ᐊᑕᓃᑦ ᐂᑉᐸᖏᑦ 4:31 - ᐊᒡᓔᑦ ᐃᑦᔪᕐᖕᓁᑦᑐᑦ

³¹ ᒋᕼᐋᓯ ᓯᕗᓂᖓᓐᓂ ᑐᐊᕕᕐᓗᓂ, ᓄᑲᑉᐱᐊᑉ ᑮᓇᖓᓄᑦ ᐊᔭᐅᑉᐱᐊᖅ ᐃᓕᔭᕐᑐᕐᐹ ᐃᓕᒐᓗᐊᕐᒪᒍ ᓂᓪᓕᓐᖏᓚᖅ ᐊᐅᓚᑦᔭᒐᓂᓗ. ᒋᕼᐋᓯ ᐊᒻᒪ ᐃᓔᓴ ᐅᑎᕐᕕᒋᓪᓗᒍ ᐅᖃᐅᑎᕚ, “ᓄᑲᑉᐱᐊᖅ ᐃᖁᒻᒪᖏᒻᒪᑦ.”

ᐊᑕᓃᑦ ᐂᑉᐸᖏᑦ 4:31 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 18:26

ᑕᕝᕙ ᐃᒻᒧᒃᓯᐅᒐᐅᑉ ᐊᖑᓴᓪᓗᖓ ᐱᕚᑦ ᑐᓂᔭᐅᓯᒪᔪᖅ, ᐊᑐᐃᓐᓇᕈᕐᓗᒍᓗ, ᒎᑎᒥᖕᓄᓪᓗ ᐰᓕᒧᑦ ᑐᒃᓯᐊᓚᐅᕐᐳᑦ ᐊᑎᖓ ᑍᓪᓗᒍ ᐅᓪᓛᒥᑦ ᐅᓪᓘᑉ ᕿᑎᕋᓕᕐᓂᖓᓄᑦ, ᐅᖃᕐᓗᑎᒃ, “ᐰᓖ, ᑐᓴᓚᐅᕐᑎᒍᑦ!” ᑭᓯᐊᓂᓕ ᓂᐱᖃᕐᑐᖃᓚᐅᓐᖏᓚᖅ, ᑭᐅᔪᖃᓚᐅᕋᓂᓗ. ᑖᓂᓯᕐᓗᑎᒃ ᑐᓂᕐᕈᓯᕐᕕᒃ ᓴᓇᓚᐅᕐᑕᑎᒃ ᑬᕙᓪᓚᖃᑦᑕᓚᐅᕐᐹᑦ.

ᐊᑕᓃᑦ ᓯᕗᓪᓖᑦ 18:29

ᐅᓪᓘᑉ ᕿᑎᕋᓕᕐᓂᖓ ᐊᓂᒍᕐᒪᑦ, ᓇᓚᐅᑦᑍᓇᓱᓚᐊᕐᐳᓪᓗ ᐅᓐᓄᖕᒧᑦ ᑐᓂᕐᕈᓯᕐᕕᒃᓴᒧᑦ ᑎᑭᓪᓗᑎᒃ, ᑭᓯᐊᓂᓕ ᓂᓪᓕᕐᑐᖃᓚᐅᓐᖏᓚᖅ; ᓇᓪᓕᐊᓐᓂᒡᓘᓐᓃᑦ ᑭᐅᔪᖃᓚᐅᕋᓂ, ᓂᐱᒥᒡᓘᓐᓃᑦ ᑐᓴᕐᓴᕈᕐᑐᖃᓚᐅᓐᖏᓚᖅ.

ᐊᑕᓃᑦ ᐂᑉᐸᖏᑦ 4:32

ᐃᓔᓴ ᐃᒡᓗᖓᓐᓄᑦ ᑎᑭᓐᓇᒥ ᓄᑲᑉᐱᐊᖅ ᑕᑯᕚ ᑐᖁᖓᔪᖅ ᓯᓂᒡᕕᒋᖃᑦᑕᕐᑕᖓᓂ.

ᐊᑕᓃᑦ ᐂᑉᐸᖏᑦ 5:20

ᒋᕼᐋᓯ, ᐃᓔᓴᐅᑉ ᐃᑲᔪᕐᑎᖓ ᒎᑎᐅᑉ ᐃᓄᖁᑎᖓᑕ ᐃᓱᒪᓕᕋᒥ, “ᐊᖓᔪᖅᑳᕅᓐᓇ ᐱᔭᕐᓂᓈᕐᓯᑎᑦᓯᓗᐊᕐᑐᖅ ᓁᒪᓐᒥᒃ ᓯᕆᐊᒥᐅᒥᒃ, ᑐᓂᑦᔪᑎᒋᓇᓱᒃᑕᖏᓐᓂᒃ ᐃᓚᓐᖎᖏᑦᓯᐊᕐᑐᖅ, ᐊᑕᓂᖅ ᐆᒪᔪᖅ ᐱᑦᔪᑎᒋᓪᓗᒍ ᒪᓕᐊᓪᓚᒡᓗᒍ ᐃᓚᖏᓐᓂᒃ ᐱᑖᕆᐊᕐᑐᓚᐅᕐᓚᖓ.”

ᐊᑕᓃᑦ ᐂᑉᐸᖏᑦ 8:1

ᐃᓔᓴ ᐅᖃᐅᑦᔨᓚᐅᕐᐳᖅ, ᐊᕐᓇᒥᒃ ᐃᕐᓂᖓᓂᒃ ᐆᒻᒪᕐᑎᑦᓯᕕᒋᓚᐅᕐᑕᒥᓂᒃ, “ᐃᓚᑎᑦ ᐃᓚᒋᓗᒋᑦ ᐊᐅᓪᓚᓕᕆᑦᓯ ᑕᐅᕙᓃᑬᓐᓇᕐᓗᓯᓗ ᓄᓇᒋᔪᓐᓇᕐᑕᑦᓯᓐᓂ, ᐊᑕᓂᖅ ᑳᖕᓇᕐᑐᕐᔪᐊᖃᕐᑎᑦᓯᓂᐊᕐᓂᕋᕐᓗᓂ ᐅᖃᕐᓯᒪᖕᒪᑦ ᐊᕐᕌᒍᓂᒃ 7ᓂᒃ ᓄᓇᒥ ᑕᒫᓂ.”

ᔫᐱᐅᑉ ᐊᒡᓚᖏᑦ 14:12

ᐃᓄᐃᑦ ᑐᖁᖃᑦᑕᕐᐳᑦ, ᒪᑭᓐᓂᐊᕈᓐᓁᕐᓗᑎᒃ; ᓯᓚᖃᕐᓂᓕᒫᖓᓂ ᑐᐸᖕᓂᐊᕈᓐᓁᕐᓗᑎᒃ, ᐅᕝᕙᓗ ᑐᐹᕐᑕᐅᓂᐊᕈᓐᓁᕐᓗᑎᒃ ᓯᓂᖕᓂᕐᒥᖕᓂᑦ.

ᐃᓯᑭᐊᓕᐅᑉ ᐊᒡᓚᖏᑦ 14:3

“ᐃᓅᑉ ᐃᕐᓂᖓ, ᐊᖑᑏᑦ ᐅᑯᐊ ᒎᑎᓐᖑᐊᒥᖕᓂᒃ ᐅᒃᐱᕆᔭᖃᓪᓚᕆᒃᐳᑦ, ᐊᔪᕐᑐᓕᓂᕐᒥᖕᓂᒡᓗ ᐊᒡᕕᐊᕈᑎᖃᕐᓗᑎᒃ; ᖃᓄᑐᐃᓐᓇᖅ ᐊᐱᕆᔭᐅᑎᑦᑐᒃᓴᐅᕗᖔ ᑖᒃᑯᓄᖓ?

ᑖᓂᐊᓕᐅᑉ ᐊᒡᓚᖏᑦ 12:2

ᐅᓄᕐᑐᕐᔪᐊᑦ ᓄᓇᐅᑉ ᐃᓗᐊᓂ ᓯᓂᒃᑐᑦ ᒪᑭᑦᓱᒫᕐᐳᑦ: ᐃᓚᖏᑦ ᐃᓅᓯᕐᒧᑦ ᐃᓱᖃᖏᑦᑐᒧᑦ, ᐃᓚᖏᓪᓗ ᑲᓐᖑᓇᕐᑐᒧᑦ ᑲᑉᐱᐊᓇᕐᑐᒧᑦ ᐃᓱᖃᖏᑦᑐᒧᑦ.

ᒫᑯᓯᐅᑉ ᐊᒡᓚᖏᑦ 5:39

ᔩᓱᓯ ᑕᕝᕗᖓ ᐃᑎᕋᒥ, ᐅᖃᐅᑎᕔᑦ, “ᓱᖕᒫᑦ ᐅᐃᒪᔮᕐᐱᓯ ᕿᐊᓪᓗᓯᓗ? ᐅᓇ ᓂᕕᐊᕐᓯᐊᖅ ᑐᖁᖓᓐᖏᓚᖅ ᓯᓂᑐᐃᓐᓇᕐᐳᖅ.”

ᔪᐊᓇᓯᐅᑉ ᐊᒡᓚᖏᑦ 11:11

ᑍᒫᒃ ᐅᖃᕇᕋᒥ, ᐅᖃᐅᑎᒃᑲᓐᓂᕐᐰᑦ, “ᐃᓚᓐᓇᕆᔭᕗᑦ ᓛᓴᕉᓯ ᓯᓂᓕᕐᐳᖅ, ᐅᐸᖕᓂᐊᕐᐸᕋᓕ ᑐᐹᕆᐊᕐᑐᕐᓗᒍ.”

ᐃᐱᓯᒥᐅᓄᑦ 5:14

ᑍᒤᒻᒪᑦ ᐅᖃᕐᓯᒪᔪᖃᕐᐳᖅ, “ᑐᐸᓕᕆᑦ, ᓯᓂᒃᑐᑎᑦ, ᒪᑭᓪᓗᑎᓪᓗ ᑐᖁᖓᔪᓂᑦ, ᑕᕝᕙ ᙭ᔅᑑᓯᐅᑉ ᖃᐅᒻᒪᒃᕕᒋᓂᐊᕐᐹᑎᑦ.”

ᓴᒧᐃᓕ ᓯᕗᓪᓖᑦ 14:37

ᑍᒤᒻᒪᑦ ᓴᐅᓕ ᐊᐱᕐᓱᕐᐳᖅ ᒎᑎᒧᑦ, “ᐅᓇᑕᕆᐊᕐᑐᒃᓴᐅᕗᖔ ᐱᓕᔅᑍᓂᒥᐅᓂᒃ? ᓵᓚᖃᕐᑎᓐᓂᐊᕐᐱᑎᒎᑦ ᑐᓂᓗᒋᑦ ᐃᓴᕆᐊᓕᒥᐅᑦ ᐱᔪᓐᓇᕐᓂᖏᓐᓅᑦ?” ᐊᑕᓂᕐᓕ ᑭᐅᓚᐅᓐᖏᓚᖅ ᐅᓪᓗᒥ ᑍᑦᓱᒪᓂ.

ᓴᒧᐃᓕ ᓯᕗᓪᓖᑦ 28:6

ᑍᒤᒻᒪᑦ ᓴᐅᓕ ᐊᑕᓂᕐᒥᒃ ᐊᐱᕆᓚᐅᕐᐳᖅ ᓱᔪᒃᓴᐅᖕᒪᖔᕐᒥ, ᐊᑕᓂᐅᓪᓕ ᑭᐅᓚᐅᓐᖏᓛ, ᓯᓐᓇᒃᑐᕐᓂᒃᑯᑦ, ᓇᓚᐅᑦᓵᕈᑎᒃᑯᓪᓘᓐᓃᑦ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑎᒍᓪᓘᓐᓃᑦ.