ᐊᑕᓃᑦ ᐂᑉᐸᖏᑦ 3:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᓄᓇᓕᒡᔪᐊᖁᑎᓕᒫᖏᑦ ᐊᕙᓗᕐᔪᐊᖃᕐᑑᒐᓗᐊᑦ ᓵᓚᒋᓂᐊᕐᐸᓯ, ᓄᓇᓕᒡᔪᐊᖁᑎᖏᓪᓗ ᐱᓪᓚᕆᐅᔪᑦ, ᓇᐹᕐᑐᖏᑕᓗ ᐱᐅᓂᓕᒫᖏᑦ ᓇᑲᑎᕐᓂᐊᕐᐸᓯ, ᓄᓇᐅᓪᓗ ᐃᓗᐊᓂᑦ ᑰᒐᓛᖁᑎᖏᑦ ᓯᒥᒃᑐᕐᓗᒋᑦ, ᐱᕈᕐᓰᕕᖁᑎᓕᒫᖏᓪᓗ ᐱᐅᔪᓐᓃᕐᑎᓐᓂᐊᕐᐸᓯ ᐅᔭᕋᓕᕐᑐᕐᓗᒋᑦ.”

ᐊᑕᓃᑦ ᐂᑉᐸᖏᑦ 3:19 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 21:19

ᐂᒡᒐᐅᓪᓗ ᐃᔨᖏᒃ ᒎᑎᐅᑉ ᑕᑯᑎᒻᒪᒋᒃ, ᑕᑯᕗᖅ ᐃᒥᕐᑕᕐᕕᖕᒥᒃ; ᑕᕝᕗᓐᖓᕋᒥᓗ ᐃᒥᖃᐅᑎᓂ ᐊᒥᖅ ᐃᒻᒥᕐᐹ ᐃᒥᕐᒥᒃ; ᓄᑲᑉᐱᐊᕐᓗ ᐃᒥᕐᑎᓪᓗᒍ.

ᐊᑕᓃᑦ ᐂᑉᐸᖏᑦ 13:17

ᐅᖃᐅᑎᓪᓗᒍᓗ, “ᐃᒐᓛᖅ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᖅ ᒪᑐᐃᕈᒃ,” ᒪᑐᐃᕐᒪᒍᓗ ᐃᓔᓴᐅᑉ ᐅᖃᐅᑎᕚ, “ᐱᑎᒋᐊᓕᕆᑦ.” ᐱᑎᒋᐊᕐᐳᖅ ᑕᕝᕙ. ᐱᑎᒋᐊᕐᒪᑦ ᐃᓔᓴ ᐅᖃᕐᐳᖅ, “ᐊᑕᓂᐅᑉ ᓴᐳᑦᔨᓂᖓᑕ ᖃᕐᔪᖓ, ᖃᕐᔫᕗᖅ ᓯᕆᐊᒥᐅᓂᒃ ᓵᓚᖃᕐᓂᐊᕐᑐᖅ! ᐱᓇᓱᐊᕐᓂᖓᓐᓂᑦ ᑖᑦᓱᒧᖓ ᓯᕆᐊᒥᐅᑉ ᐱᒋᐊᕐᑕᒃᓴᕆᕙᑎᑦ ᐊᐱᒃᒦᑦᑐᓕᒫᑦ ᓄᖑᓪᓗᒋᑦ.”

ᐊᑕᓃᑦ ᐂᑉᐸᖏᑦ 3:25

ᓄᓇᓕᓕᒫᖏᑦ ᓱᒃᑯᓪᓗᒋᑦ, ᐅᓇᑕᕐᑐᒃᓴᖁᑎᓕᒫᖏᑦ ᒥᓘᑎᕕᓂᕐᓄᑦ ᐱᕈᕐᓰᕕᖁᑎᖏᑦ ᐅᔭᖅᑭᕐᓱᕐᓯᒪᓚᐅᕐᐳᑦ, ᑰᒐᓚᓕᒫᖏᓪᓗ ᑰᒍᓐᓃᕐᓗᑎᒃ, ᓇᐹᕐᑐᑦᓯᐊᕙᓕᒫᓪᓗ ᓇᑲᑎᕐᑕᐅᓪᓗᑎᒃ. ᑭᕆ-ᕼᐃᕆᑎ ᖃᓄᐃᓕᓯᒪᖏᑦᑐᑑᓚᐅᕋᓗᐊᕐᓗᓂ ᐅᓇᑕᕐᑐᒃᓴᓄᑦ ᑎᑭᑕᐅᖕᒥᒐᒥ ᐃᓪᓘᓕᔭᕐᑐᓄᑦ ᐅᖓᓗᔭᐅᓪᓗᓂ ᐅᓇᑕᕐᕕᐅᓕᕐᒥᒐᒥ ᐱᔭᐅᒋᕗᖅ.

ᒨᓯᓯ ᓯᑕᒪᖏᑦ 24:17

ᒫᓐᓇ ᑕᑯᕙᕋ, ᑭᓯᐊᓂ ᑕᕝᕙᑲᐅᑎᒋᐅᖏᑦᑐᖅ, ᑕᑯᓐᓇᕐᐸᕋ, ᖃᓂᑦᑑᓇᓂ ᑭᓯᐊᓂ; ᐅᓪᓗᕆᐊᖅ ᐊᓂᔪᒫᕐᐳᖅ ᔧᑯᒥᑦ; ᐊᖓᔪᖅᑳᕐᔪᐊᑉ ᐊᔭᐅᑉᐱᐊᖓ ᒪᑭᑦᓱᒫᕐᐳᖅ ᐃᓴᕆᐊᓕᒥᑦ, ᒧᐊᐱᒥᐅᓪᓗ ᖃᐅᖏᑦ ᓯᖁᒥᑦᓱᒫᕐᐰᑦ, ᐊᓯᕈᕐᓗᒋᓪᓗ ᓰᑎᐅᑉ ᐃᕐᓂᖏᑦ.

ᐃᓗᐊᕐᓮᔩᑦ ᐊᒡᓚᖏᑦ 6:16

ᑕᕝᕙ ᐊᑕᓂᐅᑉ ᐅᖃᐅᑎᕚ, “ᐃᓚᒋᓂᐊᕐᐸᒋᑦ ᒥᑎᐊᓂᒥᐅᑦ ᓵᓚᒋᓂᐊᕐᐸᑎᑦ ᐃᓄᒃᑐᑦ ᐊᑕᐅᓯᕐᑐᑦ.”

ᓴᒧᐃᓕ ᓯᕗᓪᓖᑦ 15:3

ᒫᓐᓇ ᐅᓇᑕᕆᐊᓕᕆᑦ ᐊᒪᓕᒃᒧᑦ, ᐱᖁᑎᓕᒫᖏᓪᓗ ᐊᓯᕈᕐᓗᒋᑦ; ᐊᑕᐅᓯᕐᒥᒡᓘᓐᓃᑦ ᐊᒥᐊᒃᑯᑦᑍᓕᒃᑭᑦ, ᑐᖁᒃᑭᑦ ᐊᖑᑎᑦ ᐊᕐᓁᓪᓗ, ᓱᕈᓰᑦ ᐊᒫᒪᒃᑐᓪᓗ, ᑐᒃᑐᕙᖁᑎᖏᑦ ᓰᐱᖁᑎᖏᓪᓗ, ᑳᒥᓕᖁᑎᖏᑦ ᓯᐅᑎᖅᑯᕐᑐᔪᖁᑎᖏᓪᓗ.’”

ᓴᒧᐃᓕ ᓯᕗᓪᓖᑦ 23:2

ᑍᒤᒻᒪᑦ ᑍᕕᑎ ᐊᑕᓂᕐᒧᑦ ᐊᐱᕆᕗᖅ, “ᐅᓇᑕᕆᐊᕐᑐᒃᓴᐅᕗᖔ ᐱᓕᔅᑍᓂᒥᐅᓂᒃ?” ᐊᑕᓂᐅᑉ ᑭᐅᕚ, “ᐊᑏ, ᐅᓇᑕᕆᐊᓕᕆᑦ ᐱᓕᔅᑍᓂᒥᐅᓂᒃ, ᑮᓚᒥᐅᓪᓗ ᐱᐅᓕᓗᒋᑦ.”