ᐊᑕᓃᑦ ᐂᑉᐸᖏᑦ 23:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐊᑕᓂᐅᑉ ᐃᒡᓗᖓᓂᑦ ᐲᕐᑕᐅᑎᑉᐹ ᒎᑎᓐᖑᐊᖅ ᐊᓯᕋ ᐊᑕᓂᐅᑉ ᐃᒡᓗᖓᓃᑦᑐᖅ ᓴᓇᓐᖑᐊᕐᓯᒪᔪᖅ ᐃᒡᓗᒐᓴᒡᔪᐊᑉ ᔨᕉᓴᓕᐅᑉ ᓯᓚᑖᓄᑦ ᐊᐅᓪᓚᕈᑎᓪᓗᒍ ᑭᑐᕌᓂᐅᑉ ᓇᕐᓴᖓᓂ ᐃᑯᐊᓪᓚᒃᐹ, ᐃᑯᐊᓚᔭᕇᕐᒪᑦ ᑲᓱᐊᕐᓗᒍ ᓯᖃᓪᓕᕚ ᐊᕐᔭᓕᓂᓐᖑᕐᑎᓪᓗᒍ, ᓯᐊᒻᒪᕐᑎᑉᐹᓗ ᐃᓗᕕᕐᓯᕕᐅᖃᑦᑕᕐᑐᒧᑦ.

ᐊᑕᓃᑦ ᐂᑉᐸᖏᑦ 23:6 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 34:4

ᐱᖁᔨᓂᖓᓗ ᒪᓕᒡᓗᒍ ᑐᓂᕐᕈᓯᕐᕕᒃ ᐰᓕᒧᑦ ᓯᖁᒥᑉᐹᑦ; ᐳᔫᕐᑎᑦᓯᕕᒡᓗ ᖃᖓᓃᑦᑐᖅ ᓯᖁᑦᑎᕐᑕᐅᕗᖅ, ᕿᔪᒡᓗ ᓴᓇᓐᖑᐊᕐᓯᒪᔪᖅ ᐊᓯᕋᒥᒃ ᐊᑎᓕᒃ ᓴᓇᓐᖑᐊᕐᓯᒪᔪᓪᓗ ᐊᐅᒃᑎᓯᒪᔪᓪᓗ ᐃᓄᓐᖑᐊᑦ ᓯᖁᒥᑉᐰᑦ, ᐳᔪᕋᓐᖑᕐᑎᓪᓗᒋᑦ ᓈᕕᑉᐰᓪᓗ ᑐᓂᕐᕈᓯᕐᐸᓚᐅᕐᑐᑦ ᐃᓗᕕᖏᓐᓄᑦ.

ᐊᑕᓃᑦ ᐂᑉᐸᖏᑦ 23:15

ᐱᑎᓕᒥᑦᑕᐅᖅ ᑐᓂᕐᕈᓯᕐᕕᒃ ᔨᕈᐳᐊᒻ ᓂᐹᑎᐅᑉ ᐃᕐᓂᖓᑕ, ᓴᓇᔭᐅᑎᓚᐅᕐᑕᕕᓂᖓ ᐃᓴᕆᐊᓕᒥᐅᓂᒃ ᐊᔪᕐᑐᓕᑎᑦᓯᓚᐅᕐᑐᖅ, ᐱᓪᓚᕆᒋᔭᐅᓪᓗᓂ ᒎᑎᓐᖑᐊᒧᑦ ᑐᒃᓯᐊᕐᕕᒃ ᓯᖁᑦᑎᕐᑕᐅᑎᑉᐹ, ᐃᑯᐊᓪᓚᒃᑎᓚᐅᕐᓗᒋᑦ ᓯᖃᓕᔭᐅᑎᓪᓗᒋᑦ ᓄᖑᑕᐅᑎᑉᐰᑦ; ᓇᐸᔪᖁᑎᖏᓪᓗᑦᑕᐅᖅ ᐊᓯᕅᑦ ᐃᑯᐊᓚᒃᑕᐅᑎᒃᑭᕔᑦ.

ᔨᕆᒤᐊᐅᑉ ᐊᒡᓚᖏᑦ 17:2

ᕿᑐᕐᖓᖏᑦ ᐊᐅᓚᔨᕗᑦ ᑐᓂᕐᕈᓯᕐᕕᖏᓐᓂᒃ ᒎᑎᓐᖑᐊᒧᑦ ᐊᓯᕋᒧᑦ, ᓇᐹᕐᑐᐃᑦ ᑐᖑᔪᐃᓐᓇᕐᑐᑦ ᓴᓂᐊᓐᓂ, ᐱᖑᐃᓪᓗ ᐳᕐᑐᔪᑦ ᖄᖏᓐᓂ.

ᐊᑕᓃᑦ ᐂᑉᐸᖏᑦ 21:7

ᒎᑎᓐᖑᐊᑉ ᐊᓯᕋᐅᑉ ᐊᑦᔨᖓᓂᒃ ᓴᓇᓯᒪᔪᒥᒃ ᐋᖅᑭᒃᑕᐅᑎᑦᓯᓯᒪᓚᐅᕐᐳᖅ ᐊᑕᓂᐅᑉ ᐃᒡᓗᖓᓂ, ᐊᑕᓂᐅᑉ ᑍᕕᑎᒥᒃ ᐃᕐᓂᖓᓂᒡᓗ ᓲᓗᒨᓂᒥᒃ ᐅᖃᐅᑦᔨᑦᔪᑎᒋᓚᐅᕐᑕᖓᓂᒃ ᐅᖃᕐᓗᓂ, “ᐅᕙᓂ ᐃᒡᓗᒥ ᔨᕉᓴᓕᒻᒥᓗ ᓂᕈᐊᕐᓯᒪᔭᓐᓂ ᐃᓴᕆᐊᓕᒥᐅᑦ ᑭᖑᕚᕇᖏᑕ ᓄᓇᒋᔭᓕᒫᖏᓐᓂᑦ, ᐊᑎᕋ ᐃᓂᖃᕐᑎᓐᓂᐊᕐᐸᕋ ᐃᓱᖃᖏᑦᑐᒧᑦ;

ᐊᑕᓃᑦ ᐂᑉᐸᖏᑦ 10:27

ᐰᓕᓐᖑᐊᓪᓗ ᓇᐸᔪᑦ ᓯᖁᑦᑎᕐᐰᑦ, ᑐᒃᓯᐊᕐᕕᖏᓪᓗ ᓯᖁᑦᑎᕐᓗᒋᑦ, ᐃᓂᒋᔭᖏᓪᓗ ᐊᓇᕆᐊᕐᑐᕐᕕᓐᖑᕐᑎᑕᐅᓚᐅᕐᐳᑦ ᐅᓪᓗᒥᒧᑦ ᑎᑭᓪᓗᒍ.

ᐊᑕᓃᑦ ᓯᕗᓪᓖᑦ 16:33

ᐂᕼᐊᑉᓗ ᕿᔪᖕᒥᒃ ᐊᓯᕆᒥᒃ ᐊᑎᓕᖕᒥᒃ ᒎᑎᓐᖑᐊᓕᐅᕐᐳᖅ. ᐂᕼᐊᑉ ᓂᓐᖓᒃᓮᓂᕐᓴᐅᓚᐅᕐᐳᖅ ᐊᑕᓂᕐᒥᒃ, ᐃᓴᕆᐊᓕᒥᐅᑉ ᒎᑎᖓᓂᒃ, ᐊᖓᔪᖅᑳᕐᔪᐊᖑᓚᐅᕐᑐᓂᑦ ᐃᓴᕆᐊᓕᒥᐅᓄᑦ ᓯᕗᓕᕐᒥᓂᑦ.

ᐊᑕᓃᑦ ᓯᕗᓪᓖᑦ 14:23

ᐃᒻᒥᓂᒃ ᓴᓐᓇᓚᐅᕆᕗᑦ ᑐᒃᓯᐊᕐᕕᒋᔭᒃᓴᒥᖕᓂᒃ ᒎᑎᓐᖑᐊᓂᒃ, ᐅᔭᕋᖕᓂᒃ ᓇᑉᐸᔪᓂᒃ, ᐃᓄᓐᖑᐊᓂᒡᓗ ᕿᔪᖕᓂᒃ ᐊᓯᕆᒻᓂᒃ ᖃᖅᑲᓕᒫᑦ ᖄᖏᓐᓂ ᑐᒃᓯᐊᕐᕕᒃᓴᒥᖕᓂᒃ ᓇᐹᕐᑐᕐᔪᐊᓪᓗ ᐊᖏᔪᑦ ᐊᑖᓐᓂ.

ᐃᓗᐊᕐᓮᔩᑦ ᐊᒡᓚᖏᑦ 3:7

ᐃᓴᕆᐊᓕᒥᐅᑦ ᐃᓄᖏᑦ ᐱᐅᖏᑦᑐᐊᓗᖕᓂᒃ ᐱᓂᐊᕐᓂᖃᓚᐅᕐᐳᑦ ᐊᑕᓂᐅᑉ ᓵᖓᓂ, ᐊᑕᓂᖅ ᒎᑎᑎᒃ ᐳᐃᒍᕐᓗᒍ, ᐱᔨᑦᓯᓕᕐᓗᑎᒃ ᐰᓕᓂᒃ ᐊᓯᕋᑎᒥᒡᓗ ᒎᑎᓐᖑᐊᓂᒃ.

ᒨᓯᓯ ᑕᓪᓕᒪᖏᑦ 9:21

ᑭᖑᓂᖓᒍᑦ ᐱᐅᖏᑦᑐᒥᒃ ᐱᓇᓱᐊᓕᓚᐅᕆᕗᖓ, ᑍᓐᓇ ᐃᒻᒧᒃᓯᐅᒐᐅᑉ ᓄᕐᕋᓐᖑᐊᖓ ᓴᕕᕋᔭᒃ ᓴᓇᓚᐅᕐᑕᓯ ᐱᑦᔪᑎᒋᓪᓗᒍ, ᐃᑯᒪᒧᑦ ᐃᑯᐊᓪᓚᒃᑎᓚᐅᕐᓗᒍ ᐊᐅᖕᒪᑦ ᓯᖃᓪᓕᑦᑎᐊᓚᐅᕐᐸᕋ, ᓯᖃᓪᓕᑦᑎᐊᕐᓗᓂ ᐊᒡᓛᑦ ᐳᔪᕋᕐᑎᑐᑦ ᑍᒤᓕᕐᑎᓚᐅᕐᐸᕋ, ᑖᓐᓇᓗ ᓯᖃᓪᓕᓂᖓ ᑰᖕᒧᑦ ᓈᕕᓚᐅᕐᐸᕋ ᖃᖅᑲᒥᑦ ᑰᒃᑐᒧᑦ.

ᒨᓯᓯ ᑕᓪᓕᒪᖏᑦ 7:25

ᒎᑎᓐᖑᐊᖏᑦ ᐃᑯᐊᓪᓚᒃᑎᑕᒃᓴᕆᕙᓯ. ᐱᔪᒥᒋᔭᒃᓴᕆᓐᖏᓚᓯᓗ ᑕᕝᕙᓃᑦᑐᑦ ᓯᐅᓪᕕᕇᑦ ᒎᓗᐃᓪᓗ, ᓇᖕᒥᓂᒃᓴᑦᓯᓐᓂᒡᓘᓐᓃᑦ ᐱᑖᕐᕕᒋᔭᒃᓴᕆᓐᖏᓚᓯ. ᑍᒤᑦᑐᓂᒃ ᐱᔪᕕᓂᐅᑐᐊᕈᑦᓯ, ᑕᒪᓐᓇ ᐅᓗᕆᐊᓇᓪᓚᕆᒃᐳᖅ, ᐊᑕᓂᐅᑉ ᒎᑎᑦᓯ ᒎᑎᓐᖑᐊᖃᕐᓂᖅ ᐆᒥᒋᓪᓚᕆᖕᒪᒍ.

ᒨᓯᓯ ᐂᑉᐸᖏᑦ 32:20

ᓄᕐᕋᓐᖑᐊᕐᓗ ᓴᓇᔭᐅᓯᒪᔪᖅ ᑎᒍᕚ, ᐃᑯᒪᒧᓪᓗ ᐊᐅᒃᑎᑉᐹ, ᓯᖃᓪᓕᑦᓯᐊᕐᓗᒍᓗ ᐳᔪᕋᕐᑎᑐᑦ ᑍᒤᓕᕐᑎᑉᐹ, ᐃᒥᕐᒥᒡᓗ ᐃᓚᓪᓗᓂᐅᒃ. ᐃᓴᕆᐊᓕᒥᐅᑦ ᑕᒪᑐᒥᖓ ᐃᒥᕐᑎᑉᐰᑦ.

ᔪᐊᓇᓯᐅᑉ ᐊᒡᓚᖏᑦ 18:1

ᔩᓱᓯ ᑐᒃᓯᐊᕇᕋᒥ, ᐃᓕᓐᓂᐊᕐᑎᓂ ᐃᓚᒋᓪᓗᒋᑦ ᑕᕝᕙᓐᖓᑦ ᓅᑉᐳᑦ, ᑰᒃ ᑭᑦᑐᕌᓂ ᐃᑳᕐᐹᑦ, ᑕᕝᕙᓂ ᐱᕈᕐᓰᕕᒃᑕᖃᕐᒪᑦ, ᐃᓕᓐᓂᐊᕐᑎᓂ ᐃᓚᒋᓪᓗᒋᑦ ᑕᕝᕗᓐᖓᕐᐳᑦ.

ᐊᑕᓃᑦ ᓯᕗᓪᓖᑦ 2:37

ᐊᐅᓪᓚᕐᑐᕕᓂᐅᒍᕕᑦ ᑭᑐᕌᓂᐅᑉ ᑰᒐᓛᖓ ᖄᖏᕐᓗᒍ, ᑕᕝᕙ ᑐᖁᑕᐅᓪᓚᕆᒍᒫᕐᐳᑎᑦ ᐊᓯᖕᓂᒡᓗ ᐸᓯᔭᒃᓴᐅᔪᖃᑦᔮᓇᓂ.”

ᐊᑕᓃᑦ ᐂᑉᐸᖏᑦ 23:12

ᑐᓂᕐᕈᓯᕐᕖᓪᓗ ᓯᖁᑦᑎᕐᑕᐅᑎᑉᐰᑦ ᔫᑕᐅᑉ ᐊᖓᔪᖅᑳᕐᔪᐊᖏᑕ ᓇᑉᐸᕐᑕᐅᑎᑕᕕᓂᖏᑦ ᐂᕼᐊᓯᐅᑉ ᐃᒡᓗᖃᕐᕕᖓᑕ ᖁᓛᖓᓃᑦᑑᑉ ᓴᓂᐊᓂ ᐃᓂᖃᕐᑐᑦ, ᒫᓇᓯᐅᓪᓗ ᑐᓂᕐᕈᓯᕐᕕᓕᐊᕕᓂᖏᒃ ᐊᑕᓂᐅᑉ ᐃᒡᓗᖓᑕ ᓯᓚᓪᓕᖏᖕᓂ, ᓯᖁᑦᑎᕐᓗᒋᒃ ᐃᒋᑕᐅᑎᑉᐰᑦ ᓇᕐᓴᒧᑦ ᑍᔭᐅᔪᒧᑦ ᑭᑐᕌᓂᒥᒃ.

ᑯᕉᓂᑲ ᐂᑉᐸᖏᑦ 33:3

ᓴᓇᒋᐊᓪᓚᓚᐅᕐᒪᑦ ᒎᑎᓐᖑᐊᓄᑦ ᑐᒃᓯᐊᕐᕕᖕᓂᒃ ᐊᑖᑕᖓᑕ ᕼᐃᓯᑬᐊᐅᑉ ᓱᕋᓚᐅᕐᑕᖏᓐᓂᒃ, ᑐᓂᕐᕈᓯᕐᕖᓪᓗ ᐰᓕᒧᑦ ᐋᖅᑭᒃᓱᕆᐊᓪᓚᒃᓗᒋᑦ, ᕿᔪᖕᓂᒡᓗ ᒎᑎᓐᖑᐊᓂ ᐊᓯᕋᓂᒃ ᐊᑎᓕᖕᓂᒃ ᓴᓇᕗᖅ, ᑐᒃᓯᐊᕐᕕᒋᖃᑦᑕᕐᐰᓪᓗ ᒎᑎᒋᔭᐅᔪᑦ ᐅᓪᓗᕆᐊᑦ ᕿᓚᖕᒦᑦᑐᑦ ᐱᔨᑦᓯᕐᓗᒋᓪᓗ.

ᔨᕆᒤᐊᐅᑉ ᐊᒡᓚᖏᑦ 22:18

ᑍᒤᒻᒪᑦ ᐊᑕᓂᖅ ᐃᒫᒃ ᐅᖃᕐᐳᖅ ᔨᕼᐅᐃᐊᑭᒻ ᐱᑦᔪᑎᒋᓪᓗᒍ ᔫᑕᒧᑦ ᐊᖓᔪᖅᑳᕐᔪᐊᖑᔪᖅ ᔫᓮᐊᐅᑉ ᐃᕐᓂᖓ, “ᑐᖁᒃᐸᑦ ᕿᒃᓵᒍᑕᐅᔪᒫᓐᖏᓚᖅ ᖃᑕᓐᖑᑎᖏᓐᓄᑦ ᓇᔭᖏᓐᓄᓪᓗ ᐅᒡᒍᐊᕐᓇᕋᔭᕋᓗᐊᕐᐳᖅ, ᕿᐊᑦᔪᑕᐅᓐᖏᓚᕐᓕ, ᐊᖓᔪᖅᑳᕐᔪᐊᖃᕐᑐᓄᑦ ᐅᒡᒍᐊᕐᓇᕋᓗᐊᕐᐳᖅ, ᐊᖓᔪᖅᑳᕐᔪᐊᖑᓂᖓ ᐱᑦᔪᑎᒋᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 31:40

ᓇᕐᓴᓕᒫᖅ ᐃᓗᕕᕐᓯᕕᐅᕙᒃᑐᖅ ᐊᒃᓯᕕᐅᕙᒃᑐᕐᓗ, ᓇᑎᕐᓇᕐᓗ ᑭᑐᕌᓂᐅᑉ ᑰᖓᓂᑦ, ᐃᑎᕐᑕᕐᕕᒃ ᕿᒻᒥᕐᔪᐊᒥᒃ ᑍᔭᐅᔪᖅ ᑎᑭᓪᓗᒍ, ᐊᑕᓂᐅᑉ ᓄᓇᖁᑎᖓᓂᒃ ᐃᑦᔪᕐᓁᑦᑐᒥᒃ ᑍᔭᐅᔪᒃᓴᐅᕗᖅ, ᐃᒡᓗᒐᓴᒡᔪᐊᓪᓗ ᓯᖁᑦᑎᕐᑕᐅᒃᑲᓐᓂᕈᒫᓐᖏᓚᑦ ᐊᓯᕈᕐᑕᐅᒃᑲᓐᓂᓚᐅᕐᓯᒪᔪᓐᓃᕐᓗᑎᒡᓗ ᐃᓱᖃᖏᑦᑐᒧᑦ.”

ᐊᑕᓃᑦ ᓯᕗᓪᓖᑦ 15:13

ᒫᑲᓗ ᐊᓈᓇᓂ ᓄᖅᑲᕐᑎᓚᐅᕐᐹ ᑯᐃᓐᖑᓂᖓᓂᑦ, ᓇᕐᕈᓇᕐᑐᒥᒃ ᐃᓄᓐᖑᐊᓕᐅᕐᓯᒪᓂᖓᓄᑦ ᐋᓯᕆᒥᒃ ᒎᑎᓐᖑᐊᒥᒃ; ᐂᓴᐅᓪᓗ ᓯᖁᒥᓚᐅᕐᐹ ᐃᓄᓐᖑᐊᖁᑎᖓ ᐃᑯᐊᓪᓚᒡᓗᒍᓗ ᑰᑉ ᑭᑐᕌᓂᐅᑉ ᓇᕐᓴᖓᓂ.

ᐊᑕᓃᑦ ᐂᑉᐸᖏᑦ 10:26

ᒎᑎᓐᖑᐊᕆᔭᐅᔪᓪᓗ ᓇᐸᔪᑦ ᓴᓇᓯᒪᔪᑦ ᑕᕝᕙᓃᑦᑐᑦ ᐰᓕᐅᑉ ᐃᒡᓗᖁᑎᖏᓐᓂᑦ ᐊᓂᑎᑉᐰᑦ, ᐃᑯᐊᓪᓚᒡᓗᒋᓪᓗ.

ᑯᕉᓂᑲ ᐂᑉᐸᖏᑦ 15:16

ᒫᑲᓗ ᐊᒡᓛᑦ ᐲᕐᑎᑉᐹ ᑯᐃᖑᓂᕐᒥᑦ, ᐊᓈᓇᖓ ᓇᕐᕈᓇᕐᑐᒥᒃ ᒎᑎᓐᖑᐊᒥᒃ ᓴᓇᓚᐅᕐᓂᖓᓄᑦ ᐊᓯᕋᒥᒃ ᐊᕐᓇᓐᖑᐊᒥᒃ ᓇᐸᔪᒥᒃ. ᐂᓴᐅᓪᓗ ᒎᑎᓐᖑᐊᖅ ᓱᕋᒃᓗᒍ ᐅᕐᕈᑎᑉᐹ, ᓯᖁᑦᑎᕐᓗᒍᓗ, ᐃᑯᐊᓪᓚᒡᓗᒍᓗ ᑭᑐᕌᓂᐅᑉ ᑰᖓᑕ ᓴᓂᐊᓂ.