ᐊᑕᓃᑦ ᐂᑉᐸᖏᑦ 25:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᑕᖅᑮᑦ 7ᖓᓐᓂ ᐊᕐᕌᒍᒥ ᑕᕝᕙᓂ, ᐃᓯᒥᐅᓕ ᓂᑕᓁᐊᐅᑉ ᐃᕐᓂᖓ, ᐃᓔᓴᒪᐅᑉ ᐃᕐᖑᑕᖓ, ᐊᖓᔪᖅᑳᕐᔪᐊᓂᒃ ᓇᖕᒥᓂᖅ ᐃᓚᖃᕐᑐᖅ, ᒥᔅᐸᒧᐊᕐᐳᖅ ᐊᖑᑎᓂᒃ ᖁᓕᓂᒃ ᐃᓚᖃᕐᓗᓂ ᒋᑕᓔᐊ ᑲᑐᑎᓪᓗᒍ ᑐᖁᑉᐹᑦ, ᐃᓴᕆᐊᓕᒥᐅᑦ ᑲᐅᓪᑎᐊᒥᐅᓪᓗ ᑕᕝᕙᓃᖃᑎᒋᔭᖏᑦ ᑐᖁᕋᕐᑕᐅᑎᒃᑭᕔᑦ.

ᐊᑕᓃᑦ ᐂᑉᐸᖏᑦ 25:25 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 11:1

ᐊᑕᓔᐊ ᐊᕼᐊᔧᐊᐅᑉ ᐊᓈᓇᖓ ᖃᐅᔨᓕᕋᒥ ᐃᕐᓂᖓᑕ ᐃᓅᔪᓐᓃᕐᓂᖓᓂᒃ, ᐊᖓᔪᖅᑳᕐᔪᐊᑉ ᕿᑐᕐᖔᓕᒫᖏᑦ ᑐᖁᕋᕐᑕᐅᑎᓕᕐᐰᑦ.

ᐊᑕᓃᑦ ᐂᑉᐸᖏᑦ 25:24

ᒋᑕᓔᐊᐅᑉ ᐅᖃᐅᑎᕔᑦ, “ᐅᖃᐅᓯᒃᑲ ᓱᓕᔪᕆᓯᐅᒃ, ᓯᕘᕋᔭᕆᐊᖃᓐᖏᓚᓯ ᑲᐅᓪᑎᐊᒥᐅᑦ ᐊᖓᔪᖅᑳᖏᓐᓂᒃ; ᑕᒫᓂ ᓄᓇᑖᕈᓐᓇᕐᐳᓯ, ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ ᑭᒡᒐᕐᑐᑦᓯᐊᕐᓗᒍ ᐱᒍᑦᓯ, ᑕᕝᕙ ᖃᓄᐃᖏᑦᓯᐊᕐᓂᐊᕐᐳᓯ.”

ᔨᕆᒤᐊᐅᑉ ᐊᒡᓚᖏᑦ 40:15

ᑕᕝᕙ ᔪᕼᐋᓇᓂᐅᑉ ᑲᕆᐊᑉ ᐃᕐᓂᖓᑕ ᐃᔨᕋᕐᑐᕐᓗᓂ ᒋᑕᓔᐊ ᒥᔅᐸᒥ ᐅᖃᐅᑎᕚ, “ᐃᓯᒥᐅᓕ ᓂᑕᓁᐊᐅᑉ ᐃᕐᓂᖓ ᑐᖁᑦᓴᕐᑐᓚᐅᕐᓚᒍ, ᖃᐅᔨᔪᖃᑦᔮᓐᖏᓚᖅ, ᓱᖕᒪᓪᓕ ᐃᓕᖕᓂᒃ ᑐᖁᑦᓯᑎᑕᐅᓇᓱᐊᕐᐹ? ᑐᖁᑕᐅᒐᔭᕈᕕᑦ ᔫᑎᑦ ᐃᓕᖕᓄᑦ ᐊᐅᓚᑕᐅᓕᕐᑐᑦ ᐊᕕᑎᑕᐅᑐᐃᓐᓇᕐᓂᐊᕐᐳᑦ, ᑕᒪᓐᓇᓗ ᖁᐊᕐᓵᕐᓇᕐᓂᐊᕐᐳᖅ ᔫᑕᒥᐅᑕᐅᔪᓕᒫᓄᑦ.”

ᔨᕆᒤᐊᐅᑉ ᐊᒡᓚᖏᑦ 41:1

ᑍᑦᓱᒪᓂᓕ ᐊᕐᕌᒎᑉ ᑕᖅᑭᖏᑕ 7ᖓᓐᓂ, ᐃᓯᒥᐅᓕ ᓂᑕᓁᐊᐅᑉ ᐃᕐᓂᖓ ᐃᓔᓴᒪᐅᑉ ᐃᕐᖑᑕᖓ ᐊᖓᔪᖅᑳᕐᔪᐊᕐᒧᑦ ᐃᓚᒋᔭᐅᔪᖅ ᐊᖓᔪᖅᑳᒻᒪᕆᐅᖃᑕᐅᓪᓗᓂᓗ, ᐊᖑᑎᓂᒃ ᖁᓕᓂᒃ ᐃᓚᖃᕐᓗᓂ ᒥᔅᐸᒧᐊᕐᐳᖅ ᒋᑕᓔᐊᒥᒃ ᐊᕼᐂᑲᐅᑉ ᐃᕐᓂᖓᓂᒃ ᑕᑯᔭᕐᑐᕐᓗᓂ, ᓂᕆᖃᑎᒌᒃᑎᓪᓗᒋᑦ ᓂᕆᕕᖕᒥᖕᓂ ᒥᔅᐸᒥ.

ᔨᕆᒤᐊᐅᑉ ᐊᒡᓚᖏᑦ 41:2

ᐃᓯᒥᐅᓕᐅᑉ ᓂᑕᓁᐊᐅᑉ ᐃᕐᓂᖓ ᐃᓚᒋᔭᖏᑕᓗ ᖁᓖᑦ ᐊᖑᑎᑦ ᓴᕕᒡᔪᐊᑎᒃ ᐊᒧᓪᓗᒋᑦ ᒋᑕᓔᐊ ᐊᕼᐂᑲᒥᐅᑉ ᐃᕐᓂᖓ ᑐᖁᑉᐹᑦ ᓴᕙᓂᐅᑉ ᐃᕐᖑᑕᖓ, ᑖᓐᓇ ᐹᐱᓘᓂᐅᑉ ᐊᖓᔪᖅᑳᕐᔪᐊᖓᑕ ᑲᒪᔨᒻᒪᕆᓐᖑᕐᑎᓚᐅᕐᑕᖓ ᓄᓇᓕᖕᓄᑦ.

ᔨᕆᒤᐊᐅᑉ ᐊᒡᓚᖏᑦ 41:3

ᐃᓯᒥᐅᓕᐅᑉ ᑐᖁᒃᑭᕔᑦ ᐃᓴᕆᐊᓕᒥᐅᑦ ᒋᑕᓔᐊᐅᑉ ᐃᓚᒋᔭᖏᑦ ᒥᔅᐸᒦᑦᑐᑦ, ᑲᐅᓪᑎᐊᒥᐅᓪᓗ ᐅᓇᑕᕐᑐᒃᓴᖏᑦ ᑐᖁᒃᑭᕔᑦ ᑕᕝᕙᓃᖃᑕᐅᑐᐃᓐᓇᕐᑑᒐᓗᐊᑦ.

ᓴᑲᕅᐊᐅᑉ ᐊᒡᓚᖏᑦ 7:5

“ᐃᓄᐃᑦ ᑕᒫᓂ ᓄᓇᖃᕐᑐᓕᒫᑦ ᑐᓂᕐᕈᓯᕐᑎᑦᓯᔩᓪᓗ ᐊᐱᕆᒃᑭᑦ, ‘ᓂᕆᑦᑍᓕᔭᕌᖓᑦᓯ ᕿᒃᓵᒡᓗᓯᓗ ᑕᖅᑮᑦ ᑕᓪᓕᒪᖓᓐᓂ ᑕᖅᑮᓪᓗ 7ᖓᓂ ᐊᕐᕌᒍᓂᒃ 70ᓂᒃ, ᑍᒤᓕᐅᕐᐸᓚᐅᕐᐱᓰ ᐅᕙᓐᓂᒃ ᐱᑦᔪᑎᖃᕐᓗᓯ?

ᓴᑲᕅᐊᐅᑉ ᐊᒡᓚᖏᑦ 8:19

“ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᓂᕆᑦᑍᓕᕖᑦ ᑕᖅᑮᑦ ᓯᑕᒪᖓᓐᓂ, ᑕᖅᑮᓪᓗ ᑕᓪᓕᒪᖓᓐᓂ, ᑕᖅᑮᓪᓗ 7ᖓᓐᓂ. ᑕᖅᑮᓪᓗ 10ᖓᓐᓂ, ᑖᒃᑯᐊ ᖁᕕᐊᓇᕐᓗᑎᒃ ᓯᕆᓂᐅᓕᕐᓗᑎᒡᓗ ᓇᓪᓕᐅᓐᓂᕐᓯᐅᕐᕕᐅᔪᒫᕐᐳᑦ ᔫᑕᒥ ᓄᓇᖃᕐᑐᓄᑦ. ᑐᑭᖃᕐᓗᑎᒃ ᓇᒡᓕᖕᓂᕐᒥᒃ ᓱᓕᑦᓯᐊᕐᓂᕐᒥᒡᓗ ᖃᓄᐃᖏᑦᓯᐊᕐᓂᕐᒥᒡᓗ.