ᐊᑕᓃᑦ ᐂᑉᐸᖏᑦ 23:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᐊᑕᓂᖅ ᐅᖃᓚᐅᕐᒪᑦ, “ᔫᑕ ᑕᑯᓐᓇᕐᑕᓐᓂᑦ ᓅᑎᑦᓱᒫᕐᐸᕋ, ᐃᓴᕆᐊᓕᒥᐅᑎᑐᑦ ᓅᑦᓯᓂᕆᓚᐅᕐᑕᑦᑐᖅ, ᔨᕉᓴᓕᒻᓗ ᓂᕈᐊᕐᓗᒍ ᐃᒡᓗᒐᓴᒡᔪᐊᓐᖑᕐᑎᓚᐅᕐᑕᕋ ᓇᕐᕈᒋᓕᕈᒫᕐᐸᕋ, ᑖᓐᓇ ᐅᖃᐅᓯᖃᕐᕕᒋᓚᐅᕐᑕᕋ, ‘ᐊᑎᕋ ᑕᕝᕙᓂ ᐅᐱᒋᔭᐅᖏᓐᓇᖁᓪᓗᒍ.’”

ᐊᑕᓃᑦ ᐂᑉᐸᖏᑦ 23:27 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 8:29

ᑕᑯᓐᓈᖁᓪᓗᑎᑦ ᑕᕝᕗᖓ ᐃᒡᓗᒧᑦ ᐅᓐᓄᐊᒃᑯᑦ ᐅᓪᓗᒃᑯᓪᓗ, ᑖᑦᓱᒧᖓ ᐅᖃᐅᓯᖃᓚᐅᕋᕕᑦ, ‘ᐊᑎᕋ ᑕᕝᕙᓃᑦᓱᒫᕐᐳᖅ,’ ᑐᓴᖁᓪᓗᑎᑦ ᐱᔨᕕᑦ ᑐᒃᓯᐊᕐᓂᖓᓂᒃ ᑖᓐᓇ ᐱᑦᔪᑎᒋᓪᓗᒍ.

ᐊᑕᓃᑦ ᓯᕗᓪᓖᑦ 9:3

ᐊᑕᓂᐅᓪᓗ ᐅᖃᕐᕕᒋᕚ, “ᑐᒃᓯᐊᕐᓂᑎᑦ ᕿᓄᓂᑎᓪᓗ ᑐᓴᕐᐸᒃᑲ, ᑐᒃᓯᐊᕐᕕᒡᔪᐊᖅ ᑖᓐᓇ ᐃᑦᔪᕐᓁᓕᑎᑉᐸᕋ ᓴᓇᓚᐅᕐᑍᑦ; ᐃᓂᒋᓂᐊᕐᓕᕐᐸᕋᓗ ᑐᒃᓯᐊᕐᕕᐅᖁᓪᓗᖓ ᐃᓱᖃᖏᑦᑐᒧᑦ, ᒥᐊᓂᕆᓂᐊᕐᐸᕋ ᓴᐳᑎᕙᒡᓗᒍᓗ ᑍᒪᓐᖓᓕᒫᖅ.

ᐊᑕᓃᑦ ᐂᑉᐸᖏᑦ 17:18

ᐊᑕᓂᐅᑉ ᐃᓴᕆᐊᓕᒥᐅᑦ ᓂᓐᖓᒡᕕᒋᓚᐅᕐᐰᑦ ᓇᔪᕈᒪᔪᓐᓃᕐᓗᓂᒋᓪᓗ, ᔫᑕᐅᑉ ᑭᖑᕚᖏᑦ ᐃᓚᓕᐅᕐᓯᒪᔭᑐᐊᕆᓕᕐᓗᓂᒋᑦ.

ᐊᑕᓃᑦ ᐂᑉᐸᖏᑦ 17:20

ᐊᑕᓂᐅᑉ ᐃᓴᕆᐊᓕᐅᑉ ᑭᖑᕚᓕᒫᖏᑦ ᖁᔭᓈᓚᐅᕐᐰᑦ, ᐅᖁᒤᒃᓴᕐᓇᕐᑐᓂᒃ ᐊᑑᑎᑎᓚᐅᕐᐰᑦ ᐊᑭᕋᕐᑐᕐᑎᖏᓐᓄᑦ ᓇᒡᓕᓂᖃᖏᑦᑐᓄᑦ ᐱᓇᓱᐊᕐᕕᐅᑎᓪᓗᓂᒋᑦ ᐃᓚᒋᔪᒪᔪᓐᓃᓚᐅᕐᐰᑦ.

ᐊᑕᓃᑦ ᐂᑉᐸᖏᑦ 17:23

ᐊᑕᓂᐅᑉ ᓇᔪᕈᒪᔪᓐᓃᓚᐅᕐᐰᑦ, ᐅᖃᕐᑎᒥᒍᑦ ᖃᐅᔨᑎᒋᐊᕐᓗᓂᒋᑦ ᐅᖃᐅᑎᕙᓚᐅᕋᓗᐊᕐᓗᓂᒋᑦ. ᐃᓴᕆᐊᓕᒥᐅᑦ ᓄᓇᒥᖕᓂᑦ ᐊᐅᓪᓚᕈᑦᔭᐅᓚᐅᕐᐳᑦ ᐊᓯᕆᐊᒧᐊᕐᑎᑕᐅᓪᓗᑎᒃ ᑕᕝᕙᓂᓗ ᓄᓇᖃᓕᕐᓗᑎᒃ ᐅᓪᓗᒥᒧᑦ.

ᐊᑕᓃᑦ ᐂᑉᐸᖏᑦ 18:11

ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᐃᓴᕆᐊᓕᒥᐅᑦ ᑎᒍᓪᓗᓂᒋᑦ ᐊᐅᓪᓚᕈᑎᕔᑦ ᐊᓯᕆᐊᒧᑦ ᓄᓇᓕᖁᑎᒥᓗ ᐃᓚᖏᓐᓄᑦ ᓄᓇᑖᕐᑐᕐᑎᓪᓗᓂᒋᑦ, ᐃᓚᖏᑦ ᕼᐋᓚᒥᐅᓂ, ᐃᓚᖏᑦ ᑰᑉ ᕼᐂᐸᒥᒃ ᑍᔭᐅᔪᑉ ᖃᓂᒋᔭᖓᓂ ᓄᓇᓕᖕᓂ ᐊᑎᖃᕐᑐᓂ ᒎᔭᓂᒥᒃ, ᐃᓚᖏᓪᓗ ᐃᒡᓗᒐᓴᒡᔪᐊᓂ ᒥᑏᔅᒥᒃ ᑍᔭᐅᔪᓂ.

ᐊᑕᓃᑦ ᐂᑉᐸᖏᑦ 21:13

ᔨᕉᓴᓕᒥᐅᑦ ᓱᒋᐊᕈᒫᕐᐸᒃᑲ ᓴᒥᐊᕆᐊᒥᐅᓂᒃ ᓱᒋᐊᕐᓯᓚᐅᕐᓂᑦᑐᑦ, ᐃᓴᕆᐊᓕᒥᐅᓪᓗ ᐊᖓᔪᖅᑳᕐᔪᐊᖓᑦ ᐂᕼᐊᑉ ᑭᖑᕚᖏᓪᓗ ᐊᑕᕆᓇᒋᑦ ᓱᒋᐊᕐᓯᓚᐅᕐᓂᑦᑐᑦ. ᔨᕉᓴᓕᒻ ᐊᓪᓚᕐᑎᕈᒪᕙᕋ, ᓂᕐᕆᑏᑦ ᐊᓪᓚᕐᑎᕐᑕᐅᓪᓗᓂ ᓴᓗᒻᒪᕐᑕᐅᕙᖕᓂᖓᑐᑦ ᓴᓗᒻᒪᕐᑕᐅᔭᕇᕋᒥ ᐳᓯᑎᑕᐅᔪᑎᑐᑦ.

ᐊᑕᓃᑦ ᐂᑉᐸᖏᑦ 21:14

ᐊᒥᐊᒃᑰᔫᒐᓗᐊᑦ ᕿᒤᓐᓇᕐᓗᒋᑦ ᖁᔭᓈᕈᒫᕐᐸᒃᑲ, ᐊᑭᕋᖏᓐᓄᑦ ᑐᓂᑦᔪᑎᒋᓗᒋᑦ ᐃᓱᒤᓐᓇᕐᕆᑎᐅᓗᑎᒃ ᓵᓚᒋᔭᐅᔪᒫᕐᒪᑕ ᓄᓇᖓᑦ ᓱᓁᕈᑦᔭᐅᑦᓯᐊᕐᓗᓂ ᑎᒎᖅᑬᕕᐅᑎᑦᓱᒫᕐᐸᕋ.

ᐊᑕᓃᑦ ᐂᑉᐸᖏᑦ 21:4

ᒎᑎᓐᖑᐊᓖᑦ ᑐᓂᕐᕈᓯᕐᕕᖏᓐᓂᒃ ᓴᓇᔭᐅᑎᑦᓯᒋᕗᖅ ᐊᑕᓂᐅᑉ ᐃᒡᓗᖓᓂ, ᐊᑕᓂᐅᑉ ᐅᖃᕐᓯᕆᓚᐅᕐᑕᖓᓂ, “ᔨᕉᓴᓕᒥ ᐊᑎᕋ ᐃᓕᓯᒪᓂᐊᕐᐸᕋ.”

ᐊᑕᓃᑦ ᐂᑉᐸᖏᑦ 21:7

ᒎᑎᓐᖑᐊᑉ ᐊᓯᕋᐅᑉ ᐊᑦᔨᖓᓂᒃ ᓴᓇᓯᒪᔪᒥᒃ ᐋᖅᑭᒃᑕᐅᑎᑦᓯᓯᒪᓚᐅᕐᐳᖅ ᐊᑕᓂᐅᑉ ᐃᒡᓗᖓᓂ, ᐊᑕᓂᐅᑉ ᑍᕕᑎᒥᒃ ᐃᕐᓂᖓᓂᒡᓗ ᓲᓗᒨᓂᒥᒃ ᐅᖃᐅᑦᔨᑦᔪᑎᒋᓚᐅᕐᑕᖓᓂᒃ ᐅᖃᕐᓗᓂ, “ᐅᕙᓂ ᐃᒡᓗᒥ ᔨᕉᓴᓕᒻᒥᓗ ᓂᕈᐊᕐᓯᒪᔭᓐᓂ ᐃᓴᕆᐊᓕᒥᐅᑦ ᑭᖑᕚᕇᖏᑕ ᓄᓇᒋᔭᓕᒫᖏᓐᓂᑦ, ᐊᑎᕋ ᐃᓂᖃᕐᑎᓐᓂᐊᕐᐸᕋ ᐃᓱᖃᖏᑦᑐᒧᑦ;

ᐊᑕᓃᑦ ᐂᑉᐸᖏᑦ 23:28

ᔫᓮᐊᐅᑉ ᐊᖓᔪᖅᑳᕐᔪᐊᖑᓪᓗᓂ ᐱᓂᐊᕐᓂᕆᓚᐅᕐᑕᓕᒫᖏᑦ ᐊᒡᓚᒃᑕᐅᓯᒪᕗᑦ ᔫᑕᒥᐅᑦ ᐊᖓᔪᖅᑳᕐᔪᐊᕆᓯᒪᔭᖏᑕ ᐊᒡᓚᒃᑕᐅᓯᒪᕕᖏᓐᓂ.

ᐊᑕᓃᑦ ᐂᑉᐸᖏᑦ 24:2

ᐊᑕᓂᕐᓗ ᑲᐅᓪᑎᐊᒥᐅᑦ ᐅᓇᑕᕐᑎᒐᓴᒡᔪᐊᖏᓐᓂᒃ ᐅᓇᑕᕆᐊᕐᑎᑦᓯᕗᖅ ᔨᕼᐅᐃᐊᑭᒻᒧᑦ, ᓯᕆᐊᒥᐅᓂᑦ, ᒧᐊᐱᒥᐅᓂᑦ ᐊᒧᓁᑎᓂᑦ, ᑲᑐᑦᔭᐅᓪᓗᓂ ᑖᒃᑯᓇᓐᖓ ᔫᑕ ᐊᓯᕈᕐᑕᐅᖁᓪᓗᒍ, ᐊᑕᓂᐅᑉ ᐅᖃᐅᓯᕆᓯᒪᔭᖓ ᐅᖃᕐᑎᒥᒍᑦ ᒪᓕᒡᓗᒍ ᑍᒤᑦᓱᒫᕐᓂᕋᕐᓗᒍ ᐅᖃᕐᓯᒪᓚᐅᕋᒥ.

ᐊᑕᓃᑦ ᐂᑉᐸᖏᑦ 24:3

ᑕᒪᓐᓇ ᑍᒤᓚᐅᕐᐳᖅ ᔫᑕᒥᐅᓄᑦ ᐊᑕᓂᐅᑉ ᐱᖁᔨᓂᖓᒍᑦ, ᔫᑕᒥᐅᑦ ᑕᑯᓐᓇᕐᑕᒥᓂᑦ ᐲᕈᒪᓚᐅᕐᒪᒋᑦ, ᒫᓇᓯᐅᑉ ᐊᔪᕐᑐᓕᓯᒪᓂᖓᓄᑦ, ᐱᓇᓱᐊᕐᓂᕆᓯᒪᔭᓕᒫᖏᓪᓗ ᐱᑦᔪᑎᒋᓪᓗᒋᑦ,

ᐊᑕᓃᑦ ᐂᑉᐸᖏᑦ 25:11

ᑕᕝᕙ ᓂᐳᔭᕋᑕᓐ ᓴᐳᓐᓂᐊᕐᑎᓄᑦ ᐊᖓᔪᖅᑳᖑᔫᑉ ᐃᓄᐃᑦ ᐃᒡᓗᒐᓴᖕᓂ ᐊᒥᐊᒃᑰᓯᒪᔪᑦ ᑎᒍᓪᓗᒋᑦ ᐹᐱᓘᓂᒧᑦ ᐊᐅᓚᕈᑎᕔᑦ, ᓴᓇᔪᓐᓇᕐᑐᑦ ᐊᒥᐊᒃᑯᕕᓂᖏᑦ ᐹᐱᓘᓂᒥᐅᓄᓪᓗ ᐃᓚᒋᓕᐅᑎᓂᑰᓕᕐᑐᑦ.

ᐊᑕᓃᑦ ᐂᑉᐸᖏᑦ 25:21

ᓄᓇᒥ ᕆᑉᓚᒥ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑕ ᐋᓐᓂᕐᓯᕐᑕᐅᑎᓚᐅᕐᓗᓂᒋᑦ ᑐᖁᕋᕐᑕᐅᑎᑉᐰᑦ ᕼᐊᒫᑎᒥ ᓄᓇᒥ. ᑕᕝᕙ ᔫᑕᒥᐅᑦ ᐊᐅᓪᓚᕈᑦᔭᐅᓚᐅᕐᐳᑦ ᓄᓇᒋᓚᐅᕐᓯᒪᓐᖏᑕᒥᖕᓂᒃ ᓄᓇᑖᕐᑎᑕᐅᓪᓗᑎᒃ.

ᐃᓐᖏᕈᑎᑦ 51:11

ᐊᓂᑎᓐᓂᐊᕐᓇᖓ ᓇᔪᒐᕐᓂᑦ, ᐊᕐᓵᕐᑍᓕᓐᖓᓗ ᐊᓂᕐᓂᕐᓂᒃ ᐃᑦᔪᕐᓁᑦᑐᒥᒃ.

ᔨᕆᒤᐊᐅᑉ ᐊᒡᓚᖏᑦ 15:4

ᐊᖓᔪᖅᑳᕐᔪᐊᓄᑦ ᓄᓇᕐᔪᐊᓕᒫᒥ ᑲᑉᐱᐊᓲᑎᒃᓴᐅᑎᓐᓂᐊᕐᐸᒃᑲ ᐊᖓᔪᖅᑳᕐᔪᐊᑉ ᒫᓇᓯᐅᑉ ᕼᐃᓯᑬᐊᐅᑉ ᐃᕐᓂᖓᑕ ᐱᓂᐊᕐᓂᕆᓚᐅᕐᑕᖏᑦ ᔨᕉᓴᓕᒧᑦ ᐱᑦᔪᑎᒋᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 23:20

ᐊᑕᓂᐅᑉ ᓂᓐᖓᐅᒪᓂᖓ ᓴᖑᓂᐊᕈᓐᓃᕐᐳᖅ ᐱᔪᒪᔭᖓ ᐊᑑᑎᓚᐅᖏᓐᓂᖓᓂ, ᐅᓪᓗᐃᑦ ᑭᖑᓪᓕᖏᓐᓂ ᑐᑭᓯᑦᓯᐊᕈᒫᕐᐸᓯ ᑕᒪᓐᓇ.

ᔨᕆᒤᐊᐅᑉ ᐊᒡᓚᖏᑦ 23:33

“ᐃᓄᐃᑦ, ᐅᖃᕐᑏᓪᓘᓐᓃᑦ, ᑐᓂᕐᕈᓯᕐᑎᑦᓯᔩᓪᓘᓐᓃᑦ ᐊᐱᕆᒃᐸᑕ, ‘ᐊᑕᓂᐅᑉ ᐅᖁᒤᒋᔭᖓ ᓱᓇᐅᕙ?’ ᐅᖃᐅᑎᔪᒫᕐᐸᑎᑦ, ‘ᐃᓕᑦᓯ ᐅᖁᒤᒋᔭᐅᕗᓯ, ᐃᒋᑦᓱᒫᕐᐸᑦᓯᓗ, ᐊᑕᓂᖅ ᐅᖃᕐᐳᖅ.’

ᔨᕆᒤᐊᐅᑉ ᐊᒡᓚᖏᑦ 23:39

ᑍᒤᒻᒪᑦ, ᑕᑯᒋᑦ, ᖁᓚᕐᓇᖏᑦᑐᒥᒃ ᐃᒋᑦᓱᒫᕐᐸᑦᓯ ᓇᔪᕐᑕᓐᓂᑦ, ᐃᒡᓗᒐᓴᒡᔪᐊᑦ ᓯᕗᓕᑦᓯᓐᓄᑦ ᑐᓂᓚᐅᕐᑕᒃᑲ ᐱᖃᓯᐅᑎᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 31:37

ᐊᑕᓂᖅ ᐃᒫᒃ ᐅᖃᕐᐳᖅ, “ᕿᓚᐅᑉ ᐊᖏᓂᖓ ᐆᒃᑐᕋᕐᑕᐅᔪᓐᓇᕋᔭᕐᐸᑦ, ᓄᓇᕐᔪᐊᓪᓗ ᑐᓐᖓᕕᖓ ᖃᐅᔨᔭᐅᔪᓐᓇᕐᓯᓗᓂ, ᑕᕝᕙ ᐃᓴᕆᐊᓕᒥᐅᑦ ᑭᖑᕚᖏᑦ ᐃᒋᑦᓱᒫᕐᐸᒃᑲ ᐱᓂᐊᕐᓂᕆᓚᐅᕐᑕᖏᑦ ᐱᑦᔪᑎᒋᓪᓗᒋᑦ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 32:31

ᑖᒃᑯᐊ ᐃᒡᓗᒐᓴᒡᔪᐊᑦ ᓂᓐᖓᒃᓮᓂᖏᓐᓄᑦ ᓂᓐᖓᒃᓯᒪᕗᖓ, ᓴᓇᔭᐅᓂᕐᒥᓂᑦ ᐱᒋᐊᕐᓗᓂ ᐅᓪᓗᒥᒧᑦ ᑎᑭᓪᓗᒍ, ᑍᒤᒻᒪᑦ ᓵᓐᓂᑦ ᐲᕈᒪᕙᒃᑲ.

ᔨᕆᒤᐊᐅᑉ ᐊᒡᓚᖏᑦ 33:24

“ᐃᓄᐃᑦ ᐅᖃᓪᓚᖕᓂᖏᑦ ᖃᐅᔨᒪᕕᒌᑦ? ᐅᖃᕐᒪᑕ, ‘ᐊᑕᓂᐅᑉ ᐊᖓᔪᖅᑲᐅᕕᒃ ᓂᕈᐊᓚᐅᕐᑕᓂ ᐃᓚᒌᒃ ᒪᕐᕉᒃ ᓇᕐᕈᒋᓕᕐᐹᒃ.’ ᑍᒤᒻᒪᑦ ᐃᓄᖁᑎᒃᑲ ᓇᕐᕈᒋᓕᕐᐰᑦ ᐃᓅᖃᑎᒌᒡᔪᐊᖑᔪᓐᓃᕐᓗᑎᒡᓗ ᑖᑦᓱᒪ ᓵᖓᓂ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:7

ᐊᑕᓂᐅᑉ ᑐᓂᕐᕈᓯᕐᕕᖁᑎᓂ ᐃᑦᔪᕐᓁᑦᑐᒃᑯᕕᖁᑎᓂᓗ ᖁᔭᓈᕐᐰᑦ ᐃᒡᓗᒐᓴᒡᔪᐊᖁᑎᒥᓗ ᐊᕙᓗᕐᔪᐊᖏᑦ ᓯᖁᒥᑕᐅᑎᑉᐰᑦ ᐊᑭᕋᖏᓐᓄᑦ, ᓵᓚᖃᕐᓂᕐᒥᒃ ᓂᓪᓕᐊᕕᐅᓕᕐᐳᑦ ᑐᒃᓯᐊᕐᕕᒃᔪᐊᖁᑎᕗᑦ ᓂᕐᑐᐃᕙᓗᒃᑐᓂᒃ ᓂᓪᓕᐊᕕᐅᕙᓚᐅᕐᑐᖅ ᓇᓪᓕᐅᓐᓂᕐᓯᐅᕖᑦ ᐊᑐᕐᑎᓪᓗᒋᑦ.