ᐊᑕᓃᑦ ᐂᑉᐸᖏᑦ 25:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐃᒡᓗᒐᓴᒡᔪᐊᑦ ᐊᕙᓗᕐᔪᐊᖓ ᓯᖁᑦᑎᕐᓗᒍ ᐊᖕᒪᕐᐹᑦ, ᑲᐅᓪᑎᐊᒥᐅᓄᑦ ᐃᒡᓗᒐᓴᒡᔪᐊᑦ ᐃᓗᒪᔭᐅᒐᓗᐊᕐᑎᓪᓗᒋᑦ, ᐅᓇᑕᕐᑎᓕᒫᑦ ᐅᓐᓄᐊᒃᑯᑦ ᐊᓂᐅᖅᑲᕐᐳᑦ ᐊᖓᔪᖅᑳᕐᔪᐊᒧᑦ ᐱᕈᕐᓰᕕᖁᑕᐅᓂᕋᕐᑕᐅᔪᖅ ᐊᖅᑯᑎᒋᓪᓗᒍ. ᐊᕙᓗᕐᔪᐊᑉ ᒪᕐᕉᓕᖅᑲᖓᓂᖓᑕ ᐊᑯᓐᓂᖓᒎᕐᓗᑎᒃ, ᔪᐊᕐᑕᓂᐅᑦ ᓇᕐᓴᖓ ᑐᕌᕐᓗᒍ ᕿᒫᕗᑦ.

ᐊᑕᓃᑦ ᐂᑉᐸᖏᑦ 25:4 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 25:5

ᑲᐅᓪᑎᐊᒥᐅᓪᓕ ᐅᓇᑕᕐᑎᖁᑎᖏᓐᓄᑦ ᐊᖓᔪᖅᑳᕐᔪᐊᖅ ᔨᑎᑬᐊ ᐅᓇᑕᕐᑎᖁᑎᖏᓪᓗ ᒪᓕᒃᑕᐅᒐᒥᒃ ᐊᖑᔭᐅᓪᓗᑎᒃ ᑎᒍᔭᐅᕗᑦ ᔨᕆᑰᑉ ᓴᓂᐊᓂ; ᐅᓇᑕᕐᑎᖁᑎᖏᓪᓗ ᓇᒧᑐᐃᓐᓇᖅ ᐊᑦᑎᕐᐳᑦ.

ᑯᕉᓂᑲ ᐂᑉᐸᖏᑦ 32:5

ᐊᖓᔪᖅᑳᕐᔪᐊᑉ ᑕᕝᕙ ᓲᓐᖑᓯᑎᑦᓯᒋᐊᕐᓗᓂ ᐊᕙᓗᕐᔪᐊᒥ ᓯᖁᒥᓯᒪᔪᑦ ᓴᓇᒋᐊᕐᑕᐅᑎᑉᐰᑦ, ᓇᐸᔪᕐᔪᐊᒥᒡᓗ ᓇᑉᐰᕕᒋᓪᓗᒋᑦ, ᓯᓚᑖᒍᓪᓗ ᐊᕙᓗᕐᔪᐊᓕᐅᒃᑲᓐᓂᕐᐳᖅ; ᓲᖑᓯᑎᒋᐊᕐᐹᓗ ᒥᓗᒥᒃ ᐊᑎᓕᒃ ᓴᐴᓗᑕᖅ ᑍᕕᑎᐅᑉ ᐃᒡᓗᒐᓴᖏᓐᓃᑦᑐᖅ, ᓴᓇᑎᑦᓯᕗᕐᓗ ᐅᓇᑕᐅᑎᓂᒃ ᖃᓗᒋᐊᓂᒃ ᓴᐴᓗᑕᕐᓂᒡᓗ ᐅᓄᕐᑐᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 3:15

ᓴᓗᒻ ᑯᓪ-ᕼᐅᔨᐅᑉ ᐃᕐᓂᖓ, ᐊᐅᓚᑦᓯᔨᐅᔪᖅ ᒥᔅᐸᐅᑉ ᐊᕕᒃᑐᕐᓯᒪᓂᖓᓄᑦ, ᓴᓇᓚᐅᕐᐳᖅ ᐃᒥᕐᑕᕐᕕᐅᑉ ᐃᑎᕐᑕᕐᕕᖓᓂᒃ, ᐃᑎᕐᑕᕐᕕᒃ ᖁᓕᓚᐅᕐᐹ, ᐃᓂᖓᓅᕐᓗᒋᓪᓗ, ᑭᑭᐊᖏᓪᓗ ᓴᕕᕋᔭᖏᓪᓗ ᐋᖅᑭᓚᐅᕐᐰᑦ. ᑕᓯᓕᐊᖑᓯᒪᔫᓪᓗ ᓯᓛᒻᒥᐅᑉ ᐊᕙᓗᖏᑦ ᐋᖅᑭᓚᐅᕐᐰᑦ ᐊᖓᔪᖅᑳᕐᔪᐊᑉ ᐱᕈᕐᓰᕕᖁᑎᖓᑕ ᓴᓂᐊᓃᑦᑐᖅ, ᒪᔪᕋᐅᑎᓄᑦ ᑕᐅᓄᖓ ᑍᕕᑎᐅᑉ ᐃᒡᓗᒐᓴᖓᓃᑦᑐᓄᑦ ᑎᑭᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 22:11

ᐃᒥᕐᑕᕐᕕᒡᔪᐊᓕᐅᕐᐳᓯ ᐊᕙᓗᕐᔪᐊᑉ ᐃᑭᐊᖓᒍᑦ ᐃᒥᕐᑕᕐᕕᑐᖃᕐᒥᑦ ᐃᒻᒥᕐᐸᓪᓕᐊᔪᓐᓇᖁᓪᓗᒍ, ᐃᓱᒪᖃᓚᐅᓐᖏᓚᓯᓕ ᐱᓇᓱᐊᕐᑎᑦᓯᓚᐅᕐᑐᒥᒃ, ᑕᑯᓴᓚᐅᓐᖏᓚᓯᓘᓐᓃᑦ ᐃᓱᒪᓕᐅᕆᓚᐅᕐᑐᒥᒃ ᓯᕗᓂᑐᖃᖓᓂᑦ ᑍᒤᓕᖓᖁᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 22:3

ᐊᖓᔪᖅᑳᓯ ᑲᑎᓐᖓᓪᓗᑎᒃ ᕿᒫᓯᒪᕗᑦ, ᐱᑎᒃᓯᓕᔭᖏᑦᑐᓄᓪᓗ ᑎᒍᔭᐅᓯᒪᓪᓗᑎᒃ, ᐃᓘᓐᓇᑎᒃ ᓇᓂᔭᐅᓪᓗᑎᒃ ᑎᒍᔭᐅᓚᐅᕐᐳᑦ, ᐅᖓᓯᒃᑐᒧᑦ ᕿᒫᓯᒪᒐᓗᐊᕐᑎᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 32:4

ᔨᑎᑬᐊ ᔫᑕᒥᐅᑦ ᐊᖓᔪᖅᑳᕐᔪᐊᖓᑦ ᐊᓐᓇᒍᓐᓇᕐᓂᐊᓐᖏᓚᖅ ᑲᐅᓪᑎᐊᒥᐅᑦ ᐊᒡᒐᖏᓐᓂᑦ. ᐊᖓᔪᖅᑳᕐᔪᐊᖓᑦᑕᓗ ᑎᒍᔪᒫᕐᐹ, ᐅᖃᖃᑎᒋᔪᓐᓇᕐᓯᔪᒫᕐᐹᓗ ᑮᓇᕐᒥᑦ ᑮᓇᕐᒧᑦ ᓇᖕᒥᓂᖅ ᑕᐅᑐᒡᓗᓂᐅᒃ ᐃᔨᒥᑦ ᐃᔨᒧᑦ.

ᔨᕆᒤᐊᐅᑉ ᐊᒡᓚᖏᑦ 34:3

ᑖᑦᓱᒪᓐᖓᑦ ᐊᓐᓇᒡᕕᖃᕐᓂᐊᓐᖏᓚᑎᑦ, ᓵᓚᒋᔭᐅᓗᑎᑦ ᑎᒍᔭᐅᓂᐊᕐᐳᑎᑦ, ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ ᓇᖕᒥᓂᖅ ᑕᑯᔪᒫᕐᐸᑦ, ᐃᔨᒥᑦ ᐃᔨᒧᑦ ᐅᖃᖃᑎᒋᓗᒍᓗ ᑮᓇᕐᒥᑦ ᑮᓇᕐᒧᑦ; ᐹᐱᓘᓂᒧᐊᕈᑦᔭᐅᔪᒫᕋᕕᑦ.’

ᔨᕆᒤᐊᐅᑉ ᐊᒡᓚᖏᑦ 38:18

ᐃᓕᖕᓂᒃ ᑐᓂᑦᔪᑎᒋᓂᐊᖏᒃᑯᕕᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᐅᓇᑕᕐᑎᖁᑎᖏᓐᓄᑦ ᑖᒃᑯᐊ ᐃᒡᓗᒐᓴᒡᔪᐊᑦ ᐱᔭᐅᓂᐊᕐᐳᑦ ᑲᐅᓪᑎᐊᒥᐅᓄᑦ ᐃᑯᐊᓪᓚᒃᑎᑕᐅᓗᑎᒡᓗ ᐊᓐᓇᒡᕕᒃᓴᖃᕐᓂᐊᓐᖏᓚᑎᓪᓗ.”

ᔨᕆᒤᐊᐅᑉ ᐊᒡᓚᖏᑦ 4:17

ᐊᕙᓗᓂᐊᕐᐹᓪᓗ ᓄᓇᖁᑎᒥᖕᓂᒃ ᓴᐳᑦᔨᓯᒪᓇᓱᐊᕐᑐᑎᑐᑦ, ᐅᕙᓐᓂᒃ ᐊᑭᕋᕐᑐᓚᐅᕐᒪᑕ. ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 4:29

ᕿᒻᒥᕐᔪᐊᒥ ᐃᑭᒪᔪᑦ ᐱᓯᒃᓴᕐᑏᓪᓗ ᑐᓴᕐᓴᐅᓕᕐᐸᑕ ᐃᓄᓕᒫᑦ ᓄᓇᓕᖕᓂᑦ ᕿᒫᔪᒫᕐᐳᑦ, ᐃᓚᖏᑦ ᐅᕐᐱᒐᖃᕐᑐᓄᑦ ᐃᔨᕈᒫᕐᐳᑦ, ᐃᓚᖏᓪᓗ ᐃᓐᓈᕈᕐᓄᑦ ᒪᔪᕈᒫᕐᐳᑦ. ᓄᓇᓖᑦ ᐃᓄᖃᕈᓐᓃᕈᒫᕐᐳᑦ, ᐃᓄᖕᒥᖕᓄᑦ ᓇᔪᕐᑕᐅᔪᓐᓃᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 44:30

ᐃᒫᒃ ᐊᑕᓂᖅ ᐅᖃᕐᐳᖅ, ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᑦ ᕼᐅᐳᕋ, ᐱᔭᐅᑎᑦᓱᒫᕋᒃᑯ ᐊᑭᕋᖏᓐᓄᑦ ᑖᑦᓱᒥᖓ ᑐᖁᑦᓯᔪᒪᔪᓄᑦ, ᔨᑎᑬᐊᑐᑦᑕᐅᖅ ᔫᑕᒥᐅᑦ ᐊᖓᔪᖅᑳᕐᔪᐊᕆᓚᐅᕐᑕᖓᑐᑦ ᐱᔭᐅᓚᐅᕐᑐᑐᑦ ᓂᐱᑯᓁᓴᒧᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᑐᖁᑦᓯᔪᒪᓚᐅᕐᑐᒧᑦ ᑖᑦᓱᒥᖓ.”

ᔨᕆᒤᐊᐅᑉ ᐊᒡᓚᖏᑦ 5:10

ᐸᐅᕐᖓᓕᒃᓴᓂᒃ ᐱᕈᕐᓰᕕᖁᑎᖏᑦ ᐊᓯᕈᓕᕐᓯᐅᒃ, ᑭᓯᐊᓂ ᓄᖑᑎᒻᒪᕆᒃᑍᓕᓗᒋᑦ, ᐊᕙᓚᖓᔪᖏᑦ ᐱᕈᕐᕕᐅᔪᒃᓴᑦ ᓇᑲᑎᕐᓗᒋᑦ, ᑖᒃᑯᐊ ᐊᑕᓂᐅᑉ ᐱᒋᖏᒻᒪᒋᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:3

ᐅᖁᒤᑦᑐᒦᑎᑕᐅᓪᓗᑎᒃ ᐊᒃᓱᕈᕐᓇᕐᑐᒦᑎᑕᐅᕗᑦ, ᔫᑕᒥᐅᓪᓗ ᓄᓇᒋᓐᖏᑕᒥᖕᓄᑦ ᐊᐅᓪᓚᕈᑦᔭᐅᕗᑦ, ᐃᓅᖃᑎᒌᒡᔪᐊᓂᑦ ᓄᓇᖃᖃᑕᐅᓕᕐᐳᑦ, ᒥᕐᖑᐃᕐᓯᕕᒃᓴᒥᒡᓗ ᓇᒡᕚᕈᓐᓇᕋᑎᒃ, ᐊᑭᕋᕐᑐᕐᑎᖏᑕ ᓵᓚᒋᖕᒪᔪᒃ ᓇᒧᓐᖓᕐᕕᒃᓴᖃᕈᓐᓁᕐᐳᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:6

ᔨᕉᓴᓕᐅᑉ ᐃᓂᖁᓇᕐᓂᕆᕙᓚᐅᕐᑕᖓ ᐅᓂᒃᑳᑐᐃᓐᓇᐅᓕᕐᐳᖅ, ᐊᖓᔪᖅᑳᕐᔪᐊᖏᑕ ᐃᕐᓂᖏᑦ ᑐᒃᑑᔭᕐᑎᑐᑦ ᑍᒤᑉᐳᑦ ᓂᕿᒃᓴᕐᓯᔪᓐᓇᓐᖏᑦᑐᑎᑐᑦ. ᕿᒫᓚᐅᕐᐳᑦ ᓄᑭᑭᓪᓗᑎᒃ ᐊᑭᕋᒥᖕᓄᑦ ᒪᓕᒃᑕᐅᓪᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 12:12

ᑖᒃᑯᓄᖓ ᐊᖓᔪᖅᑳᖑᔪᖅ ᓇᒃᓴᕐᓂᐊᕐᑕᒥᖕᓂᒃ ᐃᕐᓲᑦᔨᔪᒫᕐᐳᖅ ᑖᕐᑎᓪᓗᒍ, ᐊᓂᔪᒫᕐᐳᖅ; ᐊᑭᓐᓇᖅ ᐊᖕᒪᕐᓗᒍ ᑕᕝᕗᓇ ᐊᓂᔪᒫᕐᐳᖅ; ᒪᑐᐊᕐᓗᓂᓗ, ᓄᓇᒥᒃ ᑕᑯᓐᓇᕈᒪᓇᓂ.

ᐃᓯᑭᐊᓕᐅᑉ ᐊᒡᓚᖏᑦ 12:14

ᓇᒧᑐᐃᓐᓇᖅ ᓯᐊᒻᒪᕐᑎᑦᓱᒫᕐᐸᒃᑲ ᐊᓐᓄᕌᕐᕕᐅᕙᒃᑐᓕᒫᓄᑦ ᐃᓚᒋᔭᓕᒫᖏᑦ, ᐃᑲᔪᕐᑎᖏᑦ ᐅᓇᑕᕐᑐᒃᓴᖁᑎᖏᓪᓗ; ᓴᕕᒡᔪᐊᕐᓗ ᐊᒧᓗᒍ ᒪᓕᒍᒫᕐᐸᒃᑲ.

ᐃᓯᑭᐊᓕᐅᑉ ᐊᒡᓚᖏᑦ 12:4

ᐅᓪᓘᓂᖓᓂ ᓇᒃᓴᕐᓂᐊᕐᑕᑎᑦ ᐊᓐᓂᓯᔭᒃᓴᕆᕙᑎᑦ ᐃᓄᐃᑦ ᑕᒃᑯᐊᓂ, ᐊᐅᓪᓚᕈᑦᔭᐅᔪᑦ ᓇᒃᓴᕐᐸᒃᑕᖏᑎᑐᑦ; ᐅᓐᓄᓕᕐᐸᑦ ᐊᐅᓪᓚᕐᑐᒃᓴᐅᕗᑎᑦ ᑕᑯᓐᓇᕐᑎᓪᓗᒋᑦ, ᐃᓄᐃᑦ ᐊᐅᓪᓚᕈᑦᔭᐅᓕᕐᑐᑦ ᐊᐅᓪᓚᕈᑦᔭᐅᕙᖕᓂᖏᑎᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 33:21

ᐊᐅᓪᓚᕈᑦᔭᐅᓯᒪᓂᑦᑕ ᐊᕐᕌᒍᖏᑕ 12ᒋᓕᕐᑕᖓᓐᓂ, ᑕᖅᑮᑦ 10ᖓᓐᓂ, ᐅᓪᓗᖏᑕ ᑕᓪᓕᒪᖓᓐᓂ, ᐊᖑᒻᒧᑦ ᔨᕉᓴᓕᒥᑦ ᐊᓐᓇᒃᑐᕕᓂᕐᒧᑦ ᐅᐸᒃᑕᐅᓪᓗᖓ ᐅᖃᐅᑦᔭᐅᕗᖓ, “ᐃᒡᓗᒐᓮᑦ ᓵᓚᐅᕗᑦ.”

ᒨᓯᓯ ᐱᖓᔪᖏᑦ 26:17

ᐊᓚᕐᓂᐊᕐᐸᑦᓯ, ᐊᑭᕋᑦᓯᓐᓂᓪᓗ ᓵᓚᐅᓂᐊᕐᐳᓯ; ᐆᒥᒋᔨᓯ ᐊᖓᔪᖅᑳᕆᓕᕐᓂᐊᕐᐸᓯ, ᕿᒫᖃᑦᑕᕐᓂᐊᕐᐳᓯᓗ ᖃᓄᐃᓕᐅᕐᑕᐅᖏᒃᑲᓗᐊᕐᑎᓪᓗᓯ.

ᒨᓯᓯ ᐱᖓᔪᖏᑦ 26:36

“ᐃᓕᑦᓯᓐᓂᓪᓗ ᐊᒥᐊᒃᑯᑦ ᕿᒫᑎᑕᐅᓯᒪᔪᑦ ᐊᑭᕋᑦᓯᓐᓃᑎᑕᐅᔪᑦ, ᐃᕐᓯᓂᕐᒥᒃ ᐱᑎᑦᓱᒪᕙᒃᑲ ᐊᒡᓛᑦ ᓇᐹᕐᑑᑉ ᐅᖃᐅᔭᖏᓐᓂᒃ ᐊᓄᕆᒧᑦ ᐊᐅᓚᑕᐅᔪᓂᒃ ᕿᒫᖃᑦᑕᓕᕋᔭᕐᐳᑦ. ᑕᒪᒃᑯᓂᖓ ᕿᒫᖃᑦᑕᓕᕋᔭᕐᐳᑦ ᐅᓇᑕᕐᓂᕐᒧᑦ ᐊᑭᕋᒥᖕᓂᑦ ᒪᓕᒃᑕᐅᔪᑐᑦ, ᐹᓪᓚᖃᑦᑕᓕᕐᓗᑎᒡᓗ ᕿᒫᑎᑕᐅᓇᓱᖏᒃᑲᓗᐊᕐᓗᑎᒃ.

ᓴᑲᕅᐊᐅᑉ ᐊᒡᓚᖏᑦ 8:19

“ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᓂᕆᑦᑍᓕᕖᑦ ᑕᖅᑮᑦ ᓯᑕᒪᖓᓐᓂ, ᑕᖅᑮᓪᓗ ᑕᓪᓕᒪᖓᓐᓂ, ᑕᖅᑮᓪᓗ 7ᖓᓐᓂ. ᑕᖅᑮᓪᓗ 10ᖓᓐᓂ, ᑖᒃᑯᐊ ᖁᕕᐊᓇᕐᓗᑎᒃ ᓯᕆᓂᐅᓕᕐᓗᑎᒡᓗ ᓇᓪᓕᐅᓐᓂᕐᓯᐅᕐᕕᐅᔪᒫᕐᐳᑦ ᔫᑕᒥ ᓄᓇᖃᕐᑐᓄᑦ. ᑐᑭᖃᕐᓗᑎᒃ ᓇᒡᓕᖕᓂᕐᒥᒃ ᓱᓕᑦᓯᐊᕐᓂᕐᒥᒡᓗ ᖃᓄᐃᖏᑦᓯᐊᕐᓂᕐᒥᒡᓗ.

ᒨᓯᓯ ᑕᓪᓕᒪᖏᑦ 28:25

“ᐊᑕᓂᐅᑉ ᓵᓚᐅᑎᑦᓱᒫᕐᐹᓯ ᐊᑭᕋᑦᓯᓐᓄᑦ; ᐊᑕᐅᓯᕐᒥᓐᖔᕐᓗᓯ ᐅᓇᑕᕆᐊᕈᒫᕐᐸᓯ, ᕿᒫᔪᒫᕐᐳᓯᓕ ᓵᓐᖓᔭᑐᐃᓐᓇᑦᓯᓐᓄᑦ ᕿᒫᓕᕐᓗᓯ, ᓄᓇᕐᔪᐊᕐᒥᐅᓪᓗ ᐊᖓᔪᖅᑲᐅᕕᖃᕐᑐᓕᒫᑦ ᑯᐊᕐᓵᕐᓯᒪᔪᒫᕐᐳᑦ ᖃᓄᐃᓕᕐᓂᑦᓯᓐᓂᒃ ᑕᑯᒍᑎᒃ.

ᒨᓯᓯ ᑕᓪᓕᒪᖏᑦ 32:30

ᖃᓄᖅ ᐊᑕᐅᓯᕐᒧᑦ 1,000 ᕿᒫᑎᑕᐅᔪᓐᓇᕐᐹᑦ? ᖃᓄᕐᓗ ᒪᕐᕉᖕᓄᑦ 10,000 ᕿᒫᑎᑕᐅᔪᓐᓇᕐᐸᑦ? ᕾᕐᑑᑉ ᐱᔪᓐᓇᕐᑎᑦᓯᔨᖏᑕ ᕿᒪᒃᓯᒪᒃᐸᒋᑦ, ᐊᑕᓂᐅᓪᓗ ᖁᔭᓈᕐᓯᒪᓕᕐᐸᒋᑦ ᑭᓯᐊᓂ.