊᑕᓂᖅ ᑎᓕᓯᓯᒪᕗᖅ ᐂᖏᓕᒥᒃ ᐅᖃᐅᑎᔭᐅᖁᓪᓗᑎᑦ ᐊᖏᕐᕋᐅᖃᑎᒋᔭᕆᐊᖃᕋᒃᑭᑦ ᓂᕆᓗᑎᑦ ᐃᒥᕈᓐᓇᖁᓪᓗᑎᑦ.” ᑭᓯᐊᓂ ᑖᓐᓇ ᓴᒡᓗᓪᓗᓂ ᑍᒫᒃ ᐅᖃᕐᐳᖅ.

ᐊᑕᓃᑦ ᓯᕗᓪᓖᑦ 20:35

ᐊᖑᑎᖃᓚᐅᕐᐳᖅ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᐃᕐᓂᖓᓂᒃ ᐅᖃᕐᑎᐅᖃᑎᒥᓄᑦ ᐅᖃᕐᐳᖅ ᐊᑕᓂᐅᑉ ᐱᖁᔨᓂᖓ ᒪᓕᒡᓗᒍ, “ᑎᒡᓗᓚᐅᓐᖓ” ᐊᖑᑎᐅᓪᓕ ᑎᒡᓗᒍᒪᓐᖏᓛ.

ᐊᑕᓃᑦ ᓯᕗᓪᓖᑦ 20:39

ᐊᖓᔪᖅᑳᕐᔪᐊᖅ ᐊᖅᑯᓵᓕᕐᒪᑦ, ᐊᖓᔪᖅᑳᕐᔪᕐᒧᑦ ᕾᒐᓛᕐᓗᓂ ᐅᖃᕐᐳᖅ, “ᐱᔩᑦ ᐅᓇᑕᕐᑐᓃᓚᐅᕐᐳᖅ, ᑕᑯᒋᓪᓗ, ᐅᓇᑕᕐᑎ ᕾᓪᓗᓂ ᐅᕙᓐᓄᑦ ᐊᖑᒻᒥᒃ ᕾᑦᓯᓚᐅᕐᐳᖅ, ᐅᖃᕐᓗᓂᓗ, ‘ᐅᓇ ᐊᖑᑦ ᑲᒪᒋᒍᒃ; ᕿᒪᒃᓯᑐᐊᕐᐸᑦ, ᐃᓅᓯᖓ ᐃᓅᓯᕐᓄᑦ ᐊᑭᓕᕐᑕᐅᔪᒃᓴᐅᕗᖅ, ᐅᕝᕙᓘᓐᓃᑦ ᐊᑭᓖᔪᒃᓴᐅᕗᑎᑦ ᓯᐅᓪᕕᕆᒥᒃ ᐊᑕᐅᓯᕐᒥᒃ.’

ᐊᑕᓃᑦ ᐂᑉᐸᖏᑦ 2:15

ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ ᔨᕆᑯᒥᑦ ᐱᓯᒪᔪᑦ ᑕᐅᑐᒃᑲᒥᒃ ᐅᖃᓕᕐᐳᑦ, “ᐊᓂᕐᓂᖅ ᐃᓔᑦᔭᒦᓚᐅᕐᑐᖅ ᐃᓔᓴᒦᓕᕐᐳᖅ.” ᐹᕆᐊᕐᑐᕐᓗᓂᑦᔪᒃ ᓵᖓᓄᐊᕐᓗᑎᒃ ᒪᓂᖅᑲᒧᑦ ᐹᒻᒪᒡᕕᒋᕚᑦ.

ᐊᑕᓃᑦ ᐂᑉᐸᖏᑦ 2:3

ᒎᑎᐅ ᐱᔪᖃᓛᕐᑐᒥᒃ ᐅᖃᕐᑎᖏᑦ ᐱᑎᓕᒦᑦᑐᑦ ᐃᓔᓴ ᐅᐸᒡᓗᒍ ᐅᖃᐅᑎᕚᑦ, “ᖃᐅᔨᒪᕖᑦ ᐊᖓᔪᖅᑳᑦ ᐊᑕᓂᕐᒧᑦ ᐅᓪᓗᒥ ᐂᔭᐅᓂᐊᕐᓂᖓᓂᒃ?” ᐃᓔᓴᐅᑉ ᑭᐅᕔᑦ, “ᖃᐅᔨᒪᔪᖓ, ᐅᖃᐅᓯᕆᑦᑍᓕᓯᐅᒃ.”

ᐊᑕᓃᑦ ᐂᑉᐸᖏᑦ 2:5

ᐊᒻᒪ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦ ᔨᕆᑯᒦᑦᑐᑦ ᐃᓔᓴ ᐅᐸᒡᓗᒍ ᐅᖃᐅᑎᕚᑦ, “ᖃᐅᔨᒪᕖᑦ ᐊᖓᔪᖅᑳᑦ ᐊᑕᓂᐅᑉ ᐅᓪᓗᒥ ᐊᐅᓪᓚᕈᑎᓂᐊᕐᒪᒍ?” ᑭᐅᒋᕔᑦ, “ᖃᐅᔨᒪᕗᖓ, ᐅᖃᐅᓯᕆᑦᑍᓕᓯᐅᒃ.”

ᐊᑕᓃᑦ ᐂᑉᐸᖏᑦ 2:7

ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑦᑕ ᐃᓚᖏᑦ 50ᑎᐅᓪᓗᑎᒃ ᒪᓕᒃᐳᑦ ᐅᖓᓯᒡᓗᑎᒃ ᓵᓐᖓᓪᓗᑎᒃ ᑖᒃᑯᖕᓄᖓ, ᐃᓔᑦᔭᐅᑉ ᐃᓔᓴᐅᓪᓗ ᓇᔪᕐᑕᖓᑦᑕ ᑰᑉ ᔪᐊᕐᑕᓂᐅᑉ ᓯᓈᓄᐊᕐᓗᑎᒃ ᓄᖅᑲᕐᐳᑦ.

ᐊᑕᓃᑦ ᐂᑉᐸᖏᑦ 4:26

ᐅᓪᓚᒡᓗᑎᑦ ᐸᕐᕆᐊᒃᑭᑦ ᐊᐱᕆᓂᐊᕐᐰᑦ, ᖃᓄᐃᒻᒪᖔᑦ, ᐅᐃᖓᓗ ᖃᓄᐃᖏᒃᑲᓗᐊᕐᒪᖔᑦ ᐃᕐᓂᖓᓪᓘᓐᓃᑦ ᖃᓄᐃᖏᒃᑲᓗᐊᕐᒪᖔᑦ?” ᐊᕐᓇᐅᑉ ᑭᐅᕚ, “ᖃᓄᐃᖏᑦᑐᐃᓐᓇᐅᔪᒍᑦ.”

ᐊᑕᓃᑦ ᐂᑉᐸᖏᑦ 5:21

ᒋᕼᐋᓯ ᑕᕝᕙ ᑐᐊᕕᕐᓗᓂ ᓁᒪᓐᑯᓐᓂᒃ ᐊᓐᖑᑎᓵᕋᓱᐊᓕᕐᐳᖅ. ᓁᒪᐅᑉ ᑕᑯᒐᒥᐅᒃ ᒥᒃᓯᒧᑦ ᐅᓪᓚᒃᑐᖅ ᕿᒧᒃᓯᐅᑎᒥᓂᑦ ᐊᒃᓴᓗᐊᓕᖕᒥᑦ ᓂᐅᓪᓗᓂ ᐸᕆᐊᕐᑐᕐᐹ, ᐊᐱᕆᓪᓗᒍᓗ, “ᖃᓄᐃᑦᑐᖃᖏᒃᑲᓗᐊᕐᐹ?”

ᐊᑕᓃᑦ ᐂᑉᐸᖏᑦ 5:25

ᒋᕼᐋᓯ ᐃᒡᓗᒧᑦ ᐃᑎᕐᒪᑦ, ᐊᖓᔪᖅᑳᖓᑕ ᓇᔪᕐᑕᖓᓄᑦ, ᐃᓔᓴᐅᑉ ᐊᐱᕆᓕᕐᐹ, “ᒋᕼᐊᔩ ᓇᓃᖅᑲᐅᒐᕕᑦ?” ᒋᕼᐋᓯ ᑭᐅᕗᖅ, “ᓇᒧᓐᖓᓚᐅᖏᑦᑐᖓ.”

ᐊᑕᓃᑦ ᐂᑉᐸᖏᑦ 5:5

ᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᐅᖃᐅᑎᕚ, “ᐃᓱᒪᕐᓱᕋᕕᑦ ᑕᐅᕗᓐᖓᐅᓂᐊᓕᕐᐳᑎᑦ, ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦ ᑎᑎᕋᕐᕕᒋᓂᐊᕐᐸᕋ.” ᑕᕝᕙ ᓁᒪᓐ ᐊᐅᓪᓚᕐᐳᖅ ᓇᒃᓴᕐᓗᓂᓗ, 30,000ᓂᒃ ᓯᐅᓪᕕᕆᓂᒃ, 6,000ᓂᒃ ᑮᓇᐅᔭᓂᒃ ᒎᓗᓂᒃ, ᐊᓐᓄᕌᓂᒡᓗ 10ᐃᕐᑐᕐᓗᓂ ᐊᓯᑦᔨᖃᑦᑕᐅᑎᐅᓪᓗᐊᕐᑐᓂᒃ.

ᐂᓮᐊᓯᐅᑉ ᐊᒡᓚᖏᑦ 59:3

ᐊᒡᒐᓯ ᐊᐅᖕᒧᑦ ᓴᓗᒤᓕᓯᒪᖕᒪᑕ, ᐊᒡᒐᑦᓯᓗ ᐃᓄᒐᓐᖑᐊᖏᑦ ᐊᔪᕐᑐᓕᓂᕐᒧᑦ ᓴᓗᒤᓕᓯᒪᕗᑦ; ᖃᓂᓯ ᓱᓕᖏᑦᑐᓂᒃ ᐅᖃᐅᓯᖃᖃᑦᑕᕐᐳᑦ, ᐅᖃᓯᓗ ᐊᔪᕐᑐᓕᔪᒪᓂᕐᒥᒃ ᐅᖃᐅᓯᖃᕐᐸᒃᓗᓂ.

ᔨᕆᒤᐊᐅᑉ ᐊᒡᓚᖏᑦ 9:3

ᐅᖃᕐᑎᒃ ᐱᑎᒃᓯᑐᑦ ᓂᐅᓐᖓᒃᑎᑉᐰᑦ, ᐅᖃᕆᐊᕈᒪᓪᓗᑎᒃ ᓱᓕᖏᑦᑐᓂᒃ; ᓄᓇᖓᓐᓂ ᓴᒡᓗᓂᖅ ᓵᓚᖃᖔᓕᕐᐳᖅ ᓱᓕᓂᕐᒥᒃ. “ᐃᓄᖁᑎᒃᑲ ᐊᔪᕐᑐᓕᓂᕐᒥᑦ ᐊᔪᕐᑐᓕᓂᕐᒧᑦ ᐅᑎᕐᑕᑐᐃᓐᓇᓕᕐᒪᑕ ᐊᕙᒻᒧᑦ, ᐅᕙᓐᓂᒃ ᐅᖃᐅᓯᖃᕐᑐᖃᓐᖏᓚᖅ ᒎᑎᐅᓂᕋᕐᓗᖓ,” ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 9:5

ᐃᓚᓐᓇᕇᑦ ᓴᒡᓗᕿᖃᑦᑕᐅᑎᑐᐃᓐᓇᓕᕐᒪᑕ, ᓱᓕᔪᓂᒡᓗ ᐅᖃᐅᓯᖃᕐᑐᖃᕈᓐᓁᓪᓕᓪᓗᓂ, ᓴᒡᓗᔭᕆᐅᕐᓴᓂᕐᒥᒃ ᐅᖃᕆᐅᕐᓴᕙᓕᕐᒪᑕ, ᐊᔪᕐᑐᓕᓂᕐᒧᑦ ᐃᒥᖕᓂᒃ ᑕᖃᑎᑐᐃᓐᓇᕐᐸᓕᕐᐳᑦ.

ᔪᐊᓇᓯᐅᑉ ᐊᒡᓚᖏᑦ 8:44

ᐊᑖᑕᑦᓯᓐᓂᑦ ᓵᑖᓇᓯᒥᑦ ᐱᕗᓯ, ᐊᑖᑕᑦᓯᓗ ᐱᔪᒪᔭᖏᑦ ᒪᓕᒍᒪᕙᓯ. ᑖᓐᓇ ᐱᒋᐊᕐᓂᖓᓂᑦ ᐃᓄᐊᕐᑎᐅᕗᖅ, ᓱᓕᔪᒥᒡᓗ ᐱᓯᒪᓚᐅᕐᓯᒪᓐᖏᓚᖅ, ᓱᓕᓂᖅ ᑖᑦᓱᒪᓃᖏᒻᒪᑦ. ᓴᒡᓗᒍᓂ, ᐱᐅᓯᒥᓂᒃ ᐊᑐᕐᐳᖅ, ᓴᒡᓗᑐᔫᒐᒥ ᓴᒡᓗᓂᐅᓪᓗ ᐊᑖᑕᒋᕚ.

ᔮᓱᐊᑉ ᐊᒡᓚᖏᑦ 24:33

ᐃᓕᓯᕆᓗ ᐂᕉᓂᐅᑉ ᐃᕐᓂᖓ ᑐᖁᕗᖅ; ᐃᓗᕕᕐᑕᐅᕗᕐᓗ ᒋᐱᐊᒥ, ᐱᓂᕼᐋᓯᐅᑉ ᓄᓇᖓᓄᑦ, ᑕᒪᓐᓇ ᓄᓇ ᑐᓂᔭᐅᓚᐅᕐᒪᑦ ᑖᑦᓱᒧᖓ ᐃᕗᕅᒥᐅᑉ ᖃᖅᑲᖓᓃᑦᑐᖅ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 21:8

ᓯᕘᕋᓂᕐᒧᓪᓕ ᓯᕗᒧᒍᓐᓃᕐᑐᑦ, ᐅᒃᐱᖏᑦᑐᑦ, ᐃᒃᓯᒎᕐᓂᕐᒧᑦ ᓱᕈᕐᑎᕐᓯᒪᔪᑦ, ᐃᓄᐊᕐᑏᑦ, ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐊᖓᒃᑰᓇᓱᐊᕐᑏᑦ, ᒎᑎᐅᓐᖑᐊᓖᑦ, ᓴᒡᓗᑐᔪᓪᓗ, ᑖᒃᑯᐊ ᐃᓂᖃᕈᒫᕐᐳᑦ ᑕᓯᕐᒥ ᐃᑯᒪᕐᔪᐊᕐᒥ ᐃᒃᑭᕆᒃᑐᕐᔪᐊᕐᒧᑦ ᓲᓪᕕᒧᑦ ᐃᑯᒪᔪᒧᑦ, ᑕᒪᓐᓇ ᑕᕝᕙ ᑐᖂᑉ ᐂᑉᐸᖓ.”

ᐃᓗᐊᕐᓮᔩᑦ ᐊᒡᓚᖏᑦ 14:12

ᓵᒻᓲᓂᐅᑉ ᐅᖃᐅᑎᕔᑦ, “ᐅᖃᐅᑎᓚᐅᕐᓚᑦᓯ ᐅᖃᓐᖑᐊᕈᓯᕐᒥᒃ; ᑐᑭᖓ ᖃᐅᔨᔪᓐᓇᕈᑦᓯᐅᒃ ᐅᖃᐅᑎᓗᖓ, ᑐᑭᖓ ᖃᐅᔨᒍᑦᓯᐅᒃ, ᓂᕆᕕᒃᔪᐊᕐᓂᑦᑕ ᐅᓪᓗᐃᑦ ᐊᑯᓐᓂᖓᓂ, ᑐᓂᓂᐊᕐᐸᑦᓯ ᐃᓘᓐᓇᓯ ᖃᓪᓗᓈᕐᑕᑦᓯᐊᓂᒃ 30ᓂᒃ ᐊᓐᓄᕌᓂᒃ 30ᓂᒡᓗ ᐊᓐᓄᕌᓂᒃ ᓂᕆᕕᒃᔪᐊᕐᑐᕐᓯᐅᑎᓂᒃ.