ᐊᑕᓃᑦ ᐂᑉᐸᖏᑦ 5:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᒋᕼᐋᓯ, ᐃᓔᓴᐅᑉ ᐃᑲᔪᕐᑎᖓ ᒎᑎᐅᑉ ᐃᓄᖁᑎᖓᑕ ᐃᓱᒪᓕᕋᒥ, “ᐊᖓᔪᖅᑳᕅᓐᓇ ᐱᔭᕐᓂᓈᕐᓯᑎᑦᓯᓗᐊᕐᑐᖅ ᓁᒪᓐᒥᒃ ᓯᕆᐊᒥᐅᒥᒃ, ᑐᓂᑦᔪᑎᒋᓇᓱᒃᑕᖏᓐᓂᒃ ᐃᓚᓐᖎᖏᑦᓯᐊᕐᑐᖅ, ᐊᑕᓂᖅ ᐆᒪᔪᖅ ᐱᑦᔪᑎᒋᓪᓗᒍ ᒪᓕᐊᓪᓚᒡᓗᒍ ᐃᓚᖏᓐᓂᒃ ᐱᑖᕆᐊᕐᑐᓚᐅᕐᓚᖓ.”

ᐊᑕᓃᑦ ᐂᑉᐸᖏᑦ 5:20 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 17:1

ᐃᓔᑦᔭ ᑎᓯᐰᑎᒥᐅᑕᖅ, ᒋᓕᐊᑏᑦ ᓄᓇᖓᓂᑦ, ᐅᖃᕐᐳᖅ ᐂᕼᐊᑉᒧᑦ, “ᐊᑕᓂᖅ ᐃᓴᕆᐊᓕᒥᐅᑦ ᒎᑎᖓ ᐃᓅᖕᒪᑦ, ᑖᑦᓱᒪ ᓵᖓᓂ ᓇᖏᕐᐳᖓ, ᐂᔪᖓᓇᕐᑐᖃᕐᓂᐊᓐᖏᓚᖅ ᓯᓚᓗᖃᕐᓂᐊᕈᓐᓃᕐᓗᓂᓗ ᐊᕐᕌᒍᓂ ᑖᒃᑯᓇᓂ, ᐱᖁᔨᓕᕐᓗᖓ ᐅᖃᓚᐅᖏᓐᓂᓐᓂ.”

ᐊᑕᓃᑦ ᐂᑉᐸᖏᑦ 13:19

ᒎᑎᐅᑉ ᐃᓄᖁᑎᖓᑕ ᐃᓔᓴᐅᑉ ᐊᑲᕆᔪᓐᓃᕐᐹ ᐅᖃᐅᑎᓪᓗᓂᐅᒡᓗ, “ᓄᓇ ᐱᑎᖃᑦᑕᕆᐊᖃᕐᑕᕋᓗᐊᑦ ᑕᓪᓕᒤᕐᓱᕐᓗᑎᓪᓘᓐᓃᑦ ᐱᖓᓲᔪᕐᑐᕕᒡᓗᑎᓪᓘᓐᓃᑦ; ᑕᕝᕙ ᓯᕆᐊᒥᐅᑦ ᓵᓚᒋᒐᔭᓚᐅᕐᐸᑎᑦ ᓄᖑᓪᓗᒋᓪᓗ. ᑭᓯᐊᓂᓕ ᐱᖓᓱᕕᑐᐃᓐᓇᕐᓗᑎᑦ ᓵᓚᒋᓛᓕᕐᐸᑎᑦ.”

ᐊᑕᓃᑦ ᐂᑉᐸᖏᑦ 4:12

ᐃᑲᔪᕐᑎᓂ ᒋᕼᐋᓯ ᐅᖃᐅᑎᓕᕐᐹ, “ᓲᓇᒤᑎᒥᐅᑕᖅ ᕾᖁᓚᐅᕈᒃ.” ᑕᕝᕙ ᕾᖁᔭᕐᑐᕐᒪᒍ ᐊᕐᓇᖅ ᑕᕝᕗᓐᖓᕐᐳᖅ.

ᐊᑕᓃᑦ ᐂᑉᐸᖏᑦ 4:25

ᐃᖏᕐᕋᓯᒐᒥᒃ ᒎᑎᐅᑉ ᐃᓄᖁᑎᖓᓄᑦ ᑎᑭᑉᐴᒃ ᖃᖅᑲᒥ ᑳᕐᒥᐊᓕᒦᒻᒪᑦ, ᐃᓔᓴᐅᑉ ᓱᓕ ᐅᖓᓯᒃᑎᓪᓗᒋᑦ ᑕᑯᒐᒥᒋᑦ ᐃᑲᔪᕐᑎᓂ ᒋᕼᐋᓯ ᐅᖃᐅᑎᕚ, “ᑕᑯᒋᑦ ᐊᕐᓇᖅ ᓲᓇᒤᑎᒥᐅᑕᖅ ᕾᓕᕐᐳᖅ.

ᐊᑕᓃᑦ ᐂᑉᐸᖏᑦ 4:31

ᒋᕼᐋᓯ ᓯᕗᓂᖓᓐᓂ ᑐᐊᕕᕐᓗᓂ, ᓄᑲᑉᐱᐊᑉ ᑮᓇᖓᓄᑦ ᐊᔭᐅᑉᐱᐊᖅ ᐃᓕᔭᕐᑐᕐᐹ ᐃᓕᒐᓗᐊᕐᒪᒍ ᓂᓪᓕᓐᖏᓚᖅ ᐊᐅᓚᑦᔭᒐᓂᓗ. ᒋᕼᐋᓯ ᐊᒻᒪ ᐃᓔᓴ ᐅᑎᕐᕕᒋᓪᓗᒍ ᐅᖃᐅᑎᕚ, “ᓄᑲᑉᐱᐊᖅ ᐃᖁᒻᒪᖏᒻᒪᑦ.”

ᐊᑕᓃᑦ ᐂᑉᐸᖏᑦ 4:36

ᐃᓔᓴᐅᑉ ᒋᕼᐋᓯ ᕾᖁᕚ, ᐅᖃᐅᑎᓪᓗᓂᐅᒡᓗ, “ᐊᕐᓇᖅ ᓲᓇᒤᑎᒥᐅᑕᖅ ᕾᖁᒍᒃ.” ᑕᕝᕙ ᕾᖁᕚ, ᐊᕐᓇᖅ ᑕᕝᕗᓐᖓᕐᒪᑦ, ᐃᓔᓴᐅᑉ ᐅᖃᐅᑎᕚ, “ᐃᕐᓃᑦ ᐱᓕᕈᒃ.”

ᐊᑕᓃᑦ ᐂᑉᐸᖏᑦ 5:16

ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᑭᐅᕚ ᐅᖃᕐᓗᓂ, “ᐊᑕᓂᖅ ᐃᓅᖕᒪᑦ ᐱᔨᑦᓯᕐᑕᕋ, ᐱᑖᕐᑎᑕᐅᓇᓱᐊᕈᒪᖏᑦᑐᖓ.” ᓁᒪᓐ ᐊᔪᐃᓐᓈᕆᒐᓗᐊᕐᒪᒍ ᐱᔪᒪᓚᐅᓐᖏᓚᖅ.

ᐊᑕᓃᑦ ᐂᑉᐸᖏᑦ 5:21

ᒋᕼᐋᓯ ᑕᕝᕙ ᑐᐊᕕᕐᓗᓂ ᓁᒪᓐᑯᓐᓂᒃ ᐊᓐᖑᑎᓵᕋᓱᐊᓕᕐᐳᖅ. ᓁᒪᐅᑉ ᑕᑯᒐᒥᐅᒃ ᒥᒃᓯᒧᑦ ᐅᓪᓚᒃᑐᖅ ᕿᒧᒃᓯᐅᑎᒥᓂᑦ ᐊᒃᓴᓗᐊᓕᖕᒥᑦ ᓂᐅᓪᓗᓂ ᐸᕆᐊᕐᑐᕐᐹ, ᐊᐱᕆᓪᓗᒍᓗ, “ᖃᓄᐃᑦᑐᖃᖏᒃᑲᓗᐊᕐᐹ?”

ᐊᑕᓃᑦ ᐂᑉᐸᖏᑦ 6:31

ᐅᖃᕐᓗᓂᓗ, “ᒎᑎᐅᑉ ᓱᒋᐊᕐᓕᖓ, ᐊᑦᑕᕆᖏᓪᓗᓂᖓ ᐃᓔᓴᐅᑉ ᓴᕚᑎᐅᑉ ᐃᕐᓂᖓᑕ ᓂᐊᖁᐊ ᓱᓕ ᐅᓪᓗᒥ ᑎᒥᖓᓄᑦ ᐊᑕᓂᐊᕐᐸᑦ!”

ᐊᑕᓃᑦ ᐂᑉᐸᖏᑦ 8:4

ᐊᖓᔪᖅᑳᕐᔪᐊᖅ ᐅᖃᖃᑎᖃᓚᐅᕐᐳᖅ ᒋᕼᐊᔨᒥᒃ ᒎᑎᐅᑉ ᐃᓄᖁᑎᖓᑕ ᐱᔨᖓᓂᒃ ᐊᐱᕐᓱᕐᐹᓗ, “ᐅᖃᐅᑎᓚᐅᓐᖓ ᐃᓔᓴᐅᑉ ᑲᒪᓇᕐᑐᓂᒃ ᐱᓇᓱᐊᖃᑦᑕᕐᓯᒪᔭᓕᒫᖏᓐᓂᒃ.”

ᐊᑕᓃᑦ ᐂᑉᐸᖏᑦ 8:7

ᐃᓔᓴ ᑕᒫᓯᑰᓯᒧᑦ ᐂᕗᖅ ᐊᖓᔪᖅᑳᕐᔪᐊᖅ ᐱᓐᕼᐊᑖᑦ ᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦ ᑲᓂᒪᑎᓪᓗᒍ, ᐊᖓᔪᖅᑳᕐᔪᐊᖅ ᑐᓴᕐᑎᑕᐅᕗᖅ ᐃᓔᓴᐅᑉ ᓄᓇᒥᖕᓃᓐᓂᖓᓂᒃ,

ᐃᓐᖏᕈᑎᑦ 10:3

ᐱᐅᖏᑦᑐᓕᔪᑦ ᐆᒻᒪᑎᒥ ᐱᔪᒪᔭᖏᓐᓂᒃ ᐱᐅᔪᕆᑦᔪᑎᖃᕐᐳᑦ; ᐱᔪᒪᑐᓛᕐᑐᑦ ᐱᔪᒪᔭᖏᓐᓂᒃ ᑐᓂᓯᕕᒋᕔᑦ, ᐊᑕᓂᕐᒥᒡᓗ ᓇᕐᕈᒋᔭᖃᕐᓗᑎᒃ.

ᒨᓯᓯ ᐂᑉᐸᖏᑦ 20:17

“ᐃᓅᖃᑎᕕᑦ ᐃᒡᓗᖓᓂᒃ ᐃᒃᓯᒎᕐᑐᒃᓴᐅᓐᖏᓚᑎᑦ, ᓄᓕᐊᖓᓂᒡᓘᓐᓃᑦ ᐃᒃᓯᒎᕐᑐᒃᓴᐅᓐᖏᓚᑎᑦ, ᐱᔨᖓᓂᒡᓘᓐᓃᑦ, ᐆᒪᔪᖁᑎᖓᓂᒡᓘᓐᓃᑦ, ᓯᐅᑎᖅᑯᕐᑐᔪᖁᑎᖓᓂᒡᓘᓐᓃᑦ ᓱᓇᑐᐃᓐᓇᕐᒥᒡᓘᓐᓃᑦ ᐃᓅᖃᑎᕕᑦ ᐱᒋᔭᖓᓂᒃ ᐱᔪᒪᕕᒡᔪᐊᕐᑐᒃᓴᐅᓐᖏᓚᑎᑦ.”

ᒨᓯᓯ ᐂᑉᐸᖏᑦ 20:7

“ᐊᑕᓂᐅᑉ ᒎᑎᕕᑦ ᐊᑎᖓᓂᒃ ᐊᑐᕐᓂᕐᓗᒃᑐᒃᓴᐅᓐᖏᓚᑎᑦ; ᐊᑕᓂᐅᑉ ᓱᒋᐊᕐᑍᓕᓂᐊᓐᖏᓛ ᓇᓪᓕᐊᑦ ᐊᑎᖓᓂᒃ ᐊᑐᕐᓂᕐᓗᒃᑐᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 26:16

ᐃᕿᐊᑦᑕᖅ ᓯᓚᑐᓂᕐᓴᐅᓇᓱᒋᕗᖅ ᓇᖕᒥᓂᖅ ᖃᐅᔨᒪᔭᒥᒍᑦ, ᐊᖑᑎᓂᑦ 7ᓂᑦ ᑐᑭᖃᕐᑐᒥᒃ ᑭᐅᔪᓐᓇᕐᑐᓂᑦ.

ᐂᓮᐊᓯᐅᑉ ᐊᒡᓚᖏᑦ 48:1

“ᐆᒥᖓ ᑐᓴᓕᕆᑦᓯ, ᔧᑯᒃᑯᑦ ᑭᖑᕚᖏᑦ, ᐄᓴᕆᐅᓪ ᐊᑎᖓᓂᒃ ᑍᔭᐅᔪᑦ, ᐃᕐᓂᐊᖑᓯᒪᔪᓪᓗ ᔫᑕᐅᑉ ᑭᖑᕚᖏᓐᓂᑦ ᐱᓯᒪᓪᓗᑎᒃ; ᐊᖏᕈᑎᖃᕐᓯᒪᔪᓪᓗ ᐊᑕᓂᐅᑉ ᐊᑎᖓᓂᒃ ᐅᖃᐅᓯᖃᕐᑐᓪᓗ ᐃᓴᕆᐊᓕᐅᑉ ᒎᑎᖓᓂᒃ, ᓱᓕᔪᒃᑰᕋᑎᒃ ᓇᓛᒎᕋᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 22:17

ᑕᐅᑐᒃᑕᓯ ᐃᓱᒪᓯᓗ ᖃᑭᔪᒪᓃᓐᓇᕐᒥᒃ ᐱᔪᒪᔭᑐᐊᖃᒧᑦ ᓯᓔᕐᕆᒃᓯᕐᓗᓯ ᖃᑭᕙᒃᐳᓯ, ᐸᓯᔭᒃᓴᐅᖏᑦᑐᓂᒃ ᑐᖁᑎᑦᓯᕙᒃᓗᓯ, ᐅᖁᒤᑦᑐᒦᑎᑦᓯᕙᒡᓗᓯᓗ ᐃᓄᖁᑎᑦᓯᓐᓂᒃ.”

ᕼᐊᐸᑲᐅᑉ ᐊᒡᓚᖏᑦ 2:9

ᑲᑉᐱᐊᓐᓇᒦᒃ! ᓇᖕᒥᓂᖅ ᐃᓚᖏᑕ ᐊᔪᕐᓴᕈᓐᓁᕈᑎᒃᓴᖏᓐᓂᒃ ᐱᐅᖏᑦᑐᓕᓂᒃᑯᑦ ᐱᑖᕋᓱᐊᕐᑐᖅ, ᐃᓚᒋᔭᓂ ᖁᓪᓕᕐᐹᖑᑎᑦᓱᒪᓪᓗᒋᑦ, ᓴᐳᑎᔭᐅᔪᓐᓇᕈᒪᓗᓂ ᖃᓄᐃᓕᔭᐅᓐᓇᕐᑑᑉ ᐱᔪᓐᓇᕐᓂᖓᓂᑦ!

ᒫᑎᐅᓯᐅᑉ ᐊᒡᓚᖏᑦ 10:4

ᓮᒨᓂᓗ ᑬᓇᓂᒥᐅᒥᒃ ᑍᔭᐅᔪᖅ ᔫᑕᓯᓗ ᐃᔅᑲᕆᐊᑦ, ᑖᑦᓱᒪ ᔩᓱᓯ ᐱᔭᐅᑎᓚᐅᕐᐹ.

ᒫᑎᐅᓯᐅᑉ ᐊᒡᓚᖏᑦ 26:9

ᑖᓐᓇ ᑎᐱᑦᓯᐊᕆᒃᓴᐅᑦ ᓂᐅᕐᕈᑕᐅᒐᔭᕈᓂ ᑮᓇᐅᔭᕐᑖᕈᑕᐅᒐᔭᕐᐳᖅ ᐅᓄᕐᑐᐊᓗᖕᓂᒃ, ᑐᓂᔭᐅᖔᕐᓗᑎᒃ ᐊᔪᕐᓴᕐᑐᓄᑦ!”

ᓘᑲᓯᐅᑉ ᐊᒡᓚᖏᑦ 12:15

ᐃᓄᓕᒫᓄᑦ ᐅᖃᕆᕗᖅ, “ᖃᐅᔨᓴᕆᑦᓯ, ᑲᒪᑦᓯᐊᕐᓗᓯ ᐱᑖᕈᒪᓗᐊᕐᓂᕐᒥᒃ; ᐃᓅᑉ ᐃᓅᓯᖓ ᒪᑭᑕᑎᑕᐅᖏᒻᒪᑦ ᐊᒥᓱᓂᒃ ᐱᖁᑎᖃᕐᓂᕐᒥᓄᑦ.”

ᓘᑲᓯᐅᑉ ᐊᒡᓚᖏᑦ 16:8

ᐊᖓᔪᖅᑳᖓᑕ ᖁᕕᐊᒋᓕᓚᐅᕐᐹ ᑍᒫᒃ ᓯᓚᑐᔪᒥᒃ ᐱᓇᓱᐊᕐᒪᑦ; ᒪᑐᒪ ᓯᓚᕐᔪᐊᑉ ᐃᓄᖏᑦ ᓯᓚᑐᐊᕿᓇᓱᐊᕈᓐᓇᕐᓂᕐᓴᐅᖕᒪᑕ ᖃᐅᒪᔪᒥᐅᑕᓂᑦ, ᐱᔭᕆᐊᖃᕐᑕᒥᖕᓂ ᐱᓇᓱᐊᕐᑎᓪᓗᒋᑦ.

ᔪᐊᓇᓯᐅᑉ ᐊᒡᓚᖏᑦ 13:2

ᐅᓐᓄᒍᒻᒥᑕᖃᑎᒌᒃᑎᓪᓗᒋᑦ, ᓵᑖᓇᓯ ᐃᓱᒪᑖᕐᑎᑦᓯᓯᒪᓕᕇᕐᒪᑦ ᔫᑕᓯ ᐃᔅᑲᕆᐊᑎᒥᒃ, ᓮᒨᓂᐅᑉ ᐃᕐᓂᖓᓂᒃ, ᔩᓱᓯᒥᒃ ᐱᔭᐅᒃᑬᖁᓪᓗᒍ,

ᔪᐊᓇᓯᐅᑉ ᐊᒡᓚᖏᑦ 6:70

ᔩᓱᓯᐅᑉ ᑭᐅᕔᑦ, “ᐃᓕᑦᓯ 12ᓗᓯ ᓂᕈᐊᓚᐅᓐᖏᓚᑦᓯ? ᐃᓚᑦᓯᓕ ᐃᓚᖓᑦ ᓵᑖᓇᓯᐅᕗᖅ.”

ᐋᐴᓯᑕᓖᑦ ᐱᓂᐊᕐᓂᖏᑦ 5:2

ᓄᓕᐊᖓ ᖃᐅᔨᒪᑎᓪᓗᒍ ᐊᑭᖏᑕ ᐃᓚᖏᑦ ᐱᓯᒪᕔᑦ, ᐃᓔᓐᓇᖏᑦ ᐋᐴᓯᑕᓕᖕᓄᑦ ᑐᓂᓪᓗᒋᑦ.

ᑎᒧᑎᒧᑦ ᐂᑉᐸᖏᑦ 4:10

ᑏᒪᓯᐅᑉ ᕿᒪᖕᒪᖓ, ᓯᓚᕐᔫᑉ ᐱᖏᑦ ᐅᖓᒋᓕᕋᒥᒋᑦ, ᑎᓴᓗᓁᑲᒧᐊᓚᐅᕐᒪᑦ; ᑯᕇᓯᓃᓯᓗ ᒐᓔᑎᐊᒧᐊᓚᐅᐳᖅ, ᑍᑑᓯᓗ ᑕᓪᒪᑎᐊᒧᐊᓚᐅᕆᓪᓗᓂ.

ᑍᑑᓯᒧᑦ 1:7

ᐅᒃᐱᕐᑑᖃᑎᒌᓂ ᓯᕗᓕᕐᑎᐅᔪᖅ ᑲᒪᔨᐅᒐᒥ ᒎᑎᐅᑉ ᐱᓇᓱᐊᕐᓂᖓᓄᑦ, ᐸᓯᔭᒃᓴᐅᓂᖃᕐᑐᒃᓴᐅᓐᖏᓚᖅ; ᐱᔪᒪᔭᑐᐃᓐᓇᕐᒥᓂᒃ ᐱᓇᓱᐊᕐᑐᒃᓴᐅᒃᖏᓚ ᓂᓐᖓᒃᓴᕅᑦᑐᒃᓴᐅᓇᓂᓗ, ᐋᖓᔮᕐᑎᐅᔪᒃᓴᐅᓐᖏᓚᖅ, ᐃᓕᕋᓇᕋᓱᐊᕐᑎᐅᓇᓂᓗ ᐱᔪᒪᓗᐊᕐᓂᕐᒧᑦ ᑮᓇᐅᔭᕐᓂᐊᕐᑐᒃᓴᐅᓐᖏᓚᖅ.

ᐲᑦᑐᕉᓯ ᓯᕗᓪᓖᑦ 5:2

ᒎᑎᐅᑉ ᓰᐱᖁᑎᖏᓐᓄᑦ ᐰᕐᓯᔨᐅᑦᓯᐊᕆᑦᓯ ᑖᒃᑯᐊ ᐃᓕᑦᓯᓐᓄᑦ ᑐᓂᔭᐅᓯᒪᖕᒪᑕ, ᐱᔪᒪᓂᖃᑦᓯᐊᕐᓗᓯ ᐃᕿᐊᓱᖏᓪᓗᓯᓗ, ᐊᑭᓕᕐᑕᐅᔪᒪᓂᑐᐃᓐᓇᕐᒧᑦ ᐱᓂᐊᕋᓯ ᐱᔨᑦᓯᕈᒪᑦᓯᐊᕐᓗᓯᓕ ᐱᒋᑦᓯ.

ᓴᒧᐃᓕ ᓯᕗᓪᓖᑦ 14:39

ᐊᑕᓂᖅ ᐆᒪᖕᒪᑦ ᐱᐅᓕᒃᓯᓚᐅᕐᑑᑉ ᐃᓴᕆᐊᓕᒥᐅᓂᒃ, ᐃᕐᓂᕆᒐᓗᐊᕈᒃᑯ ᔫᓇᑕᓂ, ᑐᖁᔪᒃᓴᐅᕗᖅ.” ᑭᓯᐊᓂᓕ ᓇᓪᓕᐊᓪᓄᓪᓘᓐᓃᑦ ᐃᓄᖕᒧᑦ ᑭᐅᔭᐅᓚᐅᓐᖏᓚᖅ.