ᐊᑕᓃᑦ ᐂᑉᐸᖏᑦ 24:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᓂᐱᑯᓁᓴᐅᑉ ᔨᕼᐅᐃᐊᑭᓐ ᑎᒍᓯᒪᓪᓗᒍ ᐊᐅᓪᓚᕈᑎᕚ ᐹᐱᓘᓂᒧᑦ; ᐊᓈᓇᖓᓗ, ᔨᕼᐅᐃᐊᑭᐅᓪᓗ ᓄᓕᐊᖏᑦ, ᐊᖓᔪᖅᑳᖁᑎᖏᓪᓗ, ᔫᑕᒥᓗ ᓯᕗᓕᕐᑎᓕᒫᑦ ᐱᖃᓯᐅᑎᓪᓗᒋᑦ, ᔨᕉᓴᓕᒥᑦ ᐊᐅᓪᓚᕈᑎᓚᐅᕐᐰᑦ ᐹᐱᓘᓂᒧᑦ.

ᐊᑕᓃᑦ ᐂᑉᐸᖏᑦ 24:15 ပူးပေါင်းရင်းမြစ်များ

ᐃᔅᑕᐅᑉ ᐊᒡᓚᖏᑦ 2:6

ᑖᓐᓇ ᑮᓯ ᔨᕉᓴᓕᒥᑦ ᐊᐅᓪᓚᕈᑦᔭᐅᖃᑕᐅᓯᒪᔪᖅ ᓵᓚᐅᔪᑦ ᐊᐅᓪᓚᕈᑦᔭᐅᓕᕐᑎᓪᓗᒋᑦ ᑎᒍᔭᐅᖃᑕᐅᓪᓗᓂ ᔫᑕᐅᑉ ᐊᖓᔪᖅᑳᕐᔪᐊᖓ ᔨᑯᓁᐊ ᑎᒍᔭᐅᑎᓪᓗᒍ, ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᓂᐱᑯᓁᓴᒧᑦ ᐊᐅᓪᓚᕈᑦᔭᐅᑎᓪᓗᒋᑦ.

ᑯᕉᓂᑲ ᐂᑉᐸᖏᑦ 36:10

ᐊᕐᕌᒎᑉ ᐱᒋᐊᕐᓂᖓᓂ ᐊᖓᔪᖅᑳᕐᔪᐊᖅ ᓂᐱᑯᓁᓴ ᑎᓕᓯᓪᓗᓂ ᑎᒍᔭᐅᑎᑉᐹ ᐹᐱᓘᓂᒧᐊᕈᑦᔭᐅᑎᓪᓗᒍᓗ, ᐱᒃᑯᒥᓇᕐᑐᑦ ᐱᖁᑏᑦ ᐊᑕᓂᐅᑉ ᐃᒡᓗᖓᓂᑦ ᓇᒃᓴᕐᑕᐅᑎᓪᓗᒋᑦ, ᔨᑎᑬᐊᓗ, ᔨᕼᐅᐃᐊᑭᐅᑉ ᖃᑕᓐᖑᑎᖓ ᐊᖓᔪᖅᑳᕐᔪᐊᓐᖑᕐᑎᑉᐹ ᔫᑕᒧᑦ ᔨᕉᓴᓕᒧᓪᓗ.

ᐃᓯᑭᐊᓕᐅᑉ ᐊᒡᓚᖏᑦ 17:12

“ᐊᑭᕋᕐᑐᕐᑎᐅᔪᑦ ᑭᖑᕚᖑᖃᑎᒌᑦ ᑐᑭᓯᖕᒪᖔᑕ ᑕᒪᒃᑯᐊ ᑐᑭᖏᓐᓂᒃ ᐊᐱᕆᓚᐅᒃᑭᑦ, ᐅᖃᐅᑎᒃᑭᑦ ᑕᑯᒋᑦ, ᐹᐱᓘᓂᐅᑉ ᐊᖓᔪᖅᑳᕐᔪᐊᖓᑦ ᔨᕉᓴᓕᒧᐊᓚᐅᕐᐳᖅ, ᔨᕉᓴᓕᐅᓪᓗ ᐊᖓᔪᖅᑳᕐᔪᐊᖓᓐᓂᒃ ᐊᖓᔪᖅᑳᖁᑎᖏᓐᓂᒡᓗ ᑎᒍᓯᓪᓗᓂ ᐹᐱᓘᓂᒧᑦ ᐅᑎᐅᑎᓚᐅᕐᐰᑦ.

ᐊᑕᓃᑦ ᐂᑉᐸᖏᑦ 24:8

ᔨᕼᐅᐃᐊᑭᓐ ᐊᕐᕌᒍᖃᕐᓗᓂ 18ᓂᒃ ᐊᖓᔪᖅᑳᕐᔪᐊᖑᓕᓚᐅᕐᐳᖅ ᔫᑕᒧᑦ, ᔨᕉᓴᓕᒥᓗ ᐊᐅᓚᑦᓯᓚᐅᕐᐳᖅ ᑕᖅᑭᓂᒃ ᐱᖓᓱᓂᒃ. ᐊᓈᓇᖃᓚᐅᕐᐳᖅ ᓂᕼᐅᓯᑕᒥᒃ ᐃᐅᓪᓇᓴᓐ ᐸᓂᖓᓂᒃ ᔨᕉᓴᓕᒥᐅᑕᕐᒥᒃ.

ᐊᑕᓃᑦ ᐂᑉᐸᖏᑦ 25:27

ᐊᕐᕌᒍᒥ ᐊᐅᓪᓚᕈᑦᔭᐅᓯᒪᓂᖏᑕ 37ᒋᓕᕐᑕᖓᓐᓂ ᔨᕼᐅᐃᐊᑭᓐ ᔫᑕᐅᑉ ᐊᖓᔪᖅᑳᕐᔪᐊᖓ, ᑕᖅᑮᑦ 12ᖓᑦᑕ ᐅᓪᓗᖏᑕ 27ᖓᓐᓂ, ᐃᕗᓪᒥᕈᑖᒃ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ, ᐊᖓᔪᖅᑳᕐᔪᐊᓐᖑᕋᒥ ᔨᕼᐅᐃᐊᑭᓐ ᔫᑕᒥᐅᑦ ᐊᖓᔪᖅᑳᕐᔪᐊᖓᑦ ᐱᑦᓯᐊᕐᕕᒋᓚᐅᕐᐹ ᑎᒍᔭᐅᓯᒪᕕᖕᒥᓪᓗ ᐊᓂᑎᓪᓗᓂᐅᒃ.

ᔨᕆᒤᐊᐅᑉ ᐊᒡᓚᖏᑦ 13:18

ᐊᖓᔪᖅᑳᕐᔪᐊᖅ ᐊᓈᓇᖓᓗ ᐅᖃᐅᑎᒃᑭᒃ, ᐊᖓᔪᖅᑲᐅᕕᑦᓯᓐᓂᒃ ᐲᓕᕆᑦᓯᒃ, ᐊᖓᔪᖅᑳᕐᔪᐊᕐᓯᐅᑎᓯᒃ ᓂᐊᖂᑏᒃ ᑕᑯᒥᓇᕐᑐᑦ ᓂᐊᖁᑦᓯᖕᓂᑦ ᐲᕐᑕᐅᓯᖕᒪᑕ.

ᔨᕆᒤᐊᐅᑉ ᐊᒡᓚᖏᑦ 29:2

ᑖᒃᑯᐊ ᑎᑎᕋᓚᐅᕐᐰᑦ ᐊᖓᔪᖅᑳᕐᔪᐊᖅ ᔨᑯᓁᐊ ᓄᓕᐊᖓᑕᓗ ᐊᓈᓇᖓ ᐊᖓᔪᖅᑳᖁᑎᖏᓪᓗ ᔫᑕᒥ ᔨᕉᓴᓕᒥᓗ ᓯᕗᓕᕐᑎᐅᔪᑦ, ᕿᔪᓕᕆᔩᑦ, ᓴᕕᕋᔭᓕᕆᔩᓪᓗ ᔨᕉᓴᓕᒥᑦ ᐊᐅᓪᓚᕈᑦᔭᐅᓯᒪᓕᕐᑎᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 17:13

ᐊᖓᔪᖅᑳᕐᔪᐊᓪᓗ ᕿᑐᕐᖓᖏᑕ ᐃᓚᖓᓐᓄᑦ ᐊᖏᖃᑎᒌᒍᑎᓕᐅᓚᐅᕐᐳᖅ ᐅᖃᕕᖕᓂᒃᑯᑦ. ᐊᖓᔪᖅᑳᐅᓂᖏᓪᓗ ᓄᓇᒥ ᐊᐅᓪᓚᕈᑎᓚᐅᕆᕔᑦ,

ᐃᓯᑭᐊᓕᐅᑉ ᐊᒡᓚᖏᑦ 19:9

ᐆᒪᔪᓂᒡᓗ ᑎᒍᓯᑦᔪᑎᒥᖕᓄᑦ ᐊᕙᓗᓕᖕᒧᑦ ᐴᕐᓗᒍ, ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᐂᑦᑑᑎᒋᕙᑦ; ᑎᒍᔭᐅᓯᒪᕕᖕᒧᐊᓚᐅᕐᐹᑦ ᖃᓕᖑᐊᕐᓂᖓ ᑐᓴᕐᑕᐅᒃᑲᓐᓂᖁᓇᒍ ᐃᓴᕆᐊᓕᐅᑉ ᖃᖅᑲᖏᓐᓂ.

ᑖᓂᐊᓕᐅᑉ ᐊᒡᓚᖏᑦ 1:3

ᐊᖓᔪᖅᑳᕐᔪᐊᓪᓗ ᐃᒡᓗᒥᓂ ᐊᖓᔪᖅᑳᖁᑎᓂ ᐊᓴᐱᓈᓯ ᐃᒡᔪᐃᕐᑕᐅᓯᒪᔪᓄᑦ ᐊᖓᔪᖅᑲᐅᔪᖅ ᑎᓕᕚ ᕾᑎᑦᓯᖁᓪᓗᒍ ᐃᓴᕆᐊᓕᓂᒃ, ᐊᖓᔪᖅᑳᕐᔪᐊᑉ ᐃᓚᖏᓐᓂᒃ ᐊᖓᔪᖅᑳᖑᔪᓪᓗ ᐃᓚᖏᓐᓂᒃ.

ᐊᑕᓃᑦ ᐂᑉᐸᖏᑦ 20:18

ᐃᕝᕕᓪᓗ ᓇᖕᒥᓂᖅ ᐃᕐᓂᑎᑦ, ᕿᑐᕐᖓᕐᑖᕆᓯᒪᔭᑎᑦ, ᐊᐅᓪᓚᕈᑦᔭᐅᖃᑕᐅᔪᒫᕐᐳᑦ ᐹᐱᓘᓂᒥᐅᓪᓗ ᐊᖓᔪᖅᑳᕐᔪᐊᖓᑦᑕ ᐃᒡᓗᖓᓂ ᕿᑐᕐᖏᔪᓐᓁᓪᓕᑎᑕᐅᓯᒪᓗᑎᒃ ᐱᔨᑦᓯᕋᕐᑎᑐᐃᓐᓇᐅᓕᕈᒫᕐᐳᑦ.”

ᐊᑕᓃᑦ ᐂᑉᐸᖏᑦ 25:12

ᐃᓄᐃᓪᓕ ᐊᔪᕐᓴᕐᓂᕐᐹᖑᔪᑦ ᐃᓚᖏᓐᓂᒃ ᓄᓇᖁᑎᖃᖏᓐᓂᖏᓪᓗ ᕿᒪᒃᑕᐅᑎᑉᐰᑦ ᔫᑕᒥ, ᐸᐅᕐᖓᓂᒃ ᐱᕈᕐᓰᕕᖕᓂᓗ ᐱᕈᕐᓯᕐᕕᓕᕆᔨᓐᖑᕐᑎᓪᓗᒋᑦ.

ᐊᑕᓃᑦ ᐂᑉᐸᖏᑦ 25:21

ᓄᓇᒥ ᕆᑉᓚᒥ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑕ ᐋᓐᓂᕐᓯᕐᑕᐅᑎᓚᐅᕐᓗᓂᒋᑦ ᑐᖁᕋᕐᑕᐅᑎᑉᐰᑦ ᕼᐊᒫᑎᒥ ᓄᓇᒥ. ᑕᕝᕙ ᔫᑕᒥᐅᑦ ᐊᐅᓪᓚᕈᑦᔭᐅᓚᐅᕐᐳᑦ ᓄᓇᒋᓚᐅᕐᓯᒪᓐᖏᑕᒥᖕᓂᒃ ᓄᓇᑖᕐᑎᑕᐅᓪᓗᑎᒃ.

ᑯᕉᓂᑲ ᓯᕗᓪᓖᑦ 9:1

ᐃᓴᕆᐊᓕᒥᐅᓕᒫᑦ ᑭᖑᕚᕇᒃᐸᓪᓕᐊᓂᖏᑎᒍᑦ ᑎᑎᕋᕐᑕᐅᓚᐅᕐᐳᑦ ᐱᒋᐊᕐᓂᖓᓂᑦ, ᐃᓴᕆᐊᓕᒥᐅᑉ ᐊᖓᔪᖅᑳᕐᔪᐊᖏᑕ ᑎᑎᖅᑲᖁᑎᖏᓐᓂ. ᔫᑕᒃᑯᓪᓕ ᐊᐅᓪᓚᕈᑦᔭᐅᓚᐅᕐᐳᑦ ᐹᐱᓘᓂᒧᑦ ᐱᐅᖏᑦᑐᓕᓯᒪᓂᖏᓐᓄᑦ.

ᐃᔅᑕᐅᑉ ᐊᒡᓚᖏᑦ 2:5

ᑕᕝᕙᓂ ᓲᓴᒥ ᐊᖓᔪᖅᑳᕐᔪᐊᒃᑯᕕᖕᒥ ᔫᑎᑕᖃᓚᐅᕐᐳᖅ ᒧᐊᑎᑬᒥᒃ ᐊᑎᓕᖕᒥᒃ ᔧᕆᐅᑉ ᐃᕐᓂᖓᓂᒃ; ᐊᑖᑕᑦᓯᐊᖃᕐᓗᓂ ᓯᒥᐂᒥᒃ ᑭᓯᐅᑉ ᐃᕐᓂᖓᓂᒃ, ᐱᓐᔭᒥᓂᐅᑉ ᑭᖑᕚᖏᓐᓂᑦ ᐱᓯᒪᔪᒥᒃ.

ᔨᕆᒤᐊᐅᑉ ᐊᒡᓚᖏᑦ 52:28

ᐅᑯᐊ ᑕᕝᕙ ᐃᓄᐃᑦ ᐅᓄᕐᓂᖏᑦ ᓂᐱᑯᓁᓴᐅᑉ ᐊᐅᓪᓚᕈᑎᓚᐅᕐᑕᖏᑦ; ᐊᕐᕌᒍᐃᑦ 7ᖓᓐᓂ ᐊᐅᓪᓚᕈᑦᔨᓚᐅᕐᐳᖅ ᔫᑎᓂᒃ ᐅᓄᕐᓂᖃᕐᑐᓂᒃ 3,023ᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 17:3

ᐅᖃᕐᓗᑎᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᓇᒃᑐᕋᓕᒃᔪᐊᕐᑕᖃᓚᐅᕐᐳᖅ ᐃᓴᕈᖅᑯᕐᑐᓪᓗᓂ ᓱᓗᒑᖏᓪᓗ ᑕᑭᓪᓗᑎᒃ, ᒥᖅᑯᖓᓗ ᐊᑦᔨᒌᖏᑦᑐᓂᒃ ᑕᕐᓴᖃᐅᕐᓗᓂ, ᖃᖓᑕᓪᓗᓂ ᓕᐸᓇᓂᒧᐊᕐᐳᖅ ᓇᐹᕐᑑᑉ ᓰᑕᕆᐅᑉ ᓄᕗᐊᓂᒃ ᑎᒍᓯᓪᓗᓂ;