ᐊᑕᓃᑦ ᐂᑉᐸᖏᑦ 5:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᓁᒪᓐ ᑭᒡᒐᖏᑕ ᐅᐸᒡᓗᒍ ᐅᖃᐅᑎᕚᑦ, “ᐊᑖᑖᒃ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᐱᔭᕆᐊᑐᔪᒥᒃ ᐱᓇᓱᐊᖁᓗᓂᑎᑦ ᐅᖃᐅᑎᖅᑲᐅᒃᐸᑎᑦ, ᐊᑐᕋᓱᒃᑲᔭᖅᑲᐅᓐᖏᓔᑦ? ᐱᔭᕆᐊᑭᑦᑐᒥᒡᓕ ᐅᖃᐅᑎᕚᑎᑦ, ᐅᐊᓴᕆᐊᕐᑐᖁᓪᓗᓂᑎᑦ ᓴᓗᒻᒪᕐᓂᐊᕋᕕᑦ!”

ᐊᑕᓃᑦ ᐂᑉᐸᖏᑦ 5:13 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 6:21

ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦᑕ ᓯᕆᐊᒥᐅᑦ ᐅᓇᑕᕐᑎᖏᑦ ᑕᑯᓕᕋᒥᒋᑦ ᐃᓔᓴ ᐊᐱᕆᖃᑦᑕᓕᕐᐹᑦ, “ᐊᑖᑕᒃ ᑐᖁᕋᓕᕐᓚᒃᑳ? ᑐᖁᕋᓕᕐᓚᒃᑳ?”

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:14

ᑭᐅᕙᕋᓗ, “ᐊᖓᔪᖅᑳᖅ, ᐃᕝᕕᑦ ᖃᐅᔨᒪᕙᑎᑦ.” ᐅᖃᐅᑎᕚᖓᓗ, “ᑖᑯᐊ ᑕᕝᕙ ᑲᑉᐱᐊᓇᕐᑐᕐᔪᐊᕐᒥᒃ ᐊᓂᒍᐃᔪᑦ; ᐊᓐᓄᕌᒥᖕᓂᒃ ᓴᓗᒻᒪᕐᓮᓯᒪᕗᑦ ᖃᑯᕐᓯᑎᓪᓗᒋᒡᓗ ᓄᕐᕋᐅᔭᐅᑉ ᐊᐅᖓᓄᑦ.

ᐊᑕᓃᑦ ᐂᑉᐸᖏᑦ 13:14

ᐃᓔᓴ ᖃᓂᒪᓕᓚᐅᕐᐳᖅ ᑐᖁᑦᔪᑎᒋᓂᐊᓕᕐᑕᒥᓂᒃ. ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑦᑕ ᔪᐊᓯᐅᑉ ᑕᑯᔭᕐᑐᓚᐅᕐᐹ ᑕᑯᒐᒥᐅᒡᓗ ᕿᐊᑦᔪᑎᒋᕚ, ᐅᖃᐅᑎᓪᓗᒍᓗ, “ᐊᑖᑖᒃ, ᐊᑖᑖᒃ! ᐃᓴᕆᐊᓕᒥᐅᑉ ᕿᒧᒃᓯᐅᑎᖁᑎᖓᑦ ᕿᒥᕐᔪᐊᖁᑎᖓᓪᓗ!”

ᐊᑕᓃᑦ ᐂᑉᐸᖏᑦ 2:12

ᐃᓔᓴᐅᓪᓗ ᑕᑯᒐᒥᐅᒃ ᓂᐱᖅᑯᕐᑐᓪᓗᓂ ᕾᒐᓛᕐᐳᖅ, “ᐊᑖᑖᒃ! ᐊᑖᑖᒃ! ᐃᓴᕆᐊᓕᒥᐅᑦ ᕿᒧᒃᓯᐅᑎᖏᑦ ᕿᒻᒥᕐᔪᐊᒦᑦᑐᖁᑎᖓᓗ!” ᐃᓔᓴᐅᓪᓗ ᑕᑯᒃᑲᓐᓂᕈᓐᓃᕐᐹ, ᐊᓐᓄᕌᓂ ᓇᖕᒥᓂᖅ ᐊᑐᕐᑕᓂ ᐊᓕᒃᐹ ᒪᕐᕉᓕᓪᓗᒍ.

ᐲᑦᑐᕉᓯ ᓯᕗᓪᓖᑦ 3:21

ᑕᒪᓐᓇ ᓇᓗᓁᒃᑯᑕᐅᕗᖅ ᐹᑉᑎᑕᐅᓂᕐᒧᑦ, ᐱᐅᓕᒃᓯᔪᒧᑦ ᐃᓕᑦᓯᓐᓂᒃ, ᑎᒥᐅᑉ ᐃᑉᐸᖕᓂᖓᓂᒃ ᓴᓗᒻᒪᕐᓴᐅᑕᐅᖏᑦᑐᖅ ᒎᑎᒧᓪᓕ ᐊᖏᒻᒪᕆᒍᑕᐅᕗᖅ ᐃᓱᒪᒃᑯᑦ ᐸᓯᔭᒃᓴᐅᓂᕐᒥᑦ, ᔩᓱᓯ ᙭ᔅᑑᓯᐅᑉ ᒪᑭᓐᓂᖓᒍᑦ,

ᐄᑉᕈᐃᓄᑦ 10:22

ᑍᒤᒻᒪᑦ ᒎᑎᒧᑦ ᖃᒡᓕᓕᕐᑕ ᐆᒻᒪᑎᑦᑎᒍᑦ ᓱᓕᓂᖃᑦᓯᐊᕐᓗᑕ ᐅᒃᐱᕐᓂᖃᑦᓯᐊᕐᓗᑕ, ᐆᒻᒪᑎᕗᑦ ᓯᕐᐸᕐᓴᕐᕕᐅᓗᑎᒃ ᓴᓗᒻᒪᕐᑕᐅᖁᓪᓗᒋᑦ ᐃᓱᒪᒃᑯᑦ ᐱᐅᖏᑦᑐᒥᑦ ᐸᓯᔭᐅᓂᖃᕐᓂᕐᒥᑦ ᑎᒥᕗᓪᓗ ᐅᐊᓴᕐᑕᐅᓗᑎᒃ ᐃᒥᕐᒧᑦ ᓴᓗᒪᑦᓯᐊᕐᑐᒧᑦ.

ᑍᑑᓯᒧᑦ 3:5

ᑖᑦᓱᒪ ᓴᐳᑎᓚᐅᕐᐹᑎᒍᑦ, ᐱᓇᓱᐊᑦᓯᐊᕐᓂᕆᓚᐅᕐᑕᕗᑦ ᐱᑦᔪᑎᒋᓇᒋᑦ, ᓇᖕᒥᓂᕐᓕ ᓂᑲᒍᓱᖕᓂᕐᒥᓄᑦ ᐱᐅᓕᓚᐅᕐᐹᑎᒍᑦ, ᐅᐊᓴᕐᓗᑕ ᓄᑖᒥᒃ ᐃᓅᓯᕐᑖᕐᑎᓚᐅᕐᐹᑎᒍᑦ ᐊᓂᕐᓂᒃᑯᓪᓗ ᐃᑦᔪᕐᓁᑦᑐᒃᑯᑦ ᓄᑖᓐᖑᑎᓪᓗᑕ.

ᐋᐴᓯᑕᓖᑦ ᐱᓂᐊᕐᓂᖏᑦ 22:16

ᒫᓐᓇᓕ ᓱᓇᒦᒃ ᐅᑕᖅᑭᕖᑦ? ᒪᑭᓪᓗᑎᑦ ᐹᑉᑎᑕᐅᓕᕆᑦ, ᐊᔪᕐᓂᑎᑦ ᐅᐊᓴᕐᑕᐅᓂᐊᕐᒪᑕ, ᔩᓱᓯ ᑐᒃᓯᐊᕐᕕᒋᓕᕈᒃ.’”

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:15

ᐊᒡᓛᑦ 10,000ᓂᒃ ᑲᒪᔨᖃᕋᓗᐊᕈᑦᓯ ᙭ᔅᑑᓯᒥ, ᐊᒥᓱᓂᒃ ᐊᑖᑕᖃᖏᓐᓇᑦᓯ. ᐃᓕᑦᓯᓐᓄᑦ ᐊᑖᑕᒋᔭᐅᒐᒪ ᙭ᔅᑑᓯ ᔩᓱᓯᒥ ᐅᖃᐅᓰᑦ ᑐᓴᕈᒥᓇᕐᑐᑦ ᐊᖅᑯᑎᒋᓪᓗᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:27

ᒎᑎᓕ ᓂᕈᐊᓚᐅᕐᐳᖅ ᓯᓚᕐᔪᐊᕐᒥᐅᓄᑦ ᓯᓔᓐᓇᓱᒋᔭᐅᔪᑦ ᐊᑐᕐᓗᒋᑦ ᓯᓚᑐᔪᑦ ᑲᓐᖑᓱᒃᑎᑦᓱᒪᓪᓗᒋᑦ, ᓯᓚᕐᔪᐊᕐᒥᐅᓂᓪᓗ ᓴᓐᖐᓐᓇᓱᒋᔭᐅᔪᓂᒃ ᒎᑎ ᓂᕈᐊᓚᐅᕐᐳᖅ ᓯᓚᕐᔪᐊᕐᒥ ᓴᓐᖏᔪᑦ ᑲᓐᖑᓱᒃᑎᑦᓱᒪᓪᓗᒋᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:21

ᒎᑎᐅᑉ ᓯᓚᑐᓂᕐᒥᓄᑦ ᓯᓚᕐᔪᐊᕐᒥᐅᑦ ᓇᖕᒥᓂᖅ ᓯᓚᑐᓂᕐᒥᒃᑎᒍᑦ ᑐᑭᓯᔪᓐᓇᕐᑎᓐᖏᓔᑦ ᒎᑎᒥᒃ. ᒎᑎᓕ ᐊᑲᐅᒃᓴᕐᐳᖅ ᑖᒃᑯᐊ ᓯᓔᓐᓇᓱᒋᔭᖏᑎᒍᑦ ᐅᖃᐅᓯᕆᔭᑦᑎᒍᑦ ᐅᒃᐱᕈᓱᒃᑐᑦ ᐱᐅᓕᔪᒪᓪᓗᒋᑦ.

ᔪᐊᓇᓯᐅᑉ ᐊᒡᓚᖏᑦ 13:8

ᐲᑦᑐᕉᓯᐅᑉ ᐅᖃᐅᑎᕚ, “ᐃᑎᒐᓐᓂᒃ ᐅᐊᓴᓚᐅᕐᓯᒪᓂᐊᓐᖏᓚᑎᑦ.” ᔩᓱᓯᐅᑉ ᑭᐅᕚ, “ᐃᑎᒐᑎᑦ ᐅᐊᓴᕐᓂᐊᓐᖏᒍᒃᑭᑦ, ᐃᓚᒋᔪᓐᓃᕐᓂᐊᕐᐸᕐᒪ.”

ᒫᑎᐅᓯᐅᑉ ᐊᒡᓚᖏᑦ 23:9

ᐊᑖᑕᒥᒡᓗ ᑍᓯᔪᒃᓴᐅᓐᖏᓚᓯ ᑕᒫᓂ ᓄᓇᒦᑦᑐᒥᒃ, ᐊᑕᐅᓯᑐᐊᒥᒃ ᐊᑖᑕᖃᕋᑦᓯ ᕿᓚᖕᒦᑦᑐᒥᒃ.

ᒪᓚᑬᑉ ᐊᒡᓚᖏᑦ 1:6

ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ ᑐᓂᕐᕈᓯᕐᑎᑦᓯᔨᓄᑦ, “ᐃᕐᓂᐅᑉ ᐊᑖᑕᓂ ᐅᐱᒋᕚ, ᐱᔨᐅᓪᓗ ᐊᖓᔪᖅᑳᓂ, ᐊᑖᑕᐅᒍᒪᓕ, ᓇᐅᒡᓕ ᐅᐱᒋᔭᐅᓂᕋ? ᐊᖓᔪᖅᑳᖑᒍᒪᓗ ᓇᐅᒡᓕ ᐃᓕᕋᒋᔭᐅᓂᕋ? ᑐᓂᕐᕈᓯᕐᑎᑦᓯᔩᑦ ᐊᑎᓐᓂᒃ ᓇᕐᕈᔪᓯ. ᐅᖃᕐᐳᓯ, ‘ᖃᓄᖅ ᐊᑎᕐᓂᒃ ᓇᕐᕈᓚᐅᕐᐱᑖ?’

ᐂᓮᐊᓯᐅᑉ ᐊᒡᓚᖏᑦ 1:16

ᐃᓕᑦᓯᓐᓂᒃ ᐅᐊᓴᓚᐅᕆᑦᓯ; ᓴᓗᒻᒪᑦᓯᐊᕐᓗᓯ; ᐱᐅᖏᑦᑐᖅ ᐲᓚᐅᕐᓯᐅᒃ ᐱᓂᐊᕐᓂᑦᓯᓐᓂᑦ ᐃᔨᒪ ᓵᖓᓂᑦ; ᐊᑏ ᐱᐅᖏᑦᑐᓕᐅᕈᓐᓃᕆᑦᓯ.

ᐃᓐᖏᕈᑎᑦ 51:7

ᓴᓗᒻᒪᕐᓴᓚᐅᓐᖓ ᕼᐊᓯᑉᒧᑦ, ᑕᕝᕙ ᓴᓗᒻᒪᕐᓂᐊᕐᐳᖓ; ᐅᐊᓴᓚᐅᓐᖓ, ᑕᕝᕙ ᐊᐳᒻᒥᑦ ᖃᑯᕐᓂᕐᓴᐅᓕᕐᓂᐊᕐᐳᖓ.

ᐃᓐᖏᕈᑎᑦ 51:2

ᐅᐊᓴᓚᐅᓐᖓ ᓴᓗᒻᒪᕐᑎᓪᓗᖓ ᐊᔪᕐᑐᓕᓂᓐᓂᑦ ᑕᒤᓐᓂᑦ ᐊᔪᕐᓂᓐᓂᓪᓗ ᓴᓗᒻᒪᕐᓴᓚᐅᓐᖓ.

ᐊᑕᓃᑦ ᐂᑉᐸᖏᑦ 8:9

ᑕᕝᕙ ᕼᐊᔧᐅᓪ ᑳᒥᓕᖕᓂᒃ 40ᓂᒃ ᓇᖕᒥᕐᓱᐃᓚᐅᕐᐳᖅ ᐱᒃᑯᒥᓇᕐᓂᕐᐹᓂᒃ ᑕᒫᓯᑰᓯᒥᐅᓂᑦ ᐱᓯᒪᔪᓂᒃ ᐃᓔᓴᒧᐊᕐᓗᓂᓗ. ᕼᐊᓯᐊᓕᐅᑉ ᐃᓔᓴ ᑲᑎᒐᒥᐅᒃ, ᐅᖃᐅᑎᕚ, “ᐃᓄᖁᑏᑦ ᓯᕆᐊᒧᑦ ᐊᖓᔪᖅᑳᕐᔪᐊᖅ ᐱᓐᕼᐊᑖᑎᐅᑉ ᑎᓕᕚᖓ ᐊᐱᕆᖁᓪᓗᓂᖓ ᖃᓂᒻᒪᓯᕐᒥᓂᑦ ᐋᖅᑭᖕᓂᐊᕐᒪᖔᕐᒥ ᐋᖅᑭᑦᔮᔪᓐᓃᕐᒪᖔᕐᒥᓗ ᑐᑭᓯᔪᒪᓪᓗᓂ.”

ᐊᑕᓃᑦ ᐂᑉᐸᖏᑦ 5:10

ᐃᓔᓴ ᑕᕝᕙ ᑎᓕᓯᕗᖅ ᑭᒡᒐᒥᓂᒃ ᐅᖃᐅᑦᔨᖁᓪᓗᒍᓗ ᐃᒫᒃ, “ᐅᕕᓃᑦ ᐅᐊᓴᕆᐊᕐᑐᕈᒃ 7ᐃᓱᕐᓗᑎᑦ ᑰᖕᒥ ᔪᐊᕐᑕᓂᒥ, ᑕᕝᕙ ᐅᕕᓃᑦ ᐋᖅᑭᖕᓂᐊᕐᐳᖅ ᓴᓗᒻᒪᑦᓯᐊᓕᕐᓗᓂ.”

ᐊᑕᓃᑦ ᐂᑉᐸᖏᑦ 5:3

ᓂᕕᐊᕐᓵᖅ ᐱᓯᒪᔨᒋᓕᕐᑕᒥᓄᑦ ᐅᖃᕐᐳᖅ, “ᐊᖓᔪᖅᑳᕋ ᑕᑯᔭᕐᑐᕈᓐᓇᕈᓂ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᓂᒃ ᓴᒥᐊᕆᐊᒦᑦᑐᒥᒃ ᐅᕕᓂᕐᓗᒍᑎᐊᓗᐊ ᐋᖅᑭᒃᑕᐅᔪᓐᓇᕐᑑᒐᓗᐊᖅ.”

ᐊᑕᓃᑦ ᓯᕗᓪᓖᑦ 20:31

ᐊᖓᔪᖅᑳᖁᑎᖏᑕᓗ ᐅᐸᒡᓗᒍ ᐅᖃᐅᑎᕚᑦ, “ᑕᑯᒋᑦ ᒫᓐᓇ, ᑐᓴᐅᒪᕗᒍᑦ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖏᑦ ᓂᑲᒍᓱᓲᖑᖕᒪᑕ; ᐊᑏ ᐃᒃᐱᐊᕐᔪᖕᓂᒃ ᖃᕿᐊᓕᕐᑐᕐᓯᐅᑎᓂᒃ ᕿᑎᕉᓯᕐᓗᑕ ᐊᒃᓗᓈᒥᒡᓗ ᖁᖓᓯᑦᑎᓐᓄᑦ ᕿᓚᒃᓯᓗᑕ, ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᓄᐊᓚᐅᕐᑕ; ᐃᒻᒪᖄ ᑐᖁᓐᓂᐊᓐᖏᓛᑎᑦ.”

ᐊᑕᓃᑦ ᓯᕗᓪᓖᑦ 20:23

ᓯᕆᐊᒥᐅᓪᓗ ᐊᖓᔪᖅᑳᕐᔪᐊᖓᑕ ᐱᔨᖏᑕ ᐊᖓᔪᖅᑳᓂ ᐅᖃᐅᑎᕚᑦ, “ᒎᑎᖏᑦ ᒎᑎᐅᕗᑦ ᖃᖅᑲᒥᐅᓄᑦ, ᑍᒤᒻᒪᑦ ᐅᕙᑦᑎᓐᓂᑦ ᓲᖑᓂᕐᓴᐅᓚᐅᕐᐳᖅ; ᑭᓯᐊᓂᓕ ᐅᓇᑕᕈᑦᑎᒍᑦ ᓇᑎᕐᓇᒥ, ᖁᓚᕐᓇᓐᖏᓚᖅ ᑖᒃᑯᓇᓐᖓᑦ ᓲᖑᓂᕐᓴᐅᓛᕐᐳᒍᑦ.

ᒨᓯᓯ ᓯᕗᓪᓖᑦ 41:43

ᐊᒃᓴᓗᐊᓕᖁᑎᖓᑕᓗ ᑐᖓᓕᖓᑕ ᐃᑭᒪᕕᖓᓂ ᐃᑭᑎᓪᓗᒍ ᐃᖏᕐᕋᑎᑉᐹ; ᐅᐱᒍᓱᒃᑎᑕᐅᔪᓪᓗ ᓯᕗᓂᖓᓃᑦᑐᑦ ᕾᒐᓛᕐᐳᑦ, “ᑖᑦᓱᒧᖓ ᐅᑯᒋᑦᓯ!” ᑍᒤᓕᐅᕐᓗᓂ ᑕᕝᕙ ᐄᑦᔨᑉᑎᓕᒫᒧᑦ ᐊᐅᓚᑦᓯᔨᕈᕐᑎᓚᐅᕐᐹ.

ᔪᐊᓇᓯᐅᑉ ᐊᒡᓚᖏᑦ 9:7

ᐅᖃᐅᑎᓪᓗᒍ, “ᐃᕐᕈᕐᑐᕆᐊᕐᑐᓕᕆᑦ ᓮᓗᐊᑉ ᑕᓯᖓᓄᑦ.” ᓮᓗᐊ ᑐᑭᖃᕐᐳᖅ “ᑎᓕᔭᖅ.” ᑕᕝᕗᖓᓗ ᐂᕗᖅ ᐃᕐᕈᕐᑐᕐᓗᓂ ᑕᐅᑐᓕᕐᓗᓂᓗ ᐅᑎᕐᐳᖅ.

ᓴᒧᐃᓕ ᓯᕗᓪᓖᑦ 24:11

ᓱᓕᓗ ᐊᑕᑖᒃ, ᑕᑯᒋᑦ! ᐅᓕᒡᔪᐊᕕᑦ ᐃᓚᖓ ᑎᒍᒥᐊᕐᑕᕋ ᑕᑯᕕᐅᒃ; ᐅᓕᒡᔪᐊᕕᑦ ᓯᓇᕐᔪᐊ ᐅᑭᓚᐅᕐᐸᕋ, ᑐᖁᓐᓇᓱᓚᐅᓐᖏᓚᒋᓪᓗ, ᖃᐅᔨᒪᓕᕆᑦ ᑕᑯᓗᑎᓪᓗ ᐃᓕᖕᓂᒃ ᐊᑭᕋᕐᑐᖏᓐᓇᒪ, ᐊᔪᕐᑐᓕᓚᐅᕐᓇᖓᓗ ᐃᓕᖕᓄᑦ, ᐃᕝᕕᓪᓕ ᐅᕙᓐᓂᒃ ᐱᓇᓱᐊᕐᐳᑎᑦ ᑐᖁᓐᓇᓱᐊᕐᓗᖓ.

ᓴᒧᐃᓕ ᓯᕗᓪᓖᑦ 28:23

ᓴᐅᓕᓕ ᐱᔪᒪᓚᐅᓐᖏᓚᖅ, ᐅᖃᕐᓗᓂᓗ, “ᓂᕆᓂᐊᓐᖏᓚᖓ.” ᐱᔨᖏᑕᓕ ᑲᑐᑎᓪᓗᒍ ᐊᕐᓇᐅᓪᓗ ᐊᔪᐃᓐᓇᓚᐅᕐᐹᑦ ᓂᕆᖁᓪᓗᒍ, ᑕᕝᕙ ᐊᖏᓕᓚᐅᕐᐳᖅ ᓈᓚᓕᕐᓗᓂ. ᓄᓇᒥᓪᓗ ᒪᑭᓐᓇᒥ, ᐃᖏᑉᐳᖅ ᐃᒡᓕᕐᒧᑦ.

ᓴᒧᐃᓕ ᓯᕗᓪᓖᑦ 9:10

ᓴᐅᓕᓗ ᑭᐅᕗᖅ, “ᐅᖃᑦᓯᐊᕐᐳᑎᑦ! ᐊᑏ ᐂᓕᕐᑕ.” ᑕᕝᕙ ᐃᒡᓗᒐᓴᖕᓄᐊᕐᐳᑦ ᒎᑎᐅᑉ ᐃᓄᖁᑎᖓᑕ ᓄᓇᖓᓄᑦ.