ᐊᑕᓃᑦ ᐂᑉᐸᖏᑦ 4:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᐅᓪᓚᒡᓗᑎᑦ ᐸᕐᕆᐊᒃᑭᑦ ᐊᐱᕆᓂᐊᕐᐰᑦ, ᖃᓄᐃᒻᒪᖔᑦ, ᐅᐃᖓᓗ ᖃᓄᐃᖏᒃᑲᓗᐊᕐᒪᖔᑦ ᐃᕐᓂᖓᓪᓘᓐᓃᑦ ᖃᓄᐃᖏᒃᑲᓗᐊᕐᒪᖔᑦ?” ᐊᕐᓇᐅᑉ ᑭᐅᕚ, “ᖃᓄᐃᖏᑦᑐᐃᓐᓇᐅᔪᒍᑦ.”

ᐊᑕᓃᑦ ᐂᑉᐸᖏᑦ 4:26 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 29:6

ᐊᐱᕆᒋᕔᑦ, “ᖃᓄᐃᖏᒃᑲᓗᐊᕐᐹ?” ᑖᒃᑯᐊ ᑭᐅᕚᑦ, “ᖃᓄᐃᖏᑦᑐᖅ; ᑕᑯᓕᕈᒃ ᑕᕝᕙ ᐸᓂᖓ ᕅᒋᓕ ᕾᓕᕐᐳᖅ ᓰᐱᖁᑎᖏᓐᓂᒃ ᓇᒃᓴᕐᓗᓂ.”

ᒨᓯᓯ ᓯᕗᓪᓖᑦ 37:14

ᐅᖃᐅᑎᕚᓗ, “ᑍᒃᑯᓄᓐᖓᓚᐅᕆᑦ, ᑕᑯᔭᕐᑐᕐᓗᑎᑦ ᐊᖓᔪᑎᑦ ᓰᐱᖁᑎᕗᓪᓗ ᖃᓄᐃᖏᑦᓯᐊᕋᓗᐊᕐᒪᖔᑕ; ᐅᑎᕈᕕᑦ ᑐᓴᕐᑎᑦᓱᒫᕋᕕᖓ.” ᑕᕝᕙᓐᖓᑦ ᕼᐃᐸᕋᓂᐅᑉ ᓇᕐᓴᖓᓂᑦ ᑎᓕᖕᒪᒍ, ᓯᑭᒻᒧᐊᓕᕐᐳᖅ.

ᒨᓯᓯ ᓯᕗᓪᓖᑦ 43:27

ᖃᓄᐃᒻᒪᖔᑕᓗ ᐊᐱᕐᓱᕐᐰᑦ, ᐅᖃᕐᓗᓂ, “ᐊᑖᑕᓯ, ᑍᓐᓇ ᐃᓄᑐᖃᐅᓕᕐᑐᖅ ᐅᖃᐅᑎᒋᓚᐅᕐᑕᓯ ᖃᓄᐃᓐᖏᓛᖅ? ᓱᓕ ᐃᓅᕚ?”

ᓴᒧᐃᓕ ᐂᑉᐸᖏᑦ 18:29

ᐊᖓᔪᖅᑳᕐᔪᐊᖅ ᐊᐱᕆᕗᖅ, “ᐃᓅᓱᒃᑐᖅ ᐋᑉᓴᓚᒻ ᖃᓄᐃᖏᒃᑲᓗᐊᕐᐹ?” ᐊᕼᐂᒫᔅ ᑭᐅᕗᖅ, “ᐊᖓᔪᖅᑳᒃ, ᔪᐊᐱᐅᑉ ᑎᓕᖕᒪᖓ ᑕᑯᓚᐅᕐᐳᖓ ᐅᐃᒪᔮᕐᑐᓂᒃ, ᖃᐅᔨᓚᐅᓐᖏᓚᖓ ᖃᓄᐃᓕᐅᕐᒪᖔᑕ.”

ᐊᑕᓃᑦ ᐂᑉᐸᖏᑦ 4:23

ᐅᐃᖓᑕ ᐅᖃᐅᑎᕚ, “ᓱᖕᒪᑦ ᐅᓪᓗᒥ ᐊᐅᓪᓚᕋᓱᒃᐱᑦ? ᑕᖅᑭᓂᕋᑖᖑᓐᖏᒻᒪᑦ, ᓴᐸᑎᐅᓇᓂᓗ.” ᐅᐃᓂ ᑭᐅᕚ, “ᖃᓄᐃᖏᑦᑐᖅ.”

ᐊᑕᓃᑦ ᐂᑉᐸᖏᑦ 4:25

ᐃᖏᕐᕋᓯᒐᒥᒃ ᒎᑎᐅᑉ ᐃᓄᖁᑎᖓᓄᑦ ᑎᑭᑉᐴᒃ ᖃᖅᑲᒥ ᑳᕐᒥᐊᓕᒦᒻᒪᑦ, ᐃᓔᓴᐅᑉ ᓱᓕ ᐅᖓᓯᒃᑎᓪᓗᒋᑦ ᑕᑯᒐᒥᒋᑦ ᐃᑲᔪᕐᑎᓂ ᒋᕼᐋᓯ ᐅᖃᐅᑎᕚ, “ᑕᑯᒋᑦ ᐊᕐᓇᖅ ᓲᓇᒤᑎᒥᐅᑕᖅ ᕾᓕᕐᐳᖅ.

ᐊᑕᓃᑦ ᐂᑉᐸᖏᑦ 4:27

ᒎᑎᐅᑉ ᐃᓄᖁᑎᖓ ᑎᑭᓐᓇᒥᐅᒃ ᖃᖅᑲᐅᑉ ᖄᖓᓂ ᐅᑯᓪᓗᓂ ᐃᑎᒐᖏᑦ ᑎᒍᕔᑦ, ᒋᕼᐋᓯᐅᑉ ᐅᐸᒡᓗᒍ ᐲᕐᑎᒋᐊᕋᓗᐊᕐᒪᒍ. ᒎᑎᐅᑉ ᐃᓄᖁᑎᖓᑕ ᐅᖃᐅᑎᕚ, “ᑲᒪᒋᖏᓪᓗᒍ, ᖁᕕᐊᓱᖏᑦᑐᖅ ᐅᒡᒍᐊᕐᕙᓗᖕᒪᑦ, ᐊᑕᓂᐅᑉ ᖃᐅᔨᑎᖏᒻᒪᖓ ᓱᖕᒪᖔᑦ.”

ᐊᑕᓃᑦ ᐂᑉᐸᖏᑦ 5:22

ᒋᕼᐋᓯᐅᑉ ᑭᐅᕚ, “ᖃᓄᐃᑦᑐᖃᖏᑦᑐᖅ, ᐊᖓᔪᖅᑳᒪ ᐅᖃᕆᐊᕐᑐᖁᖕᒪᖓ, ‘ᐃᓅᓱᒃᑑᒃ ᒪᕐᕉᒃ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑕ ᐃᓚᖏᒃ ᑎᑭᖅᑲᐅᖕᒪᑎᒃ ᑕᑉᐹᓐᖓᑦ ᐃᕗᕅᒻ ᖃᖅᑲᖓᓂᕐᒥᐅᓂᑦ ᐱᑎᑕᐅᔪᓐᓇᕐᒪᖔᑕ 3,000ᓂᒃ ᑮᓇᐅᔭᓂᒃ ᒎᓗᓂᒃ ᐊᓐᓄᕌᓂᒡᓗ ᖃᐅᔨᒋᐊᕐᑐᕐᑎᑕᐅᕗᖓ.’”

ᐃᓐᖏᕈᑎᑦ 39:9

ᓂᐰᑦᑑᓚᐅᕐᐳᖓ, ᖃᓂᕋᓘᓐᓃᑦ ᐂᑦᑕᓚᐅᓐᖏᓚᕋ ᐃᕝᕕᑦ ᑍᒤᑎᓚᐅᕋᕕᖓ.

ᒨᓯᓯ ᐱᖓᔪᖏᑦ 10:3

ᑕᕝᕙ ᒨᓯᓯᐅᑉ ᐂᕉᓂ ᐅᖃᐅᑎᕚ, “ᑕᒪᑦᔭ ᐊᑕᓂᐅᑉ ᐅᖃᐅᓯᕆᓚᐅᕐᑕᖓ ᐅᖃᕋᒥ; ‘ᐅᕙᓐᓄᑦ ᖃᒡᓕᔪᓄᑦ ᐃᑦᔪᕐᓁᓐᓂᓐᓂᒃ ᓇᓗᓁᕐᓯᓂᐊᕐᐳᖓ; ᐃᓄᐃᑦ ᑕᒃᑯᐊᓐᓂ ᐅᐱᒋᔭᐅᓂᐊᕐᐳᖓ.’” ᐂᕉᓂᓗ ᓂᓪᓕᓐᖏᓚᖅ.

ᓴᑲᕅᐊᐅᑉ ᐊᒡᓚᖏᑦ 2:4

ᐹᕐᑕᒥᓄᓪᓗ ᐅᖃᕐᐳᖅ, “ᐅᓪᓚᒡᓗᑎᑦ ᐃᓅᓱᒃᑐᖅ ᑍᓐᓇ ᐅᖃᐅᑎᔭᕐᑐᕈᒃ ᐃᒫᒃ, ‘ᔨᕉᓴᓕᒻ ᓄᓇᓕᒡᔪᐊᖓ ᐊᕙᓗᕐᔪᐊᖃᕈᓐᓁᕈᒫᕐᐳᖅ ᐃᓄᖃᓗᐊᓕᕐᓂᖓᓄᑦ ᐆᒪᔪᖁᑎᖃᓗᐊᓕᕐᓂᖏᓐᓄᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 15:36

ᐅᓪᓗᐃᑦ ᐊᒥᓱᑦ ᑭᖑᕐᖓᑦᑎᒍᑦ ᐸᐅᓗᓯ ᐸᕐᓇᐹᓯᒧᑦ ᐅᖃᕐᐳᖅ, “ᐅᑎᓚᐅᕐᒥᓗᒃ ᑕᑯᔭᕐᑐᕐᓗᓄᒃ ᓄᓇᓕᖕᓄᑦ ᐊᑕᓂᐅᑉ ᐅᖃᐅᓯᖏᓐᓂᒃ ᐊᔪᕆᕐᑐᐃᕕᒋᓚᐅᕐᑕᑦᑎᖕᓄᑦ, ᖃᓄᐃᓕᕐᒪᖔᑕ.”

ᓴᒧᐃᓕ ᓯᕗᓪᓖᑦ 17:18

ᐅᑯᐊᓗ ᓰᓰᑦ ᖁᓕᑦ ᑐᓂᒃᑭᑦ ᐅᓇᑕᕐᑐᒃᓴᓄᑦ ᐊᖓᔪᖅᑳᖑᔪᒧᑦ 1,000ᓄᑦ, ᐊᖓᔪᑎᓪᓗ ᖃᓄᐃᖏᑦᓯᐊᕋᓗᐊᕐᒪᖔᑕ ᖃᐅᔨᒋᐊᕐᓂᐊᕐᐸᑎᑦ, ᑕᑯᔪᕕᓂᐅᓂᕐᓂᒡᓗ ᓇᓗᓁᕐᓯᑦᔪᑎᒥᒃ ᐅᑎᐅᑦᔨᓂᐊᕐᐳᑎᑦ ᑖᒃᑯᓇᓐᖓᑦ.”

ᓴᒧᐃᓕ ᓯᕗᓪᓖᑦ 3:18

ᑍᒤᒻᒪᑦ ᓴᒧᐃᓕᐅᑉ ᐅᖃᐅᑎᓚᐅᕐᐹ ᐅᖃᐅᑎᔭᐅᑦᔪᑎᓕᒫᒥᓂᒃ ᓇᓪᓕᐊᓐᓂᒡᓘᓐᓃᑦ ᐅᖃᕐᑍᓕᒪᓇᓂ. ᐃᓔᓗ ᐅᖃᕐᐳᖅ, “ᐊᑕᓂᐅᕗᖅ; ᑖᑦᓱᒪ ᐱᐅᓂᕐᐹᖑᔪᕆᔭᓂ ᐊᑐᕐᓂᐊᕐᐹ.”