ᐊᑕᓃᑦ ᐂᑉᐸᖏᑦ 25:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᓄᓇᒥ ᕆᑉᓚᒥ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑕ ᐋᓐᓂᕐᓯᕐᑕᐅᑎᓚᐅᕐᓗᓂᒋᑦ ᑐᖁᕋᕐᑕᐅᑎᑉᐰᑦ ᕼᐊᒫᑎᒥ ᓄᓇᒥ. ᑕᕝᕙ ᔫᑕᒥᐅᑦ ᐊᐅᓪᓚᕈᑦᔭᐅᓚᐅᕐᐳᑦ ᓄᓇᒋᓚᐅᕐᓯᒪᓐᖏᑕᒥᖕᓂᒃ ᓄᓇᑖᕐᑎᑕᐅᓪᓗᑎᒃ.

ᐊᑕᓃᑦ ᐂᑉᐸᖏᑦ 25:21 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 8:46

“ᐃᓄᖁᑎᑎᑦ ᐊᔪᕐᑐᓕᒃᐸᑕ ᐃᓕᖕᓄᑦ ᐃᓄᒃᑕᖃᖏᒻᒪᑦ ᐊᔪᕐᑐᓕᓱᐃᑦᑐᒥᒃ, ᓂᓐᖓᒡᕕᒋᓯᒪᒍᕕᒋᑦ, ᓴᓚᒋᔭᐅᑎᒃᑯᕕᒋᓪᓗ ᐊᑭᕋᖏᓐᓄᑦ, ᐊᐅᓪᓚᕈᑦᔭᐅᑎᒃᑯᕕᒋᓪᓗ ᑎᒍᔭᐅᓗᑎᒃ ᐊᑭᕋᒥ ᓄᓇᖓᓄᑦ, ᖃᓂᑦᑐᒧᑦ ᐅᖓᓯᒃᑐᒧᓪᓘᓐᓃᑦ;

ᐊᑕᓃᑦ ᐂᑉᐸᖏᑦ 17:20

ᐊᑕᓂᐅᑉ ᐃᓴᕆᐊᓕᐅᑉ ᑭᖑᕚᓕᒫᖏᑦ ᖁᔭᓈᓚᐅᕐᐰᑦ, ᐅᖁᒤᒃᓴᕐᓇᕐᑐᓂᒃ ᐊᑑᑎᑎᓚᐅᕐᐰᑦ ᐊᑭᕋᕐᑐᕐᑎᖏᓐᓄᑦ ᓇᒡᓕᓂᖃᖏᑦᑐᓄᑦ ᐱᓇᓱᐊᕐᕕᐅᑎᓪᓗᓂᒋᑦ ᐃᓚᒋᔪᒪᔪᓐᓃᓚᐅᕐᐰᑦ.

ᐊᑕᓃᑦ ᐂᑉᐸᖏᑦ 17:23

ᐊᑕᓂᐅᑉ ᓇᔪᕈᒪᔪᓐᓃᓚᐅᕐᐰᑦ, ᐅᖃᕐᑎᒥᒍᑦ ᖃᐅᔨᑎᒋᐊᕐᓗᓂᒋᑦ ᐅᖃᐅᑎᕙᓚᐅᕋᓗᐊᕐᓗᓂᒋᑦ. ᐃᓴᕆᐊᓕᒥᐅᑦ ᓄᓇᒥᖕᓂᑦ ᐊᐅᓪᓚᕈᑦᔭᐅᓚᐅᕐᐳᑦ ᐊᓯᕆᐊᒧᐊᕐᑎᑕᐅᓪᓗᑎᒃ ᑕᕝᕙᓂᓗ ᓄᓇᖃᓕᕐᓗᑎᒃ ᐅᓪᓗᒥᒧᑦ.

ᐊᑕᓃᑦ ᐂᑉᐸᖏᑦ 23:27

ᐊᑕᓂᖅ ᐅᖃᓚᐅᕐᒪᑦ, “ᔫᑕ ᑕᑯᓐᓇᕐᑕᓐᓂᑦ ᓅᑎᑦᓱᒫᕐᐸᕋ, ᐃᓴᕆᐊᓕᒥᐅᑎᑐᑦ ᓅᑦᓯᓂᕆᓚᐅᕐᑕᑦᑐᖅ, ᔨᕉᓴᓕᒻᓗ ᓂᕈᐊᕐᓗᒍ ᐃᒡᓗᒐᓴᒡᔪᐊᓐᖑᕐᑎᓚᐅᕐᑕᕋ ᓇᕐᕈᒋᓕᕈᒫᕐᐸᕋ, ᑖᓐᓇ ᐅᖃᐅᓯᖃᕐᕕᒋᓚᐅᕐᑕᕋ, ‘ᐊᑎᕋ ᑕᕝᕙᓂ ᐅᐱᒋᔭᐅᖏᓐᓇᖁᓪᓗᒍ.’”

ᐊᑕᓃᑦ ᐂᑉᐸᖏᑦ 24:15

ᓂᐱᑯᓁᓴᐅᑉ ᔨᕼᐅᐃᐊᑭᓐ ᑎᒍᓯᒪᓪᓗᒍ ᐊᐅᓪᓚᕈᑎᕚ ᐹᐱᓘᓂᒧᑦ; ᐊᓈᓇᖓᓗ, ᔨᕼᐅᐃᐊᑭᐅᓪᓗ ᓄᓕᐊᖏᑦ, ᐊᖓᔪᖅᑳᖁᑎᖏᓪᓗ, ᔫᑕᒥᓗ ᓯᕗᓕᕐᑎᓕᒫᑦ ᐱᖃᓯᐅᑎᓪᓗᒋᑦ, ᔨᕉᓴᓕᒥᑦ ᐊᐅᓪᓚᕈᑎᓚᐅᕐᐰᑦ ᐹᐱᓘᓂᒧᑦ.

ᔨᕆᒤᐊᐅᑉ ᐊᒡᓚᖏᑦ 16:13

ᑍᒤᒻᒪᑦ ᓄᓇᒥᑦ ᑕᒫᓐᖓᑦ ᐃᒋᑕᐅᑎᓐᓂᐊᕐᐸᑦᓯ ᓄᓇᒧᑦ ᓯᕗᓕᕕᓂᑦᓯᓐᓄᑦ ᐊᒡᓛᑦ ᖃᐅᔨᒪᔭᐅᓚᐅᖏᑦᑐᒧᑦ ᓄᓇᑖᕐᓗᓯᓗ ᑕᕝᕙᓂ, ᑕᕝᕙᓂᓗ ᒎᑎᒋᔪᒪᔭᑦᓯᓐᓂᒃ ᒎᑎᖃᕈᒫᕋᑦᓯ ᖃᐅᑕᒫᑦ ᐱᔨᑦᓯᕐᓂᐊᕐᑕᑦᓯᓐᓂᒃ ᐅᓪᓗᒃᑯᑦ ᐅᓐᓄᐊᒃᑯᓪᓗ, ᐃᓕᑦᓯᓐᓂᒃ ᓂᑲᒍᓱᖕᓂᐊᕈᓐᓃᕐᐳᖓ.’”

ᔨᕆᒤᐊᐅᑉ ᐊᒡᓚᖏᑦ 52:27

ᑕᕝᕙᓂᓗ ᕆᑉᓚᒦᓪᓗᑎᒃ ᓱᓕ ᐹᐱᓘᓂᐅᑉ ᐊᖓᔪᖅᑳᕐᔪᐊᖓᑕ ᑖᒃᑯᐊ ᑐᖁᑕᐅᑎᑉᐰᑦ ᕼᐊᒫᑎᒥ, ᑕᕝᕙ ᔫᑕᒥᐅᑦ ᐃᓄᖏᑦ ᑎᒍᔭᐅᓚᐅᕐᐳᑦ ᐊᐅᓪᓚᕈᑦᔭᐅᓪᓗᑎᒡᓗ ᓄᓇᑐᖃᒥᖕᓂᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:16

ᐊᑕᓂᐅᑉ ᑲᒪᒋᔪᓐᓃᕐᒪᒋᑦ ᓯᐊᒻᒪᕐᑎᑉᐰᑦ ᓇᒧᑐᐃᓐᓇᖅ, ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᓪᓗ ᐅᐱᒋᔪᓐᓃᕐᐰᑦ.

ᐃᓯᑭᐊᓕᐅᑉ ᐊᒡᓚᖏᑦ 24:14

ᐅᕙᖓ ᐊᑕᓂᐅᔪᖓ ᐅᖃᕇᕐᐳᖓ; ᖃᓄᐃᓕᒋᐊᕐᕕᒃᓴᕋ ᓇᓪᓕᐅᑎᔪᒫᕐᐳᖅ; ᐅᑎᕆᐊᕐᓂᐊᓐᖏᓚᖓ, ᑲᒪᒋᓐᖏᑕᖃᑦᔮᓇᖓᓗ, ᓴᖑᑦᔮᓇᖓᓗ; ᐱᐅᓯᕆᔭᓯ ᐱᓂᐊᕐᓂᓯᓗ ᒪᓕᒡᓗᒋᑦ ᐃᖅᑲᕐᑐᕈᒫᓕᕐᐸᑦᓯ, ᐊᑕᓂᖅ ᒎᑎ ᐅᖃᕐᐳᖅ.”

ᐂᒨᓯᐅᑉ ᐊᒡᓚᖏᑦ 5:27

ᑍᒤᒻᒪᑦ ᐊᐅᓪᓚᕈᑎᔪᒫᓕᕐᐸᑦᓯ ᑕᒫᓯᑰᓯᐅᑉ ᐅᖓᑖᓄᑦ,” ᐊᑕᓂᖅ ᐅᖃᕐᐳᖅ, ᕿᓚᖕᒥᐅᒐᓴᒡᔪᐃᑦ ᒎᑎᖓᓐᓂᒃ ᐊᑎᖃᕐᑐᖅ.

ᒨᓯᓯ ᑕᓪᓕᒪᖏᑦ 28:36

“ᐊᑕᓂᐅᑉ ᐱᔭᐅᑎᑦᓱᒫᕐᐹᓯ, ᐊᖓᔪᖅᑳᕐᔪᐊᓯᓗ ᐊᖓᔪᖅᑳᕐᔪᐊᓐᖑᕐᑎᓯᒪᔭᓯ ᐃᓕᑦᓯᓐᓄᑦ, ᐃᓅᖃᑎᒌᒡᔪᐊᓄᑦ ᓯᕗᓕᓯᓘᓐᓃᑦ ᐃᓕᑦᓯᓘᓐᓃᑦ ᓯᕗᓕᖓᒍᑦ ᓄᓇᒋᓚᐅᕐᓯᒪᓐᖏᑕᑦᓯᓐᓄᑦ ᐊᐅᓪᓚᕈᑦᔭᐅᓗᓯ; ᑕᕝᕙᓂᓗ ᒎᑎᒋᔭᐅᔪᓂᒃ ᕿᔪᖕᓂᒃ ᐅᔭᕋᖕᓂᒡᓗ ᐱᔨᑦᓯᕈᒫᕐᐳᓯ.

ᒨᓯᓯ ᑕᓪᓕᒪᖏᑦ 28:64

“ᐊᑕᓂᐅᑉ ᐃᓅᖃᑎᒌᒡᔪᐊᓄᑦ ᓇᒧᑐᐃᓐᓇᓕᒫᖅ ᓯᐊᒻᒪᕐᑎᑦᓱᒫᕐᐹᓯ, ᓄᓇᕐᔪᐊᑉ ᐃᓱᐊᓂᑦ ᐱᒋᐊᕐᓗᒍ ᐃᓱᐊᓄᑦ ᑎᑭᓪᓗᒍ, ᑕᒪᒃᑯᓇᓂᓗ ᒎᑎᓐᖑᐊᓂᒃ ᑐᒃᓯᐊᕐᕕᖃᕐᑎᑕᐅᔪᒫᕐᐳᓯ ᓴᓇᔭᐅᓯᒪᔪᓂᒃ ᕿᔪᖕᓂᒃ ᐅᔭᕋᖕᓂᒡᓗ, ᐃᓕᑦᓯ ᓯᕗᓕᕕᓂᑦᓯᓗ ᑐᒃᓯᐊᕐᕕᒋᓚᐅᕐᓯᒪᓐᖏᑕᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 29:27

ᑍᒤᒻᒪᑦ ᐊᑕᓂᐅᑉ ᓄᓇᖁᑎᖏᑦ ᓂᓐᖓᐅᒪᕕᒋᓕᕐᐰᑦ ᑎᑭᑎᑦᓯᓯᒪᕗᖅ ᐊᔪᓕᕈᑕᐅᔪᓐᓇᕐᑐᓕᒫᓂᒃ ᑖᒃᑯᓇᓂ ᐊᒡᓚᖕᓂ ᑎᑎᕋᐅᓯᐅᓯᒪᔪᓂᒃ.

ᒨᓯᓯ ᑕᓪᓕᒪᖏᑦ 4:26

ᕿᓚᒡᓗ ᓄᓇᓗ ᐃᑲᔪᕐᑎᒋᓗᒋᒃ ᐃᓕᑦᓯᓐᓂᒃ ᓈᒻᒪᒃᓴᖏᓐᓂᕋ ᐅᓪᓗᒥ ᓴᖅᑭᑉᐸᕋ, ᓈᓚᓐᖏᑐᐊᕈᑦᓯᓐᖓ, ᐊᑯᓂᐅᖏᑦᑐᖅ ᓄᓇᒥ ᑕᒫᓃᑦᓱᓐᓁᕐᓂᐊᕐᐳᓯ. ᐊᑯᓂᐅᖏᑦᑐᕐᓗ ᐃᓅᓂᐊᕐᐳᓯ ᑕᒫᓂ ᔪᐊᕐᑕᓂᐅᑉ ᐊᑭᐊᓂ ᓄᓇᑖᕆᓂᐊᕐᑕᑦᓯᓐᓂ, ᓄᖑᑕᐅᑦᓯᐊᕐᓂᐊᕐᐳᓯᓗ.