ᐊᑕᓃᑦ ᐂᑉᐸᖏᑦ 24:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐊᖓᔪᖅᑳᕐᔪᐊᖅ ᔨᕼᐅᐃᐊᑭᓐ ᐃᒻᒥᖕᓂᒃ ᑐᓂᑦᔪᑎᒋᓚᐅᕐᐳᖅ ᓴᐱᓕᕋᒥᒃ ᐹᐱᓘᓂᒥᐅᓄᑦ, ᐊᓈᓇᖓᓗ ᐃᕐᓂᖏᓪᓗ ᐅᓇᑕᕐᑎᖁᑎᖏᑕᓗ ᐊᖓᔪᖅᑳᖏᑦ ᐃᒡᓗᖓᓂᓗ ᐊᖓᔪᖅᑳᑦ. ᓂᐱᑯᓁᓴᐅᓪᓗ ᐊᖓᔪᖅᑳᕐᔪᐊᖑᓂᖓᑕ 8ᖓᓐᓂ ᔨᕼᐅᐃᐊᑭᓐ ᑎᒍᓚᐅᕐᐹ ᑎᒍᔭᐅᓯᒪᕕᖕᒥᓃᑎᓕᕐᓗᓂᐅᒡᓗ.

ᐊᑕᓃᑦ ᐂᑉᐸᖏᑦ 24:12 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 20:18

ᐃᕝᕕᓪᓗ ᓇᖕᒥᓂᖅ ᐃᕐᓂᑎᑦ, ᕿᑐᕐᖓᕐᑖᕆᓯᒪᔭᑎᑦ, ᐊᐅᓪᓚᕈᑦᔭᐅᖃᑕᐅᔪᒫᕐᐳᑦ ᐹᐱᓘᓂᒥᐅᓪᓗ ᐊᖓᔪᖅᑳᕐᔪᐊᖓᑦᑕ ᐃᒡᓗᖓᓂ ᕿᑐᕐᖏᔪᓐᓁᓪᓕᑎᑕᐅᓯᒪᓗᑎᒃ ᐱᔨᑦᓯᕋᕐᑎᑐᐃᓐᓇᐅᓕᕈᒫᕐᐳᑦ.”

ᐊᑕᓃᑦ ᐂᑉᐸᖏᑦ 24:11

ᐅᓇᑕᕐᑎᖏᑦ ᐃᓗᒪᒃᓯᑎᓪᓗᒋᑦ, ᓂᐱᑯᓁᓴ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓ ᔨᕉᓴᓕᒧᐊᓚᐅᕐᐳᖅ, ᐱᔨᖏᑦ ᐊᕙᓗᓯᓯᒪᑎᓪᓗᒋᑦ;

ᐊᑕᓃᑦ ᐂᑉᐸᖏᑦ 25:27

ᐊᕐᕌᒍᒥ ᐊᐅᓪᓚᕈᑦᔭᐅᓯᒪᓂᖏᑕ 37ᒋᓕᕐᑕᖓᓐᓂ ᔨᕼᐅᐃᐊᑭᓐ ᔫᑕᐅᑉ ᐊᖓᔪᖅᑳᕐᔪᐊᖓ, ᑕᖅᑮᑦ 12ᖓᑦᑕ ᐅᓪᓗᖏᑕ 27ᖓᓐᓂ, ᐃᕗᓪᒥᕈᑖᒃ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ, ᐊᖓᔪᖅᑳᕐᔪᐊᓐᖑᕋᒥ ᔨᕼᐅᐃᐊᑭᓐ ᔫᑕᒥᐅᑦ ᐊᖓᔪᖅᑳᕐᔪᐊᖓᑦ ᐱᑦᓯᐊᕐᕕᒋᓚᐅᕐᐹ ᑎᒍᔭᐅᓯᒪᕕᖕᒥᓪᓗ ᐊᓂᑎᓪᓗᓂᐅᒃ.

ᐊᑕᓃᑦ ᐂᑉᐸᖏᑦ 25:8

ᑕᖅᑮᑦ ᑕᓪᓕᒪᖓᑦᑕ ᐅᓪᓗᖏᑕ 7ᖓᓐᓂ ᐊᕐᕌᒍᐃᑦ 19ᒋᓕᕐᑕᖓᓐᓂ ᓂᐱᑯᓁᓴᐅᑉ ᐊᖓᔪᖅᑳᕐᔪᐊᖑᕕᒋᔭᖏᓐᓂ ᐹᐱᓘᓂᒥᐅᓄᑦ, ᓂᐳᔭᕋᑕᓐ ᐅᓇᑕᕐᑎᖁᑎᖏᑕ ᐊᖓᔪᖅᑳᖓᑦ ᔨᕉᓴᓕᒧᐊᕐᐳᖅ.

ᑯᕉᓂᑲ ᐂᑉᐸᖏᑦ 36:10

ᐊᕐᕌᒎᑉ ᐱᒋᐊᕐᓂᖓᓂ ᐊᖓᔪᖅᑳᕐᔪᐊᖅ ᓂᐱᑯᓁᓴ ᑎᓕᓯᓪᓗᓂ ᑎᒍᔭᐅᑎᑉᐹ ᐹᐱᓘᓂᒧᐊᕈᑦᔭᐅᑎᓪᓗᒍᓗ, ᐱᒃᑯᒥᓇᕐᑐᑦ ᐱᖁᑏᑦ ᐊᑕᓂᐅᑉ ᐃᒡᓗᖓᓂᑦ ᓇᒃᓴᕐᑕᐅᑎᓪᓗᒋᑦ, ᔨᑎᑬᐊᓗ, ᔨᕼᐅᐃᐊᑭᐅᑉ ᖃᑕᓐᖑᑎᖓ ᐊᖓᔪᖅᑳᕐᔪᐊᓐᖑᕐᑎᑉᐹ ᔫᑕᒧᑦ ᔨᕉᓴᓕᒧᓪᓗ.

ᐃᔅᑕᐅᑉ ᐊᒡᓚᖏᑦ 2:5

ᑕᕝᕙᓂ ᓲᓴᒥ ᐊᖓᔪᖅᑳᕐᔪᐊᒃᑯᕕᖕᒥ ᔫᑎᑕᖃᓚᐅᕐᐳᖅ ᒧᐊᑎᑬᒥᒃ ᐊᑎᓕᖕᒥᒃ ᔧᕆᐅᑉ ᐃᕐᓂᖓᓂᒃ; ᐊᑖᑕᑦᓯᐊᖃᕐᓗᓂ ᓯᒥᐂᒥᒃ ᑭᓯᐅᑉ ᐃᕐᓂᖓᓂᒃ, ᐱᓐᔭᒥᓂᐅᑉ ᑭᖑᕚᖏᓐᓂᑦ ᐱᓯᒪᔪᒥᒃ.

ᐃᔅᑕᐅᑉ ᐊᒡᓚᖏᑦ 2:6

ᑖᓐᓇ ᑮᓯ ᔨᕉᓴᓕᒥᑦ ᐊᐅᓪᓚᕈᑦᔭᐅᖃᑕᐅᓯᒪᔪᖅ ᓵᓚᐅᔪᑦ ᐊᐅᓪᓚᕈᑦᔭᐅᓕᕐᑎᓪᓗᒋᑦ ᑎᒍᔭᐅᖃᑕᐅᓪᓗᓂ ᔫᑕᐅᑉ ᐊᖓᔪᖅᑳᕐᔪᐊᖓ ᔨᑯᓁᐊ ᑎᒍᔭᐅᑎᓪᓗᒍ, ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᓂᐱᑯᓁᓴᒧᑦ ᐊᐅᓪᓚᕈᑦᔭᐅᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 24:6

ᑍᒤᒻᒪᑦ ᒎᑎᐅᑉ ᓄᓇᕐᔪᐊᖅ ᓇᕐᕈᓇᕐᓯᑎᓚᐅᕐᐹ, ᐃᓄᖏᑦ ᑍᒤᑕᐅᔪᒃᓴᓐᖑᕋᒥᒃ ᐸᓯᔭᒃᓴᐅᓕᕐᐳᑦ ᐃᓅᔪᑦ ᖃᑦᓰᓐᓇᓐᖑᕐᐸᓪᓕᐊᓕᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 13:18

ᐊᖓᔪᖅᑳᕐᔪᐊᖅ ᐊᓈᓇᖓᓗ ᐅᖃᐅᑎᒃᑭᒃ, ᐊᖓᔪᖅᑲᐅᕕᑦᓯᓐᓂᒃ ᐲᓕᕆᑦᓯᒃ, ᐊᖓᔪᖅᑳᕐᔪᐊᕐᓯᐅᑎᓯᒃ ᓂᐊᖂᑏᒃ ᑕᑯᒥᓇᕐᑐᑦ ᓂᐊᖁᑦᓯᖕᓂᑦ ᐲᕐᑕᐅᓯᖕᒪᑕ.

ᔨᕆᒤᐊᐅᑉ ᐊᒡᓚᖏᑦ 24:1

ᐊᖓᔪᖅᑳᕐᔪᐊᖅ ᔨᑯᓁᐊ ᔨᕼᐅᐃᐊᑭᐅᑉ ᐃᕐᓂᖓ ᔫᑕᒥᐅᓄᑦ ᐊᖓᔪᖅᑳᕐᔪᐊᖅ ᐊᖓᔪᖅᑳᖁᑎᖏᓪᓗ ᕿᔪᓕᕆᔨᖏᑦ ᓴᕕᕋᔭᓕᕆᔩᓪᓗ ᐊᐅᓪᓚᕈᑦᔭᐅᓯᒪᔪᐃᓐᓇᐅᓕᕐᑎᓪᓗᒋᑦ ᔨᕉᓴᓕᒥᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᓂᐱᑯᓁᓴᒧᑦ, ᐊᑕᓂᐅᑉ ᑕᑯᑎᓚᐅᕐᐹᖓ: ᑕᑯᒋᑦ, ᐃᕕᐅᔮᒃ ᒪᕐᕉᒃ ᐱᒋᓕᖕᓂᒃ ᐃᓗᓕᓖᒃ ᑐᒃᓯᐊᕐᕕᒡᔪᐊᑉ ᓯᕗᕌᓃᑦᑑᒃ.

ᔨᕆᒤᐊᐅᑉ ᐊᒡᓚᖏᑦ 25:1

ᐊᑕᓂᐅᑉ ᐅᖃᕐᕕᒋᕚ ᔨᕆᒤᐊ ᔫᑕᒥᐅᓕᒫᑦ ᐱᑦᔪᑎᒋᓪᓗᒋᑦ, ᐊᕐᕌᒍᐃᑦ ᔨᕼᐅᐃᐊᑭᒻ ᔫᓮᐊᐅᑉ ᐃᕐᓂᖓᑕ ᐊᖓᔪᖅᑳᕐᔪᐊᕆᔭᐅᓂᖓᑕ ᔫᑕᒥ ᓯᑕᒪᒋᓕᕐᑕᖓᓂ, ᓂᐱᑯᓁᓴ ᐊᕐᕌᒍᓕᒫᒥᒃ ᐊᖓᔪᖅᑳᕐᔪᐊᕆᔭᐅᓕᕐᑎᓪᓗᒍ ᐹᐱᓘᓂᒥᐅᓄᑦ.

ᔨᕆᒤᐊᐅᑉ ᐊᒡᓚᖏᑦ 27:20

ᓂᐱᑯᓁᓴᐅᑉ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᐊᐅᓪᓚᕈᑎᓚᐅᓐᖏᑕᖏᑦ ᐊᐅᓪᓚᕈᑦᔨᓕᕐᓗᓂ ᔨᕼᐅᐃᐊᑭᒥᒃ ᔨᕉᓴᓕᒥᑦ ᐱᔭᐅᑎᓪᓗᒋᑦ, ᐅᑯᐊ ᔨᕼᐅᐃᐊᑭᐅᑉ ᔫᑕᐅᑉ ᐊᖓᔪᖅᑳᕐᔪᐊᖓᑦᑕ ᐃᕐᓂᖓ ᔨᑯᓁᐊ ᐊᖓᔪᖅᑳᖁᑎᓕᒫᖏᓪᓗ ᐃᓚᒋᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 36:30

ᑍᒤᒻᒪᑦ ᐊᑕᓂᖅ ᐃᒫᒃ ᐅᖃᐅᓯᒃᓴᖃᕐᐳᖅ ᔨᕼᐅᐃᐊᑭᒧᑦ ᔫᑕᒥᐅᑦ ᐊᖓᔪᖅᑳᕐᔪᐊᖓᓐᓄᑦ: ᑍᕕᑎᐅᑉ ᐊᖓᔪᖅᑲᐅᕕᖓᓂ ᐊᖓᔪᖅᑳᖑᔪᒃᓴᖁᑎᖃᕐᓂᐊᓐᖏᓚᑎᑦ, ᑎᒦᑦ ᐃᒋᑕᐅᔪᒫᕐᐳᖅ ᒪᓂᖅᑲᒧᑦ ᐅᓪᓗᒃᑯᑦ ᓯᕿᓂᕐᒧᑦ ᐆᑕᐅᖁᓪᓗᑎᑦ, ᐅᓐᓄᐊᒃᑯᓪᓗ ᖁᐊᕐᓇᕐᑐᒧᑦ ᐱᔭᐅᖁᓪᓗᑎᑦ.

ᔨᕆᒤᐊᐅᑉ ᐊᒡᓚᖏᑦ 37:1

ᔨᑎᑬᐊ ᔫᓮᐊᐅᑉ ᐃᕐᓂᖓ ᐊᖓᔪᖅᑳᕐᔪᐊᓐᖑᕐᑎᑕᐅᓚᐅᕐᐳᖅ ᔫᑕᒥᐅᓄᑦ ᓂᐱᑯᓁᓴᒧᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ, ᐊᐅᓪᓚᕐᑎᑕᐅᓚᐅᕐᐳᕐᓗ ᐃᓇᖐᓪᓗᓂ ᑯᓂᐊ ᔨᕼᐅᐃᐊᑭᐅᑉ ᐃᕐᓂᖓᓂᒃ.

ᔨᕆᒤᐊᐅᑉ ᐊᒡᓚᖏᑦ 52:12

ᓂᐱᑯᓁᓴᐅᑉ ᐊᖓᔪᖅᑲᐅᓂᖓᑕ ᐹᐱᓘᓂᒥ ᐊᕐᕌᒍᖏᑕ 19ᖓᓐᓂ ᑕᖅᑮᑦ ᑕᓪᓕᒪᖓᓐᓂ, ᐅᓪᓗᖏᑕ ᖁᓕᖓᓐᓂ, ᓂᐳᔭᕋᑕᓐ ᐊᖓᔪᖅᑳᕐᔪᐊᑉ ᐅᓇᑕᕐᑎᖁᑎᖏᑕ ᐊᖓᔪᖅᑳᖓᑦ ᐱᔨᑦᓯᕐᓗᓂ ᐊᖓᔪᖅᑳᕐᔪᐊᒥᓂᒃ ᔨᕉᓴᓕᒧᑦ ᐃᑎᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 52:28

ᐅᑯᐊ ᑕᕝᕙ ᐃᓄᐃᑦ ᐅᓄᕐᓂᖏᑦ ᓂᐱᑯᓁᓴᐅᑉ ᐊᐅᓪᓚᕈᑎᓚᐅᕐᑕᖏᑦ; ᐊᕐᕌᒍᐃᑦ 7ᖓᓐᓂ ᐊᐅᓪᓚᕈᑦᔨᓚᐅᕐᐳᖅ ᔫᑎᓂᒃ ᐅᓄᕐᓂᖃᕐᑐᓂᒃ 3,023ᓂᒃ.

ᔨᕆᒤᐊᐅᑉ ᐊᒡᓚᖏᑦ 52:31

ᔫᑕᒥᐅᑦ ᐊᖓᔪᖅᑳᕐᔪᐊᖓᑦᑕ ᔨᕼᐅᐃᐊᑭᐅᑉ ᐊᐅᓪᓚᕈᑦᔭᐅᓯᒪᓂᖓᑕ 37ᖓᓐᓂ ᐃᕗᓪᒥᕈᑖᒃ ᐊᖓᔪᖅᑳᕐᔪᐊᖑᓕᕐᑎᓪᓗᒍ ᐹᐱᓘᓂᒥ, ᔨᕼᐅᐃᐊᑭᓐ ᑎᒍᔭᐅᓯᒪᕕᖕᒥᑦ ᐊᓂᑎᓚᐅᕐᐹ ᑕᖅᑮᑦ 12ᖓᑦᑕ ᐅᓪᓗᖏᑦᑕ 25ᖓᓐᓂ.

ᐃᓯᑭᐊᓕᐅᑉ ᐊᒡᓚᖏᑦ 1:2

ᑕᖅᑭᐅᑉ ᐅᓪᓗᖏᑕ ᑕᓪᓕᒪᖓᓐᓂ. (ᐊᕐᕌᒍᐃᑦ ᑕᓪᓕᒪᒋᓕᕐᑕᖓᓐᓂ ᐊᖓᔪᖅᑳᕐᔪᐊᑉ ᔨᕼᐅᐃᐊᑭᓂᐅᑉ ᐊᐅᓪᓚᕈᑦᔭᐅᓂᖓᑕ ᑭᖑᓂᖓᓂ.)

ᐃᓯᑭᐊᓕᐅᑉ ᐊᒡᓚᖏᑦ 17:12

“ᐊᑭᕋᕐᑐᕐᑎᐅᔪᑦ ᑭᖑᕚᖑᖃᑎᒌᑦ ᑐᑭᓯᖕᒪᖔᑕ ᑕᒪᒃᑯᐊ ᑐᑭᖏᓐᓂᒃ ᐊᐱᕆᓚᐅᒃᑭᑦ, ᐅᖃᐅᑎᒃᑭᑦ ᑕᑯᒋᑦ, ᐹᐱᓘᓂᐅᑉ ᐊᖓᔪᖅᑳᕐᔪᐊᖓᑦ ᔨᕉᓴᓕᒧᐊᓚᐅᕐᐳᖅ, ᔨᕉᓴᓕᐅᓪᓗ ᐊᖓᔪᖅᑳᕐᔪᐊᖓᓐᓂᒃ ᐊᖓᔪᖅᑳᖁᑎᖏᓐᓂᒡᓗ ᑎᒍᓯᓪᓗᓂ ᐹᐱᓘᓂᒧᑦ ᐅᑎᐅᑎᓚᐅᕐᐰᑦ.

ᐃᓯᑭᐊᓕᐅᑉ ᐊᒡᓚᖏᑦ 17:4

ᐱᕈᓕᕋᑖᕐᑐᒥᒃ ᓇᑲᑦᓯᕗᖅ ᐊᐅᓪᓚᕈᑎᓪᓗᒍᓗ ᓄᓇᒧᑦ ᑕᐅᕐᓰᕕᐅᕙᒃᑐᒧᑦ, ᐃᒡᓗᒐᓴᒡᔪᐊᓄᓪᓗ ᓂᐅᕕᕐᑎᓕᖕᓄᐊᕈᑎᕚ.

ᐃᓯᑭᐊᓕᐅᑉ ᐊᒡᓚᖏᑦ 19:1

“ᐃᓐᖏᕈᓯᓕᐅᓚᐅᕆᑦ ᐅᒡᒍᐊᕈᑎᒥᒃ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᑕ ᐃᕐᓂᖏᓐᓄᑦ,

ᐃᓯᑭᐊᓕᐅᑉ ᐊᒡᓚᖏᑦ 19:13

ᐱᕈᕐᓯᐊᕆᔭᐅᓕᕆᕗᕐᓕ ᐃᓄᖃᔪᐃᑦᑐᒥ, ᐸᓂᕐᑐᒥ ᐃᒪᖃᖏᑦᑐᒥ.

ᒨᓯᓯ ᑕᓪᓕᒪᖏᑦ 28:36

“ᐊᑕᓂᐅᑉ ᐱᔭᐅᑎᑦᓱᒫᕐᐹᓯ, ᐊᖓᔪᖅᑳᕐᔪᐊᓯᓗ ᐊᖓᔪᖅᑳᕐᔪᐊᓐᖑᕐᑎᓯᒪᔭᓯ ᐃᓕᑦᓯᓐᓄᑦ, ᐃᓅᖃᑎᒌᒡᔪᐊᓄᑦ ᓯᕗᓕᓯᓘᓐᓃᑦ ᐃᓕᑦᓯᓘᓐᓃᑦ ᓯᕗᓕᖓᒍᑦ ᓄᓇᒋᓚᐅᕐᓯᒪᓐᖏᑕᑦᓯᓐᓄᑦ ᐊᐅᓪᓚᕈᑦᔭᐅᓗᓯ; ᑕᕝᕙᓂᓗ ᒎᑎᒋᔭᐅᔪᓂᒃ ᕿᔪᖕᓂᒃ ᐅᔭᕋᖕᓂᒡᓗ ᐱᔨᑦᓯᕈᒫᕐᐳᓯ.