ᐊᑕᓃᑦ ᐂᑉᐸᖏᑦ 24:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᓂᐱᑯᓁᓴᐅᑉ ᔨᕉᓴᓕᒥᐅᑦ ᐃᓄᓕᒫᖏᑦ ᑎᒍᓪᓗᒋᑦ ᐊᐅᓪᓚᕈᑎᕔᑦ, ᐊᖓᔪᖅᑳᕐᔪᐊᑉ ᕿᑐᕐᖓᓕᒫᖏᑦ, ᓯᕗᓕᕐᑎᖁᑎᖏᓪᓗ ᑲᑎᓪᓗᒋᑦ 10,000ᓚᐅᕐᐳᑦ ᑎᒍᔭᓕᒫᖏᑦ, ᓴᓇᔨᖁᑎᓕᒫᖏᓪᓗ ᓱᓇᑐᐃᓐᓇᕐᓂᒃ ᓴᕕᕋᔭᓕᕆᔩᓪᓗ ᐱᖃᑕᐅᑎᓪᓗᒋᑦ; ᑕᒪᒃᑯᐊ ᐊᔪᕐᓴᕐᑐᑦ ᑭᓯᐊᓂ ᐱᓐᖏᑕᑐᐊᕆᓪᓗᒋᑦ ᕿᒪᒃᑕᐅᑎᑉᐰᑦ.

ᐊᑕᓃᑦ ᐂᑉᐸᖏᑦ 24:14 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 24:16

ᓂᐱᑯᓁᓴᐅᑉ ᐊᖑᑎᓪᓚᕆᐅᔪᓕᒫᑦ ᐹᐱᓘᓂᒧᑦ ᐊᐅᓪᓚᕈᑎᓚᐅᕐᐰᑦ ᑲᑎᓪᓗᒋᑦ 7,000, ᓴᓇᔩᓪᓗᑦ ᐱᔪᓐᓇᑦᓯᐊᕐᑐᑦ, ᓴᕕᕋᔭᓕᕆᔩᓪᓗ ᐱᔪᓐᓇᑦᓯᐊᕐᑐᑦ 1000 ᓴᓐᖏᔪᑦ ᐅᓇᑕᕈᓐᓇᕐᑐᓕᒫᑦ ᐊᐅᓪᓚᕈᑎᓚᐅᕐᐰᑦ.

ᐊᑕᓃᑦ ᐂᑉᐸᖏᑦ 25:12

ᐃᓄᐃᓪᓕ ᐊᔪᕐᓴᕐᓂᕐᐹᖑᔪᑦ ᐃᓚᖏᓐᓂᒃ ᓄᓇᖁᑎᖃᖏᓐᓂᖏᓪᓗ ᕿᒪᒃᑕᐅᑎᑉᐰᑦ ᔫᑕᒥ, ᐸᐅᕐᖓᓂᒃ ᐱᕈᕐᓰᕕᖕᓂᓗ ᐱᕈᕐᓯᕐᕕᓕᕆᔨᓐᖑᕐᑎᓪᓗᒋᑦ.

ᑯᕉᓂᑲ ᓯᕗᓪᓖᑦ 9:1

ᐃᓴᕆᐊᓕᒥᐅᓕᒫᑦ ᑭᖑᕚᕇᒃᐸᓪᓕᐊᓂᖏᑎᒍᑦ ᑎᑎᕋᕐᑕᐅᓚᐅᕐᐳᑦ ᐱᒋᐊᕐᓂᖓᓂᑦ, ᐃᓴᕆᐊᓕᒥᐅᑉ ᐊᖓᔪᖅᑳᕐᔪᐊᖏᑕ ᑎᑎᖅᑲᖁᑎᖏᓐᓂ. ᔫᑕᒃᑯᓪᓕ ᐊᐅᓪᓚᕈᑦᔭᐅᓚᐅᕐᐳᑦ ᐹᐱᓘᓂᒧᑦ ᐱᐅᖏᑦᑐᓕᓯᒪᓂᖏᓐᓄᑦ.

ᐄᓱᕋᐅᑉ ᐊᒡᓚᖏᑦ 2:1

ᐅᓄᕐᑐᑦ ᐊᐅᓪᓚᕈᑦᔭᐅᓯᒪᔪᕕᓃᑦ ᕿᒤᓚᐅᕐᐳᑦ ᐹᐱᓘᓂᒥᒃ ᐅᑎᕐᓗᑎᒡᓗ ᔨᕉᓴᓕᒧᑦ ᔫᑕᒧᓪᓗ, ᐃᓘᓐᓇᑎᒃ ᓄᓇᒥᖕᓄᑦ. ᑖᒃᑯᐊ ᐃᓚᖏᑦ ᐊᐅᓪᓚᕈᑦᔭᐅᓯᒪᓚᐅᕐᒪᑕ ᐹᐱᓘᓂᒧᑦ ᑍᒪᓐᖓᒥᑦ ᐊᖓᔪᖅᑳᕐᔪᐊᑉ ᓂᐱᑯᓁᓴᐅᑉ ᑎᒍᓚᐅᕐᓯᒪᖕᒪᒋᑦ.

ᓂᕼᐃᒤᐊᐅᑉ ᐊᒡᓚᖏᑦ 1:2

ᕼᐊᓇᓁ ᖃᑕᓐᖑᑎᒪ ᐃᓚᖓᑦ, ᐊᖑᑎᓂᒃ ᐃᓚᖃᕐᓗᓂ ᔫᑕᒥᑦ ᑎᑭᒻᒪᑕ; ᐊᐱᕆᓚᐅᕐᐸᒃᑲ ᔫᑎᑦ ᐅᑎᕐᓯᒪᓕᕐᑐᑦ ᖃᓄᐃᒻᒪᖔᑕ ᐹᐱᓘᓂᒧᑦ ᐊᐅᓪᓚᕈᑦᔭᐅᓯᒪᓚᐅᕐᑐᑦ, ᔨᕉᓴᓕᒻᓗ ᖃᓄᐃᒻᒪᖔᑦ.

ᐃᔅᑕᐅᑉ ᐊᒡᓚᖏᑦ 2:6

ᑖᓐᓇ ᑮᓯ ᔨᕉᓴᓕᒥᑦ ᐊᐅᓪᓚᕈᑦᔭᐅᖃᑕᐅᓯᒪᔪᖅ ᓵᓚᐅᔪᑦ ᐊᐅᓪᓚᕈᑦᔭᐅᓕᕐᑎᓪᓗᒋᑦ ᑎᒍᔭᐅᖃᑕᐅᓪᓗᓂ ᔫᑕᐅᑉ ᐊᖓᔪᖅᑳᕐᔪᐊᖓ ᔨᑯᓁᐊ ᑎᒍᔭᐅᑎᓪᓗᒍ, ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᓂᐱᑯᓁᓴᒧᑦ ᐊᐅᓪᓚᕈᑦᔭᐅᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 3:2

ᐊᔪᖏᑦᑐᕐᔪᐊᖁᑎᒋᔭᐅᔪᓪᓗ ᐅᓇᑕᕐᑐᒃᓮᓪᓗ, ᐃᓱᐊᕐᓮᔩᓪᓗ, ᐱᔪᒫᕐᑐᓂᒡᓗ ᓇᓚᐅᑦᑍᓲᑦ, ᐊᖓᔪᖅᑳᓪᓗ,

ᔨᕆᒤᐊᐅᑉ ᐊᒡᓚᖏᑦ 27:20

ᓂᐱᑯᓁᓴᐅᑉ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᐊᐅᓪᓚᕈᑎᓚᐅᓐᖏᑕᖏᑦ ᐊᐅᓪᓚᕈᑦᔨᓕᕐᓗᓂ ᔨᕼᐅᐃᐊᑭᒥᒃ ᔨᕉᓴᓕᒥᑦ ᐱᔭᐅᑎᓪᓗᒋᑦ, ᐅᑯᐊ ᔨᕼᐅᐃᐊᑭᐅᑉ ᔫᑕᐅᑉ ᐊᖓᔪᖅᑳᕐᔪᐊᖓᑦᑕ ᐃᕐᓂᖓ ᔨᑯᓁᐊ ᐊᖓᔪᖅᑳᖁᑎᓕᒫᖏᓪᓗ ᐃᓚᒋᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 28:4

ᐅᑎᕐᑎᓐᓂᐊᕆᕙᕋᓗ ᔨᑯᓁᐊ ᔨᕼᐅᐃᐊᑭᐅᑉ ᐃᕐᓂᖓ ᔫᑕᒥᐅᑦ ᐊᖓᔪᖅᑳᕐᔪᐊᖓᑦ, ᐊᐅᓪᓚᕈᑦᔭᐅᓯᒪᖃᑕᐅᔪᓕᒫᓪᓗ ᐹᐱᓘᓂᒧᑦ ᐅᑎᕐᑎᒻᒥᓗᒋᑦ ᔫᑕᒧᑦ, ᐊᑕᓂᖅ ᐅᖃᕐᐳᖅ, ᐹᐱᓘᓂᐅᑉ ᐊᖓᔪᖅᑳᕐᔪᐊᖓᑦᑕ ᐊᓄᓯᒪᐅᑎᖓ ᕿᔪᒃ ᓯᖁᒥᓐᓂᐊᕋᒃᑯ.”

ᔨᕆᒤᐊᐅᑉ ᐊᒡᓚᖏᑦ 29:2

ᑖᒃᑯᐊ ᑎᑎᕋᓚᐅᕐᐰᑦ ᐊᖓᔪᖅᑳᕐᔪᐊᖅ ᔨᑯᓁᐊ ᓄᓕᐊᖓᑕᓗ ᐊᓈᓇᖓ ᐊᖓᔪᖅᑳᖁᑎᖏᓪᓗ ᔫᑕᒥ ᔨᕉᓴᓕᒥᓗ ᓯᕗᓕᕐᑎᐅᔪᑦ, ᕿᔪᓕᕆᔩᑦ, ᓴᕕᕋᔭᓕᕆᔩᓪᓗ ᔨᕉᓴᓕᒥᑦ ᐊᐅᓪᓚᕈᑦᔭᐅᓯᒪᓕᕐᑎᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 39:10

ᓂᐳᔭᕋᑕᓐᓕ ᐅᓇᑕᕐᑎᓄᑦ ᐊᖓᔪᖄᖑᔪᖅ ᕿᒤᓚᐅᕐᐳᖅ ᔫᑕᒥᐅᓂᒃ ᐊᔪᕐᓴᕐᑐᓂᒃ ᑭᓱᖁᑎᖃᐅᖏᑦᑐᓂᒃ, ᑍᑦᓱᒪᓕ ᑕᕝᕙ ᓄᓇᖁᑎᑖᕐᑐᕐᑎᓚᐅᕐᐰᑦ ᕔᓂᓕᒃᓴᓂᒡᓗ ᐱᕈᕐᓰᕕᒃᑖᑎᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 40:7

ᐃᓴᕆᐊᓕᒥᐅᓪᓕ ᐅᓇᑕᕐᑎᖏᑕ ᐊᖓᔪᖅᑳᕆᔭᖏᑦ ᕿᒫᓂᑰᓪᓗᑎᒃ ᓇᓂᑐᐃᓐᓈᓕᕐᓂᑯᐃᑦ ᑐᓴᐅᒪᓕᕐᐳᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᒋᑕᓔᐊ ᐊᕼᐂᑲᐅᑉ ᐃᕐᓂᖓ ᐊᐅᓚᑦᓯᔨᓐᖑᕐᑎᑕᐅᓯᒪᓕᕐᓂᖓᓂᒃ ᓄᓇᓕᓕᒫᓄᑦ ᑲᒪᔨᐅᓕᕐᓂᖓᓂᒡᓗ, ᐊᖑᑏᑦ ᐊᕐᓁᓪᓗ, ᓄᑕᖅᑲᓪᓗ, ᐊᔪᕐᓴᕐᓂᕐᐹᖑᔪᓄᑦ ᐊᐅᓪᓚᕈᑦᔭᐅᖏᓐᓂᑯᓄᑦ ᐹᐱᓘᓂᒧᑦ ᑖᑦᓱᒧᖓ ᑐᓂᔭᐅᓯᒪᓕᕐᓂᖏᑦ.

ᔨᕆᒤᐊᐅᑉ ᐊᒡᓚᖏᑦ 52:16

ᓂᐳᔭᕋᑕᓐ ᕿᒤᓚᐅᐳᖅ ᐊᔪᕐᓴᕐᓂᕐᐹᑦ ᐃᓚᖏᓐᓂᒃ ᐱᕈᕐᓰᕕᖕᓂ ᑲᒪᔨᐅᖁᓪᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 52:28

ᐅᑯᐊ ᑕᕝᕙ ᐃᓄᐃᑦ ᐅᓄᕐᓂᖏᑦ ᓂᐱᑯᓁᓴᐅᑉ ᐊᐅᓪᓚᕈᑎᓚᐅᕐᑕᖏᑦ; ᐊᕐᕌᒍᐃᑦ 7ᖓᓐᓂ ᐊᐅᓪᓚᕈᑦᔨᓚᐅᕐᐳᖅ ᔫᑎᓂᒃ ᐅᓄᕐᓂᖃᕐᑐᓂᒃ 3,023ᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 17:14

ᑖᒃᑯᐊ ᐊᖓᔪᖅᑲᐅᕕᖏᑦ ᐱᔪᓐᓇᕐᓯᕙᓪᓕᐊᖁᓇᒋᑦ ᐃᒻᒥᖕᓂᒡᓗ ᒪᑭᑦᑐᓐᓇᕐᓯᖁᓇᒋᑦ, ᐊᖏᖃᑎᒌᒍᑎᓕᐊᖓ ᒪᓕᒃᑕᐅᖏᓐᓇᖁᓪᓗᒍ ᑖᒃᑯᓄᖓ.

ᐃᓯᑭᐊᓕᐅᑉ ᐊᒡᓚᖏᑦ 17:3

ᐅᖃᕐᓗᑎᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᓇᒃᑐᕋᓕᒃᔪᐊᕐᑕᖃᓚᐅᕐᐳᖅ ᐃᓴᕈᖅᑯᕐᑐᓪᓗᓂ ᓱᓗᒑᖏᓪᓗ ᑕᑭᓪᓗᑎᒃ, ᒥᖅᑯᖓᓗ ᐊᑦᔨᒌᖏᑦᑐᓂᒃ ᑕᕐᓴᖃᐅᕐᓗᓂ, ᖃᖓᑕᓪᓗᓂ ᓕᐸᓇᓂᒧᐊᕐᐳᖅ ᓇᐹᕐᑑᑉ ᓰᑕᕆᐅᑉ ᓄᕗᐊᓂᒃ ᑎᒍᓯᓪᓗᓂ;

ᒫᑎᐅᓯᐅᑉ ᐊᒡᓚᖏᑦ 1:11

ᔪᓮᐊᐅᑉ ᐃᕐᓂᕐᑖᕆᕚ ᔨᑯᓁᐊ ᖃᑕᓐᖑᑎᖏᓪᓗ, ᑕᕝᕙᓂ ᐹᐱᓘᓂᒧᑦ ᐊᐅᓪᓚᕈᑦᔭᐅᓕᓚᐅᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 1:12

ᐹᐱᓘᓂᒧᑦ ᐊᐅᓪᓚᕈᑦᔭᐅᓂᖓᓂᑦ ᑭᖑᕚᕇᑦ ᑎᑎᕋᕐᓯᒪᒋᕗᑦ; ᔨᑯᓁᐊᐅᑉ ᐃᕐᓂᕐᑖᕆᕚ ᓯᐊᓪᑎᐅᓪ, ᓯᐊᓪᑎᐅᓕᐅᑉ ᐃᕐᓂᕐᑖᕆᕚ ᔨᕈᐸᐱᐅᓪ,

ᒫᑎᐅᓯᐅᑉ ᐊᒡᓚᖏᑦ 1:17

ᑕᕝᕙ ᐂᑉᕋᕼᐋᒻᒥᑦ ᑍᕕᑎ ᑎᑭᓪᓗᒍ ᐃᕐᓂᕇᑦ 14ᖑᕗᑦ, ᑍᕕᑎᒥᓪᓗ ᐹᐱᓘᓂᒧᑦ ᐊᐅᓪᓚᕈᑦᔭᐅᓂᖓᓐᓄᑦ ᑎᑭᓪᓗᒍ ᐃᕐᓂᕇᑦ 14ᖑᒋᕗᑦ, ᐹᐱᓘᓂᒧᓪᓗ ᐊᐅᓪᓚᕈᑦᔭᐅᓂᖓᓂᑦ ᙭ᔅᑑᓯᐅᑉ ᐃᕐᓂᐊᖑᓂᖓ ᑎᑭᓪᓗᒍ ᐃᕐᓂᕇᑦ 14ᖑᒋᕗᑦ.

ᒨᓯᓯ ᑕᓪᓕᒪᖏᑦ 28:36

“ᐊᑕᓂᐅᑉ ᐱᔭᐅᑎᑦᓱᒫᕐᐹᓯ, ᐊᖓᔪᖅᑳᕐᔪᐊᓯᓗ ᐊᖓᔪᖅᑳᕐᔪᐊᓐᖑᕐᑎᓯᒪᔭᓯ ᐃᓕᑦᓯᓐᓄᑦ, ᐃᓅᖃᑎᒌᒡᔪᐊᓄᑦ ᓯᕗᓕᓯᓘᓐᓃᑦ ᐃᓕᑦᓯᓘᓐᓃᑦ ᓯᕗᓕᖓᒍᑦ ᓄᓇᒋᓚᐅᕐᓯᒪᓐᖏᑕᑦᓯᓐᓄᑦ ᐊᐅᓪᓚᕈᑦᔭᐅᓗᓯ; ᑕᕝᕙᓂᓗ ᒎᑎᒋᔭᐅᔪᓂᒃ ᕿᔪᖕᓂᒃ ᐅᔭᕋᖕᓂᒡᓗ ᐱᔨᑦᓯᕈᒫᕐᐳᓯ.

ᓴᒧᐃᓕ ᓯᕗᓪᓖᑦ 13:19

ᑭᓯᐊᓂᓕ ᐃᓴᕆᐊᓕᒥᐅᓂ ᓴᕕᕋᔭᓕᐅᕐᑎᖃᓚᐅᖏᒻᒪᑕ; ᑕᕝᕙ ᐱᓕᔅᑍᓂᒥᐅᑦ ᐅᖃᓚᐅᕐᐳᑦ, “ᐄᑉᕈᐃᒥᐅᑦ ᓴᕕᒡᔪᐊᓕᐅᖃᑦᑕᕐᓂᐊᖏᒻᒪᑕ ᖃᓗᒋᐊᓕᐅᖃᑦᑕᖏᓪᓗᑎᒡᓗ.”