ᐊᑕᓃᑦ ᐂᑉᐸᖏᑦ 3:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑭᓯᐊᓂᓕ ᔨᕈᐳᐊᒻ ᓂᐹᑎᐅᑉ ᐃᕐᓂᖓᑕ ᐊᔪᕐᑐᓕᑦᔪᑎᒋᓚᐅᕐᒥᔭᖏᑕ ᐊᑦᔨᖏᓐᓂᒃ ᐊᑐᓕᓚᐅᕆᕗᖅ ᐃᓴᕆᐊᓕᒥᐅᓄᑦ ᑕᒻᒪᕐᓯᒪᑦᔪᑕᐅᓚᐅᕐᑐᓂᒃ; ᑕᒪᑐᒥᖓ ᕿᒤᓚᐅᖏᓐᓇᒥ.

ᐊᑕᓃᑦ ᐂᑉᐸᖏᑦ 3:3 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 13:33

ᑕᒪᑐᒪ ᑭᖑᕐᖓᒍᑦ ᔨᕈᐳᐊᒻ ᕿᒤᓚᐅᓐᖏᓚᖅ ᐊᔪᕐᑐᓕᓂᕐᒥᓂᒃ, ᓱᓕᓕ ᑐᓂᕐᕈᓯᕐᑎᑦᓯᔨᓐᖑᕐᑎᑦᓯᖃᑦᑕᓚᐅᕐᐳᖅ ᐃᓄᑐᐃᓐᓇᕐᓂᒃ ᑐᓂᕐᕈᓯᕐᕕᓕᐊᕆᓚᐅᕐᑕᒥᓄᑦ, ᐱᔪᒪᔪᑐᐃᓐᓇᒥᒃ ᑐᓂᕐᕈᓯᕐᑎᑦᓯᔨᓐᖑᕐᑎᑦᓯᖃᑦᑕᓚᐅᕐᐳᖅ ᑐᒃᓯᐊᕐᕕᓕᐊᕆᓯᒪᔭᒥᓄᑦ.

ᐊᑕᓃᑦ ᓯᕗᓪᓖᑦ 14:16

ᐊᑕᓂᐅᑉ ᐃᓴᕆᐊᓕᒥᐅᑉ ᕿᒪᒍᒫᕐᐰᑦ ᔨᕈᐳᐊᒻ ᐊᔪᕐᑐᓕᓚᐅᕐᓂᖓᓄᑦ, ᐃᓴᕆᐊᓕᒥᐅᓂᒡᓗ ᐊᔪᕐᑐᓕᑎᑦᓯᓚᐅᕐᓂᖓᓄᑦ.”

ᐊᑕᓃᑦ ᓯᕗᓪᓖᑦ 14:9

ᐃᕝᕕᓪᓕ ᐱᐅᖏᓐᓂᕐᐹᓂᒃ ᓯᕗᓕᕆᓚᐅᕐᑕᓕᒫᕐᓂᑦ ᐱᓇᓱᐊᕐᐳᑎᑦ ᒎᑎᓐᖑᐊᓕᐅᓚᐅᕋᕕᑦ ᐃᓄᓐᖑᐊᓕᐅᕐᓗᑎᓪᓗ ᓂᓐᖓᒃᓮᓪᓗᑎᑦ ᐅᕙᓐᓂᒃ, ᕿᒤᓪᓗᑎᓪᓗ ᐅᕙᓐᓂᒃ.

ᐊᑕᓃᑦ ᓯᕗᓪᓖᑦ 15:26

ᐊᔪᕐᑐᓕᓚᐅᕐᐳᖅ ᐊᑕᓂᐅᑉ ᓵᖓᓂ, ᐃᓅᓯᖃᕐᓗᓂᓗ ᐊᑖᑕᖓᑕ ᐃᓅᓚᐅᕐᓂᖓᑐᑦ, ᐊᔪᕐᑐᓕᓂᕐᒥᓄᓪᓗ ᐃᓴᕆᐊᓕᒥᐅᑦ ᐊᔪᕐᑐᓕᑎᓚᐅᕐᐰᑦ.

ᐊᑕᓃᑦ ᓯᕗᓪᓖᑦ 15:34

ᐊᔪᕐᑐᓕᓚᐅᕐᐳᕐᑕᐅᖅ ᐊᑕᓂᐅᑉ ᓵᖓᓂ, ᐊᑖᑕᒥᑐᑦ ᔨᕈᐳᐊᒻᑐᑦ ᐃᓅᓯᖃᓚᐅᕐᐳᖅ, ᐊᔪᕐᑐᓕᓂᕐᒥᓄᓪᓗ ᐃᓴᕆᐊᓕᒥᐅᑦ ᐊᔪᕐᑐᓕᑎᓚᐅᕐᐰᑦ.

ᐊᑕᓃᑦ ᓯᕗᓪᓖᑦ 16:31

ᖃᓄᐃᖏᓐᓂᕐᓴᐅᔮᓚᐅᕐᐳᖅ ᐃᓅᓚᐅᕈᓂ, ᔨᕈᐳᐊᒻ ᓂᐹᑦ ᐃᕐᓂᖓᑕ ᐊᔪᕐᑐᓕᓂᕆᓚᐅᕐᑕᖓᑐᑦ, ᓄᓕᐊᓂᓚᐅᕐᒪᑦ ᔨᔨᐱᐅᓪᒥᒃ ᐊᖓᔪᖅᑳᕐᔪᐊᑉ ᐃᔅᐱᐊᓚᐅᑉ ᓮᑐᓂᒥᐅᑕᐅᑉ ᐸᓂᖓᓂᒃ, ᐰᓕᒥᒡᓗ ᒎᑎᓐᖑᐊᖃᓚᐅᕐᐳᖅ ᐱᓇᓱᐊᓚᐅᕐᒪᑦ ᐅᐱᒍᓱᖕᓂᕐᒧᓪᓗ ᑐᒃᓯᐊᕐᕕᒋᓪᓗᒍ.

ᐊᑕᓃᑦ ᐂᑉᐸᖏᑦ 13:11

ᐊᑕᓂᐅᑉ ᓵᖓᓂ ᓈᒻᒪᖏᑦᑐᓕᓚᐅᕐᐳᖅ ᔨᕈᐳᐊᒻᓗ ᓂᐹᑎᐅᑉ ᐃᕐᓂᖓᑕ ᐊᔪᕐᑐᓕᓂᕆᓚᐅᕐᑕᖏᑕ ᐱᐅᓯᕆᔭᖏᓐᓂᒃ ᒪᓕᑐᐃᓐᓇᓚᐅᕆᕗᖅ ᐃᓴᕆᐊᓕᒥᐅᓂᒃ ᐊᔪᕐᑐᓕᓂᕐᒥ ᐃᓅᑎᑦᓯᓂᕆᓚᐅᕐᑕᖓᑐᑦ, ᕿᒤᓯᒪᓚᐅᖏᓐᓇᒥ.

ᐊᑕᓃᑦ ᐂᑉᐸᖏᑦ 13:2

ᐊᑕᓂᐅᑉ ᓵᖓᓂ ᐱᓂᐊᕐᓂᖃᓚᐅᕐᐳᖅ ᐱᐅᖏᑦᑐᒥᒃ, ᔨᕈᐳᐊᒻ ᐊᔪᕐᑐᓕᓂᖓ ᒪᓕᒡᓗᒍ ᓂᐹᑎᐅᑉ ᐃᕐᓂᖓᑕ, ᑖᑦᓱᒪ ᐃᓴᕆᐊᓕᒥᐅᑦ ᐊᔪᕐᑐᓕᑎᓚᐅᕐᒪᒋᑦ; ᐊᔪᕐᑐᓕᓂᕐᒥᒡᓗ ᕿᒤᓚᐅᕋᓂ.

ᐊᑕᓃᑦ ᐂᑉᐸᖏᑦ 13:6

ᔨᕈᐳᐊᒻᓕ ᐃᓚᖏᑕᓗ ᐊᔪᕐᑐᓕᑦᔪᑎᒋᓚᐅᕐᑕᖏᓐᓂᒃ ᓴᑯᑦᓯᓚᐅᓐᖏᓚᑦ, ᐃᓴᕆᐊᓕᒥᐅᓂᒃ ᐊᔪᕐᑐᓕᓂᕐᒥ ᐃᓅᑎᑦᓯᑦᔪᑎᒋᓚᐅᕐᑕᖏᓐᓂᒃ, ᐃᓴᕆᐊᓕᒥᐅᑦ ᑲᔪᓯᑐᐃᓐᓇᓚᐅᕐᐳᑦ ᑕᒪᑐᒧᖓ, ᓇᐸᔪᐊᓗᒡᓗ ᒎᑎᓐᖑᐊᑉ ᓇᓗᓁᒃᑯᑕᖓ ᐊᓯᕋᒥᒃ ᑍᔭᐅᔪᖅ ᓴᒥᐊᕆᐊᒥ ᓇᐸᑎᑕᐅᖏᓐᓇᓚᐅᕐᐳᖅ.

ᐊᑕᓃᑦ ᐂᑉᐸᖏᑦ 14:24

ᐊᑕᓂᐅᑉ ᓵᖓᓂ ᑖᓐᓇ ᐊᔪᕐᑐᓕᓚᐅᕐᐳᖅ; ᓯᕗᓕᖓᑕ ᐊᖓᔪᖅᑳᕐᔪᐊᑉ ᔨᕈᐳᐊᒻ ᓈᒻᒪᖏᑦᑐᓕᐅᕐᓂᕆᓚᐅᕐᑕᖏᓐᓂᒃ ᐊᑐᖃᑕᐅᑐᐃᓐᓇᓚᐅᕋᒥ ᓂᐹᑎᐅᑉ ᐃᕐᓂᖓᑕ, ᑖᑦᓱᒪ ᐃᓴᕆᐊᓕᒥᐅᑦ ᐊᔪᕐᑐᓕᑎᓚᐅᕐᒪᒋᑦ.

ᐊᑕᓃᑦ ᐂᑉᐸᖏᑦ 15:18

ᐊᑕᓂᐅᑉ ᓵᖓᓂ ᐊᔪᕐᑐᓕᓂᕐᒥ ᐃᓅᓚᐅᕐᐳᖅ; ᐊᖓᔪᖅᑳᕐᔪᐊᑉ ᔨᕈᐳᐊᒻ ᓂᐹᑎᐅᑉ ᐃᕐᓂᖓᑕ ᐊᔪᕐᑐᓕᓂᕆᓚᐅᕐᑕᖏᓐᓂᒃ ᕿᒤᓚᐅᓐᖏᓚᖅ ᐃᓅᓂᓕᒫᒥᓂ ᐃᓴᕆᐊᓕᒥᐅᓪᓗ ᐊᔪᕐᑐᓕᓂᕐᒦᑎᓚᐅᕐᐰᑦ.

ᐊᑕᓃᑦ ᐂᑉᐸᖏᑦ 15:9

ᐊᑕᓂᐅᑉ ᓵᖓᓂ ᐊᔪᕐᑐᓕᓂᖃᓚᐅᕐᐳᖅ ᓯᕗᓕᕆᓚᐅᕐᑕᒥᑐᑦ, ᐊᖓᔪᖅᑳᕐᔪᐊᑉ ᔨᕈᐳᐊᒻ ᓂᐹᑎᐅᑉ ᐃᕐᓂᖓᑕ ᐊᔪᕐᑐᓕᑦᔪᑎᒋᓚᐅᕐᑕᖏᓐᓂᒃ ᓴᒃᑯᐃᓯᒪᓚᐅᖏᓐᓇᒥ ᐃᓴᕆᐊᓖᑦ ᐊᔪᕐᑐᓕᓂᕐᒥ ᐃᓅᑎᓚᐅᕐᐰᑦ.

ᐊᑕᓃᑦ ᐂᑉᐸᖏᑦ 17:21

ᐊᑕᓂᐅᑉ ᐊᕕᑎᓯᒪᓕᕐᒪᒋᑦ ᐃᓴᕆᐊᓕᒥᐅᑉ ᔫᑕᒥᐅᓪᓗ, ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᕐᑖᕐᐳᑦ ᔨᕆᐳᐊᒻᒥᒃ ᓂᐹᑎᐅᑉ ᐃᕐᓂᖓᓂᒃ, ᔨᕈᐳᐊᒻ ᐃᓴᕆᐊᓕᒥᐅᑉ ᐊᑕᓂᕐᒥᒃ ᕿᒤᑎᒋᐊᓪᓚᑐᐃᓐᓇᓚᐅᕐᐰᑦ ᐊᔪᕐᑐᓕᓂᕐᒥ ᐃᓅᓯᖃᕐᑎᓪᓗᓂᒋᑦ.

ᐊᑕᓃᑦ ᐂᑉᐸᖏᑦ 17:22

ᐃᓴᕆᐊᓕᒥᐅᑉ ᔨᕈᐳᐊᒻ ᐊᔪᕐᑐᓕᑦᔪᑎᖏᓐᓂᒃ ᒪᓕᑐᐃᓐᓇᓚᐅᕐᐳᑦ, ᖃᕿᐊᓕᕈᒪᓇᑎᒡᓗ.

ᐊᑕᓃᑦ ᐂᑉᐸᖏᑦ 17:23

ᐊᑕᓂᐅᑉ ᓇᔪᕈᒪᔪᓐᓃᓚᐅᕐᐰᑦ, ᐅᖃᕐᑎᒥᒍᑦ ᖃᐅᔨᑎᒋᐊᕐᓗᓂᒋᑦ ᐅᖃᐅᑎᕙᓚᐅᕋᓗᐊᕐᓗᓂᒋᑦ. ᐃᓴᕆᐊᓕᒥᐅᑦ ᓄᓇᒥᖕᓂᑦ ᐊᐅᓪᓚᕈᑦᔭᐅᓚᐅᕐᐳᑦ ᐊᓯᕆᐊᒧᐊᕐᑎᑕᐅᓪᓗᑎᒃ ᑕᕝᕙᓂᓗ ᓄᓇᖃᓕᕐᓗᑎᒃ ᐅᓪᓗᒥᒧᑦ.

ᐊᑕᓃᑦ ᐂᑉᐸᖏᑦ 21:16

ᒫᓇᓯᐅᓪᓗ ᐸᓯᔭᒃᓴᐅᓂᖃᖏᑦᑐᓂᒃ ᐃᓄᐊᕐᓯᒪᔭᖏᑕ ᐅᓄᕐᓂᑯᖏᓐᓄᑦ, ᔨᕉᓴᓕᐅᑉ ᐃᓱᐊᓂᑦ ᐃᓱᐊᓄᑦ ᓈᔨᓯᒪᓚᐅᕐᐳᑦ, ᐊᔪᕐᑐᓕᑎᑦᓯᓯᒪᓂᖓ ᔫᑕᒥᐅᓂᒃ ᐱᒐᓗᐊᕐᒥᑎᓪᓗᒍ, ᐊᑕᓂᐅᑉ ᓵᖓᓂ ᓈᒻᒪᖏᑦᑐᓂᒃ ᐱᓂᐊᓚᐅᕐᒪᑕ.

ᐊᑕᓃᑦ ᐂᑉᐸᖏᑦ 23:15

ᐱᑎᓕᒥᑦᑕᐅᖅ ᑐᓂᕐᕈᓯᕐᕕᒃ ᔨᕈᐳᐊᒻ ᓂᐹᑎᐅᑉ ᐃᕐᓂᖓᑕ, ᓴᓇᔭᐅᑎᓚᐅᕐᑕᕕᓂᖓ ᐃᓴᕆᐊᓕᒥᐅᓂᒃ ᐊᔪᕐᑐᓕᑎᑦᓯᓚᐅᕐᑐᖅ, ᐱᓪᓚᕆᒋᔭᐅᓪᓗᓂ ᒎᑎᓐᖑᐊᒧᑦ ᑐᒃᓯᐊᕐᕕᒃ ᓯᖁᑦᑎᕐᑕᐅᑎᑉᐹ, ᐃᑯᐊᓪᓚᒃᑎᓚᐅᕐᓗᒋᑦ ᓯᖃᓕᔭᐅᑎᓪᓗᒋᑦ ᓄᖑᑕᐅᑎᑉᐰᑦ; ᓇᐸᔪᖁᑎᖏᓪᓗᑦᑕᐅᖅ ᐊᓯᕅᑦ ᐃᑯᐊᓚᒃᑕᐅᑎᒃᑭᕔᑦ.