ᐊᑕᓃᑦ ᐂᑉᐸᖏᑦ 25:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᑕᕝᕙ ᓂᐳᔭᕋᑕᓐ ᓴᐳᓐᓂᐊᕐᑎᓄᑦ ᐊᖓᔪᖅᑳᖑᔫᑉ ᐃᓄᐃᑦ ᐃᒡᓗᒐᓴᖕᓂ ᐊᒥᐊᒃᑰᓯᒪᔪᑦ ᑎᒍᓪᓗᒋᑦ ᐹᐱᓘᓂᒧᑦ ᐊᐅᓚᕈᑎᕔᑦ, ᓴᓇᔪᓐᓇᕐᑐᑦ ᐊᒥᐊᒃᑯᕕᓂᖏᑦ ᐹᐱᓘᓂᒥᐅᓄᓪᓗ ᐃᓚᒋᓕᐅᑎᓂᑰᓕᕐᑐᑦ.

ᐊᑕᓃᑦ ᐂᑉᐸᖏᑦ 25:11 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 36:20

ᓴᕕᒡᔪᐊᒧᓪᓗ ᑐᖁᑕᐅᖏᑦᑐᓕᒫᑦ ᐊᐅᓪᓚᕈᑎᕔᑦ ᐹᐱᓘᓂᒧᑦ, ᑖᑦᓱᒧᖓᓗ ᐱᔨᐅᓕᕐᐳᑦ ᐃᕐᓂᖏᓐᓄᓪᓗ ᐴᕐᓯᐊᒥᐅᑉ ᐊᖓᔪᖅᑲᐅᕕᖓ ᐊᐅᓚᑦᓯᓕᓚᐅᕐᑎᓐᓇᒍ.

ᐄᓱᕋᐅᑉ ᐊᒡᓚᖏᑦ 2:1

ᐅᓄᕐᑐᑦ ᐊᐅᓪᓚᕈᑦᔭᐅᓯᒪᔪᕕᓃᑦ ᕿᒤᓚᐅᕐᐳᑦ ᐹᐱᓘᓂᒥᒃ ᐅᑎᕐᓗᑎᒡᓗ ᔨᕉᓴᓕᒧᑦ ᔫᑕᒧᓪᓗ, ᐃᓘᓐᓇᑎᒃ ᓄᓇᒥᖕᓄᑦ. ᑖᒃᑯᐊ ᐃᓚᖏᑦ ᐊᐅᓪᓚᕈᑦᔭᐅᓯᒪᓚᐅᕐᒪᑕ ᐹᐱᓘᓂᒧᑦ ᑍᒪᓐᖓᒥᑦ ᐊᖓᔪᖅᑳᕐᔪᐊᑉ ᓂᐱᑯᓁᓴᐅᑉ ᑎᒍᓚᐅᕐᓯᒪᖕᒪᒋᑦ.

ᐃᓐᖏᕈᑎᑦ 144:14

ᐃᒻᒧᒃᓯᐅᒐᖁᑎᕗᓪᓗ ᐅᓄᕐᑐᓂᒃ ᕿᑐᕐᖓᕐᑖᖁᓪᓗᒋᑦ, ᑕᒪᐅᓁᓐᓇᖅ ᐃᓄᕐᑐᓂᒃ ᕿᑐᕐᖓᕐᑖᖁᓇᒋᑦ ᐅᕝᕙᓗ ᑐᖁᔨᐊᖃᖁᓇᒋᑦ; ᐊᒃᓱᕈᕐᓇᕐᑐᓂᒡᓗ ᓂᓪᓕᐊᔪᖃᖁᓇᒍ ᐊᖅᑯᑎᑦᑎᓐᓂ.

ᔨᕆᒤᐊᐅᑉ ᐊᒡᓚᖏᑦ 32:28

ᑍᒤᒻᒪᑦ ᐊᑕᓂᖅ ᐃᒫᒃ ᐅᖃᕐᐳᖅ, ᑕᑯᒋᑦ, ᑲᐅᓪᑎᐊᒥᐅᓄᑦ ᐃᒡᓗᒐᓴᒡᔪᐊᑦ ᑐᓂᓕᕐᐸᒃᑲ ᓂᐱᑯᓁᓴᒧᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ, ᑖᑦᓱᒪᓗ ᑎᒍᓂᐊᕐᐹ.

ᔨᕆᒤᐊᐅᑉ ᐊᒡᓚᖏᑦ 39:9

ᓂᐳᔭᕋᑕᓐ ᐊᖓᔪᖅᑳᕐᔪᐊᑉ ᐅᓇᑕᕐᑎᖁᑎᖏᑕ ᐊᖓᔪᖅᑳᖓᑦ ᐃᒡᓗᒐᓴᒡᔪᐊᓂ ᐊᒥᐊᒃᑰᔪᑦ ᑎᒍᓪᓗᓂᒋᑦ ᐊᐅᓪᓚᕈᑎᓚᐅᕐᐰᑦ ᐹᐱᓘᓂᒧᑦ ᐃᓚᒋᓪᓗᒋᑦ ᐃᒻᒥᖕᓂᒃ ᑐᓂᑦᔪᑎᒋᓚᐅᕐᑐᑦ ᑖᑦᓱᒧᖓ.

ᔨᕆᒤᐊᐅᑉ ᐊᒡᓚᖏᑦ 52:12

ᓂᐱᑯᓁᓴᐅᑉ ᐊᖓᔪᖅᑲᐅᓂᖓᑕ ᐹᐱᓘᓂᒥ ᐊᕐᕌᒍᖏᑕ 19ᖓᓐᓂ ᑕᖅᑮᑦ ᑕᓪᓕᒪᖓᓐᓂ, ᐅᓪᓗᖏᑕ ᖁᓕᖓᓐᓂ, ᓂᐳᔭᕋᑕᓐ ᐊᖓᔪᖅᑳᕐᔪᐊᑉ ᐅᓇᑕᕐᑎᖁᑎᖏᑕ ᐊᖓᔪᖅᑳᖓᑦ ᐱᔨᑦᓯᕐᓗᓂ ᐊᖓᔪᖅᑳᕐᔪᐊᒥᓂᒃ ᔨᕉᓴᓕᒧᑦ ᐃᑎᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 52:15

ᓂᐳᔭᕋᑕᓐ ᐊᖓᔪᖅᑳᒻᒪᕆᒋᔭᐅᔪᖅ ᐅᓇᑕᕐᑎᓄᑦ ᐊᐅᓪᓚᕈᑦᔨᓚᐅᕐᐳᖅ, ᐃᒡᓗᒐᓴᒡᔪᐊᕐᓂ ᐊᒥᐊᒃᑰᔪᕕᓂᕐᓂᒃ, ᐹᐱᓘᓂᐅᓪᓗ ᐊᖓᔪᖅᑳᕐᔪᐊᖓᓐᓄᑦ ᑐᓂᑦᔪᑎᒋᓂᑯᓂᒃ.

ᔨᕆᒤᐊᐅᑉ ᐊᒡᓚᖏᑦ 52:30

ᓂᐱᑯᓁᓴᐅᑉ ᐊᖓᔪᖅᑳᕐᔪᐊᖑᓂᖓᑕ 23ᖓᓐᓂ ᐊᐅᓪᓚᕈᑦᔨᓚᐅᕐᐳᖅ ᔫᑎᓂᒃ 745ᓂᒃ. ᓂᐳᔭᕋᑕᓐ ᐅᓇᑕᕐᑏᑦ ᐊᖓᔪᖅᑳᒻᒪᕆᖓᑦᑕ ᐊᐅᓪᓚᕈᑎᔭᖏᑦ ᑲᑎᓕᒫᕐᓗᒋᑦ 4,600ᐅᓚᐅᕐᐳᑦ ᐃᓄᐃᑦ.

ᐃᓯᑭᐊᓕᐅᑉ ᐊᒡᓚᖏᑦ 12:11

ᐅᖃᐅᑎᒃᑭᑦ, ‘ᐊᑐᓚᐅᕐᑕᕋ ᓇᓗᓁᒃᑯᑕᐅᕗᖅ ᐃᓕᑦᓯᓐᓄᑦ: ᑍᒫᒃᑕᐅᖅ ᑖᒃᑯᐊ ᐱᓂᐊᕐᕕᐅᔪᒫᕐᐳᑦ; ᐊᐅᓪᓚᕈᑦᔭᐅᔪᒫᕐᐳᑦ ᑎᒍᔭᐅᓗᑎᒃ.’

ᐃᓯᑭᐊᓕᐅᑉ ᐊᒡᓚᖏᑦ 17:21

ᐅᓇᑕᕐᑎᖁᑎᖏᑕ ᐊᔪᖏᓐᓂᕐᐹᖏᑦ ᑐᖁᕋᕐᑕᐅᔪᒫᕐᐳᑦ, ᐊᒥᐊᒃᑯᖏᓪᓗ ᓇᒧᑐᐃᓐᓈᕈᒫᕐᐳᑦ; ᑕᕝᕙ ᖃᐅᔨᓕᕈᒫᕐᐳᓯ ᐅᕙᖓ ᐊᑕᓂᖅ ᑍᒫᒃ ᐅᖃᕐᓯᒪᒐᒪ.”

ᐃᓯᑭᐊᓕᐅᑉ ᐊᒡᓚᖏᑦ 5:2

ᐱᖓᔪᖏᑦ ᐃᑯᐊᓪᓚᒍᒫᕐᐸᑎᑦ ᐃᒡᓗᒐᓴᒡᔪᐊᑦ ᐃᓗᐊᓂ; ᔨᕉᓴᓕᒥᐅᑦ ᐊᑭᕋᒥᓄᑦ ᐊᕙᓗᔭᐅᓯᒪᓂᖓ ᐃᓱᓕᑉᐸᑦ; ᐱᖓᔪᖏᓪᓗ ᓴᕕᒡᔪᐊᕐᓄᑦ ᓇᑲᑎᕐᓗᒋᑦ ᓈᕕᑕᒃᓴᕆᕙᑎᑦ ᐃᒡᓗᒐᓮᑦ ᐊᕙᓗᐊᑕ ᓯᓚᑖ ᓈᓗᒍ; ᐱᖓᔪᒋᖕᒥᔭᖏᑦ ᑎᒃᑕᐅᕋᕐᑎᓪᓗᒋᑦ ᐊᓄᕆᒧᑦ, ᓴᕕᒡᔪᐊᕋ ᐊᒧᓗᒍ ᒪᓕᒍᒫᕐᐸᒃᑲ.

ᒨᓯᓯ ᑕᓪᓕᒪᖏᑦ 28:36

“ᐊᑕᓂᐅᑉ ᐱᔭᐅᑎᑦᓱᒫᕐᐹᓯ, ᐊᖓᔪᖅᑳᕐᔪᐊᓯᓗ ᐊᖓᔪᖅᑳᕐᔪᐊᓐᖑᕐᑎᓯᒪᔭᓯ ᐃᓕᑦᓯᓐᓄᑦ, ᐃᓅᖃᑎᒌᒡᔪᐊᓄᑦ ᓯᕗᓕᓯᓘᓐᓃᑦ ᐃᓕᑦᓯᓘᓐᓃᑦ ᓯᕗᓕᖓᒍᑦ ᓄᓇᒋᓚᐅᕐᓯᒪᓐᖏᑕᑦᓯᓐᓄᑦ ᐊᐅᓪᓚᕈᑦᔭᐅᓗᓯ; ᑕᕝᕙᓂᓗ ᒎᑎᒋᔭᐅᔪᓂᒃ ᕿᔪᖕᓂᒃ ᐅᔭᕋᖕᓂᒡᓗ ᐱᔨᑦᓯᕈᒫᕐᐳᓯ.