ᐊᑕᓃᑦ ᐂᑉᐸᖏᑦ 25:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐊᑕᓂᐅᑉ ᐃᒡᓗᖓ ᐃᑯᐊᓪᓚᒃᐹ, ᐊᖓᔪᖅᑳᕐᔪᐊᓪᓗ ᐃᒡᓗᖓ, ᐃᒡᓗᓕᒫᓪᓗ ᔨᕉᓴᓕᒦᑦᑐᑦ; ᐱᒻᒪᕆᓕᒫᓪᓗ ᐃᒡᓗᖏᑦ ᐃᑯᐊᓪᓚᒃᑕᐅᕗᑦ.

ᐊᑕᓃᑦ ᐂᑉᐸᖏᑦ 25:9 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 9:7

ᑍᒤᑐᐊᕈᕕᑦ ᐃᓄᖁᑎᒃᑲ ᐃᓴᕆᐊᓕᑎᑦ ᐲᕐᑎᓐᓂᐊᕐᐸᒃᑲ ᓄᓇᒥᑦ ᑖᒃᑯᓄᖓ ᑐᓂᑦᔪᑎᒋᓚᐅᕐᑕᓐᓂᑦ; ᑐᒃᓯᐊᕐᕕᒡᔪᐊᕐᓗ ᕿᒪᒡᓗᒍ ᐃᑦᔪᕐᓁᑎᓚᐅᕐᑕᕋ ᐃᓂᒋᓂᐊᕐᓂᕋᓚᐅᕐᑕᕋᓗ ᑕᑯᓐᓇᕈᒪᔪᓐᓃᕐᓗᒍᓗ; ᐃᓄᐃᓪᓗ ᐊᖅᑯᓵᕐᑐᑦ ᓇᑭᓕᒫᖅ ᐃᓴᕆᐊᓕᒃᑯᓐᓂᒃ ᓇᕐᕈᓇᕐᓂᕅᔪᒫᕐᐳᑦ, ᖁᔭᓈᕐᑕᐅᓯᒪᓂᕋᓕᕐᓗᒍᓗ.

ᐊᑕᓃᑦ ᓯᕗᓪᓖᑦ 9:8

ᐅᓇ ᑐᒃᓯᐊᕐᕕᒡᔪᐊᖅ ᓱᕋᒃᓯᒪᓕᕐᓗᓂ ᓯᖁᒥᓯᒪᓕᕈᒪᕐᐳᖅ, ᐃᓄᓕᒫᑦ ᑖᑦᓱᒥᖓ ᑕᑯᔪᕕᓃᑦ ᖁᐊᕐᓵᕐᓗᑎᒡᓗ ᑲᒪᓂᐊᕈᒫᕐᐳᑦ ᐅᖃᕐᓗᑎᒡᓗ, ‘ᖃᓄᐊᓗᒃ ᐊᑕᓂᖅ ᑍᒤᓕᐅᕐᐸ ᑕᕝᕗᖓ ᓄᓇᒧᑦ ᐅᕗᖓᓗ ᑐᒃᓯᐊᕐᕕᒡᔪᐊᒧᑦ?’

ᑯᕉᓂᑲ ᐂᑉᐸᖏᑦ 36:19

ᒎᑎᐅᓪᓗ ᐃᒡᓗᖓ ᐃᑯᐊᓪᓚᓚᐅᕐᐹᑦ, ᔨᕉᓴᓕᐅᓪᓗ ᐊᕙᓗᕐᔪᐊᖓ ᓯᖁᑦᑎᕐᓗᒍ, ᐊᖓᔪᖅᑳᕐᔪᐊᓪᓗ ᐃᒡᓗᕐᔪᐊᓕᒫᖏᑦ ᐃᑯᐊᓪᓚᒃᐰᑦ, ᐱᒋᔭᐅᔪᓪᓗ ᐱᔪᒥᓇᕐᑐᓕᒫᑦ ᐊᓯᕈᕐᓗᒋᑦ.

ᐄᓱᕋᐅᑉ ᐊᒡᓚᖏᑦ 5:12

ᓯᕗᓕᕕᓂᑦᑕᓕ ᕿᓚᐅᑉ ᒎᑎᖓ ᓂᓐᖓᒃᑎᓚᐅᕐᒪᒍ, ᓵᓚᐅᑎᓚᐅᕐᒪᒋᓪᓗ ᐊᖓᔪᖅᑳᕐᔪᐊᒧᑦ ᓂᐱᑯᓁᓴᒧᑦ ᐹᐱᓘᓂᒥᐅᑕᕐᒧᑦ, ᐊᖓᔪᖅᑳᕐᔪᐊᖑᓚᐅᕐᑐᖅ ᑲᐅᓪᑎᐊᒥᐅᓄᑦ ᐊᐅᓚᑦᓯᓂᓕᒫᖓᓂ, ᑐᒃᓯᐊᕐᕕᒡᔪᐊᕐᓗ ᐊᓯᕈᕐᑕᐅᓚᐅᕐᐳᖅ, ᐃᓄᖏᓪᓗ ᐊᐅᓪᓚᕈᑦᔭᐅᓪᓗᑎᒃ ᐹᐱᓘᓂᒧᑦ.

ᐃᓐᖏᕈᑎᑦ 79:1

ᒎᑏ, ᒎᑎᖃᖏᑦᑐᑦ ᐃᑖᕐᓯᒪᕗᑦ ᑭᖑᕐᖑᑎᔭᒃᓴᖁᑎᖕᓄᑦ; ᑐᒃᓯᐊᕐᕕᒡᔪᐊᖁᑏᓪᓗ ᐃᑦᔪᕐᓁᑦᑐᖅ ᐃᑦᔪᕐᓇᕐᓯᑎᑉᐹᑦ; ᔨᕉᓴᓕᒻᓗ ᓯᖁᑦᑎᕐᓯᒪᓕᕐᑐᖅ ᕿᒪᓚᐅᕐᐹᑦ.

ᐂᓮᐊᓯᐅᑉ ᐊᒡᓚᖏᑦ 64:9

ᓂᓐᖓᐅᒪᔪᐊᓘᑦᑍᓕᒋᑦ ᑕᐅᕗᖓᓕᒫᖅ, ᐊᑕᓃᖅ, ᐊᔪᕐᑐᓕᓂᕗᑦ ᐃᖅᑲᐅᒤᓐᓇᕐᓂᐊᕐᓇᒋᑦ ᐃᓱᖃᖏᑦᑐᒧᑦ; ᑕᑯᒋᑦ ᐃᓱᒪᓚᐅᕆᑦ ᐃᓕᖕᓄᑦ ᐃᓘᓐᓇᑕ ᐃᓄᖁᑎᒋᔭᐅᓂᑦᑎᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 17:27

ᓈᓚᖏᒃᑯᑦᓯᓐᖓᓕ ᓴᐸᑎᓗ ᐃᑦᔪᕐᓁᑎᖏᒃᑯᑦᓯᐅᒃ, ᐊᒡᔭᕐᓯᑦᑍᓕᖏᒃᑯᑦᓯᓗ ᓴᐸᑎᐅᑎᓪᓗᒍ ᔨᕉᓴᓕᐅᑉ ᐃᑎᕐᑕᕐᕕᖏᑎᒍᑦ, ᑕᕝᕙ ᐃᑎᕐᑕᕐᕕᖏᑦ ᐃᑯᐊᓪᓚᒍᒫᕐᐸᒃᑲ, ᔨᕉᓴᓕᒻ ᐊᖓᔪᖅᑳᒃᑯᕕᖓ ᓄᖑᑕᐅᔪᒫᕐᐳᖅ ᖃᒥᑕᐅᔪᓐᓇᕈᒫᓐᖏᓚᕐᓗ.’”

ᔨᕆᒤᐊᐅᑉ ᐊᒡᓚᖏᑦ 26:9

ᓱᖕᒪᑦ ᐅᖃᐅᓯᖃᕐᐱᑦ ᐊᑕᓂᐅᑉ ᐊᑎᖓᓂ ᓮᓗᐊᑎᑐᑦ ᑍᒤᑕᐅᓂᐊᕐᓂᕋᕐᓗᒋᑦ, ᐃᒡᓗᒐᓴᒡᔪᐊᓪᓗ ᐊᓯᕈᕐᑕᐅᓂᐊᕐᓂᕋᕋᕕᒋᑦ ᐃᓄᐃᕈᑎᓂᐊᕐᓂᕋᕐᓗᒋᓪᓗ?” ᐃᓄᓕᒫᓪᓗ ᔨᕆᒤᐊ ᐃᓗᒪᕚᑦ ᐊᑕᓂᐅᑉ ᐃᒡᓗᖓᓃᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 34:2

“ᐃᒫᒃ ᐊᑕᓂᖅ ᐅᖃᕐᐳᖅ ᐃᓴᕆᐊᓕᒥᐅᑦ ᒎᑎᖓᑦ, ᔨᑎᑬᐊᒧᐊᕐᓗᑎᑦ ᔫᑕᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐅᖃᐅᑎᒍᒃ, ‘ᐃᒫᒃ ᐊᑕᓂᖅ ᐅᖃᕐᐳᖅ, ᑕᑯᒋᑦ, ᐃᒡᓗᒐᓴᒡᔪᐊᖁᑎᓯ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᑐᓂᓂᐊᓕᕐᐸᒃᑲ, ᑖᑦᓱᒪᓗ ᐃᑯᐊᓪᓚᒍᒫᕐᐹ.

ᔨᕆᒤᐊᐅᑉ ᐊᒡᓚᖏᑦ 34:22

ᑎᓕᓯᓂᐊᕐᐳᖓ, ᐊᑕᓂᖅ ᐅᖃᕐᐳᖅ, ᐅᑎᕐᓂᐊᕐᒪᑕ ᑕᕝᕗᖓ ᐃᒡᓗᒐᓴᒡᔪᐊᓄᑦ ᐅᓇᑕᕐᓗᒍᓗ ᓵᓚᒋᒍᓂᑦᔪᒃ ᐃᑯᐊᓪᓚᖕᓂᐊᕐᐹᑦ, ᔫᑕᒥᐅᓪᓗ ᓄᓇᓕᖁᑎᖏᑦ ᓄᓇᒋᔭᒃᓴᐅᔪᓐᓃᕐᑎᓐᓂᐊᕐᐸᒃᑲ ᓄᓇᒋᔭᐅᔪᓐᓃᖁᓪᓗᒋᑦ ᐃᓄᖕᓄᑦ.”

ᔨᕆᒤᐊᐅᑉ ᐊᒡᓚᖏᑦ 37:10

ᑲᐅᓪᑎᐊᒥᐅᑦ ᐅᓇᑕᕐᑎᖁᑎᖏᑦ ᐃᓕᑦᓯᓐᓂᒃ ᐅᓇᑕᕆᐊᕐᑐᑦ ᓵᓚᒋᒐᓗᐊᕈᑦᓯᐅᒃ ᐃᑭᓕᕐᓱᕐᑕᕕᓂᓯᓗ ᓯᓂᒃᑕᕐᕕᖏᓐᓂ ᐊᒥᐊᒃᑯᑐᐊᖑᓕᕋᓗᐊᕐᐸᑕ, ᓱᓕ ᔨᕉᓴᓕᒥᒃ ᐃᑯᐊᓪᓔᔪᓐᓇᕐᐳᑦ.’”

ᔨᕆᒤᐊᐅᑉ ᐊᒡᓚᖏᑦ 37:8

ᑲᐅᓪᑎᐊᒥᐅᓪᓗ ᐅᑎᕐᓂᐊᕆᕗᑦ ᔨᕉᓴᓕᒧᑦ ᓵᓚᒋᓗᓂᑦᔪᒃ ᑎᒍᓂᐊᕐᐹᑦ ᐃᑯᐊᓪᓚᒃᑎᓪᓗᒍᓗ.

ᔨᕆᒤᐊᐅᑉ ᐊᒡᓚᖏᑦ 39:8

ᑲᐅᓪᑎᐊᒥᐅᓪᓗ ᐊᖓᔪᖅᑳᕐᔪᐊᑉ ᐃᒡᓗᖓ ᐃᑯᐊᓪᓚᒃᐹᑦ ᐃᓄᐃᓪᓗ ᐃᒡᓗᖏᑦ, ᔨᕉᓴᓕᐅᓪᓗ ᐊᕙᓗᕐᔪᐊᖏᑦ ᓯᖁᑦᑎᕐᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 41:5

ᐊᖑᑎᓂᒃ 80ᓂᒃ ᑎᑭᑦᑐᖃᕐᐳᖅ ᓯᑭᒻᒥᑦ ᓮᓗᐊᒥᓪᓗ ᓴᒥᐊᕆᐊᒥᓪᓗ, ᐅᓐᖏᔭᕐᓯᒪᓪᓗᑎᒃ, ᐊᓐᓄᕌᑎᒡᓗ ᐊᓕᒃᑐᕐᓯᒪᓪᓗᒋᑦ ᑭᓪᓕᐊᓯᒪᓪᓗᑎᒡᓗ, ᓂᐊᖂᔭᒃᓴᒥᒃ ᑎᐱᑦᓯᐊᕆᒃᑐᒥᒡᓗ ᓇᒃᓴᕐᓗᑎᒃ ᑐᒃᓯᐊᕐᕕᒃᔪᐊᒥ ᑐᓂᕐᕈᓯᐅᑎᔭᒃᓴᒥᖕᓂᒃ.

ᔨᕆᒤᐊᐅᑉ ᐊᒡᓚᖏᑦ 52:13

ᑐᒃᓯᐊᕐᕕᒡᔪᐊᕐᓗ ᐃᑯᐊᓪᓚᒃᐹ, ᐊᖓᔪᖅᑳᕐᔪᐊᓪᓗ ᐃᒡᓗᖏᑦ ᐃᒡᓗᒐᓴᒡᔪᐊᓕᒫᓪᓗ ᔨᕉᓴᓕᒥ, ᐃᒡᓗᐃᑦ ᐱᒻᒪᕆᐅᓂᓕᒫᖏᑦ ᐃᑯᐊᓪᓚᒃᐰᑦ.

ᔨᕆᒤᐊᐅᑉ ᐊᒡᓚᖏᑦ 7:14

ᑍᒤᒻᒪᑦ, ᓮᓗᐊᒧᑦ ᐱᓂᐊᕐᓂᕆᓯᒪᔭᕋ ᐃᒡᓗᖁᑎᓐᓄᑦᑕᐅᖅ ᐊᑎᓐᓂᒃ ᓇᓗᓁᒃᑯᑕᖃᕐᑐᒧᑦ ᐱᓂᐊᕈᑎᒋᓂᐊᓕᕆᕙᕋ, ᑐᒃᓯᐊᕐᕕᒃᔪᐊᖅ ᐅᒃᐱᕆᔭᓯ ᑐᓂᓚᐅᕐᓯᒪᔭᕋ ᐃᓕᑦᓯᓐᓄᑦ ᓯᕗᓕᕕᓂᑦᓯᓐᓄᓪᓗ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:10

ᐊᑭᕋᕐᑐᑎᖏᑕᓗ ᐱᒃᑯᒥᓇᕐᑐᖁᑎᖏᑦ ᐱᐅᕋᕐᐰᑦ, ᑕᑯᓐᓇᕐᐳᑦ ᑐᒃᓯᐊᕐᕕᒡᔪᐊᖓ ᐃᓅᖃᑎᒌᒡᔪᐊᓄᑦ ᐃᑎᕐᑕᐅᑎᓪᓗᒍ, ᒎᑎᐅᑉ ᐅᒃᐱᕆᔨᒋᓐᖏᑕᒥᓄᑦ ᐃᑎᕐᑕᐅᖁᓚᐅᕐᓯᒪᓐᖏᑎᓪᓗᓂᐅᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:7

ᐊᑕᓂᐅᑉ ᑐᓂᕐᕈᓯᕐᕕᖁᑎᓂ ᐃᑦᔪᕐᓁᑦᑐᒃᑯᕕᖁᑎᓂᓗ ᖁᔭᓈᕐᐰᑦ ᐃᒡᓗᒐᓴᒡᔪᐊᖁᑎᒥᓗ ᐊᕙᓗᕐᔪᐊᖏᑦ ᓯᖁᒥᑕᐅᑎᑉᐰᑦ ᐊᑭᕋᖏᓐᓄᑦ, ᓵᓚᖃᕐᓂᕐᒥᒃ ᓂᓪᓕᐊᕕᐅᓕᕐᐳᑦ ᑐᒃᓯᐊᕐᕕᒃᔪᐊᖁᑎᕗᑦ ᓂᕐᑐᐃᕙᓗᒃᑐᓂᒃ ᓂᓪᓕᐊᕕᐅᕙᓚᐅᕐᑐᖅ ᓇᓪᓕᐅᓐᓂᕐᓯᐅᕖᑦ ᐊᑐᕐᑎᓪᓗᒋᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:18

ᓮᐅᓂ ᓱᓇᖃᕈᓐᓃᕐᒪᑦ ᐃᑭᐊᓐᖑᓇᕐᓯᕗᖅ, ᐊᒪᕈᖓᔪᓄᑦ ᓇᔪᒐᑐᐃᓐᓇᐅᓕᕐᒪᑦ.

ᐃᓯᑭᐊᓕᐅᑉ ᐊᒡᓚᖏᑦ 10:2

ᑕᕝᕙ ᐅᖃᕐᐳᖅ ᐊᖑᒻᒧᑦ ᖃᓪᓗᓈᕐᑕᓂᒃ ᓵᑦᑐᓂᒃ ᐊᓐᓄᕌᕐᓯᒪᔪᒧᑦ, “ᐊᒃᓴᓗᐊᑦ ᑬᕙᑦᑐᑦ ᐊᑯᓐᓂᖓᓄᐊᕐᓗᑎᑦ ᓯᕈᐱᒻ ᐊᑖᓃᑦᑐᓄᑦ; ᕿᔪᒃᓴᓂᒃ ᐃᑯᒪᔪᓂᒃ ᑎᒍᓯᒋᑦ ᓯᕈᐱᒻ ᐊᑯᓐᓂᖓᓂᑦ, ᑖᒃᑯᐊᓗ ᑲᑕᒑᑎᓪᓗᒋᑦ ᐃᒡᓗᒐᓴᖕᓄᑦ.” ᑕᑯᓐᓇᕐᑎᓪᓗᖓᓗ ᑕᕝᕗᖓ ᐃᑎᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 16:41

ᐃᒡᓗᓯᓗ ᐃᑯᐊᓪᓚᒍᒫᕐᐰᑦ ᐃᖅᑲᕐᑐᕐᑕᐅᔪᒫᕐᐳᓯᓗ ᐊᕐᓇᒐᓴᒡᔪᐊᓄᑦ ᑕᑯᓐᓇᕐᑕᐅᑎᓪᓗᓯ; ᐊᕐᓇᕐᓂᐊᕐᑎᐅᓂᓯ ᓄᖅᑲᕐᑎᑦᓱᒫᕐᐸᕋ, ᐊᔪᕐᑐᓕᓂᕐᒧᓪᓗ ᑐᓂᓯᖃᑦᑕᕐᓂᓯ ᓄᖅᑲᕐᑎᓪᓗᒍ.

ᒨᓯᓯ ᐱᖓᔪᖏᑦ 26:31

ᐃᒡᓗᒐᓴᒡᔪᐊᓯ ᓯᖁᑦᑎᕐᓂᐊᕐᐸᒃᑲ, ᑐᒃᓯᐊᕐᕕᒃᓯᓗ ᐊᓯᕈᕐᓗᒋᑦ, ᑐᓂᕐᕈᑎᓯᓗ ᐆᑕᒃᓮᑦ ᐃᓚᓕᐅᕐᓂᐊᓐᖏᓚᒃᑲ.

ᒨᓯᓯ ᐱᖓᔪᖏᑦ 26:33

ᓄᓇᓖᑦ ᐊᓯᖏᓐᓄᑦ ᐃᓅᖃᑎᒌᒡᔪᐊᓄᑦ ᐊᐅᓪᓚᕐᑎᓪᓗᓯ ᓯᐊᒻᒪᕐᑎᑦᓱᒫᕐᐸᑦᓯ, ᐅᓇᑕᕐᓂᕐᒥᒃᓗ ᓴᖅᑭᑎᑦᓯᓗᖓ. ᓄᓇᖁᑎᓯ ᐃᓄᖃᕈᓐᓁᕐᓗᑎᒃ ᐃᒡᓗᒐᓴᒡᔪᐊᓯ ᓯᖁᒥᓯᒪᒐᔭᕐᐳᑦ.

ᐂᒨᓯᐅᑉ ᐊᒡᓚᖏᑦ 2:5

ᔫᑕ ᐃᑯᐊᓪᓚᒃᑎᓐᓂᐊᕐᐸᕋ, ᔨᕉᓴᓕᐅᓪᓗ ᕿᒫᕕᖏᑦ ᓄᖑᑎᓐᓂᐊᕐᐸᒃᑲ.”

ᐂᒨᓯᐅᑉ ᐊᒡᓚᖏᑦ 6:11

ᑕᑯᒋᑦ, ᐊᑕᓂᖅ ᐱᖁᔨᓕᕐᐸᑦ, ᐃᒡᓗᕐᔪᐊᖅ ᓯᖁᑦᑎᕐᓂᐊᕐᐳᖅ, ᐃᒡᓗᕋᓛᕐᓗ ᓯᖃᓪᓕᓗᓂ.

ᒤᑲᐅᑉ ᐊᒡᓚᖏᑦ 3:12

ᑍᒤᒻᒪ ᐃᓕᑦᓯ ᐱᓪᓗᓯ ᓮᐅᓂᐅᑉ ᓄᓇᖓ ᒧᒥᒃᑎᑕᐅᔪᒫᕐᐳᖅ ᐱᕈᕐᓰᕕᒃᑎᑐᑦ, ᔨᕉᓴᓕᒻ ᓱᕋᒃᑎᕐᓯᒪᓕᕈᒫᕐᐳᖅ, ᑐᒃᓯᐊᕐᕕᒡᔪᐊᓪᓗ ᐃᓂᖓ, ᐱᖑᑐᐃᓐᓇᐅᓕᕐᓗᓂ ᓇᐹᕐᑐᓄᑦ ᐱᕈᕐᕕᑐᐃᓐᓇᐅᓕᕐᓗᓂ.”