ᐊᑕᓃᑦ ᐂᑉᐸᖏᑦ 5:18 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁸ ᐊᑕᓂᕐᒧᑦ ᐃᓱᒪᒋᔪᓐᓁᕐᑕᐅᔪᓐᓇᕈᒪᕗᖓ, ᐊᖓᔪᖅᑳᕐᔪᐊᕋ ᐱᖃᑎᒋᓗᒍ ᒎᑎᓐᖑᐊᑉ ᕆᒪᓇᐅᑉ ᐃᒡᓗᖓᓄᑦ ᐂᒍᓐᓄᒃ ᑐᒃᓯᐊᕆᐊᕐᑐᕐᓗᓄᑦ, ᐊᒡᒐᒃᑲ ᑎᒍᒃᐸᒋᑦ ᓰᖅᑯᕆᐊᖃᕋᒪ ᕆᒪᓇᐅᑉ ᒎᑎᓐᖑᐊᑉ ᐃᒡᓗᖓᓂ, ᑐᒃᓯᐊᕐᐳᖓ ᐊᑕᓂᕐᒧᑦ ᐃᓱᒪᒋᔪᓐᓁᕐᕕᐅᔪᒪᓪᓗᖓ.”

ᐊᑕᓃᑦ ᐂᑉᐸᖏᑦ 5:18 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 19:18

ᓱᓕ ᐃᓄᖁᑎᖃᕐᐳᖓ ᐃᓴᕆᐊᓕᒥᐅᓂ 7,000ᓂᒃ ᐊᒥᐊᒃᑰᔪᓂᒃ, ᓰᖅᑯᕐᑐᓚᐅᖏᑦᑐᓂᒃ ᐰᓕᒧᑦ, ᑕᖅᑭᑕᒫᕐᓯᐅᑎᒧᓪᓗ ᑯᓂᒃᓯᓚᐅᖏᑦᑐᓂᒃ ᒎᑎᓐᖑᐊᒥᒃ.”

ᐊᑕᓃᑦ ᐂᑉᐸᖏᑦ 17:35

ᐊᑕᓂᐅᑉ ᐊᖏᖃᑎᒌᖕᓂᕐᒥᒃ ᐋᖅᑭᒃᓯᖃᑎᒋᓚᐅᕐᒪᒋᑦ ᐅᖃᐅᑎᓪᓗᓂᒋᓪᓗ: “ᒎᑎᒥᒃ ᐊᓯᓐᓂᒃ ᑐᒃᓯᐊᕐᕕᖃᕐᑐᒃᓴᐅᓐᖏᓚᓯ, ᐹᒻᒪᒃᑎᕐᕕᒋᓗᒋᑦ ᐱᔨᑦᓯᕐᑕᒃᓴᕆᓐᖏᓚᓯ ᑐᓂᕐᕈᓯᕐᕕᒋᓇᒋᓪᓘᓐᓃᑦ.

ᐊᑕᓃᑦ ᐂᑉᐸᖏᑦ 7:17

ᐊᖓᔪᖅᑳᕐᔪᐊᖅ ᑎᓕᓯᓯᒪᓚᐅᕐᐳᖅ ᐃᑎᕐᑕᕐᕕᖕᒥ ᑲᒪᔨᐅᓂᐊᕐᑐᒥᒃ ᐊᒡᒐᖏᑎᒍᑦ ᐊᒃᑐᐊᓚᐅᕐᑕᖓ, ᑖᓐᓇᓕ ᐃᑎᕐᑕᕐᕕᒃᑯᑦ ᐊᓂᓇᓱᐊᕐᑐᓄᑦ ᑐᓪᓕᕋᕐᑕᐅᓪᓗᓂ ᑐᖁᕗᖅ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᐅᖃᐅᓯᕆᓚᐅᕐᑕᖓ ᓇᓚᐅᓪᓗᒍ, ᐊᖓᔪᖅᑳᕐᔪᐊᕐᒧᑦ ᑕᑯᔭᕐᑐᕐᑕᐅᓯᒪᓪᓗᓂ ᐅᖃᐅᓯᕆᓚᐅᕐᑕᖏᑦ.

ᐊᑕᓃᑦ ᐂᑉᐸᖏᑦ 7:2

ᐅᓇᑕᕐᑏᑦ ᐊᖓᔪᖅᑳᖓ ᐊᖓᔪᖅᑳᔪᐊᑉ ᐊᒃᑐᐊᔭᖓ ᑕᓕᕐᒥᓄᑦ ᒎᑎᐅᑉ ᐃᓄᖁᑎᖓᓄᑦ ᐅᖃᕐᐳᖅ, “ᑕᑯᒋᑦ, ᐊᑕᓂᐅᑉ ᕿᓚᒃ ᐅᒃᑯᐃᕐᓗᒍ ᑯᕕᑎᑦᓯᒐᔭᕋᓗᐊᕐᐹ ᓂᕿᒃᓴᓂᒃ, ᑕᒪᓐᓇ ᐅᖃᐅᓯᕆᔧᑦ ᐊᑑᑎᓕᕈᓐᓇᕋᔭᕐᐹ?” ᐃᓔᓴᐅᑉ ᑭᐅᕚ, ᓇᖕᒥᓂᖅ ᐃᔨᖕᓄᑦ ᑕᒪᓐᓇ ᑕᑯᓛᕐᐸᑦ ᑭᓯᐊᓂᓕ ᐅᖁᒻᒥᕐᓯᕕᒋᔪᒫᓐᖏᓚᑦ.

ᒨᓯᓯ ᐂᑉᐸᖏᑦ 20:5

ᐹᒻᒪᒃᑎᕐᕕᖃᕐᑐᒃᓴᐅᓐᖏᓚᓯ ᒎᑎᓐᖑᐊᓕᐊᕆᓯᒪᔪᒥᒃ ᑐᒃᓯᐊᕐᕕᖃᕋᓱᐊᕐᑍᓕᓗᓯᓗ ᑍᒤᑦᑐᓂᒃ, ᐅᕙᖓ ᐊᑕᓂᖅ ᒎᑎᒋᕙᑦᓯᓐᖓ ᐊᓯᓐᓂᒃ ᐱᑕᖃᖏᒻᒪᑦ. ᓱᒋᐊᕐᓯᓂᐊᕐᐳᖓ ᐅᕙᓐᓂᒃ ᐆᒥᓱᒃᑐᓂᒃ ᑭᖑᕚᖏᓐᓂᒡᓗ, ᑭᖑᕚᕇᑦ ᐱᖓᔪᖏᑦ ᓯᑕᒪᖏᓪᓘᓐᓃᑦ ᑎᑭᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 50:20

ᐅᓪᓗᓂ ᑍᒃᑯᓇᓂ, ᐊᑕᓂᖅ ᐅᖃᕐᐳᖅ, ᖃᐅᔨᓇᓱᐊᕐᑐᖃᕈᒫᕐᐳᖅ ᐃᓴᕆᐊᓕᒥᐅᑦ ᐸᓯᔭᒃᓴᐅᓂᖏᓐᓂᒃ, ᑭᓯᐊᓂᓕ ᓇᓂᓯᔪᖃᕈᒫᓐᖏᓚᖅ, ᔫᑕᒥᐅᓪᓗ ᐊᔪᕐᓂᖏᓐᓂᒃ ᖃᐅᔨᓇᓱᐊᕐᑐᖃᕈᒫᕐᐳᖅ ᓇᓂᓯᔪᖃᕈᒫᖏᓐᓂᕗᖅ, ᐊᒥᐊᒃᑰᔪᑦ ᐃᓱᒪᒋᔪᓐᓁᕐᕕᒋᔪᒫᕋᒃᑭᑦ.”

ᒨᓯᓯ ᓯᑕᒪᖏᑦ 21:15

ᓇᕐᓮᓪᓗ ᓯᕕᖓᓂᖏᑦ ᑎᑭᓯᒪᕗᑦ ᓄᓇᒧᑦ ᐋᕆᒧᑦ, ᓄᓇᐅᓪᓗ ᒧᐊᐱᐅᑉ ᑭᒡᓕᖓᓃᓪᓗᑎᒃ.”

ᔮᓱᐊᑉ ᐊᒡᓚᖏᑦ 23:7

ᐃᓅᖃᑎᒌᒡᔪᐊᓂᓗ ᐊᒥᐊᒃᑰᓯᒪᔪᓂᒃ ᐂᑉᐸᕐᑖᕐᑐᒃᓴᐅᓐᖏᓚᓯ, ᐅᖃᐅᓯᕆᑦᑍᓕᓗᒋᓪᓗ ᒎᑎᖏᑕ ᐊᑎᖏᑦ, ᐊᑎᖏᓪᓘᓐᓃᑦ ᐊᖏᕈᑎᒋᓂᐊᕋᓯᐅᒃ, ᒎᑎᖏᓪᓗ ᑐᒃᓯᐊᕐᕕᒋᔭᒃᓴᕆᓐᖏᓚᓯ, ᐹᒻᒪᒡᕕᒋᓂᐊᕐᓇᒋᓪᓗ.