ᐊᑕᓃᑦ ᐂᑉᐸᖏᑦ 5:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᑕᕝᕙ ᓁᒪᓐ ᐃᓚᒋᔭᓕᒫᑦᓯᐊᓂ ᐃᓚᒋᓪᓗᒋᑦ ᒎᑎᐅᑉ ᐃᓄᖁᑎᖓᓄᑦ ᐅᑎᕆᕗᑦ, ᓵᖓᓄᐊᕐᓗᓂ ᐅᖃᐅᑎᕚ, “ᑕᑯᒋᑦ, ᖃᐅᔨᕗᖓ ᓯᓚᕐᔪᐊᓕᒫᒥ ᒎᑎᑕᖃᓐᖏᓚᖅ ᐃᓴᕆᐊᓕᒥᐅᓂ ᑭᓯᐊᓂ, ᑭᒡᒐᕕᑦ ᑐᓂᕐᕈᑎᖏᑦ ᐃᓕᖕᓄᑦ, ᐱᔭᐅᖁᔭᕋᓗᐊᑲ.”

ᐊᑕᓃᑦ ᐂᑉᐸᖏᑦ 5:15 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 33:11

ᐊᑏ ᑐᓂᕐᕈᑎᒃᓴᒃᑲ ᓇᒃᓴᕐᓯᒪᒐᒃᑭᑦ ᐃᓕᖕᓄᑦ ᐃᓚᓕᐅᓕᒃᑭᑦ; ᒎᑎᒧᑦ ᐱᑦᓯᐊᕐᕕᐅᓯᒪᒐᒪ, ᐱᒋᔭᓐᓂᒡᓗ ᓈᒻᒪᒃᓯᓯᒪᓪᓗᖓ.” ᔧᑰᓪᓗ ᐱᔭᐅᖁᓪᓚᕆᖕᒪᒋᑦ, ᑕᕝᕙ ᐄᓴᐅᑉ ᐱᑖᕆᕔᑦ.

ᐊᑕᓃᑦ ᓯᕗᓪᓖᑦ 13:7

ᑕᕝᕙ ᐊᖓᔪᖅᑳᕐᔪᐊᖅ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᓄᑦ ᐅᖃᕐᐳᖅ, “ᐊᖏᕐᕋᖃᑎᒋᓕᓐᖓ ᓂᕆᔭᕐᑐᕐᓗᑎᓪᓗ, ᑕᕝᕙ ᐊᑭᓕᕐᓂᐊᕐᐸᒋᑦ.”

ᐊᑕᓃᑦ ᓯᕗᓪᓖᑦ 18:36

ᑕᕝᕙᓂᓗ ᐅᓐᓄᒃᑯᑦ ᑐᓂᕐᕈᓯᓐᓂᖅ ᓇᓪᓕᐅᑎᖕᒪᑦ, ᐃᓔᑦᔭ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᖃᒡᓕᒋᐊᕐᓗᓂ ᐅᖃᕐᐳᖅ, “ᐊᑕᓃᖅ, ᐂᑉᕋᕼᐋᒻ, ᐂᓴᑭᐅᓪᓗ, ᐃᓴᕆᐊᓕᐅᓪᓗ ᒎᑎᖓ, ᐅᓪᓗᒥ ᖃᐅᔨᔭᐅᓕᕆᑦ ᐊᑕᓂᐅᒐᕕᑦ ᐃᓴᕆᐊᓕᐅᑉ ᒎᑎᖓ, ᐅᕙᖓᓗ ᐱᔨᒋᒐᕕᖓ, ᑕᒪᒃᑯᐊᓗ ᐱᓇᓱᐊᕐᑕᒃᑲ ᐅᖃᐅᓯᕆᓯᒪᔭᒃᑯᑦ ᐱᓇᓱᐊᖃᑦᑕᕋᒃᑭᑦ.

ᐊᑕᓃᑦ ᐂᑉᐸᖏᑦ 19:15

ᕼᐃᓯᑬᐊᓗ ᑐᒃᓯᐊᕐᓗᓂ ᐊᑕᓂᕐᒧᑦ ᐅᖃᕐᐳᖅ, “ᐊᑕᓃᖅ, ᐃᓴᕆᐊᓕᒥᐅᑦ ᒎᑎᖓᑦ, ᓯᕈᐲᒻ ᖁᓛᓂ ᐃᒃᓯᕙᐅᑕᕐᔪᐊᖃᕐᑐᑎᑦ, ᒎᑎᐅᕗᑎᑦ ᐊᓯᖃᕐᓇᒃ, ᓄᓇᒥᐅᑦ ᐊᖓᔪᖅᑳᕐᔪᐊᖃᕐᕕᓕᒫᖏᓐᓄᑦ; ᕿᓚᒡᓗ ᓄᓇᓗ ᓴᓇᓯᒪᒐᕕᒋᒃ.

ᐊᑕᓃᑦ ᐂᑉᐸᖏᑦ 19:19

ᐊᑏ ᒫᓐᓇ, ᐊᑕᓃᖅ ᒎᑎᒋᔭᕗᑦ, ᓴᐳᑎᓚᐅᕐᑎᒍᑦ ᕿᓄᕕᒋᕙᒋᑦ, ᐊᖓᔪᖅᑳᕐᔪᐊᑉ ᐱᔪᓐᓇᕐᓂᖓᓂᑦ, ᓄᓇᒥ ᐊᖓᔪᖅᑳᕐᔪᐊᖃᕐᕕᐅᔪᓕᒫᑦ ᖃᐅᔨᓕᖁᓪᓗᒋᑦ ᐃᕝᕕᑐᐊᖅ, ᐊᑕᓃᖅ ᒎᑎᑐᐊᖑᒐᕕᑦ.”

ᐊᑕᓃᑦ ᐂᑉᐸᖏᑦ 5:8

ᐃᓔᓴ ᒎᑎᐅᑉ ᐃᓄᖁᑎᖓ ᑐᓴᕋᒥ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦ ᐊᓐᓄᕌᒥᓂᒃ ᐊᓕᒃᓯᖕᒪᑦ, ᐅᖃᐅᑦᔭᐅᒃᑲᕐᐹ ᐃᒫᒃ, “ᖃᓄᐃᒻᒪᑦ ᐊᓐᓄᕌᑎᑦ ᐊᓕᒃᐱᒌᑦ? ᑍᓐᓇ ᐊᖑᑦ ᐅᕙᓐᓄᑦ ᕾᑎᑕᐅᓚᐅᕐᓕ ᖃᐅᔨᓂᐊᕐᒪᑦ ᒎᑎᒧᑦ ᐅᖃᕐᑎᑕᖃᕐᓂᖓᓂᒃ ᐃᓴᕆᐊᓕᒥᐅᓂ.”

ᐂᓮᐊᓯᐅᑉ ᐊᒡᓚᖏᑦ 44:6

ᐊᑕᓂᖅ ᐃᒫᒃ ᐅᖃᕐᐳᖅ, ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦ, ᓴᐳᑦᔨᔨᒋᓪᓗᒍᓗ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ: ‘ᓯᕗᓪᓕᕐᐸᐅᕗᖓ ᑭᖑᓪᓕᕐᐸᐅᓪᓗᖓᓗ; ᐊᓯᓐᓂᒃ ᒎᑎᑕᖃᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 44:8

ᓯᕘᕋᓂᐊᕐᓇᒃ ᐃᕐᓯᓂᐊᕐᓇᒡᓗ ᑍᑦᓱᒪᓂᐊᓗᖕᓂᑦ ᐅᖃᐅᑎᓚᐅᓐᖏᓚᒌᑦ ᓇᓗᓁᕐᓗᒍᓗ? ᖃᐅᔨᓯᒪᔪᖁᑎᒋᒐᑦᓯ. ᐊᓯᓐᓂᒃ ᒎᑎᑕᖃᕐᐹ? ᓱᓕᓪᓚᕆᒃᐳᖓ ᕾᕐᑐᕐᑕᖃᓐᖏᓚᖅ ᐊᓯᓐᓂᒃ; ᐊᓯᓐᓂᒃ ᖃᐅᔨᒪᔭᖃᓐᖏᓚᖓ.’”

ᐂᓮᐊᓯᐅᑉ ᐊᒡᓚᖏᑦ 45:6

ᑍᒤᓕᐅᓚᐅᕐᐳᖓ, ᐃᓄᐃᑦ ᑐᑭᓯᓕᖁᓪᓗᒋᑦ ᓯᕿᓂᐅᑉ ᓄᐃᓕᕐᓂᖓᓂᑦ ᓂᐱᕕᖓᓄᑦ ᐊᓯᓐᓂᒃ ᐱᑕᖃᖏᒻᒪᑦ. ᐅᕙᖓᐅᕗᖅ ᐊᑕᓂᖅ, ᐊᓯᖃᖏᑦᑐᖅ.

ᑖᓂᐊᓕᐅᑉ ᐊᒡᓚᖏᑦ 2:47

ᐊᖓᔪᖅᑳᕐᔪᐊᕐᓗ ᐅᖃᕐᐳᖅ ᑖᓂᐊᓕᒧᑦ, “ᓱᓕᔪᒥᒃ ᒎᑏᑦ ᒎᑎᓄᑦ ᒎᑎᒋᔭᐅᕗᖅ, ᐊᑕᓂᐅᓪᓗᓂᓗ ᐊᖓᔪᖅᑳᕐᔪᐊᓄᑦ, ᓇᓗᓇᕐᑐᓂᒃ ᓴᖅᑭᑎᑦᓯᔪᓐᓇᕐᑐᖅ, ᖃᐅᔨᑦᔪᑎᒐ ᑕᕝᕙ ᓇᓗᓇᕐᑐᒥ ᑕᒪᑐᒥᖓ ᖃᐅᔨᑎᑕᐅᒐᕕᑦ.”

ᑖᓂᐊᓕᐅᑉ ᐊᒡᓚᖏᑦ 3:29

“ᑍᒤᒻᒪᑦ ᐱᖁᔭᓕᐅᓕᕐᐳᖓ ᐃᓄᐃᑦ ᓇᑭᑐᐃᓐᓇᖅ ᐱᓯᒪᔪᑦ ᐅᖃᐅᓯᖃᑎᒌᖏᑦᑐᓪᓗ, ᓇᓪᓕᐊᓐᓂᒃ ᐊᑭᕋᕐᑐᕐᓂᕐᒥᒃ ᐅᖃᕐᑐᖃᕐᐸᑦ, ᓵᑐᕌᑭᐅᑉ ᒥᓵᑭᐅᓪᓗ ᐊᐱᓐᑎᒎᓪᓗ ᒎᑎᖓᓐᓄᑦ, ᑍᒤᓕᐅᕐᑑᑉ ᑎᒥᖓ ᐊᕕᒃᑐᕐᑕᐅᔪᒃᓴᐅᕗᖅ ᐃᒡᓗᖓᓗ ᓯᖁᒥᑕᐅᓗᓂ ᓴᓂᑐᐃᓐᓇᐅᓕᕐᓗᓂ: ᒎᑎᑕᖃᖏᒻᒪᑦ ᐊᓯᐊᓂᒃ ᑍᒫᒃ ᓴᐳᑦᔨᔪᓐᓇᕐᑎᒋᔪᒥᒃ.”

ᑖᓂᐊᓕᐅᑉ ᐊᒡᓚᖏᑦ 4:34

“ᐅᓪᓗᐃᑦ ᑍᒃᑯᐊ ᐃᓱᓕᒻᒪᑕ, ᐅᕙᖓ ᓂᐱᑯᓁᓴ, ᕿᓚᖕᒧᑦ ᐋᕐᓗᕐᓗᖓ, ᖃᐅᔨᒪᓂᕋᓗ ᐅᑎᑦᓯᐊᓚᐅᕐᐳᖅ; ᖁᑦᓯᖕᓂᕐᐹᕐᓗ ᓂᕐᑐᕐᓇᕐᓯᑎᓚᐅᕐᐸᕋ, ᓂᕐᑐᓚᐅᕐᐸᕋᓗ ᐅᐱᒋᓚᐅᕐᐸᕋᓗ ᐃᓅᔪᖅ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ. “ᑖᑦᓱᒪ ᐊᑕᓂᐅᕕᖓ ᐃᓱᖃᖏᑦᑐᒧᑦ ᐊᑕᓂᐅᕕᐅᖕᒪᑦ, ᐊᖓᔪᖅᑲᐅᓂᖓᓗ ᓱᖁᓯᕐᓂᐊᓐᖏᓚᖅ ᑭᖑᕚᖑᖃᑎᒌᓂᑦ ᑭᖑᕚᖑᖃᑎᒌᓄᑦ.

ᕉᒪᒥᐅᓄᑦ 10:10

ᐆᒻᒪᑎᒃᑰᕐᑐᒥᒃ ᐅᒃᐱᕐᓂᖃᕐᑐᖅ ᐸᓯᔭᒃᓴᐅᔪᓐᓃᕐᑎᑕᐅᖕᒪᑦ, ᖃᓂᕐᒥᒍᓪᓗ ᐅᖃᐅᓯᖃᕐᑐᖅ ᑖᓐᓇ ᐱᐅᓕᔭᐅᓂᐊᕐᐳᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 9:5

ᑍᒤᒻᒪᑦ ᐱᔭᕆᐊᖃᕋᓱᒋᓚᐅᕋᒃᑯ ᙭ᔅᑑᓯᒥᐅᑕᐅᖃᑎᕗᑦ ᐃᓕᑦᓯᓐᓄᐊᖁᓪᓗᒋᑦ ᓯᕗᓂᑦᑎᓐᓂ, ᐱᔭᕇᕐᓯᑦᓯᐊᖁᓪᓗᒋᑦ ᑐᓂᕐᕈᑎᓂᒃ ᐃᑲᔫᑎᒃᓴᓂᒃ ᑐᓂᓂᐊᕐᓂᕋᓚᐅᕐᑕᑦᓯᓐᓂᒃ, ᐊᑐᐃᓐᓇᐅᑦᓯᐊᕐᑐᒧᑦ ᑎᑭᖁᓪᓗᖓ ᑐᓂᓯᔭᕆᐊᖃᕐᓂᕐᒨᖏᑦᑐᖅ ᐃᑲᔪᕈᒪᓂᕐᒧᓪᓕ ᑐᓂᔭᑦᓯᓐᓄᑦ.

ᔮᓱᐊᑉ ᐊᒡᓚᖏᑦ 9:24

ᑖᒃᑯᐊ ᔮᓱᐊᒧᑦ ᑭᐅᕗᑦ ᐅᖃᕐᓗᑎᒡᓗ, “ᑍᒫᒃ ᐱᓂᐊᕐᓂᖃᓚᐅᕐᐳᒍᑦ ᐊᖓᔪᖅᑳᒃ, ᑐᓴᓚᐅᕋᑦᑕ ᐊᑕᓂᐅᑉ ᒎᑎᑦᓯ ᐱᔨᓂ ᒨᓯᓯ ᐱᖁᓚᐅᕐᒪᒍ ᓄᓇᓕᓕᒫᓂᒃ ᐃᓕᖕᓄᐊᕆᖁᓪᓗᒍ, ᑐᖁᑕᐅᖁᓪᓗᒋᓪᓗ ᐃᓄᓕᒫᑦ ᓄᓇᓖᑦ ᖃᓂᖏᔭᑦᓯᓐᓃᑦᑐᑦ; ᑍᒫᒃ ᐱᓂᐊᕐᓂᖃᓚᐅᕐᐳᒍᑦ ᐊᒃᓱᐊᓗᒃ ᑲᑉᐱᐊᓱᓚᐅᕋᑦᑕ ᐃᓕᑦᓯᓐᓂᒃ, ᐃᓅᓯᕗᑦ ᓴᐳᑎᓇᓱᓚᐅᕐᐸᕗᑦ.

ᔮᓱᐊᑉ ᐊᒡᓚᖏᑦ 9:9

ᑖᒃᑯᐊ ᐅᖃᐅᑎᕚᑦ, “ᓄᓇᒥᑦ ᐅᖓᓯᒃᑐᒥᑦ ᐱᓯᒪᕗᒍᑦ, ᑐᓴᓚᐅᕋᑦᑕ ᐊᑕᓂᕐᒥᒃ ᒎᑎᑦᓯᓐᓂᒃ, ᑐᓴᕐᑎᑕᐅᓯᒪᒐᑦᑕ ᑖᑦᓱᒥᖓ, ᐱᓂᐊᕐᓂᕆᓯᒪᔭᓕᒫᖏᓐᓂᒡᓗ ᐄᑦᔨᑉᑎᒥ,

ᓴᒧᐃᓕ ᓯᕗᓪᓖᑦ 25:27

ᑖᒃᑯᐊᓗ ᐱᔨᕕᑦ ᑐᓂᔭᖏᑦ ᓈᒻᒪᒋᑭᑦ, ᑐᓂᔭᐅᓗᑎᒡᓗ ᐃᓅᓱᒃᑐᖁᑎᖕᓄᑦ ᐊᖓᔪᖅᑳᓐᓂᒃ ᓈᓚᒃᑐᓄᑦ.

ᓴᒧᐃᓕ ᓯᕗᓪᓖᑦ 9:7

ᓴᐅᓕᓕ ᑭᐅᕗᖅ, “ᑕᑯᒋᑦ ᑖᑦᓱᒧᖓᓕ ᐂᒍᑦᑕ ᓱᓇᒦᒃ ᐂᑦᑑᑎᒃᓴᖃᕐᐱᑖ? ᓂᕿᖃᕈᓐᓃᕋᑦᑕ, ᐱᖁᑎᖃᕐᓇᑕᓗ ᓱᓇᒥᒡᓕ ᒎᑎᐅᑉ ᐃᓄᖁᑎᖓᓄᑦ ᑐᓂᓯᔪᓐᓇᕋᔭᕐᐱᑖ?”